કેન્દ્રીય આરોગ્ય અને પરિવાર કલ્યાણ મંત્રી ડૉ.મનસુખ માંડવિયા, અને કેન્દ્રીય આરોગ્ય અને પરિવાર કલ્યાણ રાજ્ય મંત્રી ડૉ. ભારતી પ્રવિણ પવારે આજે ​​નિર્માણ ભવન, નવી દિલ્હી ખાતેથી 33 એમ્બ્યુલન્સ (13 એડવાન્સ લાઈફ સપોર્ટ એમ્બ્યુલન્સ અને 20 બેઝિક લાઈફ સપોર્ટ એમ્બ્યુલન્સ)ને ફ્લેગ ઓફ કરી. આ પ્રસંગે કેન્દ્રીય રસાયણ અને ખાતર રાજ્ય મંત્રી શ્રી ભગવંત ખુબા પણ હાજર હતા.

કેન્દ્રીય મંત્રીઓને એમ્બ્યુલન્સ દ્વારા પૂરી પાડવામાં આવતી સુવિધાઓ અને સેવાઓ વિશે માહિતી આપવામાં આવી હતી.

ભારતમાં કોવિડ પ્રતિસાદ માટે ફાળવવામાં આવેલા ભંડોળ હેઠળ, ઇન્ટરનેશનલ ફેડરેશન ઓફ રેડ ક્રોસ એન્ડ રેડ ક્રેસન્ટ સોસાયટીઝ (IFRC) એ ALS એમ્બ્યુલન્સ, BLS એમ્બ્યુલન્સ, મોબાઈલ હેલ્થ યુનિટ્સ અને મોબાઈલ બ્લડ કલેક્શન વાન માટે કેટલાક ભંડોળ ફાળવ્યા છે. 33 એમ્બ્યુલન્સ એ તબીબી વાહનોના પ્રથમ લોટનો ભાગ છે જે ભારતીય રેડ ક્રોસ સોસાયટી (IRCS) શાખાઓની આરોગ્ય અને આપત્તિ પ્રતિભાવ ક્ષમતાને સુધારવા માટે મોકલવામાં આવી રહી છે.

IRCS એ કોવિડ-19 સામેની લડાઈમાં મહત્વની ભૂમિકા ભજવી છે અને રોગચાળાની અસરને ઘટાડવામાં ઘણો ફાળો આપ્યો છે. તેઓએ સમગ્ર દેશમાં રક્તની ઉપલબ્ધતા સુનિશ્ચિત કરવા માટે અનેક શિબિરો યોજી છે. પ્રવૃત્તિઓની વ્યાપક શ્રેણી સાથેનો બહુપરીમાણીય પ્રતિભાવ એ સંસ્થા તરીકે IRCSની ક્ષમતાનું પ્રમાણપત્ર છે.

SD/GP/NP

સોશિયલ મીડિયા પર અમને ફોલો કરો :  @PIBAhmedabad    /pibahmedabad1964    /pibahmedabad  pibahmedabad1964[at]gmail[dot]com