লৈবাক অসিবু শৌগৎনবা অমদি চাং মান্নবা মওংদা চাওখৎপা পুরক্নবগীদমক অমসুং শেল-থুম অমদি সমাজতা অচৌবা অহোংবশিং পুরক্নবগীদমক ভারতকী মীশিংগী ৬৭.৭% ওইরিবা নুপীশিং অমদি অঙাংশিংগী শক্তি লৈহনবা অমদি ঙাক-শেনবা  অমসুং শাফবা অমদি সেক্যোর ওইবা এনবাইরোনমেন্ত অমদা মখোয়বু দিপ্লাই তৌবা হায়বসি য়াম্না মরু ওই৷

নুপীশিং অমদি অঙাংশিংগীদমক স্তেত এক্সনদা লৈরিবা গেপশিং অসিবু মেনশিনবা অমদি জেন্দরদা থাক মান্নহনবা অমসুং অঙাংদা য়ুমফম ওইবা লেজিসলেসন, পোলিসীশিং অমদি প্রোগ্রামশিং শিন্নবা ইন্তর-মিনিস্তিরিএল অমসুং ইন্তর-সেক্তোরেল কনবর্জেন্স প্রমোত তৌবা অমদি এসেসিবল, এফোর্দেবল, রিলাইয়েবল ওইবা অমসুং তুহৎপিবা অমদি হিংশাগী থবকশিংদগী লাপনা লৈবা এনবাইরোনমেন্ত অমদা নুপীশিং অমদি অঙাংশিংবু লৈহনবা হায়বসিনা ৱুমেন অমদি চাইল্দ দিবেলপমেন্ত মন্ত্রালয়গী মরু ওইবা পান্দমনি৷ হিরম অসিদা, মন্ত্রালয়গী স্কিমশিংগী মখাদা থম্লিবা পান্দমশিং অসি স্কিমশিং অসিবু চলাইবদা গ্রাউন্দদা অচৌবা থৌদাং লৌবিরিবা রাজ্য সরকারশিং অমদি য়ু.তি. সাসনশিংগী মতেংগা লোইননা ফংবা ঙমগনি৷ মথক্তা পল্লিবা পান্দমশিং অসি ফংবা ঙম্নবা, মন্ত্রী মন্দলনা মন্ত্রালয়গী মরু ওইবা অমব্রেল্লা স্কিম ৩দা অয়াবা পীখ্রে, হায়রিবা স্কিমশিং মমিং ওইনা, মিসন পোশান ২.০, মিসন শক্তি অমসুং মিসন বতসালয়া অসি মিসন মোদ ওইবা মওংদা চৎনরগনি৷  হায়রিবা মিসন ৩ পুম্নমক ১৫শুবা ফাইনান্স কম্মিসনগী মতম ২০২১-২২দগী ২০২৫-২৬ ফাওবগী মনুংদা চৎনরগনি৷

মন্ত্রালয়না রাজ্যশিং/য়ু.তি.শিংগা লোইননা জোনাল কনফরেন্সশিং চান্দিগর (এপ্রীল ২), বেঙ্গালুরু (এপ্রীল ৪), গুৱাহতি (এপ্রীল ১০), মুম্বাই (এপ্রীল ১২) অমসুং ভুবনেস্বর (এপ্রীল ১৩)দা শিল্লগনি৷ কোওপরেতিব ফেদেরেলিজমগী অশেংবা স্পিরিততা লাক্কদৌরিবা চহি ৫গী মতমদা স্কিমশিং অসি নিংথিনা চৎনহন্নবা মন্ত্রালয় অসিগী অমব্রেল্লা স্কিম ৩দা রাজ্য সরকারশিং/য়ু.তি. সাসনশিংবু সেন্সিতাইস তৌবা হায়বসিনা জোনাল কনফরেন্সকী পান্দমনি, মসিনা লৈবাক অসিদা লৈরিবা নুপীশিং অমদি অঙাংশিংদা কান্নবা পীনবগীদমক মিসনশিং অসিগী মখাদা সমাজ ওইবা অচৌবা অহোংবশিং পুরকপা ঙমগনি৷

মিসন পোশান ২.০ অসি ইন্তিগ্রেতেদ ন্যুত্রিসন সপোর্ত প্রোগ্রাম অমনি৷ ন্যুত্রিসন কন্তেন্ত অমদি দেলিভরীদা স্ত্রাতিজিক শিফত অমা পুরক্তুনা  অমদি হকচাং অমসুং ইম্ম্যুনিতীবু ফনা থমগদৌরিবা প্রেক্তিসশিংবু শেমগৎনবা অমদি প্রমোত তৌনবা কনবর্জেন্ত ইকো-সিস্তেম অমা শেমগৎতুনা অঙাংশিং, ইনখৎলক্লিবা নুপীমচাশিং, মীরোনবী নুপীশিং অমদি শঙ্গোম পীথক্লিবা মমাশিংদা থেংনরিবা মালন্যুত্রিসনগী চেলেঞ্জশিং অসি থেংননবা হোৎনরি৷ পোশান ২.০না সপ্লিমেন্তরী ন্যুত্রিসন প্রোগ্রামগী মখাদা চিঞ্জাক্কী ক্বালিতী অমদি দেলিভরীবু খ্বাইদগী ফবা মওংদা লৈহন্নবা হোৎনগনি৷ পোশান ২.০না মরু ওইবা প্রোগ্রামশিং/স্কিম ৩ মমিং ওইনা হায়রবদা, অনগনৱাদি সর্ভিসেস, ইনখৎলক্লিবা নুপীমচাশিংগী স্কিম অমদি পোশান অভিয়নবু মহাক্কী ঙমখৈগী মনুংদা পুরক্লগনি৷

নুপীশিংনা পুন্সিগী তোঙান তোঙানবা তাংককশিং ফাওদুনা লাক্লবা মখোয়দা খঙবা হৈবা হেনগৎলকপনা নুপীশিংবু মখোয়না লেপ্লিবা খোংফংদা অকাইবা পীদনবা ইন্তিগ্রেতেদ কেয়র, সেফতী প্রোতেক্সন, রিহেবিলিতেসন অমসুং হেন্না শক্তি লৈহন্দুনা নুপীশিংগীদমক য়ুনিফাইদ ওইবা সিতিজন-সেন্ত্রিক লাইফসাইকল সপোর্ত পীনবা মিসন শক্তি না অশা তৌরি৷ মিসন শক্তিগী সব-স্কিম অনি ‘সম্বল’ অমসুং ‘সমর্থা’ লৈ৷ অদুগা “সম্বল” সব-স্কিম অসি নুপীশিংগী সেফতী অমদি সেক্যুরিতীগীদমক লৈরিবা স্কিমনি অদুগা “সমর্থা” সব-স্কিম অসিনা নুপীশিংবু হেন্না শক্তি লৈহন্নবগীদমক লৈরিবা স্কিমনি৷

ভারত্তা লৈরিবা অঙাং খুদিংমক হকচাং ফবা অমদি নুংঙাই য়াইফবা অঙাং ওইরিঙৈগী মতমদা ওইহনবা; অঙাংশিংগী দিবেলপমেন্তদা সেন্সিতিব ওইবা, সপোর্তিব ওইবা অমদি সিনক্রোনাইজ ওইবা ইকোসিস্তেম অমবু য়োকখৎপিবা; জুবেনাইল জস্তিস এক্ত ২০১৫গী মেন্দেৎপু ফংহনবদা রাজ্যশিং/য়ু.তি.শিংবু মতেং পাংবা; এস.দি.জি. গোলশিং ফংনবা হোৎনবা হায়বসিনা মিসন বতসালয়াগী পান্দমনি৷ মিসন বতসালয়াগী মখাদা লৈরিবা কম্পোনেন্তশিংগী মনুং চনগদৌরিবশিং অদুদি স্তেত্যুতরী বোদীশিং; সর্ভিস দেলিভরী স্ত্রকচরশিং; ইন্সতিত্যুসনেল কেয়র/সর্ভিসেস; নন-ইন্সতিত্যুসনেল কম্ম্যুনিতী বেজ কেয়র; ইমর্জেন্সী আউত্রিচ সর্ভিসেস; ত্রেনিং অমসুং কেপাসিতী বিল্দিংনি৷

অমব্রেল্লা মিসনশিংগী মখাদা লৈরিবা স্কিমশিং অসি সেন্ত্রেল্লী স্পোন্সর তৌবা স্কিমশিংনি, মসি রাজ্য সরকারশিং/য়ু.তি. সাসনশিংনা কোস্ত সেয়রিং নোর্মশিংগী মতুং ইন্না কোস্ত-সেয়রিং বেসিস্তা চৎনহল্লি৷ স্কিমগী চৎন-কাংলোনশিং রাজ্যশিং/য়ু.তি.শিংদা খঙহল্লি৷

******