ভারতকী রাস্ত্রপতি শ্রী রাম নাথ কোবিন্দনা ঙসি (২০২২গী মার্চ ২৯দা) ন্যু দিল্লীদা  অহুমশুবা নেসনেল ৱাতর এৱার্দস খুৎশিন্নখ্রে অমদি জল শক্তি অভিয়ন: কেতচ দি রেন কেম্পেন্দ ২০২২ হৌদোকখ্রে৷

থৌরম অদুদা ৱা ঙাংলদুনা, ৱাতর মেনেজমেন্তগী ফিল্দদা শিন্থানিংঙাই ওইবা থবক  তৌবগীদমক নেসনেল ৱাতর এৱার্দশিং খুৎশিন্নবা অমদি ঐখোয়গী নোংমগী পুন্সিসিদা ইশিংগী মরু ওইবা তঙাই ফদবা অদু খঙহন্নবা ইশিংগী কেম্পেন্দ হেন্না শন্দোকপা অসি থাগৎনিংঙাইনি হায়না রাস্ত্রপতিনা ফোংদোকখি৷

‘জল শক্তি অভিয়ন : কেতচ দি রেন ২০২২’ হৌদোকপা অসিনা রাস্ত্রপতি মশামক্তা য়াম্না নুংঙাইবা পোকহল্লি হায়না রাস্ত্রপতিনা ফোংদোকখি৷ কেম্পেন্দগী ইদিসন অসিদা মীৎয়েং থম্লিবা ইন্তরবেন্সনশিংদা থবক তৌননবা মহাক্না মীপুং খুদিংমক্তা তকশিনখি৷ ইশিং য়োকশিনবগী থবক অসিদা মীপুং খুদিংমক্না এক্তিবলী শরুক য়ানবগীদমক লমদম অসিদা লৈরিবা মীয়ামগী পুক্নিং ওলহনবদা দিস্ত্রিক মেজিসত্রেতশিং অমদি ভিলেজ সর্পাঞ্চশিং য়াম্না মরু ওইবা থৌদাং অমা লৌগদবনি হায়না মহাক্না ফোংদোকখি৷ ভারত্তা ইতিহাসিক ওইরবা মওংদা খ্বাইদগী চাওবা ভেক্সিনেসন দ্রাইব পাংথোক্লিবা মতৌ অসিগুম্না ঐখোয় পুম্নমক্না মসিগী কেম্পেন্দ অসি ইতিহাস্তা খ্বাইদগী চাওবা ইশিং য়োকশিনবগী কেম্পেন্দ ওইহনগদবনি হায়না পরৈ-ৱাশক চন্নবা মহাক্না মীপুং খুদিংমক্তা তকশিনখি৷

‘ইশিংনা পুন্সিনি’ হায়না হায়বদা অদুক্কী মতিক চান্নৈ হায়না রাস্ত্রপতিনা ফোংদোকখি৷ মহৌশানা ইশিংগী রিসোর্সশিং অসি মীওইবা জাতিদা ফংহনবিদুনা থৌজালবিরে৷  মসিনা ঐখোয়দা চাওরবা তুরেলশিং ফংহল্লে অমদি তুরেলশিং অসিগী তোর্বানশিংদা মমিং লৈরবা সিবিলাইজেনশিং চাওখৎনা পাল্লমখি৷ তুরেলশিং অসি ভারতকী চৎনবিদা অখন্ননা মরু ওই অমদি ইমানি হায়না লাৎনৈ৷ ঐখোয়না তুরেলশিং অসি ইরাৎ-থৌনিজনবগীদমক কৎথোক্লবা মফমশিং লৈ – গঙ্গা অমসুং য়মুনাগীনা উত্তরখন্দদা, নর্মদাগীনা মধ্য প্রদেশতা অমদি গঙ্গা-সাগরগীনা বেঙ্গলদা লৈ৷ অসিগুম্বা ধর্মগী থবক থৌরমশিং অসিনা ঐখোয়বু মহৌশাগা মরী লৈনহন্দুনা থম্মী৷ পুখ্রিশিং অমদি গুহাশিং তৌরকপা অসি ৱাখল লৈবা থৌওং অমনি হায়না লৌনরমখি৷ লাইবক থিবদি, মোদর্নিতী অমদি ইন্দস্ত্রীএল ইকোনোমী লাকপদগী, ঐখোয়না মহৌশাগা মরী লৈনদুনা লৈরম্বা অদু মাংখ্রে৷ মীশিং হেনগৎলকপা অসিসু ফেক্তরশিংগী মনুংদা অমনি৷ ঐখোয়বু কান্নবা পীরিবা মহৌশাদগী ঐখোয় ইশানা ইশাবু মরী থদৎচবা থেংনরে৷ ঐখোয়গী থাগৎ-ৱাহৈ ফোংদোকচনবা অমদি য়ামুনাদা খুরুমজনবা য়ামুনোত্রি ফাওবগী খোংচৎ অসি ঐখোয়না অরুবা ওইহল্লি৷ অদুবু ঐখোয়না কোনুং দিল্লীদা হংলকপা মতমদা, হায়রিবা তুরেল অদুবু য়াম্না মোৎশিনবা ঐখোয়না থেংনখি, অমদি মদু ঐখোয়গী শহরগী পুন্সিদা মখাতানা কান্নবা পীররোইদবা অমা ওইহল্লি৷

চহি চুপ্পা শহরশিংদা ইশিং পীরিবা পুখ্রিশিং অমদি পাৎকুম্বা ইশিংগী সোর্সশিং অসিসু আর্বানাইজেসনগী শাফুনা মুৎথরকখ্রে হায়না রাস্ত্রপতিনা ফোংদোকখি৷ মসিনা ইশিং মেনেজমেন্ত তৌববু মথক মখা ওলহল্লে৷ গ্রাউন্দ ৱাতর ফংবগী চাং তারক্লি অমদি ইশিংগী লেবেলবু কুমথরক্লি৷ অমরোমদা, শহরশিংনা অথাপ্পা মফমশিংদগী মখোয়গী ইশিং চিংলক্লি অমদি অমরোমদনা, চৎনবা লম্বীশিং অসি নোংজুথাগী মতমদা ইশিং থুম্লি৷ হৌখিবা চহি খুজিং খরসিদা ইশিং মেনেজমেন্ত তৌবগী পেরাদোক্স অসিগী মরমদা সাইন্তিস্তশিং অমদি এক্তিবিস্তশিংনসু মখোয়গী থৌদাং ফোংদোক্তুনা লাক্লি হায়না মহাক্না ফোংদোকখি৷ ভারত্তা, ঐখোয়গী লৈবাক অসিদা মালেমগী মীশিংগী চাদা ১৮ লৈবনা মরম ওইদুনা মসিগী প্রোব্লেম অসি হেন্না হেন্না লুশিল্লক্লি, অদুগা ঐখোয়দা ফ্রেশ ওইবা ইশিংগী চাং চাদা ৪ খক্তমক লৈরি৷ ইশিং ফংবগী চাং অসি তম্বা ঙমদে অমদি নোংগী ইশিংদা কা হেন্না মখা পোন্দুনা লৈরি৷

ইশিংগী ইসু অসি ক্লাইমেত চেঞ্জকী হেন্না চাওবা ক্রাইসিস অমগী শরুক অমনি হায়না রাস্ত্রপতিনা ফোংদোকখি৷ ক্লাইমেত হোংলকপনা, ইশিং ইচাউ অমদি ইকং থোকপগী ফিভমশিং হেন্না হেন্না তোইরক্লি অমদি হেন্না হেন্না ফিভম লুশিল্লক্লি৷ হিমালয়ান গ্লেসিয়রশিং শৌদোরক্লি অমদি সমুদ্রগী থাক হেনগৎলক্লি৷ অসিগুম্বা অহোংবশিং অসিগী তমথিরবা ফলশিং অসিনা লৌমীশিং, নুপীশিং অমদি লাইরবশিংগী পুন্সিদা হেন্না শাথিবা শাফু অমা পীরি৷

ঙসিদি ইশিংগী ক্রাইসিস অসি মালেমগী ওইবা ক্রাইসিস অমা ওইরে অমদি মসিনা য়াম্না তমথিবা মওংশিং লৌবা ঙম্মী হায়না রাস্ত্রপতিনা ফোংদোকখি৷ মতুং তারকপদা, মসিনা মালেমগী ওইনা খৎননবগী অচৌবা মরম অমা ওইরকপা য়াই হায়না দিফেন্স এক্সপর্ত খরনা ফাওবা ফোংদোকপা লৈখ্রে৷ অসিগুম্বা ফিভমশিং অসিদগী মীওইবা খুনাইবু কন্নবা ঐখোয় পুম্নমক্না শেম-শাদুনা মীকুপ নাহুম শিংনা লৈগদবনি৷ হিরম অসিগীদমক ভারত সরকারনা ইফেক্তিব ওইবা খোংথাংশিং লৌখৎলিবা অসিদা মহাক্না অপেনবা ফোংদোকখি৷

ক্লাইমেত চেঞ্জকী ইম্পেক্ত থেংনবা অমদি ঐখোয়গী পৃথিবীবু ঙাক শেনবা হায়বসি ঐখোয় পুম্নমক্কী মাংদা তাদুনা লৈরিবা অচৌবা চেলেঞ্জ অমনি হায়না রাস্ত্রপতিনা ফোংদোকখি৷ চেলেঞ্জ অসি থেংননবা, ভারত সরকারনা অনৌবা এপ্রোচ অমদি মেথোদোলোজী অমা শিজিন্নখ্রে৷ ভারত সরকারনা এনবাইরোনমেন্ত অমদি ফোরেস্ত মন্ত্রালয় মমিং হোংদুনা অমদি মদুদা ‘ক্লাইমেত চেঞ্জ’ হাপচিন্দুনা ২০১৪দা চেঞ্জকী আর্লী ইন্দিকেসন অমা পীখি৷ মাইকৈ অসিদা চংশিল্লক্তুনা, ২০১৯ চহিদা, মন্ত্রালয় অনি পুনশিন্নদুনা, ইশিংগী ইসু অসিগী মতাংদা ইন্তিগ্রেতেদ অমদি হোলিস্তিক ওইবা মওং অমদা থবক তৌনবা অমদি মসিদা খ্বাইদগী হেন্না প্রাইয়োরিতী পীনবা জল শক্তি মন্ত্রালয় শেমখি৷

ক্লাইমেত চেঞ্জকী ইফেক্তশিং অসি হন্থহন্নবা অমদি ইশিং নিংথিজনা শিজিন্নদুনা, ইশিংগী সোর্সশিং ঙাক শেন্দুনা, পোলুসন হন্থহন্দুনা অমদি সেনিতেসন তৌদুনা ইশিংগী সেক্যুরিতী লৈহন্নবা ভারতনা ইফেক্তিব ওইবা খোংথাংশিং লৌখৎখ্রে হায়না রাস্ত্রপতিনা নুংঙাইবা ফাওখি৷ হৌখিবা চহি খরা অসিদা, সরকারগী পোলিসীশিং অসিদা য়াওরিবশিং অদুদি তুরেলশিং রেজুবিনেত তৌবা, রিবর বেসিনশিং নিংথিনা য়েংশিনবা, হেন্না ফবা মওং অমদা ইশিংগী সেক্যুরিতী ফগৎহন্নবা মতম শাংনা পন্দুনা লৈরিবা ইরিগেসন প্রোজেক্তশিং অথুবা মতমদা লোইশিনবা অমদি হৌজিক লৈরিবা দামশিং রেজুবিনেত তৌবা য়াওরি হায়না মহাক্না ফোংদোকখি৷

ইশিংবু মীপুং খুদিংমক্কী বিজিনেস ওইহন্নবা অমদি জল অন্দোলনবু জন অন্দোলন অমা-অচৌবা ইহৌ অমা ওইহন্নবগীদমক, ভারত সরকারনা ২০১৯দা ‘জল শক্তি অভিয়ন’ হৌদোকখি হায়না রাস্ত্রপতিনা ফোংদোকখি৷ হায়রিবা চহি অসিমক্তদা, 'জল জীবন মিসন'সু হৌদোকখি৷ মমাংগী চহি মার্চ ২২দা, 'মালেমগী ইশিংগী নুমিৎ'তা, 'জল শক্তি অভিয়ন: কেতচ দি রেন' কেম্পেন্দ প্রধান মন্ত্রীনা হৌদোকখি,  মসি প্রি-মুন্সুন অমসুং মুন্সুনগী মতমদা লৈবাক অসিগী খুঙ্গং অমসুং শহরগী মফমশিংদা লৈরিবা জিলা পুম্নমক্তা চৎথখি৷ কোরোনা লাইনা-লাইচৎকী চেলেঞ্জশিং লৈনা-লৈনা কেম্পেন্দ অসি মাই পাক্নবা হোৎনবদা রাজ্য সরকারশিংনা থাগৎনিংঙাই ওইবা থৌদাংশিং লৌখিবা অসিগীদমক মহাক্না রাজ্য সরকারশিংবু থাগৎপা ফোংদোকখি৷

নেসনেল ৱাতর এৱার্দ-ৱিন্নরশিংনা মশা মশাগী মরী লৈনবা ফিল্দশিংদা ইশিংগী মেনেজমেন্তগীদমক পাইখৎখিবা থবক অদু পল্লদুনা, রাস্ত্রপতিনা ফোংদোকখি মদুদি অসিগুম্বা খুদমশিং অসিগী মতুং ইন্না, ঐখোয়না ইশিং মরাং-কাইনা ফংবা তুং অমা ওইনবগীদমক অশা তৌবা য়াই৷ মখোয় পুম্নমক মহাক্না থাগৎপা ফোংদোকখি অমদি মখাতানা চুনবা খুদমশিং ওইননবা অমদি ময়াম পুম্নমক্কী পুক্নিং থৌগৎনবগী সোর্স অমা ওইনবা মখোয়দা মহাক্না তকশিনখি৷ মসিগী এৱার্দশিং অসিনা ভারত্তা লৈরিবা প্রজাশিংগী ৱাখল্লোনদা ইশিংগী তঙাই ফদবা অদু খঙহল্লগনি অমদি মসিনা শাজৎ হোংহনবদা মতেং পাংলগনি হায়না মহাক্না ফোংদোকখি৷

রাস্ত্রপতিগী ৱারোল তানবগীদমক মফম অসিদা নম্বিয়ু

*******