প্ৰধানমন্ত্ৰীৰ কাৰ্যালয়
বিশ্ব জল দিৱসত প্ৰতিটোপাল পানী সংৰক্ষণৰ বাবে প্ৰতিশ্ৰুতিবদ্ধ হ’বলৈ জনসাধাৰণৰ প্ৰতি আহ্বান প্রধানমন্ত্রীৰ
Posted On:
22 MAR 2022 10:33AM by PIB Guwahati
প্রধানমন্ত্রী শ্রী নৰেন্দ্র মোদীয়ে বিশ্ব জল দিৱস উপলক্ষে প্ৰতিটোপাল পানী সংৰক্ষণৰ বাবে জনসাধাৰণৰ প্ৰতি আহ্বান জনায়৷ তেওঁ ব্যক্তি আৰু যিবোৰ প্রতিষ্ঠানে পানী সংৰক্ষণৰ কামত জড়িত তেওঁলোকৰ ভূমিকাৰ প্রশংসা কৰে৷
এলানি টুইটযোগে প্রধানমন্ত্রীয়ে কয়,
“বিগত কেইবা বছৰ ধৰি পানী সংৰক্ষণ গন আন্দোলনত পৰিণত হোৱাৰ বাবে বহুত ভাল লাগিছে। দেশৰ প্রতিটো প্রান্তত পানী সংৰক্ষণৰ বাবে বিভিন্ন উদ্ভাৱনী পদক্ষেপ লোৱা হৈছে। পানী সংৰক্ষণক লৈ যিবোৰ প্রতিষ্ঠান আৰু ব্যক্তিয়ে কাম কৰিছে তেওঁলোক প্রশংসাৰ পাত্ৰ।”
“অদ্ভিঃ সর্বানি ভূতানি জীৱন্তি প্রভৱন্তি চ।।
বিশ্ব জল দিৱসত আহক আমি শপত লওঁ যে আমি প্ৰতিটোপাল পানী সংৰক্ষণ কৰিম। আমি নাগৰিকসকলৰ বাবে বিশুদ্ধ খোৱা পানীৰ ব্যৱস্থা কৰিম আৰু পানী সংৰক্ষণৰ বাবে দেশত জল জীৱন মিচনৰ দৰে বিভিন্ন প্রকল্প ৰূপায়ণ কৰা হৈছে৷”
জল জীৱন মিচনৰ জৰিয়তে “মা-ভগ্নীসকলৰ জীৱনযাত্রাক সহজ কৰি তোলা হৈছে৷ প্রত্যেকৰে অংশীদাৰিত্বৰ জৰিয়তে ঘৰে ঘৰে নলসংযোগী পানী প্ৰদানৰ সংকল্প পূৰণ হ’ব।”
“আহক আমি সুস্থিৰ এটা গ্রহৰ বাবে আৰু অধিক জল সংৰক্ষণত ব্রতী হও৷ প্রতিটোপাল পানী সংৰক্ষণৰ জৰিয়তে জনসাধাৰণ উপকৃত হ’ব আৰু আমাৰ উন্নয়ন ত্বৰান্বিত হ’ব৷”
***
DS/ST/DB
(Release ID: 1808544)
Visitor Counter : 241
Read this release in:
Malayalam
,
English
,
Urdu
,
Marathi
,
Hindi
,
Manipuri
,
Bengali
,
Punjabi
,
Gujarati
,
Odia
,
Tamil
,
Telugu
,
Kannada