وزیراعظم کا دفتر

وزیراعظم  نے پانی کے عالمی دن کے موقع پر لوگوں سے پانی کے ہر قطرے  کو بچانے کا عہد کرنے کی اپیل کی 

Posted On: 22 MAR 2022 10:33AM by PIB Delhi

 وزیراعظم جناب نریندر مودی نے پانی کے عالمی دن کے موقع پر لوگوں سے پانی کے ہر ایک قطرے کو بچانے کا عہد کرنے کی اپیل کی ہے۔ اس موقع پر انہوں نے ان تمام افراد اور تنظیموں کی بھی ستائش کی جو پانی کی بچت  اور تحفظ کے لئے کام کررہے ہیں۔

وزیراعظم نے اپنے سلسلہ وار ٹویٹس میں کہا؛

"گزشتہ چند برسوں کے دوران، ملک کے تمام حصوں میں  پانی  کے تحفظ کے تئیں  جس طرح کی کوششیں کی گئی ہیں اور اسے عوامی تحریک بنا دیا گیا ہے یہ کافی خوش کن ہے  اور اس کے لئے  نئی نئی اختراعی کوششیں بھی کی جارہی ہیں۔ میں ان تمام افراد اور تنظیموں کی تعریف کرتا ہوں جو پانی کو بچانے  اور اسے محفوظ رکھنے کے لیے مسلسل کام کر رہے ہیں۔"

"अद्भिः सर्वाणि भूतानि जीवन्ति प्रभवन्ति च।।

پانی کے عالمی دن کے موقع پر، ہمیں اس عہد کا ایک بارپھر اعادہ کرنا ہے کہ ہم پانی کے ہر قطرے کو بچائیں گے۔ یہ ملک اپنے شہریوں کے لئے پینے کے لائق پانی کے ہر ہر قطرے کے تحفظ کے تئیں پابندعہد ہے اور اس کے لئے کئی ناقابل فراموش اور بے مثال اقدامات کئے جارہے ہیں جیسے ’ جل جیون مشن ‘ جس کے ذریعہ پورے ملک میں پانی کا تحفظ کیا جارہا ہے۔

’’  ماؤں اور بہنوں کی زندگیوں کو آسان بنانے میں جل جیون مشن کافی موثر ثابت ہوررہا ہے۔ ہرہر فرد کی حصہ داری اور شراکت داری کے ذریعہ سے  گھر-گھر نل سے پانی پہنچانے کا عہد پورا ہوگا‘‘۔

"آئیں! ہم سب  مل کر، پانی کے تحفظ کے لیے اپنے عہد پر مزید کاربند ہوجائیں تاکہ اپنے اس  سیارے (زمین)کو مزید رہنے بسنے کے قابل بنائیں۔پانی کا ہر قطرہ (جسے ہم بچائیں گے)ہمارے لوگوں کی مدد کرےگا اور ہماری ترقی کو مہمیز دےگا ۔"

 

 

 

*************

  

ش ح ۔ س ک ۔ م ص

U. No.2969



(Release ID: 1808041) Visitor Counter : 177


Read this release in: Malayalam , English , Marathi , Hindi , Manipuri , Bengali , Assamese , Punjabi , Gujarati , Odia , Tamil , Telugu , Kannada