প্রধান মন্ত্রী, শ্রী নরেন্দ্র মোদীনা ঙসি ভিদিও কনফরেন্সিংগী খুত্থাংদা মাত্রুভুমীগী চহি ১০০ মপুং ফাবগী হরাওবা ফোংদোকপগী থৌরম হৌদোকখ্রে।

পাউ-চে অসিগী খোঙচত্তা শরুক য়াখিবা শক্নাইরবা মীওইশিংগী মফমদা প্রধান মন্ত্রীনা ইকায় খুম্নবা উৎখি। মহাক্না “মহাত্মা গান্ধীগী ৱাখল্লোন্না ইথিল পীদুনা, মাত্রুভুমী অসি ভারতকী নীংতম ইহৌবু মপাঙ্গল হাপ্নবগীদমক্তা পুথোকখি” হায়খি। ঐখোয়গী লৈবাকপু লোইলম লৈঙাক্কী মাইয়োক্তা অমত্তা ওইনা পুন্সিন্নবা ভারত শিনবা থুংবগী ওইনা পুথোকখিবা পাউ-চে অমসুং চেফোঙ কয়াগী লেমজনীংঙাই ওইরবা চৎনবীগী মনুংদা পব্লিকেসন অসিবুসু মহাক্না মনুং চলহনখি। ভারতকী নীংতম-ইহৌগী মনুংদা মশানা পাংথোক্লিবা থবকশিংগীদমক্তা পাউ-চে অসিবু পাখিবা অমসুং শিজিন্নখিবা লোকমান্য তিলক, মহাত্মা গান্ধী, গোপাল কৃষ্ণ গোখলে, শ্যমজী কৃষ্ণ বর্মা অমসুং অতোপ্পা কয়াবু মহাক্না খুদম ওইনা পীখি। ইমর্জেন্সীগী মতমদা ভারতকী গনতন্ত্রগী ইথোসপু তেক্ত-কায়দনা থম্নবগীদমক্তা শ্রী এম.পি. বীরেন্দ্র কুমারনা হোৎনখিবশিংবুসু অখন্ননা পনখি।

ঐখোয়না নীংতম-ইহৌগী মনুংদা ইশাগী পুন্সিবু স্বরাজকীদমক্তা কত্থোকপগী খুদোংচাবা ফংদ্রবা ওইরবসু, “মসিগী অমৃত কাল অসিনা মপাঙ্গল লৈবা, চাউখৎপা অমসুং হীরম খুদিংমক মনুং চনবা ভারত অমগী মাইকৈদা থবক তৌনবা খুদোংচাবা পীরি” হায়না প্রধান মন্ত্রীনা ফোংদোকখি। অনৌবা ভারতকী কেম্পেন অমা চত্থরিবা অসিদা মিদিয়ানা পীরিবা কান্নবা শাফুগী মতাংদা মহাক্না শন্দোক্না তাকখি। মহাক্না মিদিয়া হাউস খুদিংনা থম্মোয় শেংনা স্বচ্ছ ভারত মিসনগী থৌদাং পায়খৎখিবগী খুদম পীখি। মান্নবা ওইনা, মিদিয়ানা য়োগ, হকশেল ফনা লৈবা অমসুং বেতি বচাও বেতি পরহাবু মীয়াম্না হেন্না পাম্নহনবদা য়াম্না পুক্নিং থৌগৎনীংঙাই ওইবা থৌদাং য়াখি। “মসিগী হীরমশিং অসিদি রাজনিতী অমসুং রাজনিতী দলগী পনখৈগী ৱাংমদা লৈবশিংনি। মখোয়সিদি লাক্কদৌরিবা চহিশিংদা হেন্না ফবা লৈবাক অমা শেম্বগী মতাংদনি”, হায়না মহাক্না মখা তাখি।

প্রধান মন্ত্রীনা মিদিয়াশিংনা নীংতম ইহৌগা মরী লৈনবা মীয়াম্না থোইদোক্না খঙনদবা থৌদোক, নীংতম লান্মী অমসুং মফম কয়াবু মীয়ামদা খঙহন্নবা থবকশিং হেন্না পায়খৎনবা হায়খি। মান্নবা ওইনা, পাউ-চে হায়বসিনা মচিন তুমখৎলক্লিবা অমসুং মিদিয়াগী বেকগ্রাউন্দদগী লাক্তবা অইবশিংদা প্লেৎফোর্ম অমা পীবা অমসুং রিজনেলগী লোলশিংবু ঙাংনদবা মফমশিংদা হেন্না খুমাং চাউশিলহন্নবা য়াম্না ফবা পাম্বৈ অমা ওইবসু য়াই।

ঙসিগী মতমসিদা মালেম্না ভারত্তা থম্লিবা থাজবগী মতাংদা প্রধান মন্ত্রীনা ৱা ঙাংলদুনা, লাইচৎ অসিবু মাইয়োক্নবা ঙম্লোই হায়না মীয়াম্না অহানবদা খন্নরম্ববু ভারতনা অরানবনি হায়বা তাকখি হায়না ফোংদোকখি। মীওই করোর ৮০না চহি অনি চুপ্না লেম্না রেসন ফংনখি। ভেক্সিন দোজ করোর ১৮০ কাপখ্রে হায়নসু মহাক্না পাউদমখি। “ভারতকী হৈ-শিংবা নহারোলশিংনা পাঙ্গল হাপ্তুনা, ঐখোয়গী লৈবাক্না আত্মানির্ভরতা নত্ত্রগা মরোমদোম লেপচবগী মাইকৈদা চঙশিল্লি। ৱাখল্লোন অসিগী খ্বাইদগী মরু ওইবা ৱাফমদি ভারতপু লৈবাক্কী অমসুং মালেমগী তঙাই ফদবশিং পীবা ঙম্বা শেন্মিৎলোনগী শক্তি অমা ওইহনবনি”, হায়না প্রধান মন্ত্রীনা ফোংদোকখি। মমাংদা অমুক্তা পাংথোকখিদ্রিবা শেমদোকপগী খোঙথাং পায়খৎখি অমসুং মসিনা শেন্মিৎলোন চাউখৎপদা শাফু পীগনি।

প্রদক্সন লিঙ্ক ইন্সেন্তিব স্কিমশিংবু লোকেল ইন্তর্প্রাইস পুক্নিং থৌগৎনবগীদমক্তা তোঙানবা সেক্তরশিংদা হৌদোকখি। ভারতকী স্তার্ত-অপ ইকোসীস্তেম অসি হৌজিক্কী মতৌগুম্না মমাংদা অসুক য়াম্না মতিক লৈখিদ্রি হায়না মহাক্না মখা তাখি। মমাংগী চহি ৪ খক্তদা, য়ু.পি.আই.গী ত্রাঞ্জেক্সন মশিংনা শরুক ৭০গী চাংদগী হেনগৎখি। নেস্নেল ইনফ্রাস্ত্রকচর পাইপ্লাইন্দা লুপা করোর লাখ ১১০ চাদিং তৌরি। পি.এম. গতিশক্তীনা ইনফ্রা শেমগৎপা অমসুং লৈঙাকপবু মওং মরিল হেন্না নাইহল্লগনি হায়না শ্রী মোদীনা পাউদমখি। “ ভারতকী খুঙ্গং খুদিংদা হাই স্পীদ ইন্তর্নেত কন্নেক্সন লৈনবা ঐখয়না য়াম্না কন্না হোৎনরি। ঐখোয়না হোৎনরিবা খুদিংবু লমজিংলিবা ৱাখল্লোন অসিদি তুংগী চারোন-শুরোন্না হৌজিক্কী মতমদগী হেন্না ফবা পুন্সি মহিং হিংহনবনি”, হায়না মহাক্না ফোংদোকখি।

Delighted to take part in centenary celebrations of @mathrubhumi. https://t.co/JRBeRyPzwO

— Narendra Modi (@narendramodi) March 18, 2022

I am glad to be addressing this programme to mark the centenary celebrations of Mathrubhumi.

On this occasion, my greetings to those associated with this newspaper: PM @narendramodi

— PMO India (@PMOIndia) March 18, 2022

Inspired by Mahatma Gandhi’s ideals, Mathrubhumi was born to strengthen India’s freedom struggle.

Mathrubhumi is a key part of the glorious tradition of newspapers and periodicals founded all across India to unify the people of our nation against colonial rule: PM

— PMO India (@PMOIndia) March 18, 2022

We did not have the opportunity to sacrifice our lives during the freedom struggle for Swarajya.

However, this Amrit Kaal gives us the opportunity to work towards a strong, developed and inclusive India: PM @narendramodi

— PMO India (@PMOIndia) March 18, 2022

I have seen the positive impact the media can play.

The example of the Swachh Bharat Mission is well known. Every media house took up this mission with great sincerity: PM @narendramodi

— PMO India (@PMOIndia) March 18, 2022

In today’s day and age, the world has many expectations from India.

When the COVID-19 pandemic hit our shores, it was speculated that India would not be able to manage things well.

The people of India proved these critics wrong: PM @narendramodi

— PMO India (@PMOIndia) March 18, 2022

*****