মন্ত্রীমন্দল
azadi ka amrit mahotsav

অখন্না মিনরেল খরগীদমক্তা রোয়ালতী রেৎ লেপ্নবা মাইন্স অমসুং মিনরেল্স (দিভেলপমেন্ত অমসুং রিগুলেসন) এক্ত, ১৯৫৭কী অনিশুবা সেদ্যুলদা এমেন্দমেন্ত তৌবগী কেবিনেৎনা অয়াবা পীখ্রে

Posted On: 09 MAR 2022 1:29PM by PIB Imphal

প্রধান মন্ত্রী, শ্রী নরেন্দ্র মোদীনা লুচিংবা কেন্দ্রগী মন্ত্রী মন্দলনা কালুকোনাইত, পোতাশ, ইমরেল্দ, প্লাতিনম গ্রুপ ওফ মেতল (পি.জি.এম.), এন্দালুসিত, সিল্লিমানাইত অমসুং মোলীবদেনমগী ওইনা অখন্না মিনরেল খরগীদমক্তা রোয়ালতী রেৎ লেপ্নবগীদমক্তা মআইন্স মন্ত্রালয়না ৱাহৌদোক থমখিবগী মতুং ইন্না মাইন্স অমসুং মিনরেল্স (দিভেলপমেন্ত অমসুং রিগুলেসন) এক্ত, ১৯৫৭কী অনিশুবা সেদ্যুলদা (মতাং অসিদগী এক্ত হায়না পল্লগদবা) এমেন্দমেন্ত তৌবগী কেবিনেৎনা অয়াবা পীখ্রে।

অয়াবা পীখিবা অসিনা কালুকোনাইত, পোতাশ, ইমরেল্দ, প্লাতিনম গ্রুপ ওফ মেতল (পি.জি.এম.), এন্দালুসিত, সিল্লিমানাইত অমসুং মোলীবদেনমগী ওক্সন তৌবা য়াহল্লগনি অমসুং মসিনা মরম ওইদুনা মিনরেলশিং অসিগী ইম্পোর্ত হন্থহন্দুনা মাইনিং সেক্তর অমসুং মেন্যুফেকচরিং সেক্তরদা থবক পীবগী খুদোংচাবা হেনগৎহনবগা লোয়ননা খুন্নাইগী চাউরবা কাঙলুপ মনুং চন্না চাউখৎপগী পুরকপদসু তেংবাংগনি। মিনরেল পোলীমোর্ফ ওইরিবা অন্দালুসাইত, সিল্লিমানাইত অমসুং কয়ানাইতকী রোয়ালতীগী মমলসু মান্ননা থম্লে।

অয়াবা পীরিবা অসিনা লৈবাক অসিগী শেন্মিৎলোনগী ওইনা মরু ওইবা মিনরেল কয়া অমা ইম্পোর্ত তৌবদা মহুৎ শিনবা য়াহল্লগনি অমসুং মমল য়াম্লবা ফোরেক্স কনবা ঙম্লগনি। মিনরেলশিংবু লমদমসিদা পুথোকচবনা মীরমদা মীখা পোনবগী থৌওংসু হন্থহল্লগনি। অয়াবা পীরিবা অসিনা লৈবাক অসিদা অহানবা ওইনা কালুকোনাইত, পোতাশ, ইমরেল্দ, প্লাতিনম গ্রুপ ওফ মেতল (পি.জি.এম.), এন্দালুসিত, সিল্লিমানাইত অমসুং মোলীবদেনমগুম্বা মিনরেল ব্লোক্কী ওক্সন তৌবা য়াহল্লগনি।

এক্স অসিবু ইং ২০১৫দা লৈবাক অসিগী মিনরেলগী লনবু নুং-পান ফাওনা উবা অমসুং অচান মীরাই খায়দনা য়েন্থোকপগী খুত্থাংদা মিনরেল কন্সেসন পীবগী অনৌবা চৎনবী অমা লৈহন্নবগীদমক্তা এমেন্দ তৌখিবনি। মসিদগী হৌনা ওক্সনগী চৎনবী অসি মপুং মরৈ ফাবা য়াম্না হেনগৎলক্লে। মিনরেল সেক্তরদা অহেনবা শাফু পীনবগীদমক্তা, এক্ত অসিবু ইং ২০২১দা অমুক্কা এমেন্দ তৌখিবনি। শেমদোকপগী থৌওং কয়াগী মখাদা, সরকারনা মিনরেল ব্লোক ওক্সন তৌবদা মশক থোক্না খুমাং চাউশিনহল্লে, পুথোকপগী চাং হেনগৎহল্লে, লৈবাক অসিদা কারবার তৌবা হেন্না নুংঙাইহল্লে অমসুং মিনরেল পুথোকপনা গ্রোস দোমেস্তিক প্রদক্ত (জি.দি.পি.)দা শরুক তম্বগী চাংসু হেনগৎহল্লে।

ইকায়খুম্ননীংঙাই ওইরবা প্রধান মন্ত্রীনা পীবিবা আত্মানির্ভর ভারতকী মঙলান্না লুচিংদুনা মাইন্স মন্ত্রালয়না লৈবাক অসিদা মিনরেল থীদোকপগী থৌওংশিং হেনগৎহন্নবা খোঙথাং পায়খৎপা হৌখ্রে অমসুং মসিনা মরম ওইরগা ব্লোক মশিং য়াম্না ফংহনখ্রে। মিনরেল থীদোকপগী অসিগুম্বা থৌওংশিং অসি আইরন ওর, বোক্সাইত, লাইমস্তোনগুম্বা ত্রেদিস্নেল মিনরেলখক্তগী নত্তনা দীপ সিতেদ মিনরেল, ফর্তিলাইজর মিনরেল, ক্রিতিকেল মিনরেল অমসুং মীরমদগী পুশিল্লকপা মিনরেলশিংগীসু পাংথোক্লি।

মমাংগী চহি ৪-৫দা, জিওলোজিকেল সর্ভে ওফ ইন্দিয়া অমসুং মিনরেল এক্সপ্লোরেসন কোর্পোরেসন লিমিতেদকুম্বা সেন্ত্রেল এজেন্সীশিংনা এক্সপ্লোরেসনগী থবক কয়া অমা পাংথোকখ্রে অমসুং লৈবাক অসিদা মাইন তৌদবা মিনরেল ব্লোক কয়াগী কয়াগী ৱারোল য়াওনা রাজ্য সরকারশিংদা রিপোর্তশিংসু পীশিনখ্রবনি। গ্লুকোনাইত/পোতাশ, ইমরেল্দ, প্লাতিনম গ্রুপ ওফ মেতল (পি.জি.এম.), এন্দালুসাইত অমসুং মোলীবদেনমগুম্বা মিনরেলশিংগী মতাংদা লৈবাক অসিনা ঐখোয়গী তঙাই ফদবশিং থেংননবগীদমক্তা মীরমদগী পুশিল্লকপদা মপুং ওইনা মখা পোল্লম্মি। মিনরেলগী মতাংদা ইশাগী কোন্নজনা পুথোকপা ঙম্নবা হোৎনবগী মাইকৈদা, রাজ্য সরকার কয়ানা অসিগুম্বা মিনরেল ব্লোক কয়াবু ওক্সন তৌনবগীদমক্তা শকখঙখি। অদুবু, মিনরেলশিং অসিগী রোয়ালতীগী মমলদি তোঙানবা ৱারোল ওইনা পীরক্তে অমসুং অসিগুম্বা মিনরেলশিংবু মাইন তৌনবগীদমক্তা শাফু পীবগী মতৌসু ওইদে।

পুম্নমক অসিগী মতুং ইন্না, ওক্সন্দা শরুক য়াবগী চাং হেনগৎহন্নবগীদমক্তা অমসুং পুক্নিং থৌগৎনবগীদমক্তা মন্ত্রালয়না চৎনবা য়াবা রোয়ালতী রেৎ অমা হৌদোক্লি অমসুং মসিদা প্রধান মন্ত্রীনা লুচিংবা কেবিনেৎনসু অয়াবা পীরে। রেৎ অসি রাজ্য সরকার অমসুং কেন্দ্র সরকারগী তোঙানবা মন্ত্রালয় অমসুং বিভাগশিংগা তান্নদুনা শেমখিবনি। মিনরেল ব্লোকশিং অসিগী ওক্সন তৌবা য়াহন্নবগীদমক্তা মথৌ তাবা মিনরেলশিং অসিগী এভরেজ সেল্স প্রাইস (এ.এস.পি.) হোৎপগী মওং-মতৌসু মাইন্স মন্ত্রালয়না পীগনি।

রাজ্য সরকারশিংনা থৱাই য়াওনা শরুক য়াদুনা লৈবাক অসিদা মিনরেল ব্লোক ১৪৫ হেনবগী মায় পাক্না ওক্সন তৌখ্রে। ইং ২০২১দা শেমদোকপা লৈখিবশিংনা মখা তাবা শাফু পীদুনা, ইং ২০২১-২২গী শেনবা চহিদা মিনরেল ব্লোক ১৪৬ হেন্না ওক্সন তৌনবা থমখি। মসিগী মনুংদগী, শেনবা চহি অসিদা মিনরেল ব্লোক ৩৪ মায় পাক্না ওক্সন তৌখি। গ্লুকোনাইত/পোতাশ, ইমরেল্দ, প্লাতিনম গ্রুপ ওফ মেতল (পি.জি.এম.), এন্দালুসাইত অমসুং মোলীবদেনমগুম্বা মিনরেলশিংগী রোয়ালতী লেপখিবনা ওক্সন তৌনবা ব্লোক্কী মশিং হেনগৎহল্লগনি।

গ্লুকোনাইত অমসুং পোতাশলুম্বা মিনরেলশিং অসিদি লৌউ-শিংউবগী হার শাবদা শিজিন্নরি। প্লাতিনম গ্রুপ ওফ মেতল (পি.জি.এম.) অসিনা তোঙানবা ইন্দস্ত্রী অমসুং অনৌবা এপ্লিকেসনশিংদা শিজিন্নরিবা ভেল্যু ৱাংবা মেতলশিংনি। অন্দালুসাইত, মোলীবদেনমগুম্বা মিনরেলশিং অসিনা ইন্দস্ত্রীএল এপ্লিকেসনশিংদা শিজিন্নরি।

লৈবাক্কী অপাম্বা অমসুং অফবগীদমক্তা মিনরেলশিং অসিবু লমদমসিদা মাইনিং তৌববু পুক্নিং থৌগৎপনা পোতাশ হার অমসুং অতোপ্পা মিনরেলশিং ইম্পোর্ত তৌবগী চাং হন্থহল্লগনি। মাইন্স মন্ত্রালয়না লৌখৎলিবা খোঙথাং অসিনা মাইনিং সেক্তরদা থবক পীবগী চাংসু হেনগৎহনগনি হায়বগী থাজবা থম্লি। মসিনা দাউন্সত্রীম ইন্দস্ত্রীজশিংদা মিনরেল ফংবগী চাং হেনগৎহনবগা লোয়ননা লৌউ-শিংউদসু ঙাক্লৌ পীগনি।

****



(Release ID: 1804808) Visitor Counter : 58