ঙসি পি.এম.না দি.আই.পি.এ.এম.গী বজেৎকা মরী লৈননা লাউথোকখিবশিং অদু খন্ননবা ৱেবিনারদা ৱা ঙাংখ্রে। মসি পি.এম.না ৱা ঙাংখিবা বজেৎকা মরী লৈনবা ১১শুবা ৱেবিনার ওইরি। পি.এম.না হায়র এজুকেসন, রুরেল দিবেলপমেন্ত, এগ্রিকলচর, দিফেন্স, হেল্থ, দি.পি.আই.আই.তি., পি.এস.এ., এম.এন.আর.ই., দি.ই.এ., অমসুং দি.আই.পি.এ.এম.গী মন্ত্রালয়/বিভাগশিংগা মরী লৈনবা বজেৎকী ৱেবিনারদা শরুক য়াখি। কেন্দ্রগী বজেৎ ২০২২দা লৈবাক অসিগী ইকনোমিক গ্রোথকী মতাংদা অমসুং ঐখোয়গী মীয়ামগী য়াইফনবা থৌরাং কয়ামরুম লাউথোকখি। ৱেবিনারশিং অসি বজেৎকী মোমেন্তম অসি লেংদনা থম্নবা অমসুং মসি ইমপ্লিমেন্ত তৌবদা স্তেকহোল্দর পুম্নমক্তা মপু অমা ওইবগী ৱাখল্লোন পোকহন্নবা পান্দমগা লোয়ননা পাঙথোকখি। ৱেবিনারশিং অসিদা স্মার্ত এগ্রিকলচর, পি.এম. গতিশক্তি, দিফেন্সতা আত্মনির্ভর ওইবা, দিজিতেল এজুকেসন অমসুং দাইনামিক স্কিল্লিং, ইনক্লুসিব অমসুং ইক্বিতেবল হেল্থকিয়র দেলিবরী, মেক ইন ইন্দিয়া অমসুং এস্পিরেস্নেল ইকনোমী অসিনচিংবা হীরম মখল কয়া কবর তৌখি।

ৱেবিনারশিং শিনখিবগী মপুং ওইবা পান্দমদি বজেৎকীদমক মরু ওইবা স্তেকহোল্দরশিংগী মরক্তা মপুং অমা ওইবগী ৱাখল্লোন অদু পোহনবনি। মসিগী থৌওং অসিনা অনৌবা শেনবা চহি হেক হৌবগা মন্ত্রালয় অমসুং বিভাগশিংনা থবক পাইখৎপা য়ানবগী মতেং পাংগনি অমসুং মতম চানা ইমপ্লিমেন্ত তৌবা ঙমহনগনি। তোঙান-তোঙানবা স্তেকহোল্দরশিংগা খন্ন-নৈনবনা মখোয়গী প্রেক্তিকেল/গ্লোবেল এক্সপর্তিস অমসুং এক্সপরিয়েন্স ফংহনবা অমসুং অপনবশিং খঙদোকপদা মতেং ওইগনি। বজেৎ অসি ফেব্রুৱারী ১দা হোংদোকপা অমসুং ৱেবিনারশিং অসিগী ৱারী-ৱাতায় শাবা অসিনা রাজ্য সরকারশিংনা মরু ওইবশিংদা হেন্না বিজিবিলিতী ফংবা অমদি মখোয়গী বজেৎ হেন্না নীংথিনা প্লান তৌবা ঙমহনগনি।

ৱেবিনার অসিদা ওন্তপ্রিনোর, এম.এস.এম.ই., এক্সপোর্তর, গ্লোবেল ইনভেস্তর, কেন্দ্র অমসুং রাজ্য সরকারশিং, স্তার্তঅপশিংগী লমদগী নহারোলশিং য়াওনা স্তেকহোল্দর লিশিং ৪০রোমনা শরুক য়াখি। ৱেবিনার অমমমদা কমপ্রিহেন্সিব পেনেল দিস্কসনশিং অমসুং থিম-বেজ ব্রেক-আউত সেসনশিং শিনখি। ৱেবিনারশিং অসিদগী বজেৎতা লাউথোকখিবশিং নীংথিনা ইমপ্লিমেন্ত তৌবদা মতেং ওইগদবা সরকারনা মশিং য়াম্লবা কান্নরবা সজেসনশিং ফংখি।

***