ഇന്ന്, ഡിപാമിന്റെ ബജറ്റുമായി ബന്ധപ്പെട്ട പ്രഖ്യാപനങ്ങൾ ചർച്ച ചെയ്യുന്നതിനായി പ്രധാനമന്ത്രി വെബിനാറിനെ അഭിസംബോധന ചെയ്തു. പ്രധാനമന്ത്രി അഭിസംബോധന ചെയ്ത ബജറ്റുമായി ബന്ധപ്പെട്ട 11 വെബിനാറുകളുടെ പരമ്പരയാണ് ഇത് അവസാനിക്കുന്നത്. ഉന്നത വിദ്യാഭ്യാസം, ഗ്രാമവികസനം, കൃഷി, പ്രതിരോധം, ആരോഗ്യം, ഡി പി ഐ ഐ ടി , പി എസ എ , എം എൻ ആർ ഇ , ഡി ഇ എ , ഡി ഐ പി എ എം  എന്നിവയുടെ മന്ത്രാലയങ്ങൾ/വകുപ്പുകളുമായി ബന്ധപ്പെട്ട ബജറ്റ് വെബിനാറിൽ പ്രധാനമന്ത്രി പങ്കെടുത്തു. കേന്ദ്ര ബജറ്റ്-2022 രാജ്യത്തിന്റെ സാമ്പത്തിക വളർച്ചയ്ക്കും നമ്മുടെ ജനങ്ങളുടെ ക്ഷേമത്തിനും വേണ്ടി നിരവധി പ്രഖ്യാപനങ്ങൾ നടത്തിയിട്ടുണ്ട്. ബജറ്റിന്റെ ആക്കം നിലനിർത്തുന്നതിനും അതിന്റെ നടത്തിപ്പിൽ എല്ലാ പങ്കാളികൾക്കും ഉടമസ്ഥാവകാശബോധം സൃഷ്ടിക്കുക എന്ന ലക്ഷ്യത്തോടെയാണ് ഈ വെബിനാറുകൾ നടത്തിയത്. സ്മാർട്ട് കൃഷി, പ്രധാനമന്ത്രി ഗതിശക്തി, പ്രതിരോധം, ഡിജിറ്റൽ വിദ്യാഭ്യാസം, ആത്മനിർഭർത്ത തുടങ്ങിയ വിവിധ വിഷയങ്ങൾ ഈ വെബിനാറുകൾ ഉൾക്കൊള്ളുന്നു. ചലനാത്മക വൈദഗ്ധ്യം, ഏവരെയും ഉൾക്കൊള്ളുന്നതും തുല്യവുമായ ആരോഗ്യ സംരക്ഷണ വിതരണം, മെയ്ക്ക് ഇൻ ഇന്ത്യ, അഭിലാഷ സമ്പദ്‌വ്യവസ്ഥയ്ക്കുള്ള ധനസഹായം തുടങ്ങി വൈവിധ്യമാർന്ന വിഷയങ്ങൾ ഈ വെബ്ബിനാറുകൾ കൈകാര്യം ചെയ്തു. 

ഈ വെബിനാറുകൾ സംഘടിപ്പിച്ചതിന്റെ   മുഖ്യ  ലക്ഷ്യങ്ങളിൽ ഒന്ന് ബജറ്റിന്റെ പ്രധാന പങ്കാളികൾക്കിടയിൽ ഉടമസ്ഥാവകാശബോധം വളർത്തിയെടുക്കുകയായിരുന്നു. പുതിയ സാമ്പത്തിക വർഷം ആരംഭിക്കുമ്പോൾ തന്നെ മന്ത്രാലയങ്ങളെയും വകുപ്പുകളെയും പ്രവർത്തനക്ഷമമാക്കാനും സമയബന്ധിതമായി നടപ്പാക്കുന്നത് ഉറപ്പാക്കാനും ഈ നടപടി  സഹായിക്കും. വിവിധ പങ്കാളികളുമായുള്ള കൂടിയാലോചന അവരുടെ പ്രായോഗിക/ആഗോള വൈദഗ്ധ്യവും അനുഭവപരിചയവും കൊണ്ടുവരുന്നതിനും അപര്യാപ്തതകൾ തിരിച്ചറിയുന്നതിനും സഹായിക്കുന്നു. ബജറ്റ് ഫെബ്രുവരി 1-ലേക്ക് മാറ്റുന്നതും വെബിനാറുകളിലെ ഈ ഇടപെടലുകളും സംസ്ഥാന ഗവൺമെന്റുകൾക്ക് മുൻഗണനകളുടെ മികച്ച ദൃശ്യപരത ലഭിക്കുന്നതിനും അങ്ങനെ അവരുടെ ബജറ്റുകൾ മികച്ച രീതിയിൽ ആസൂത്രണം ചെയ്യുന്നതിനും സഹായിക്കുന്നു.

സംരംഭകർ, എംഎസ്എംഇകൾ, കയറ്റുമതിക്കാർ, ആഗോള നിക്ഷേപകർ, കേന്ദ്ര-സംസ്ഥാന ഗവണ്മെന്റ് കളുടെ പ്രതിനിധികൾ, സ്റ്റാർട്ടപ്പുകളുടെ ലോകത്ത് നിന്നുള്ള യുവാക്കൾ എന്നിവരുൾപ്പെടെ ബന്ധപ്പെട്ട 40,000ത്തോളം പേരുടെ  പങ്കാളിത്തം വെബിനാറുകളിൽ കണ്ടു. ഓരോ വെബിനാറിലും സമഗ്രമായ പാനൽ ചർച്ചകളും പ്രമേയത്തെ അടിസ്ഥാനമാക്കിയുള്ള ബ്രേക്ക്-ഔട്ട് സെഷനുകളും സംഘടിപ്പിച്ചു. ഈ വെബിനാറുകളിൽ ഗവൺമെന്റിന് വിലപ്പെട്ട നിരവധി നിർദ്ദേശങ്ങൾ ലഭിച്ചിട്ടുണ്ട്, ഇത് ബജറ്റ് പ്രഖ്യാപനങ്ങൾ ഫലപ്രദമായി നടപ്പിലാക്കുന്നതിന് കൂടുതൽ സഹായകമാകും.

-ND-