হৌখিবা পুং ২৪দা কোবিদ-১৯গী নোংমগী ওইবা অনৌবা কেস ৩,৯৯৩দা হন্থরক্তুনা ঙসি ভারতনা মরুওইবা মাইলস্তোন অমা ফংবা ঙমখ্রে। মসি ২০২০গী মে ১৬দা কেস ৩,৯৭০ রিপোর্ত তৌরকখিবা অদুগী মতুং নুমিৎ ৬৬২গী গেপ অমগী মতুংদা ভারতনা অনৌবা কেস রেকোর্দ তৌখিবা খ্বাইদগী নেম্বা ওইরি।  

অতোপ্পা এচিবমেন্ত অমদা নুমিৎ ৬৬৪গী মতুংদা ভারতকী এক্তিব কেসলোদ অসি ৫০,০০০গী মখাদা হন্থরে। লৈবাক অসিগী এক্তিব কেস হৌজিক্কী ওইনা ৪৯,৯৪৮দা লৈরি। ২০২১গী মে ১৪দা কেস ৪৯,২১৯ রেকোর্দ তৌখি।

লৈবাক অসিদা তেস্তিং কেপাসিতী মখা তানা পাকথোক চাউথোক্লি। ভারতনা হৌখিবা চয়োলদা চাংচৎতা তেস্ত লাখ ৮.৫ পাংথোকখি অমদি চয়োলগী ওইবা পোজিতিবিতী রেৎ ০.৬৮% রেকোর্দ তৌখি। ভারত সরকারনা “হোল ওফ গবর্নমেন্ত” এপ্রোচ্ছ অমগী থোংদা রাজ্যশিং অমসুং য়ুনিয়ন তেরিতোরীশিংগা খুৎশমন্দুনা কোবিদ ১৯ লাইচৎকী মায়োক্তা লান্থেংনবদা লুচিংলি। তিকা থাবা অসি ভারত সরকারগী লাইচৎ অসিগী (তেস্ত, ত্রেক, ত্রিৎ অমসুং কোবিদকা চানবা মওং মতৌ য়াওনা) ফাইব-পোইন্ত স্ত্রেতেজীগী ইন্তিগ্রেল কম্পোনেন্ত অমনি। ভারত সরকারনা রাজ্যশিং অমসুং য়ুনিয়ন তেরিতোরীশিংগী তেংবাংগা লোয়ননা কোবিদ ১৯গী কন্তেনমেন্ত অমসুং মেনেজমেন্তকী মায়কৈদা মখোয়না হোৎনরিবশিং অদু লেপ্পা লৈতনা হেনগৎলি।

****