വനിതാ, ശിശു വികസന മന്ത്രാലയം
2020, 2021 വർഷങ്ങളിലെ നാരി ശക്തി പുരസ്‌കാരങ്ങൾ രാഷ്ട്രപതി ശ്രീ രാം നാഥ് കോവിന്ദ് അന്താരാഷ്ട്ര വനിതാ ദിനത്തിൽ സമ്മാനിച്ചു
Posted On:
08 MAR 2022 11:48AM by PIB Thiruvananthpuram
2020, 2021 വർഷങ്ങളിലെ നാരി ശക്തി പുരസ്‌കാരങ്ങൾ രാഷ്ട്രപതി ശ്രീ രാം നാഥ് കോവിന്ദ് അന്താരാഷ്ട്ര വനിതാ ദിനമായ ഇന്ന് സമ്മാനിച്ചു. ന്യൂ ഡൽഹിയിലെ രാഷ്ട്രപതി ഭവനിൽ നടന്ന പ്രത്യേക ചടങ്ങിൽ ആണ് പുരസ്‌കാരങ്ങൾ സമ്മാനിച്ചത്.
3U6W.jpg)
1LTJ.jpg)
28 അവാർഡുകൾ (2020, 2021 വർഷങ്ങളിൽ 14 വീതം) 29 വ്യക്തികൾക്ക് ആണ് നൽകിയത്. സ്ത്രീകളുടെ, പ്രത്യേകിച്ച് ദുർബലരും പാർശ്വവൽക്കരിക്കപ്പെട്ടവരുമായ സ്ത്രീകളുടെ ശാക്തീകരണത്തിനായി വിശിഷ്ട സേവനങ്ങൾ നൽകിയവർക്കാണ് അംഗീകാരമായി പുരസ്കാരം നൽകിയത്.
സമൂഹത്തിൽ ശുഭകരമായ മാറ്റത്തിന്റെ ഉൽപ്രേരകമായി വർത്തിക്കുന്നതും, വിവിധ മേഖലകളിൽ വിശിഷ്ട സംഭാവനകൾ നൽകിയവരുമായ വ്യക്തികളെയും സ്ഥാപനങ്ങളെയും അംഗീകരിക്കുന്നതിനുള്ള കേന്ദ്ര വനിതാ ശിശു വികസന മന്ത്രാലയത്തിന്റെ ഒരു സംരംഭമാണ് 'നാരി ശക്തി പുരസ്കാരം.
സംരംഭകത്വം, കൃഷി, നവീകരണം, സാമൂഹിക പ്രവർത്തനം, കല-കരകൗശല മേഖല, STEMM, വന്യജീവി സംരക്ഷണം തുടങ്ങി വിവിധ മേഖലകളിൽ നിന്നുള്ളവരാണ് 2020-ലെ നാരി ശക്തി പുരസ്‌കാരത്തിന് അർഹരായത്. 2021-ലെ നാരി ശക്തി പുരസ്‌കാര ജേതാക്കൾ ഭാഷാശാസ്ത്രം, സംരംഭകത്വം, കൃഷി, സാമൂഹിക പ്രവർത്തനം, കല-കരകൗശല മേഖല, STEMM, മർച്ചന്റ് നേവി, വിദ്യാഭ്യാസം, സാഹിത്യം, ഭിന്നശേഷിക്കാരുടെ അവകാശങ്ങൾ മുതലായ മേഖലയിൽ പ്രവർത്തിക്കുന്നവരാണ്. കേരളത്തിൽ നിന്ന്, കാഴ്ച്ച പരിമിതർക്കുള്ള സേവനങ്ങളിൽ ഏർപ്പെടുന്ന സാമൂഹ്യ പ്രവർത്തകയായ ടിഫനി ബ്രാർ 2020 ലെ നാരി പുരസ്കാരത്തിനും, മർച്ചന്റ് നേവി ക്യാപ്റ്റനും കടലിലെ അസാധാരണമായ ധൈര്യത്തിന് ഐഎംഒ നൽകുന്ന അവാർഡ് ലഭിച്ച ആദ്യ വനിതയുമായ ശ്രീമതി രാധിക മേനോൻ 2021ലെ നാരീ പുരസ്കാരത്തിനും അർഹരായി.
അവാർഡ് ലഭിച്ചവരുടെ വിവരങ്ങൾക്കായി ലിങ്കിൽ ക്ലിക്ക് ചെയ്യൂ: https://static.pib.gov.in/WriteReadData/userfiles/CTB08032022.pdf
(Release ID: 1803935)
Visitor Counter : 473
Read this release in:
English
,
Urdu
,
Hindi
,
Marathi
,
Bengali
,
Punjabi
,
Gujarati
,
Odia
,
Tamil
,
Telugu
,
Kannada