‘ఆజాదీ కా అమృత్ మహోత్సవ్’లో భాగంగా, అంతర్జాతీయ మహిళా దినోత్సవం యొక్క వారం రోజుల వేడుకలు 1 మార్చి, 2022న న్యూఢిల్లీలో ప్రారంభమయ్యాయి. 8 మార్చి, 2022న న్యూఢిల్లీలోని రాష్ట్రపతి భవన్‌లో జరగనున్న ప్రత్యేక కార్యక్రమంలో గౌరవనీయులైన భారత రాష్ట్రపతి శ్రీ రామ్ నాథ్ కోవింద్ చేతుల మీదుగా 2020 మరియు 2021 సంవత్సరాలకుగానూ నారీ శక్తి పురస్కారాన్ని ప్రదానం చేస్తారు. COVID-19 మహమ్మారి సృష్టించిన ప్రబలమైన పరిస్థితుల కారణంగా 2020 సంవత్సరానికి అవార్డు వేడుకను 2021లో నిర్వహించడం సాధ్యం కాలేదు.
 
గౌరవనీయులైన ప్రధాన మంత్రి కూడా ఈ అవార్డు గ్రహీతలతో ఇంటారాక్టివ్ సెషన్ ‌లో పాల్గొంటారు. ఇందులో భాగంగా వారి కృషి, ప్రయత్నాలను కొనియాడుతూనే ఇతరులకు ప్రేరణ కలిగించే విధంగా మహిళా సాధికారతకు సంబంధించిన వివిధ రంగాలలో రాణించేందుకు వీలుగా వారిని ప్రోత్సహించే విధంగా మాట్లాడతారు.
 
మొత్తంగా 28 అవార్డులు (2020, 2021 సంవత్సరాలకు.. అంటే ఏడాదికి 14 చొప్పున) 29 మందికి ప్రధానం చేయబడతాయి. ముఖ్యంగా మహిళా సాధికారత, బలహీన- అట్టడుగున ఉన్న మహిళల సాధికారత కోసం విశిష్ట సేవలను అందించడంలో వారి అసాధారణమైన కృషికి గుర్తింపుగా 29 మందికి ఈ అవార్డులు అందజేస్తారు.
 
‘నారీ శక్తి పురస్కారం’ అనేది స్త్రీ మరియు శిశు అభివృద్ధి మంత్రిత్వ శాఖ ప్రారంభించింది.  వ్యక్తులు లేదా సంస్థలు ద్వారా సమాజానికి చేసిన అసాధారణ సహకారాన్ని గుర్తించడంతో పాటూ, మహిళలను గేమ్ ఛేంజర్లుగా; సమాజంలో సానుకూల మార్పుకు అవసరమయ్యే ఉత్ప్రేరకంగా వారిని భావిస్తారు.
 
ఈ సాధకులు తమ కలలను నెరవేర్చుకోవడానికి వయస్సు, భౌగోళిక అడ్డంకులు లేదా వనరులను అడ్డంకులుగా అసలు భావించలేదు. వారి అచంచలమైన స్ఫూర్తి లింగపరంగా మూస పద్ధతులను విచ్ఛిన్నం చేయడానికి, లింగ అసమానత మరియు వివక్షకు వ్యతిరేకంగా నిలబడటానికి సమాజాన్ని మరియు ముఖ్యంగా యువ భారతీయ మనస్సులను ప్రేరేపిస్తుంది. ఈ అవార్డులు సమాజ పురోగతిలో మహిళలను సమాన భాగస్వాములుగా గుర్తించే ప్రయత్నం చేస్తుంది.
 
2020 సంవత్సరానికి నారీ శక్తి పురస్కారం విజేతలు వ్యవస్థాపకత, వ్యవసాయం, ఆవిష్కరణలు, సామాజిక పని, కళలు మరియు హస్తకళలు, STEMM మరియు వన్యప్రాణుల సంరక్షణ మొదలైన విభిన్న రంగాలకు చెందినవారు. 2021 సంవత్సరానికి నారీ శక్తి పురస్కారం విజేతలు భాషాశాస్త్రం, వ్యవస్థాపకత, వ్యవసాయం, సామాజిక పని, కళలు మరియు చేతిపనుల, మర్చంట్ నేవీ, STEMM, విద్య మరియు సాహిత్యం, వైకల్య హక్కులు మొదలైన రంగాల నుండి విజేతలను తీసుకున్నారు.
 
అవార్డు గ్రహీతల జాబితా ఈ కింది విధంగా ఉంది;

****