‘অজাদি কা অমৃত মাহোতসব’কী শরুক অমা ওইনা, চয়োল শাংনা পাংথোক্কদবা ইন্তর্নেস্নেল ৱিমেন্স দেগী থৌরম অদু নই দিল্লীদা ২০২২গী মার্চ ১দগী হৌখ্রে। চয়োল শুপ্না পাংথোকক্কদবা থৌরম অসিদা ইকাইখুম্নবদা মতিক চারবা ভারতকী প্রেসিদেন্ত, শ্রী রামনাথ কোৱিন্দনা ২০২২গী মার্চ ৮দা, নি দিল্লীগী রাস্ত্রপতি ভাৱনদা পাংথোক্কদবা অখন্নবা থৌরম অমদা চহি ২০২০ অমসুং ২০২১গীদমক্তা নারি শক্তি পুরুস্কার পীবা উবা ফংগনি। কোবিদ-১৯ লাইচৎনা মরম ওইরগা থোক্লিবা ফিভম অসিনা মরম ওইরগা চহি ২০২০গী এৱার্দ সেরেমোনী অদু ২০২১দা পাংথোকপা ঙমখিদ্রে।

ইকাইখুম্নবদা মতিক চারবা, ভারতকী প্রধান মন্ত্রীনসু ঐৱার্দীশিং অদুবু মখোয়না হোৎনখিবশিং অদুগীদমক্তা ইকাইখুম্নবা উৎনবা অমসুং ৱিমেন এমপাৱরমেন্তকা মরী লৈনবা লমশিংদা থবক তৌনবগীদমক্তা অমসুং ময়ামদগী হেনবা ঙম্নবা  মীয়ামগী পুক্নিং থৌগৎনবা ইন্তরেক্তিব সেসন অমা পাংথোক্লগনি।

পুন্না এৱার্দ ২৮ (চহি ২০২০ অমসুং ২০২১গী ১৪, ১৪) অসি মীওই ২৯দা নুপীশিং এমপাৱরমেন্তকীদমক্তা, মরু ওইনা শোল্লবা অমসুং ময়ামদগী শোত্থরবা নুপীশিংগীদমক্তা শিংথানিংঙাই ওইবা থবকশিং পাংথোকপগীদমক্তা মখোয়বু মশক খঙবীবা ওইনা পীরগনি।

 ‘নারি শক্তি পুরস্কার’ অসি কনাগুম্বা মীওইশিংঅমসুং ইন্সতিত্যুশনশিংনা লৌখিবা মবামদগী থোইদোক-হেন্দোকপা থৌদাংশিং অদুবু মশক খঙবীবা ওইনা, নুপীশিংবু গেম চেঞ্জরশিং ওইনা অমসুং খুনাই অসিদা অফবা মখলগী অহোংবা অমা পুরকপগী মচাক অমা ওইবগীদমক্তা মখোয়বু মশক খঙবীবা ওইনা ৱিমেন অমসুং চাইল্দ দেবেলপমেন্তকী মন্ত্রালয়না লৌখৎলকখিবা  অনৌবা খোংথাংনি।

মসিগী এচীবরশিং অসিনা মখোয়গী মঙলান অদু মঙফাওননবা হোৎবদা চহি, জিয়োগ্রাফিকেল বেরিয়রশিং নত্রগা রিসোর্স ফংবা-ফংদবা হায়বসিনা মখোয়গী পান্দমদা অথিংবা অপনবা অমত্তা লৈহনখিদে। মখোয়গী নিংহন্নদ্রবা ৱাখল্লোনশিং  অদুনা খুনাই অসিবু  অমসুং নহা ওইরিবা ভারত মচাশিংগী ৱাখল্লোন, মরু ওইনা নুপী-নুপা খেৎনবগী ৱাফম অসিবু থুগাইরগনি অমসুং জেন্দর ইনিক্বাইলিতী অমসুং দিস্ক্রিমিনেশনগী মায়োক্তা লেপ্নবগীদমক্তা পুক্নিং থৌগৎলগনি। মসিগী এৱার্দশিং অসি খুনাই অসিবু চাউখৎহনবদা নুপীশিংবু লেং মান্নবা পার্তনরশিং ওইনা মশখ খঙনববগী মাইকৈদা হোৎনবা অমনি।

চহি ২০২০গীদমক্তা নারি শক্তি পুরস্কারগী ৱিন্নরশিং অদু এন্ত্রপ্রেনোশিপ, এগ্রিকলচর, ইন্নভেশন, সোসিয়েল ৱার্ক, আর্তস অমসুং ক্রাফশিং, এস.তি.ই.এম.এম., অমসুং ৱাইল্দ লাইফ কঞ্জার্ভেশন্না চিংবা তোঙান-তোঙান মখল কয়াগী লমশিংদগীনি। নচহি ২০২১গীদমক্তা নারি শক্তি পুরস্কারগী ৱিন্নরীশং অদু লিংগ্বিস্তিক্স, এন্ত্রপ্রেনোরশিপ, এগ্রিকলচর, সোসিয়েল ৱার্ক, আর্তস অমসুং ক্রাফস, মরচেন্দ নেভী, এস.তি.ই.এম.এম., এজুকেশন অমসুং লিতরেচর, দিসএবিলিতী রাইতশিংনচিংবদগী ওইখি।

এৱার্দিশিংগী লিস্ত অদু মখাদা পীরি:

নারি শক্তি পুরস্কার ২০২০

*****