প্রধানমন্ত্রীগী লোইশঙ
বঙ্গলাদেশকী প্রধান মন্ত্রীগী সেক্যুরিতী এদভাইজর মেজর জেনরেল (রিতয়ার্দ) তারিক অহমেদ সিদ্দিকিনা প্রধান মন্ত্রীগা উনখ্রে
Posted On:
07 MAR 2022 9:31PM by PIB Imphal
বঙ্গলাদেশকী প্রধান মন্ত্রীগী সেক্যুরিতী এদভাইজর মেজর জেনরেল (রিতয়ার্দ) তারিক অহমেদ সিদ্দিকিনা ঙসি প্রধান মন্ত্রী মোদীগা উনখ্রে।
প্রধান মন্ত্রীনা ২০২১গী মার্চ থাদা চৎখিবা মহাক্কী বঙ্গলাদেশ খোংচৎ অদু নৌহৌনা নিংশিংখি অমদি প্রধান মন্ত্রী শৈখ হসিনাগী মফমদা মহাক্কী ওইবা য়াইফ পাউজেল পীখি।
শ্রী সিদ্দিকিনা প্রধান মন্ত্রীবু ভারত-বঙ্গলাদেশ মরূপ ওইবগী মরী হেন্না চেৎশিলহনবা অমদি কোবিদ-১৯ লাইচৎ য়াওনা ক্রাইসিসকী মতমদা বঙ্গাদেশকা লোয়ননা খোংফম চেৎনা লেপ্পগীদমক থাগৎপা ফোংদোকখি।
বঙ্গলাদেশপু হিরম খুদিংদা চাউখৎপা পুরকপদা প্রধান মন্ত্রী শৈখ হসিনাগী লিদরশিপ্পু প্রধান মন্ত্রীনা থাগৎখি অমদি ভারত-বঙ্গলাদেশকী মরী মকা তানা চেৎশিলহনবদা মহাক্কা লোয়ননা থবক তৌমিন্ননবা মহাক্কী ওইবা ৱাফম ফোংদোকখি।
***
(Release ID: 1803757)
Visitor Counter : 119
Read this release in:
English
,
Urdu
,
Hindi
,
Marathi
,
Assamese
,
Bengali
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam