চহি অসিগী কেন্দ্রগী বজেৎতা লাউথোকখিবা পি.এম গতিশক্তি নেস্নেল মাস্তর প্লানগী খোঙজেল অদু মাংদা পুরদুনা কম্মর্স অমসুং ইন্দস্ত্রী মন্ত্রালয় (এম.ও.সি.আই.)গী দিপার্তমেন্ত ফোর প্রমোসন ওফ ইন্দস্ত্রী এন্দ ইন্তর্নেল ত্রেদ (দি.পি.আই.আই.তি.)না ফেব্রুৱারী ২৮, ২০২২গী নীংথৌকাবা নুমিৎতা ‘ক্রিএতিং সিনর্জীজ ফোর এসেলরেতেদ ইকনোমিক গ্রোথ’ হায়না মীংথোনবা অহানবা পোস্ত বজেৎ ৱেবিনার পাঙথোক্কনি।

ৱেবিনার অসিদা স্তেকহোল্দর ওইরিবা তোঙান-তোঙানবা মন্ত্রালয়শিংগী মকোক থোংবা ওফিসিএলশিং, মাংজিল থারিবা একাদেমিকশিং অমসুং ইন্দস্ত্রীগী মীহুৎশিং পুনশিন্দুনা ভারতকী লোজিস্তিক্স ইফিসিএন্সী হেনগৎহন্নবগী লালোং খন্নগনি অমসুং য়াৎকনি।

প্রধান মন্ত্রী শ্রী নরেন্দ্র মোদীনা শরুক য়ারিবশিংদা গতিশক্তি অমসুং মসিগা কেন্দ্রগী বজেৎ ২০২২গা পুনশিন্নবগী বিজনগী মতাংদা ৱা ঙাংগনি অমসুং কম্মর্স অমসুং ইন্দস্ত্রী মন্ত্রী, শ্রী পিয়ুশ গোয়লনা নুমিৎ অসিগী লোইশিনবগী সেসনদা ময়াই তাংবল লৌগনি অমদি মসিদা থীম পুম্নমক্কী লুচিংবশিংনা মখোয়গী আউতকমশিং অমসুং মসি মাংদা পুনবগী ৱাখল্লোন অদু প্রজেন্ত তৌগনি।

পি.এম.না ৱা ঙাংলবা মতুংদা, ভারতকী লোজিস্তিক্স সেক্তরগী হীরম কয়ামরুম কবর তৌরিবা অমুক্তংদা পাঙথোকপা সেসন ৫দা শরুক য়ারিবশিং অদু খাইদোক্কনি।

কম্মর্স অমসুং ইন্দস্ত্রী মন্ত্রালয়গী দি.পি.আই.আই.তি.গী সেক্রেতরী শ্রী অনুরাগ জেননা ইন্তিগ্রেতেদ প্লান্নিংগী অমসুং সিনক্রোনাইজ তৌরবা অকক্নবা মতমদা ইমপ্লিমেন্ত তৌনবা অনৌবা বিজন পুথোক্নবা ‘নেসন এস এ হোল এপ্রোচ’ হায়বা সেসন্দা লুচিংগনি। সেসন অসিনা দাইনামিক জিওগ্রাফিক ইনফোর্মেসন সিস্তেম ইন্তরফেস অমগী খুত্থাংদা স্তেকহোল্দরশিংদা রিএল তাইম ওইবা ইনপুৎশিং পীগদবা ভাস্করচার্য়া ইন্সতিত্যুত ওফ স্পেস এপ্লিকেসন জিও-ইনফোর্মেতিক্সনা দিবেলপ তৌবা গতিশক্তি নেস্নেল মাস্তর প্লান পোর্তেলদা মীৎয়েং থমগনি।

অনিশুবা সেসন ‘কোওপরেতিব ফেদরেলিজম এন্দ এনহেন্স কেপিতেল ইনভেস্তমেন্ত ফোর ইনফ্রাস্ত্রকচরৱ’ অসি কম্মর্স অমসুং ইন্দস্ত্রী মন্ত্রালয়গী দি.পি.আই.আই.তি.গী লোজিস্তিক্সকী স্পেসিএল সেক্রেতরী শ্রী অমৃত লাল মীনানা লমজিংগনি। সেসন অসিনা বজেৎতা লাউথোকখিবশিংগা লোয়ননা অচৌবা ইনফ্রাস্ত্রকচর প্রোজেক্তশিং প্লান তৌবগা লোয়ননা অসিগুম্বা প্রোজেক্তশিং অসিগীদমক কেপিতেল ফংবা হেনগৎহন্নবা কেন্দ্র অমসুং রাজ্যশিংগী মরক্তা ইন্তিগ্রেসন হেনগৎহন্নবা লম্বীশিংদা মীৎয়েং চংগনি।

রোদ ত্রান্সপোর্ত এন্দ হায়ৱেজ (এম.ও.আর.তি.ঐচ.)কী সেক্রেতরী, শ্রী গীরিধর অরমান সাগরমালা, পর্ভতমালা লোয়ননা পি.এম. গতিশক্তি মল্তি-মোদেল কার্গো তর্মিনেলশিংগা লোয়ননা নেস্নেল এক্সপ্রেসৱে মাস্তর প্লানদা মীৎয়েং চংলিবা ‘ইনেব্লর্স ওফ লোজিস্তিক্স ইফিসিএন্সী’ হায়বা তোখাইবা সেসন অমদা লুচিংগনি।

স্কিল দিবেলপমেন্ত এন্দ ওন্তপ্রিনোর্শিপ (এম.এস.দি.ই.)গী সেক্রেতরী শ্রী রাজেশ অগরৱালনা ‘লোজিস্তিক্স ৱর্কফোর্স স্ত্রেতেজী- এনহেন্সিং স্কিল এন্দ এমপ্লোইমেন্ত ওপুরচুনিতীজ’ হায়বা সেসন অসিদা লুচিংগনি। সেসন অসিনা পি.এম. গতি শক্তিগী খুত্থাংদা ভারতকী গ্রোথ থৌগৎনবা মালেমগী থাক্কী তেলেন্ত শেমগৎনবা লম্বীশিংগী মতাংদা খন্ন-নৈনগনি।

নিতি আবোগকী সি.ই.ও. শ্রী অমিতাভ কান্তনা লুচিংগদবা অরোইবা সেসন অসি ‘য়ু.এল.আই.পি. – রোভোল্যুস্নাইজিং ইন্দিয়ন লোজিস্তিক্স’ হায়না মীংথোনগনি। লোজিস্তিক্স সেক্তরনা “আত্মনির্ভর ভারত”কী থৌরাংশিং মঙফাওনবা ঙমহন্নবা য়াংলেন শরূ ওইরি অমসুং হায়রিবা অসি মপাঙ্গল কনখৎহনবগীদমক মরী লৈনবা প্লেয়রশিং ইন্তরকন্নেক্ত তৌবা মথৌ তাই। য়ুনিফাইদ লোজিস্তিক্স ইন্তরফেস প্লেৎফোর্ম (য়ু.এল.আই.পি.) অসি দিজিতেল ইফিসিএন্সীশিং লৈহন্নবা অমসুং এন্দ-তু-এন্দ বিজিবিলিতী লৈহন্নবগী অমসুং গুসশিং নীংথিনা পুথোক-পুশিন তৌনবগী লৈবাক শিনবা থুংবগী ওইবা সিঙ্গল ৱিন্দোং লোজিস্তিক্স প্লেৎফোর্ম অমা শেম্নবগী মাইকৈদা চংশিল্লিবা অদুগুম্বা থৌরাংশিং অদুগী মনুংদা অমনি। সেসন অসিদা হৌজিক ফাওবদা খুমাং চাউশিনখিবা অমসুং য়ু.এল.আই.পি.গীদমক মাংদা চংশিন্নবা লম্বীগী মতাংদা খন্ন-নৈনগনি।

পি.এম. গতিশক্তিনা হৌখিবদগী তমশিন্দুনা নেক্স জেনরেসন ইনফ্রাস্ত্রকচর শেমগৎনবা পান্দম থম্মি। পি.এম. গতিশক্তি নেস্নেল মাস্তর প্লান অসি মীয়াম, গুদশিং অমসুং সর্ভিসশিংগী অপনবা লৈতনা চত্থোক-চৎশিন তৌহন্নবা হোৎনবদা লৈরিবা অহোবশিং অসি কোকহনগদবা ইন্তিগ্রেতেদ প্লান অমনি। মসিনা ইজ ওফ লিবিং, ইজ ওফ দুইং বিজিনেস হেনগৎহন্নবা, অপনবা থোকপা হন্থহন্নবা অমসুং কোস্ত ইফিসিএন্সী ওইবগা লোয়ননা থবকশিং লোইশিনবদা খোঙজেল য়াংশিনহন্নবা পান্দম থম্মি।

*****