প্রধান মন্ত্রী শ্রী নরেন্দ্র মোদীনা ২০১৬কী ফেব্রুৱারী ১৮দা মধ্য প্রদেশকী সেহোরদা প্রধান মন্ত্রী ফসল বিমা য়োজনা(পি.এম.এফ.বি.ৱাই.) হৌদোক্লগনি হায়না লাওথোকখিবদগী চৎনরকপা চহি ৬ মপুং ফারক্লবা মতুং অসিদা খরিফ সিজন ২০২২ লাকপগা লোইননা স্কিম অসি চৎনরকপগী ৭শুবা চহিদা মাই-পাক্না চৎশিল্লকখ্রে৷

নেচরেল কলামিতীশিংনা মরম ওইদুনা মহৈ-মরোং মাং তাক্লিবা/অৱাবা নংহল্লিবা লৌমীশিংদা শেল-থুমগী ওইবা মতেং পীনবা ভারত সরকারগী ফ্লেগশিপ স্কিম অমা ওইরিবা, পি.এম.এফ.বি.ৱাই.না মীৎয়েং থম্লি৷ ২০২২গী ফেব্রুৱাগী ৪ ফাওবগী মনুংদা স্কিম অসিগী মখাদা ক্লেমশিংগী ওইনা লুপা কোতি ১,০৭,০৫৯ মাংজৌননা পীদুনা পি.এম.এফ.বি.ৱাই.গী মখাদা লৌমীগী এপ্লিকেসন কোতি ৩৬ হেন্না লাকখ্রে৷

চহি ৬কী মমাংদা হৌদোকখিদুনা, স্কিম অসি ২০২০দা রিভেম্প তৌখিদুনা লৌমীশিংনা ভোলুন্তরী ওইনা শরুক য়াবা ঙমহল্লিবনি৷ থৌদোক অমা হেক্তা থোকখিবগী পুং ৭২গী মনুংদা মাংখিবা মহৈ-মরোং অদু লৌমীশিংনা ত্রোপ ইন্সুরেন্স এপ, সি.এস.সি. সেন্তর নত্রগা খ্বাইদগী নকপা এগ্রীকল্চরেল ওফিসরগী খুৎথাংদা রিপোর্ত তৌরক্তুনা ইলিজিবল ওইরবা লৌমীশিংগী বেঙ্ক একাউন্তশিংদা ইলেক্ত্রোনিকেল্লী ক্লেম বেনিফিৎ অদু ত্রান্সফর তৌহনবদা মসিনা লৌমীশিংদসু হেন্না খুদোং চাহল্লে৷

পি.এম.এফ.বি.ৱাই.গী নেস্নেল ক্রোপ ইন্সুরেন্স পোর্তেল(এন.সি.আই.পি.)গা লোইননা লেন্দ রেকোর্দশিং পুনশিন্নবা, লৌমীশিং এনরোলমেন্ত য়াম্না লাইনা তৌবা য়ানবগী ক্রোপ ইন্সুরেন্স মোবাইল এপ থম্বা, এন.সি.আই.পি.গী খুৎথাংদা লোমীদা প্রিমিয়ম পীবা, এন.সি.আই.পি.গী খুৎথাংদা সবসিদী রিলিজ মোদ্যুল অমসুং ক্লেম রিলিজ মোদ্যুল অমা থম্বা হায়বসিনা স্কিম অসিগী মরু ওইবা ফিচর খরা ওইরি৷

মহাক্কী রাজ্য/জিলাগী থাক্তা লৈরিবা গ্রিভেন্স কম্মিতীগী খুৎথাংদা, স্কিম অসিনা লৌমীশিংবু মখোয়গী গ্রিভেন্স অদু গ্রাসরুত লেবেলদা পীশিনবসু ঙমহল্লগনি৷ মসিদা চহি অমদা অনিরক পাংথোক্লিবা ক্রোপ ইন্সুরেন্স ৱীক, প পি.এম.এফ.বি.ৱাই. পাথসালা, সোসিএল মেদিয়া কেম্পেন্দশিং, তোল ফ্রী হেল্পলাইন অমা অমসুং ইমেল কম্ম্যুনিকেসন য়াওনা আই.ই.সি. এক্তিবিতীশিংগী খুৎথাংদা লৌমীশিংগী গ্রিভেন্সশিং খঙবিবা অমসুং ৱারোইশিন পুরকপা য়াওরি৷

স্কিম অসিদা এনরোল তৌখিবা লৌমীগী ৮৫%রোমদি অপিকপা অমসুং মার্জিনেল লৌমীশিং ওইবনা স্কিম অসিনা খ্বাইদগী ফিভম শোকপা য়ানা লৈরিবা লৌমীশিংদা শেল-থুমগী ওইবা মতেং পীবা ঙমখিবনি৷ ক্রোপ ইন্সুরেন্সকীদমক দ্রোনশিং শিজিন্নবা অসিনা স্কিম অসি গ্রান্দদা নিংথিনা চৎনহন্নবগীদমক তেক্নোলোজীগা পুনশিন্দুনা শিজিন্নবা অসিদা মখাতানা থৌনা হাপ্লগনি হায়না ভারতকী শেল-থুম মন্ত্রী শ্রীমতি নির্মলা সিতারামননা মহাক্কী ২০২২-২৩ বজেৎ স্পীচতা হন্দক্তা ইকুই কুইদ্রিঙৈদা লাওথোকখিবনি৷

স্কিম অসিবু চৎনরিবা রাজ্য পুম্নমক্তা ক্রোপ ইন্সুরেন্স পোলিসীশিং অসি লৌমীশিংদা খঙহন্নবা স্কিম অসিনা দোরস্তেপ দিস্ত্রিব্যুসন দ্রাইব অমা “মেরি পোলিসী মেরে হাথ” হৌদোক্লগনি হায়না পনবা য়াই৷ লৌমীশিংনা মখোয়গী পোলিসীশিং, লেন্দ রেকোর্দশিং অমদি পি.এম.এফ.বি.ৱাই.গী মখাদা লৈরিবা ক্লেম অমসুং গ্রিভেন্স রিদ্রেসেলগী প্রোসেস অদুগী মতাংদা লৌমী পুম্নমকপু নিংথিনা খঙহন্নবা কেম্পেন্দ অসিনা মীৎযেং থম্লি৷

*****