রাস্ত্রপতিগী লোইশঙ
azadi ka amrit mahotsav g20-india-2023

পার্লিয়ামেন্তকী হাউস অনিগী জোইন্ত সিত্তিংদা ভারতকী রাস্ত্রপতি, শ্রী রাম নাথ কোবিন্দনা থমখিবা ৱারোল

Posted On: 31 JAN 2022 12:14PM by PIB Imphal

ইকাই খুম্নরবা মেম্বরশিং,

১.     কোরোনা ভাইরসনা ওইহনবা লাইচৎ অসিগী অহুমশুবা চহিগী মরক্তা ঐখোয়না লৈরি। হায়রিবা চহিশিং অসিদা, ভারতকী মীয়াম্না গনতন্ত্রগী ভেল্যু, লিচৎ-শাজত্তা থাজবা থম্বা অমসুং মশাগী মথৌদাং খঙবগী থৌওং উৎখি। ভারত মচাশিংনা নীংতম্বগী চহি ৭৫ ফাবগী মতমগী হরাওবা ফোংদোক্লিবা মতম অসিদা, হায়রিবা ৱাখল চেৎপগী মতৌ অসিনা ভারতকী তুংগী অফবা মতম ওইরগনি হায়বগী থাজবা অমা লৈহল্লি। অসিগুম্বা থাজবা অসিগা লোয়ননা, ঐহাক্না পার্লিয়ামেন্তকী পুৱারী ওইরবা হোল অসিদগী ভারত মচা খুদিংগী মফমদা য়াইফ পাউজেল পীজরি।

 

২.     ঐহাক্না ঙসি পুল্লিবা পার্লিয়ামেন্তকী হাউস অনিগী মফমদা ৱারোল খরা থম্বগা লোয়ননা, মশাগী থৌদাংদা খ্বাইদগী অহানবা মিৎয়েং চঙখিবা অমসুং ভারতকী হক মরা চেৎহন্নবগীদমক্তা হোৎনখিবা নীংতম লান্মী লাখ কয়াগী মফমদা ইকায় খুম্নবা উৎচরি। নীংতম্বগী চহি ৭৫ অসিদা ঐখোয়গী লৈবাক্কী চাউখৎ-থৌরাংগী লম্বীদা মশাগী শরুক তমখিবা শক্নাইরবা মীওই কয়াগী মফমদসু ঐহাক্না ইকায় খুম্নবা উৎলি।

 

৩.     হৌজিক চৎলিবা অমৃত মহোৎসবকী মতমসিদা, লৈবাক্কী শক্নাইরবা মীওই কয়াগা মরী লৈনবা থৌরম পাংথোক্লিবা কয়ানা ঐখোয়গী ইফমদা ইথিল পীরি। ঐহাক্কী সরকারনা গুরু তেগ বহাদুর সিংহজীগী শেংলবা ৪০০শুবা প্রকাশ পর্ব, শ্রী ঔরোবিন্দোগী ১৫০শুবা মপোক কুমওন, ভি.ও. চিদম্বরম পিল্লাইগী ১৫০শুবা মপোক কুমওন অমসুং নেতাজী সুভাস চন্দ্র বোসকী ১২৫শুবা মপোক কুমওনবু মশক থোক্না পাংথোক্লি। হন্দক্কী চহিসিদগী হৌদুনা, ঐখোয়গী সরকারনা লৈবাক্কী গনতন্ত্রা দিবস নুমিৎপু নেতাজী মপোক কুমওন, জনুৱারী ২৩দগী হৌদুনা পাংথোকপা হৌখ্রে।

 

৪.     ঐহাক্কী সরকারনা মমাংগী মতম্বু নীংশিংবা অমসুং মদুদগী তমজবনা লৈবাক অসিগী তেক্ত-কায়রোইদবা তুংগী মতম অমা লৈহন্নবা মান্ননা মরু ওইবনি হায়না থাজৈ। সাহিবজাদাসকী কত্থোকপগী থৌওংবু নীংশিংবা ওইনা দিসেম্বর ২৬পু ‘বীর বাল দিবস’ অমসুং ওগস্ত ১৪বুনা ‘বিভাজন বিভিশিকা স্মৃতী দিবস’ হায়না পাংথোকপা অসিদা ৱাখল্লোন অসিগী মমি তাবা ফংবনি। সরকার অসিনা ভগবান বির্সা মুন্দাগী মপোক কুমওন ওইরিবা নবেম্বর ১৫বুসু মহাক্কী মফমদা ইকায় খুম্নবা উৎপা ওইনা ‘জন জাতিয় গৌরব দিবস’ হায়না পাংথোক্নবা ৱারেপ লৌখ্রে।

ইকাই খুম্নরবা মেম্বরশিং,

৫.     নীংতম্বগী অমৃত মহোৎসব হায়বসি লাক্কদৌরিবা চহি ২৫ অসিদা ভারত মচাশিংগী ৱারেপ কয়াগী মশক থোকপা শক্তম অমা পীগদৌবা ওইবনা ঐখোয়গী ওইনা য়াম্না শেংলবা থৌরম অমনি। ঐখোয়গী সরকারনা ‘সবকা সাথ, সবকা বিকাস, সবকা বিশ্বাস অমসুং সবকা প্রয়াস’কী মন্ত্রা ইন্দুনা মথংগী চহি ২৫গী মপাঙ্গল লৈবা ফম্বাক অমা শেম্নবা য়াম্না কন্না হোৎনরি। অসিগুম্বা ফম্বাক শেম্বগা মরী লৈনবা খ্বাইদগী মরু ওইবা ৱারেপ অদুদি মপাঙ্গল লৈবা অমসুং মরোমদোম লেপচবা ঙমদুনা ঐখোয় পুম্নমক শরুক য়াবা অমসুং পুম্নমক্কী কান্নবা ওইগদবা ভারত অমা শেম্বনি। কোরোনাগী শিংনবনা থল্লবা মতমসিনা ঐখোয় খুদিংদা ঐখোয়গী পান্দমশিংবু খ্বাইদগী য়াঙবা খোঙজেলগা লোয়ননা ফংনবা হোৎননা ইথিল পীরে।

ইকাই খুম্নরবা মেম্বরশিং,

৬.     কোবিদ লাইচৎ অসিনা মালেম শিনবা থুংবদা চৈথেং পীখি অমসুং ভারতকী ওইনসু, মসিনা ঐখোয়গী নুংশি চানবা কয়া অমা ঐখোয়দগী লাকপীখ্রে। অসিগুম্বা তাঞ্জা অসিদা, কেন্দ, রাজ্য, লোকেলগী সরকার অমসুং লৈঙাক্লোইশিং, দাক্তর, নর্স অমসুং হকশেলগী থৌমী কয়া, ঐখোয়গী সাইন্তিস্ত অমসুং ওন্তোপ্রিনরশিংনা তীম অমা ওইনা থবক তৌমিন্নখি। সরকার অমসুং মীয়ামগী মরক্তা অসিগুম্বা অমনা অমদা থাজবা থম্বা, তেংবাংনবা অমসুং পুন্না থবক পাংথোকমিন্নবগী থৌওং অসি ঐখোয়গী গনতন্ত্রগী মমাংদা অমুক্তা উখিদ্রিবা পাঙ্গলগী খুদম অমনি। ঐহাক্না মসিগীদমক্তা, হকশেলগী থৌমী অমসুং ফ্রন্তলাইন ৱর্করশিংগা লোয়ননা লৈবাক মীয়াম খুদিংবু থাগৎচরি।

 

৭.     কোবিদ-১৯গা মাইয়োক্নরিবা অসিদা ভারতকী মতিক কয়া য়াম্না লৈ হায়বসি হৌজিক চত্থরিবা ভেক্সিনেসন প্রোগ্রাম অসিদা উবা ফংলে। ঐখোয়না চহি অমগী মনুংদা ভেক্সিন দোজ করোর ১৫০ হেন্না কাপ্পা ঙম্বগী রেকোর্দ ওইরবা থাক লান্থোক্লে। ঙসিদি, ভেক্সিন দোজ খ্বাইদগী য়াম্না কাপ্পা মালেমগী মকোক থোংবা লৈবাকশিংগী মনুংদা ঐখোয়সু অমা ওইরবনি। কেম্পেন অসিনা মায় পাকপনা ঐখোয়গী লৈবাকপু ঙাকথোক্লি অমসুং লৈবাক মীয়ামগী মবুক্নিং থৌগৎপগা লোয়ননা মখোয়বুসু ঙাকথোক্লি।

৮.     ঙসিদি, লৈবাক অসিগী অহল মীশিং ৯০% হেনবনা ভেক্সিনগী অহানবা দোজ কাপখ্রে, অদুগা ৭০% হেনবনা দোজ অনিমক কাপ্নখ্রে। সরকারনা লেমহৌরিবা মীয়ামগী ওইনসু ‘হর ঘর দস্তক’ কেম্পেনগী খুত্থাংদা য়ৌশিন্নবা কন্না হোৎনরি। চহি ১৫দগী ১৮ ফাওবগী মনুংদা লৈবা হৌগৎলক্লিবা মীওইশিং অসিসু ভেক্সিন কাপ্পগী থৌওংগী মনুংদা হন্দক্কী থা অসিদগী মনুং চনখ্রে। ফ্রন্তলাইন ৱরকর অমসুং মতম কুইনদগী লাইনা নারক্লবা সেনিয়র সিতিজনশিংগী প্রীকোস্নরী দোজ কাপ্পগী থবকসু হৌখ্রবনি।

৯.     হৌজিক ফাওবগী ওইনা, ইমর্জেন্সীগী মতমদা শিজিন্ননবা লৈবাক অসিদা ভেক্সিন নিপানগী অয়াবসু পীখ্রবনি। ভারত্তা শাবা ভেক্সিন অহুমসু ৱর্ল্দ হেল্থ ওর্গনাইজেসন্না ইমর্জেন্সীদা শিজিন্নবগী অয়াবসু পীখ্রে। মসিগী ভারত্তা শাবা ভেক্সিনশিং অসিনা মালেম শিনবা থুংববু লাইচৎ লৈতবা মালেম অমা ওইহন্নবা অমসুং মীওই করোর কয়াগী মপুন্সি কনবদা মরু ওইবা থৌদাং য়ারি।

ইকাই খুম্নরবা মেম্বরশিং,

১০.    লৈবাক অসিনা পায়খৎলিবা খোঙথাংশিং অসি শুপ্নগী কোবিদকী মাইয়োক্তা লান্থেংনবা খক্তগী নত্তে। ঐহাক্কী সরকার অসিনা তুংগী মতমদসু কান্নবা য়াম্না পীগদবা হীরম কয়াগী ৱারোইশিন পুরক্না হোৎনরি। লুপা করোর ৬৪,০০০ কাইথোক্তুনা পায়খৎলিবা প্রধান মন্ত্রী আয়ুশমান ভারত হেল্থ ইনফ্রাস্ত্রকচর মিসন হৌদোকপা অসিসু শীংথানীংঙাই ওইরবা খুদম অমনি। মসিনা হৌজিক লৈরিবা হকশেলগী তঙাই ফদবশিং থেংনবদা তেংবাংবতা নত্তনা তুংদা লাক্কদবা মরী লৈনবা ইরাং থেংনবদসু লৈবাক অসিবু শেম-শাদুনা থমগনি।

১১.    সরকারনা পায়খৎপা মীয়ামগী অপাম্বা খঙবা পোলিসীনা মরম ওইরগা, মীচম মীয়াম্না হকশেলগী খুদোংচাবশিং হৌজিক্তি য়াম্না লায়না ফংনরে। হেল্থ অমসুং ৱেলনেস সেন্তর ৮০,০০০ হেনবা অমসুং আয়ুশমান ভারত কার্দ করোর কয়ানা লাইরবশিংগী লাইয়েংবদা য়াম্না তেংবাংলি। জন ঔশধী কেন্দ্র ৮,০০০ হেনবগী খুত্থাংদা অহোঙবা মমলদা হিদাক লাংথক ফংহন্দুনা লাইয়েংবদা চঙবা মমলসু সরকারনা মশক থোক্না তাহল্লে। ‘আয়ুশমান ভারত দিজিতেল মিসন; হায়বসি হকশেলগী সেবা কয়াবু লায়না অমসুং নুংঙাইনা ফংহনবগী মাইকৈদা পায়খৎপা য়াম্না মরু ওইবা খোঙথাং অমনি।

ইকাই খুম্নরবা মেম্বরশিং,

১২.    ভারতকী ফার্মা সেক্তরনা কোরোনাগী মতমদা মশাগী মপাঙ্গল উৎখ্রে। হৌজিক্কী ওইনা, ভারতকী ফার্মা কম্পেনী কয়াগী পোত্থোকশিংনা লৈবাক ১৮০ হেনবদা য়ৌশিল্লি। অদুবু, সেক্তর অসিদা ভারতকী মশিং য়াম্লবা খুদোংচাবা কয়া অমসু লৈরি। ঐহাক্কী সরকারনা ফার্মা ইন্দস্ত্রীগীদমক্তা লাউথোকখিবা পি.এল.আই. স্কিম্না খুদোংচাবশিং অসিবু হেন্না পাকথোক চাউথোকহল্লগনি অমসুং রিসর্চ তৌবদা অহেনবা শাফুসু পীরগনি।

১৩.    য়োগ, অয়ুর্বেদ অমসুং নাৎকী লাইয়েংবগী পথাপশিংসু সরকারগী হোৎনজমন্দগী মমিং চৎপা হেনগৎলক্লি। লৈবাক অসিনা ইং ২০১৪দা লুপা করোর ৬,৬০০কী শেনফমগী আয়ুশকী পোত্থোক এক্সপোর্ত তৌরম্মি। হৌজিক্তি, মশিং অসিনা লুপা করোর ১১,০০০গী শেনফম হেল্লে। ভারতনা মালেমগী অহানবা ‘দবল্যু.ঐচ.ও. গ্লোবেল সেন্তর ওফ ত্রেদিস্নেল মেদিসিন’ অমা লিংখৎনবা হোৎনরি।

ইকাই খুম্নরবা মেম্বরশিং,

১৪.    ঐখোয়গী সংবিধানগী চীফ আর্কিতেক্ত, বাবা সাহেব দাক্তর ভীমরাও অম্বেদকরনা অসুম্না হায়বীরম্মিঃ 

“ঐহাক্না পামজবদি লিবর্তী, ইক্বেলিতী অমসুং ফ্রেতর্নিতীদা য়ুম্ফম ওইবা খুন্নাই অমনি। গনতন্ত্রা হায়বসি লৈঙাকপগী মওং অমখক নত্তে। মসিদি মীওই অমনা অমদা লৈগদবা ইকায় খুম্নবগী তঙাই ফদ্রবা মগুন অদুবুনি”। 

ঐহাক্কী সরকারনা বাবা সাহেবকী অসিগুম্বা ৱাখল্লোনবু মশাগী মোত্তোনি হায়না লৌজৈ। ঐহাক্কী সরকারনা খুন্নাইগী অচুম্বা ৱায়েল, ইকায় খুম্নবা অমসুং মান্নবা খুদোংচাবা লৈবা আন্তোদয়াগী মন্ত্রদা থাজবা থম্মি।  মরম অদুনা, সরকারগী থৌশিল থৌরাং খুদিংদা খুঙ্গং, লাইরবা, সেদ্যুল কাস্ত অমসুং ত্রাইব অমদি শোত্থরবা খুন্নাইশিংদা অহেনবা অমসুং খ্বাইদগী ৱাংবা মিৎয়েং থম্লিবনি। ইকুই কুইখিদ্রিবা চহিশিংদা পদ্মা এৱার্দ খনখিবশিংদা ভারতকী ইথিল অসি ময়েক শেংনা মমি তাবনি। তোঙানবা মগুন চেনবা ভারতকুম্বা লৈবাক অমদা, খোঙফম চেৎপা মীওই কয়া অমনা লৈবাক সেবাদা থৱাই হকচাং য়াওনা শরুক য়ারি। মখোয়না ভারতকী মপাঙ্গল তাক্লিবনি।

ইকাই খুম্নরবা মেম্বরশিং,

১৫.    মরু ওইবা তোঙান-তোঙানবা লৈবাক কয়ানা কোরোনাগী মতমদা চিঞ্জাক তাঙবগী খুদোংচাদবা কয়া থেংনখি। অদুবু, মীয়ামগী অপাম্বা খঙবা ঐহাক্কী সরকারনা চহি ১০০গী মনুংদা লাকপা লাইচৎ অসিদা মীওই অমত্তনা চরা হেন্দুনা তুমহনখিদে। ঐহাক্কী সরকারনা প্রধান মন্ত্রী গরীব কলয়ান অন্না য়োজনাগী মখাদা থা খুদিংগী ওইনা লাইরবশিংগী ইমুং খুদিংদা লেম্না রেসন য়েন্দুনা লাক্লি। থৌওং অসিনা লুপা করোর লাখ অনিগা লিশিং হুম্ফু চঙদুনা বেনিফিশরী করোর ৮০দা থা ১৯গী চিঞ্জাক য়েন্থোকপা মালেমগী খ্বাইদগী চাউবা থৌরাং অমা ওইরি। হৌজিক ওইরিবা ফিভম অসিগী মতাংদা নীংথিজনা খঙলদুনা, সরকার অসিনা স্কিম অসিবু মার্চ ২০২২ ফাওবা শাংদোকখ্রে।

১৬.    সরকার অসিনা লাইরবশিংগী মশাবু ইকায়খুম্নবগী চাং হেনগৎহন্নবা অমসুং কোরোনাগী মনুংদা মখোয়গী পুন্সি মহিংবু ঙাক-শেন্নবা পি.এম. স্বনিধি প্রোগ্রামসু চলায়রি। স্কিম অসিনা স্ত্রীত ভেন্দরশিংদা য়াম্না কান্নবা মতেং পাংলি। স্কিম অসিগী মখাদা, স্ত্রীত ভেন্দর লাখ ২৮দা চাউরাকপা লুপা করোর ২৯০০ হেন্না পীথখ্রে। সরকারনা হায়রিবা স্ত্রীত ভেন্দরশিং অসিগা ওনলাইন ফুদ দেলিভরী কম্পেনীশিংগসু মরী লৈনহল্লি। মখা তাবা ওইনা, সরকারনা শিন্মীশিংগী অপাম্ববু ঙাক শেন্নবগীদমক্তা ই-শ্রম পোর্তেলসু হৌদোকখ্রে অমসুং হৌজিক ফাওবগী ওইনা শিন্মী করোর ২৩ হেনবনা মসিদা য়াওরকখ্রে।

১৭.    ঐহাক্কী সরকারনা মীয়ামগী মপাঙ্গল হাপ্নবগীদমক্তা শিজিন্নখিবা জন ধন-আধার-মোবাইল নত্ত্রগা জে.এ.এম. ত্রিনিতীগী কান্নবশিংসু ঐখোয়না উবা ফংলি। মীওই করোর ৪৪ হেনবনা বেঙ্কিং পথাপ অসিদা য়াওরকপগা লয়ননা, মীওই করোর কয়া অমনা লাইচৎ মনুংদা হকথেংননা শেল থানবগী খুদোংচাবা কয়া ফংনখি। 

১৮.    দিজিতেল ইন্দিয়া অমসুং দিজিতেল ইকোনোমীগী মতাংদা খুমাং চাউশিল্লক্লিবশিং অসিগী মরকসিদা, সরকারনা লৈবাক্কী য়ু.পি.আই. প্লেৎফোর্ম্না মায় পাকপগী মঙলান অমা ইয়েংলিবা অসিবু ঐহাক্না থাগৎচনীংই। দিসেম্বর ২০২১দা লৈবাক অসিদা লুপা করোর লাখ ৮ হেনবগী ত্রাঞ্জেক্সন অপুনবা অসি য়ু.পি.আই.গী খুত্থাংদা পাংথোকখি। ঐখোয়গী মীয়াম্না তেক্নোলোজী অমসুং খোঙজেল থুবা অহোংবগা মতৌ করম্না অমসুং খোঙজেল থুনা চুশিন্নবা ঙম্বগে হায়বসি থৌওং অসিনা উৎলি।

ইকাই খুম্নরবা মেম্বরশিং,

১৯.    ঐহাক্কী সরকারনা তঙাই ফদনা চঙবা হীরমশিং ফংহনবনা লাইরবশিংগী মশাবু ইকায় খুম্নবগী মতৌ ঙাক শেন্নবা অমসুং মখোয়বু মপাঙ্গল হাপ্নবা পাম্বৈ অমনি হায়না লৌই। মমাংগী চহি খরদা হোৎনখিবনা মরম ওইরগা, প্রধান মন্ত্রী অৱাস য়োজনাগী মখাদা লাইরবশিংগী মফমদা পক্কা য়ুম করোর অনি হেন্না খুৎশিন্নখ্রে। প্রধান মন্ত্রী অৱাস য়োজনা-গ্রামিনগী মখাদা, মমাংগী চহি অহুমদা অপুনবা শেনফম লুপা করোর লাখ অমগা মখায় চঙদুনা য়ুম করোর ১গা লাখ ১৭ শাবগী অয়াবসু পীখ্রবনি।

২০.   ‘হর ঘর জল’গী পান্দমগা লোয়ননা হৌদোকখিবা, জল জীবন মিসন্না মীওই কয়াগী পুন্সিদা অহোংবা কয়া পুরক্লি। খুঙ্গংগী ইমুং চাউরাক্না করোর তরুক্কী মফমদা লাইচৎনা লৈহনবা চৈথেংগী মরক্তা তোতী ঈশিং য়ৌহনখ্রে। মসিনা ঐখোয়গী খুঙ্গংগী ইচানুপী, ইচে-ইচলশিংদা য়াম্না কান্নবা ফংহল্লি।

২১.    খুঙ্গংগী মীয়ামগী মফমদা মখোয়গী মরল-মথুমগী চে-চাং পীনবগীদমক্তা হৌদোকখিবা স্বমিত্বা স্কিম অসি অতৈদগী তোঙান্না তাবা খোঙথাং অমনি। হৌজিক ফাওবগী ওইনা, স্কিম অসিগী মখাদা খুঙ্গং ২৭,০০০তা প্রোপর্তী কার্দ লাখ ৪০ হেন্না য়েন্থোকখ্রে। মসিগী কার্দ অসিনা খৎন-চৈনবা থোকহন্দবতা নত্তনা খুঙ্গংগী মীয়ামদা বেঙ্ককী সপ্পোর্ত লৌবগী মতাংদসু তেংবাংলি।

ইকাই খুম্নরবা মেম্বরশিং,

২২. ঐগী সরকার অসিনা লৈবাক অসিগী লৌমীশিং অসি হেন্না শক্তি লৈহন্নবা অমদি খুঙ্গংগী শেল-থুমগী ফিভম অসি ফগৎহন্নবা লেপ্প-লৈতনা হোৎনরি৷ লাইনা-লাইচৎ অসি লৈজরবসু, ঐখোয়গী লৌমীশিংনা ২০২০-২১দা মহৈ-মরোং তন কোতি ৩০ হেন্না পুথোকখ্রে অমদি হোর্তিকল্চর পোত্থোক তন কোতি ৩৩ হেন্না পুথোকখ্রে৷ রেকোর্দ ওইনা পুথোক্লিবা অসিগা চুননবা সরকার অসিনা রেকোর্দ ওইনা লৌশিনবগী থবক পাংথোকখ্রে৷ রবি সিজনদা সরকার অসিনা গেহু মেত্রিক তন লাখ ৪৩৩ লৌশিনখি, মসিনা লৌমী লাখ ৫০রোমদা কান্নবা পীরি৷ খরিফ সিজনগী মতমদা রেকোর্দ ওইনা ফৌ মেত্রিক তন লাখ ৯০০রোম লৌশিনখি, মসিনা লৌমী লাখ ৩০রোমদা কান্নবা পীরি৷

২৩. সরকার অসিনা হোৎনরিবশিং অসিনা মরম ওইদুনা ঐখোয়না লৌউ-শিংউগী এক্সপোর্তশিংসু রেকোর্দ ওইবা থাক অসি য়ৌবা ঙমখিবনি৷ ২০২০-২১ চহিদা লৌউ-শিংউ এক্সপোর্তশিংদা চাদা ২৫ হেন্না গ্রোথ লাকপা ঙমখি অমদি লুপা কোতি লাখ ৩রোমগী চাংদা য়ৌবা ঙমখি৷

২৪. লৌমীশিংগী ওইনদি হোর্তিকল্চর অমদি খোইয়ী পুথোকপা হায়বা অসিনা ইনকম লাক্নবগী অমদি কৈথেলশিংদা মখোয়বু হেন্না লাইনা য়ৌহনবা ঙম্বা অনৌবা সোর্সশিংগী য়াম্না মরু ওইবা উপাই ওইরি৷ খোইয়ী পুথোকপদা পীরিবা ইন্সেন্তিবশিং অসিনা মরম ওইদুনা, লৈবাক অসিদা খোইয়ী পুথোকপা অসি ২০২০-২১দা মেত্রিক তন লাখ ১গা লিশিং ২৫ য়ৌখ্রে, ২০১৪-১৫গা য়েংনবা মতমদা চাদা ৫৫গী চাংদা হেনগৎলকখ্রে৷ খোইয়ী এক্সপোর্ত তৌবগী চাং অসিসু ২০১৪-১৫গা য়েংনবা মতমদা চাদা ১০২ হেন্না হেনগৎলকখ্রে৷

২৫. লৌমীশিংদা মখোয়গী পোত্থোকশিং অদুগী মমল মতিক-চানা ফংহন্নবগীদমক, মখোয়গী পোত্থোকশিং অসি অচুম্বা কৈথেল অদুদা য়ৌহনবা দরকার ওই৷ হিরম অসিদা, সরকার অসিনা কিসান রেল সেবা হৌদোক্তুনা লৌমীশিংগীদমক চাওখৎপা পুরক্নবগী অনৌবা এভেন্যুশিং হাংদোক্নবা হোৎনখ্রে৷ কোরোনাগী মতমদা, মনা-মশিং, উহৈ-ৱাহৈ অমদি শঙ্গোমগুম্বা পৎথ-পুমথবা য়াবা চিঞ্জাক মখলশিং অসি পুথোক-পুশিন তৌনবা ইন্দিয়ন রেলৱেজনা রুত ১৫০ হেনবদা কিসান রেল ১,৯০০ হেন্না চলাইখি, মসিনা লৌউ-শিংউগী পোত্থোক মেত্রিক তন লাখ ৬রোম পুথোক-পুশিন তৌখি৷ করিগুম্বা ৱাখল্লোন অদুনা ইন্নোবেতিব ওইরবদি হৌজিক হৌজিক লৈরিবা রিসোর্সশিং অসিদগী মতৌ করম্না অনৌবা এভেন্যুশিং শেম্বা য়াবগে হায়বদু মসিনা খুদম অমা ওইরি৷

ইকাই খুম্নরবা মেম্বরশিং,

২৬. অসিগুম্না মাই-পাকপা অসিগীদমক অমদি লৌউ-শিংউ সেক্তরবু হেন্না মপাঙ্গল লৈহন্নবগীদমক লৈবাক অসিদা লৈরিবা অপিকপা লৌমীশিংদা ঐনা ক্রেদিৎ খ্বাইদগী ৱাংনা পীবা পাম্মী৷ লৌমী-কম্ম্যুনিতীগী চাদা ৮০ ওইরিবা অপিকপা লোমীশিংগী ইন্তরেস্ত অসিসু ঐখোয়গী সরকার অসিদা মতম পুম্নমক্তা মরু ওইরি৷ পি.এম.-কিসান সম্মন নিধিগী মখাদা, লুপা কোতি লাখ ১ লিশিং ৮০গী শেনফম লৌমীগী ইমুং কোতি ১১ হেনবদা ফংহনখ্রে৷ ইনবেস্তমেন্ত অসিগা লোইননা, ঙসিদি লৌউ-শিংউ সেক্তর অসিদা চাওনা অওনবা পুরক্লি৷ লৈবাক অসিগী অপিকপা লৌমীশিংসু ক্রোপ ইন্সুরেন্স স্কিমগী অনৌবা অহোংবশিং অসিদগী কান্নবা ফংখ্রে৷ হায়রিবা অহোংবশিং অসি হেক পুরকখিবদগী, লুপা কোতি লাখ অমা হেন্না লৌমী কোতি নিপানরোমদা কম্পেন্সেসন ওইনা পীখ্রে৷

২৭. ফার্মলেন্দশিংগা নক্নবা মফমশিংদা ইনফ্রাস্ত্রকচর শেমগৎপা দরকার ওইরিবা অসিগীদমক সরকার অসিনা মমাংগী মতমদা অমুক্তা থাদদ্রিবা মওং অমদা শেল থাদরি৷ লুপা কোতি লাখ অমগী শেনফম য়াওরিবা এগ্রীকল্চরেল ইনফ্রাস্ত্রকচর ফন্দগী মখাদা প্রোজেক্ত লিশিং কয়া এপ্রুব তৌখ্রে৷ চানবা থাউদা ইশা-ইরোমদোম ৱাৎত-পাদনা লৈহন্নবগীদমক্তা, ঐগী সরকারনা লুপা কোতি ১১,০০০গী শেনফম অমা থাদদুনা নেস্নেল মিসন ওন ইদিবল ওইল্স-ওইল পাল্মসু হৌদোকখি৷ সরকার অসিনসু ওর্গনিক ফার্মিং, নেচরেল ফার্মিং অমদি ক্রোপ দাইবর্সিফিকেসনগুম্বা অখন্নবা পাম্বৈশিং পুথোক্তুনা হোৎনরি৷

২৮. য়ুনাইতেদ নেসন্সনা ২০২৩বু মিল্লেতকী মালেমগী নুমিৎনি হায়না লাওথোকখ্রে হায়বসি ময়াম পুম্নমক্তা খঙনরবা ঙাক্তনি৷ ঐগী সরকারনা লৌমীশিং, সেল্ফ-হেল্প গ্রুপশিং, এফ.পি.ও.শিং, ফুদ ইন্দস্ত্রী অমদি কম্মন সিতিজনগা লোইননা য়াম্না পাক-চাওবা মওং অমদা মিল্লেতকী মৈলেমগী নুমিৎ অসিবু পালন তৌরগনি৷

২৯. নোংগী ইশিং য়োকশিন্নবগীদমক ঐগী সরকারনা পুকচেল শেংনা হোৎনরি৷ লৈবাক অসিদা নোংগী ইশিং য়োকশিন্নবগী ইনফ্রাস্ত্রকচর শেমগৎনবা অমদি ত্রেদিস্নেল ওইনা লৈরক্লবা ইশিংগী হৌরকফম অসি মাংহন্দনা থম্নবগীদমক অখন্নবা কেম্পেন্দশিং চৎনরি৷ প্রধান মন্ত্রী কৃশি সিঞ্চায়ী য়োজনা অমদি অতল ভু-জল য়োজনাগী মখাদা পাইখৎপা তোঙান তোঙানবা প্রোজেক্তশিংগী মতেংগা লোইননা লৈবাক অসিদা ইথৈ-লৌখোংগী খুদোংচাবশিং লৈবা লম হেক্তর লাখ হুমফু-তরুকসু শেমগৎখ্রে৷ তুরেলশিং শম্নহনবগী প্লানশিং অদুসু সরকার অসিনা পাইখৎখ্রে৷ হন্দক্তা ইকুই কুইদ্রিঙৈদা, লুপা কোতি ৪৫,০০০গী শেনফম অমা থাদদুনা কেন-বেতৱা লিঙ্ক প্রোজেক্ত মপুং ফানা লোইশিন্নবসু এপ্রুব তৌখ্রে৷ মসিগী প্রোজেক্ত অসিনা বন্দেলখন্দদা থেংনরিবা ইশিংগী ক্রাইসিস অসি লোইশিনহনবদা মতেং পাংগনি৷

ইকাই খুম্নরবা মেম্বরশিং,

৩০. খুঙ্গংগী শেল-থুমগী ফিভম ফগৎহনবদা নুপীশিংনা মরু ওইবা থৌদাং লৌবা হেনগৎলক্লি৷ ২০২১-২২দা বেঙ্কশিংনা লুপা কোতি ৬৫,০০০ য়ৌনা সেল্ফ-হেল্প গ্রুপ লাখ ২৮ হেনবদা শেল-থুমগী ওইবা মতেং পীখ্রে৷ হায়রিবা শেনফম অসি ২০১৪-১৫দা থাদখিবা শেনফম অদুগী শরুক মরিরোম ওইরি৷ সরকার অসিনা নুপী সেল্ফ-হেল্প গ্রুপশিংগী মেম্বর লিশিং কয়াদা ত্রেনিং পীখ্রে অমদি মখোয়বু ‘বেঙ্কিং সাখি’ ওইনা পার্তনরশিং শেমখ্রে৷ হায়রিবা নুপীশিং অসিনা খুঙ্গংগী য়ুমশিংদা বেঙ্কিং সর্ভিসশিং পীরি৷

৩১. নুপীশিংবু শক্তি হেন্না পীবা হায়বা অসি ঐগী সরকারগী মকোক-থোংবা প্রাইয়োরিতীশিংগী মনুংদা অমা ওইরি৷ উজ্জৱালা য়োজনা মাই পাকখিবা অসি ঐখোয় পুম্নমক্না উরে৷ “মুদ্রা” স্কিমগী মতেংদগী ঐখোয়গী লৈবাক অসিদা লৈরিবা ইমাশিং অমদি ইচল-ইচেশিংগী স্কিলশিং অমসুং ওল্তরপ্রিনরশিপ অসি য়োকখৎখ্রে৷ “বেতি বচাউ, বেতি পধাউ” ইনিসিয়েতিবসু পোজিতিব রিজল্তশিং ফংবা ঙমখ্রে, অমদি মহৈরোইশঙশিংদা নুপীমচাশিংনা মমিং চনবগী চাংসু পুক্নিং থৌগৎনিংঙাই ওইবা মওং অমদা হেনগৎলকখ্রে৷ নুপামচাশিং অমদি নুপীমচাশিংবু চপ-মানবা মীৎয়েং অমদা য়েংবিদুনা, ঐগী সরকারনা নুপীমচাশিংগী লুহোংবগী মতম অসি নুপাশিংগা চপ মান্নবা চহিদা থম্নবা চহি ১৮দগী চহি ২১দা হেনগৎহন্নবা বিল অমসু পুথোকখ্রে৷

৩২. ত্রিপল তলাখ পাংথোক্লিবা অসি ক্রিমিনেল ওফেন্স অমা ওইহন্দুনা সমাজ অসিদগী ত্রিপল তলাখপু মুথৎনবা সরকার অসিনা মাইওন অমা পুরকখ্রে৷ মেহরান খক্তগা লোইননা হাজ পাংথোকপদা মুস্লিম নুপীশিংদা থম্লিবা অথিংবশিং অদুসু লৌথোকখ্রে৷ ২০১৪গী মমাংদা মাইনোরিতী কম্ম্যুনিতীশিংদা মনুং চন্দুনা লৈরিবা মহৈরোই কোতি অহুমরোমদা স্কোলরশিপশিং ফংহনখি, অদুগা ঐগী সরকার অসিনা ২০১৪দগী হৌদুনা অসিগুম্বা মহৈরোই কোতি ৪.৫দা স্কোলরশিপশিং ফংহনখি৷ মসিনা মুস্লিম নুপীশিংনা স্কুলদগী তোকখিবগী চাং অসি চাওনা হন্থহনখি অমদি স্কুলদা মমিং চনবগী চাং হেনগৎহনখি৷

৩৩. ঐখোয়গী ইচানুপীশিংগী মরক্তা লর্নিং কেপাবিলিতী অসি প্রোমোত তৌনবা নেস্নেল এজুকেসন পোলিসীদা জেন্দর ইনক্লুজন ফন্দগীদমক প্রোভিজন অমসু শেমখ্রে৷ হৌজিক হৌজিক লৈরিবা সাইনিক স্কুল ৩৩দা নুপীমচা মহৈরোইশিং মমিং চলহনবা য়াহনখিবা অসিসু য়াম্না নুংঙাইনিংঙাই অমনি৷ নুপী কেদেৎশিংনা নেস্নেল দিফেন্স একাদমীদা মমিং চনবা য়াহন্নবা সরকার অসিনা অয়াবা পীখ্রে৷ নুপী কেদেৎশিংগী অহানবা বেতচ অসিনা ২০২২গী জুনদা এন.দি.এ.দা চংলক্লগনি৷ ঐগী সরকারগী পোলিসী দিসিজনশিং অমদি থৌনা হাপ্পিবা অসিগা লোইননা, তোঙান তোঙানবা পুলিস ফোর্সশিংদা লৈরিবা নুপী পর্সোনেলগী মশিং অসি ২০১৪গা চাংদম্নবা মতমদা শরুক অনি হেন্না হেনগৎলকখ্রে৷

ইকাই খুম্নরবা মেম্বরশিং,

৩৪. মমিং লৈরবা ঋশি থিরুবাল্লুবরনা অসুম্না ফোংদোকলমখি:

কার্ককা কসাদ্দার করপাৱাই কাত্রাপিন,

নির্ককা অদার্ককা তাগা।

মসিনা হায়নিংলিবা অদুদি, মীওই অমা তমজ-নৈনজরুবা অদু মহাক্না পাংথোকপা থবক্তা মমি তাই হায়বনি৷

অত্মনির্ভর ভারতকী রিসোল্ব অমদি পোতেন্সিয়েল অসিদা মশক হাপ্নবা ঐগী সরকারনা অনৌবা নেস্নেল এজুকেসন পোলিসী অসি লৈবাক অসি শিনবা থুংনা চংনরিবনি৷ নেস্নেল এজুকেসন পোলিসীগী মতেংদগী লোকেল লেঙ্গুয়েজশিংসু য়োকখৎলি৷ অন্দরগ্রেজুয়েত কোর্সশিংগী মরু ওইবা এন্ত্রান্স একজামিনেসনশিং অসিসু ভারতকী লোনশিংদা পাংথোক্নবা মীৎয়েং চংলি৷ চহি অসিদা, রাজ্য ১০দা লৈরিবা ইঞ্জিনিয়রিং কোলেজ ১৯না ইন্দিয়ন লেঙ্গুয়েজ তরুক্তা তাকপি-তম্বিবা হৌরগনি৷

৩৫. স্কিল ইন্দিয়া মিসনগী মখাদা, লৈবাক অসিদা লৈরিবা নহা কোতি ২ লাখ ২৫ হেনববু আই.তি.আই.শিং, জন শিক্সন শন্থান্স অমদি প্রধান মন্ত্রী কৌশাল কেন্দ্রশিংগী খুৎথাংদা স্কিল হৈহনখ্রে৷ হাইয়র এজুকেসনদা স্কিলশিং লিঙ্ক তৌনবা অহোংবা কয়া অমা য়ু.জি.সি. রিগুলেসনশিংদা শেমদোকখ্রে৷

৩৬. কোরোনাগী মাইয়োক্তা লান্থেংনরিবা অসিদা, হেল্থ কেয়রগা মরী লৈনবা অখন্নবা ত্রেনিং প্রোগ্রাম তরুক স্কিল ইন্দিয়া মিসনগী মখাদা হৌদোকখ্রে৷ হায়রিবশিং অসিনা হেল্ফ কেয়র সেক্তর অসিবু মতেং পাংলি৷

৩৭. ত্রাইবেল য়ুথশিংবু মহৈ-মশিং তমহন্নবগীদমক ত্রাইবেল মেজোরিতী ব্লোক খুদিংমক্তা এক্লাবিয়া রিসাইদেন্সিয়েল মোদেল স্কুলশিং হাংদোরক্লি৷ হায়রিবা স্কুলশিং অসিনা ত্রাইবেল নহা লাখ অহুম মখায়রোমবু থৌনা পীরগনি৷

ইকাই খুম্নরবা মেম্বরশিং,

৩৮. ভারত্তা লৈরিবা নহাশিংগী তৌবা-ঙম্বা শক্তি অদু তোকিও ওলেম্পিক্সতা ঐখোয় পুম্নমক্না উখ্রে৷ মসিগী ইন্তরনেস্নেল কম্পিতিসন অসিদা ঙসি ফাওবদা ভারতকী খ্বাইদগী ফজবা পর্ফোমেন্স ওইদুনা, ভারতনা মেদল তরেৎ ফংখ্রে৷ তোকিও পেরালিম্পিক্সতসু, ভারত পেরা-এথলেতশিংনা মেদল ১৯ ফংদুনা রেকোর্দ অমা থম্বা ঙমখ্রে৷ ওলেম্পিক্স অমসুং স্পোর্তসতা ভারতকী পীরিবা পর্ফোমেন্স অসি হেনগৎহন্নবগীদমক, রাজ্য সরকারশিংগা লোইননা কেন্দ্র সরকারনা লৈবাক অসিদা খেলো ইন্দিা সেন্তর চা কয়া লিংখৎলক্লি৷ পেরা স্পোর্তশিংদা দিব্যাঙ্গ য়ুথপু ত্রেনিং পীনবা মতম চুনরবা ফেসিলিতীশিং হাপতুনা গ্বালিয়রদা দিসএবিলিতী স্পোর্তশিংগী সেন্তরশিংসু সরকার অসিনা শেমগৎখ্রে৷

ইকাই খুম্নরবা মেম্বরশিং,

৩৯. দিব্যাঙ্গ মীয়ামগীদমক লাইনা য়ৌহনবা, থাক মান্ননা থম্বা অমদি ইকাই খুম্ননিংহাই ওইরবা পুন্সি মরেল অমদা পুরকপা হায়বসি সমাজ অমা ওইনা ঐখোয়গী অপুনবা থৌদাংনি৷ মাইকৈ অসিদা, সুগাময়া ভারত অভিয়ন অসি ঐখোয়গী নেস্নেল সেন্সিবিলিতীগী সিম্বোল অমনি৷ দিব্যাঙ্গ মীয়ামগী পুন্সিশিং অসিদা অওনবা অমা পুরক্নবগীদমক-লৈবাক অসিনা কোচলিয়র ইমপ্লান্ত সর্জরীদা ফ্রী এসিস্তিব দিভাইসশিং ফংহনবদগী হৌদুনা তোঙান তোঙানবা প্রোগ্রামশিং চৎনরি৷ প্রোগ্রামশিং অসিগী মখাদা, হৌজিক ফাওবদা এসিস্তিব দিভাইস লাখ ২৫ হেন্না দিব্যাঙ্গ মীয়ামদা ফংহনখ্রে অমদি কোচলিয়র ইমপ্লান্ত সর্জরী ৪,০০০রোমগী চাংদা মাই-পাক্না পাংথোকখ্রে৷ হায়রিবা ইফর্তশিং অসিগী মখা চৎথরকপা ওইনা, সরকার অসিনা মধ্য প্রদেশতা নেস্নেল ইন্সতিত্যুত ওফ মেন্তেল হেল্থ রিহেবিলিতেসন শেমগৎখ্রে৷ দিব্যাঙ্গ নহাগী তুংগীদমক ৱাহৈ ১০,০০০গী ইন্দিয়ন সাইন লেঙ্গুয়েজ দিক্সনরী অমসু শেমগৎখ্রে৷

ইকাই খুম্নরবা মেম্বরশিং,

৪০. ঐখোয়গী স্তার্ত-অপ ইন্দস্ত্রী অসিসু ঐখোয়গী নহাগী লুচিং মখাদা খোংজেল য়াংনা মমাই চুম্লক্লিবা লোইবা-নাইদ্রবা অনৌবা পোজিবিলিতীশিংগী খুদম অমা ওইরি৷ ২০১৬তগী হৌদুনা, ঐখোয়গী লৈবাক অসিদা তোঙান তোঙানবা সেক্তর ৫৬তা অনৌবা স্তার্ত-অপ লিশিং হুমফু লিংখৎখ্রে৷ হায়রিবা স্তার্ত-অপশিং অসিনা থবক লাখ তরুক হেন্না ফংহনখ্রে৷ ২০২১দা, কোরোনাগী মতমদা, য়ুনিকোর্ন স্তার্ত-অপ ৪০ হেন্না ভারত্তা থোক্লকখি, হায়রিবা খুদিংমক অসি য়ামদ্রবদা লুপা কোতি ৭,৪০০গী মার্কেৎ ভেল্যু লৈ৷

৪১. ঐগী সরকারগী পোলিসীশিং অসিনা মরম ওইদুনা, ঙসি ভারত্তা ওইরিবা ইন্তরনেত কন্নেক্তিবিতীগী মমল অমসুং স্মার্ত ফোনশিংগী মমল অসি মালেম অসিদা খ্বাইদগী হোংবশিংগী মনুং চল্লি৷ মসিনা ঐখোয়গী হৌগৎলক্লিবা মীরোনশিংদা চাওনা কান্নবা পীরি৷ ৫জি মোবাইল কন্নেক্তিবিতিদা ভারতনা খোঙজেল য়াংনা হোৎনরি, মসিনা অনৌবা খুদোংচাবশিংগী থোংশিং হাংলি৷ সেমিকন্দক্তরশিংদা ভারতনা হোৎনরিবশিং অসিনা ঐখোয়গী স্তার্ত-অপ ইকোসিস্তেম অসিদা চাওনা কান্নবা পীরগনি৷ ঐখোয়গী নহানা খোংজেল য়াংনা হোংলক্লিবা তেক্নোলোজী অসিদগী কান্নবা লৌবা ঙম্নবগীদমক সরকার অসিনা পোলিসী দিসিজন কয়া অমা লৌখৎখ্রে৷ স্তার্ত-অপ ইন্তিলেকচুএল প্রোপর্তী প্রোতেক্সন প্রোগ্রামগী মতেংদগী, সরকার অসিনা পেতেন্তশিং অমদি ত্রেদমার্কশিংগা মরী লৈনবা প্রোসেসশিং অসি লাইথোকহনখ্রে অমদি খোংজেল য়াংখৎহনখ্রে৷ মসিনা মরম ওইদুনা, পেতেন্ত লিশিং ৬রোম অমদি ত্রেদমার্ক লিশিং ২০ হেন্না শেনবা চহি অসিদা এপ্লাই তৌরকখ্রে৷

ইকাই খুম্নজরিবা মেম্বরশিং,

৪২. ঐহাক্কী সরকারনা লেপ্পা লৈতনা কন্না হোৎনবনা, ভারতনা মালেমদা অমুক হন্না শেন্মিৎলোন্দা খ্বায়দগী মাংজিল থাবা অমা ওইরক্লি। হৌখিবা থা খরা অসিদা জি.এস.তি. খোমগৎপা অসি লেপ্পা লৈতনা লুপা লাখ করোর অমগী মথক্তা লৈরি। চৎলিবা ফাইনান্সিএল চহি অসিগী অহানবা থা তরেৎতা লৈরিবা বিল্লিয়ন দোলর ৪৮গী ইনফ্লোনা গ্লোবেল ইনভেস্তর কম্ম্যুনিতীনা ভারতকী চাউখৎপগী ৱারীদা য়াওরি হায়বা থাজবগী খুদম অমনি। ভারতকী ফোরেন একচেঞ্জ রিজার্বনা ঙসিদি বিল্লিয়ন দোলর ৬৩০ হেনখ্রে। ঐখোয়গী এক্সপোর্তশিংসু য়াম্না থুনা চাউখৎলক্লি, অমদি মমাংগী রেকোর্দ কয়া অমা থুগাইরক্লি। ২০২১গী এপ্রিলদগী দিসেম্বর ফাওবগী মনুংদা, ঐখোয়গী পোৎলম মপালদা থাদোকপা অসি বিল্লিয়ন দোলর ৩০০ নত্ত্রগা লুপা লাখ করোর ২২ হেন্না লৈখ্রে, হায়রিবা অসিনা মমাংগী চহি ২০২০গী মান্নবা তাঙ্কক্তগী শরুক অমা তঙ্খায় হেল্লি।    

৪৩. ঐহাক্কী সরকারনা নহারোলশিংগী মেনুফেকচর সেক্তরদা ওইরকপা য়াবা মপুং ফানা মংফাওননবা অমসুং অনৌবা খুদোংচাবশিং পীনবা লুপা লাখ ১গা লিশিং ৯৭গী ওইবা শেনফমগা লোয়ননা মরুওইবা পি.এল.আই. স্কীমশিং ১৪ হৌদোকখ্রে। মসিগী পি.এল.আই. স্কীমশিং অসিনা ভারতপু মালেমগী মেনুফেকচরিং হব অমা ওইনা ওন্থোরকপদা মতেং পীবা খক্তা নত্তনা থবক লাখ ৬০গী মথক্তসু পীরি। দোমেস্তিক মোবাইল মেনুফেকচরিং সেক্তর অসি পি.এল.আই. স্কীমগী মায় পাকপগী শিংথানিঙাই ওইরবা খুদম অমনি। ঙসিদি ভারতনা ঐখোয়গী নহাশিংবু থবক লাখ কয়া পীদুনা মালেমদা খ্বায়দগী চাউবা অনিশুবা মোবাইল ফোন মেনুফেকচরিং অমা ওইনা ফাওগৎলক্লি।    

৪৪. ইলেক্ত্রোনিক্স অমসুং তেক্নোলোজীগী লমদা ঐখোয়গী লৈবাকপু মালেমগী লুচিংবা অমা ওইনা চাউখৎপা পুরক্নবা, সরকার অসিনা সিলিকোন অমসুং কম্পাউন্দ সেমিকন্দক্তর ফেব্রিকেসন, দিসপ্লে এফ.এ.বি., চিপ দিজাইন অমসুং মরী লৈনবা বেনচরগীদমক লুপা করোর ৭৬,০০০গী পেকেজ অমসু হন্দক্তা লাওথোকখ্রে।  

৪৫. অনৌবা লম কয়াদা চাউখৎলকপগা লোয়ননা, ঐহাক্কী সরকারনা চহি চা কয়াদগী ঐখোয়না লোয়নরক্লবা ঐখোয়গী চৎনবিবু ইরমদম অসিগীদমক য়োকখৎতুনা থম্লি। মাইকৈ অসোমদা, ঐহাক্কী সরকারনা চাওরাক্না লুপা করোর ৪,৫০০গী শেন্থং অমগা লোয়ননা মেগা ইন্তিগ্রেতেৎ তেক্সতাইল রিজনশিং অমসুং এপরেল পার্কশিং তরেৎ অয়াবা পীখ্রে। মসিনা ইন্তিগ্রেতেৎ তেক্সতাইল ভেল্যু চেন খুদোং চাহল্লগনি। মসিগী মেগা তেক্সতাইল পার্ক অসিনা ইন্দিয়ন অমসুং ফোরেন ইনভেস্তর অনিমক্কী পুক্নিং চিংশিল্লগনি, অমসুং অনৌবা থবক্কী খুদোংচাবা লাখ কয়া অমা পীরগনি।

 

ইকাই খুম্নজরিবা মেম্বরশিং,

৪৬. চাওরবা কম্পনীশিংগা লোয়ননা, ভারতকী য়াইফবগীদমক ঐখোয়গী স্মাল অমসুং মেদিয়ম এন্তরপ্রাইসেসশিংগী মরুওইবা থৌদাং অমা লৈরি। ঐখোয়গী এম.এস.এম.ই. অসি ঐখোয়গী শেন্মিৎলোনগী বেকবোন্নি, অমসুং অত্মানির্ভর ভারতকী দ্রাইভর অমনি। কোরোনা মনুংদা ক্রাইসিস্তগী এম.এস.এম.ই.বু ঙাকথোক্নবা অমসুং ক্রেদিতকী মতিক চাবা মরাং কাইনা ফংহন্নবা, সরকার অসিনা লুপা লাখ করোর ৩গী গুরান্তিদ কোলেতরেল ফ্রী লোনশিং হৌদোকখ্রে। হন্দক্তা পাংথোকখিবা স্তদী অমদা উবা ফংলি মদুদি স্কীম অসিনা এম.এস.এম.ই য়ুনিৎশিং লাখ ১৩গা লিশিং ৫০দা অনৌবা লিজ ওফ লাইফ অমা পীরি অমসুং থবক করোর ১গা লাখ ৫০সু কল্লি।  ২০২১গা জুন্দা, সরকার অসিনা ক্রেদিত গুরেন্তী লুপা লাখ করোর ৩দগীনা লুপা লাখ করোর ৪.৫তা হেনগৎহনখি।

৪৭. এম.এস.এম.ই. সেক্তরগী স্কোপ অমসুং খুদোংচাবশিং চাউথোক্নবা পোলিসী দিসিজন কয়া অমসু লৌখৎখ্রে। এম.এস.এম.ই.গী অনৌবা ৱাহন্থোক অসিনা অপিকপা ইন্দস্ত্রীশিংবু চাউথোকপদা মতেং পাংলি। সরকার অসিনা প্রাইওরিতী সেক্তর লেন্দিংগী কান্নবা ফংনবগীদমক হোলসেল অমসুং রিতেল ত্রেদরস, লোয়ন-লোয়ননা স্ত্রীদ ভেন্দরশিংবু উদ্যাম পোর্তেলদা মখোয় মশামক রেজিস্তর তৌনবা অয়াবা পীরি।

৪৮. খাদিগী মায় পাকপা অসিসু পনবদা মতিক চাই। খাদি, হায়রিবা অসিনা বাপুগী লুচিং মখাদা নিংতম লান্দা লৈবাক অসিগী খুদম অমা ওইখিবা, অসিনা অমুক হন্না অপিকপা এন্ত্রিপ্রিন্যুরশিংগী মরুওইবা মচাক অমা ওইক্লি। সরকারনা হোৎনবগা লোয়ননা, লৈবক অসিদা খাদিগী পোত্থোকশিং য়োনবা ২০১৪দগী শরুক কয়া হেনগৎলক্লি। 

 

ইকাই খুম্নজরিবা মেম্বরশিং,

৪৯. ইনফ্রাস্ত্রকচর অসি লৈবাক অমগী চাউখৎ-থৌরাংগী হৌরকফম্নি। ঐহাক্কী সরকার অসিনসু সমাজগী খেন্নবা লৈরিবা অসি কোকহন্নবা ইনফ্রাস্ত্রকচরদা ওইনা মিৎয়েং থম্লি। ইনফ্রাস্ত্রকচরদা ইনভেমেন্ত তৌবা অসিনা অনৌবা থবক লাখ কয়া অমা পীবতা নত্তনা, ক্বালিতিব ইম্পেক্ত অমা, ইজ ওফ দুইং ব্যুজিনেস হেনগৎহনবা, হেন্না য়াংবা ত্রান্সপোর্তকী খুদোংচাবা পীবা অমসুং সেক্তর পুম্বগী ইকোনোমিক্কী থৌওংশিংদা পুক্নিং থৌগৎপসু ওইহল্লি।

৫০. ঐহাক্কী সরকারনা ইনফ্রাস্ত্রকচরগী চাউখৎ-থৌরাং হেন্না য়াংশিন্নবা প্রধান মন্ত্রী গতিশক্তি নেস্নেল মাস্তর প্লানগী মখাদা অপুনবা অমা ওইনা থবক তৌমিন্ননবা মন্ত্রালয় কয়াগা পুল্লি। মসিগী থৌরাংশিং অসিনা ভারত্তা মল্তি-মোদালগী অনৌবা এরা অমদা মতেং পীরগনি। লাক্কদৌরিবা তুংদা, ভারত্তাকী রেলৱেজ, হায়ৱেজ অমসুং এয়রৱেজনা অমুক হন্না তোখায়না অমসুং নাইতোম তাবা ইনফ্রাস্ত্রকচর ওইররোই, অদুবু লৈবাক অসিগী অপুনবা রিসোর্স অমা ওইরগনি। 

৫১. খুঙ্গংগী মফমশিংদা দিকেদ কয়া নাথৈদুনা লাক্লবা লম্বী, রিসোর্স অমসুং ইনফ্রাস্ত্রকচর শেমগৎ-শাগৎপা লৈবক অসিগী ওইনা ওইথোকপা কয়া লৈরে। প্রধান মন্ত্রী সরক য়োজনাগী মায় পাকপশিং অসি চাউথোকচনিংঙাই ওইরি। ২০২০-২১গী চহিদা, নোংমদা কি.মি. ১০০ মথক্কী চাংদা, খুঙ্গংগী মফমশিংদা কিলোমিতর লিশিং ৩৬ চাম্মা ৫গী লম্বী শেমখ্রে অমসুং মফম লিশিং কয়া অমা নোংজু-নুংশা নাইদবা লম্বী শেমখ্রে।

৫২. ঙসিদি, নেস্নেল হায়ৱেজশিংসু লৈবাক অসিগী ময়ুং অমসুং মরাক্তগীনা নোংপোক্তগীনা নোংচুপ ফাওবা অমসুং অৱাংদগীনা খা ফাওবা শম্নখ্রে। ২০১৪গী মার্চতা নেস্নেল হায়ৱেজশিং কিলোমিতর লিশিং ৯০ লৈরম্বা অদুগী মথক্তা ঙসিদি ঐখোয়না নেস্নেল হায়ৱেজশিং কিলোমিতর লাখ ১গা লিশিং ৯০গী মথক্তা লৈরে। ভারতমালা প্রোজেক্তগী মখাদা, গ্রীন এক্সপ্রেসৱেজ অমসুং গ্রীন-ফীল্দ কোরিদুরশিং ২৩ য়াওনা, চাওরাক্না লুপা লাখ করোর ৬গী ওইবা শেনফমগা লোয়ননা কিলোমিতর ২০,০০০ মথক্কী হায়ৱেজ শেমগৎ শাগৎপগী থবকশিং চংশিল্লি। 

৫৩. দিল্লী-মুম্বাই এক্সপ্রেসৱেসু লোইশিল্লকপা য়ানা লৈরে; হায়রিবা অসিনা ভারত্তা খ্বায়দগী শাংবা অমসুং য়াংবা এক্সপ্রেসৱে ওইরগনি। পন্ধার্পুর মন্দির শম্নহন্দুনা সান্ত দন্যানেশ্বর মার্গ অমসুং সান্ত তুকরম পলখি মার্গ পাকথোক চাউথোকহন্নবগী থবক হৌবা অসিনা ঐহাক্কী সরকারবু ইকাই খুম্নবা অমনি।

৫৪. ঙসিদি, নাকন অমরোমদা লৈবাক অসিগী মতমগী চুনরবা ইনফ্রাস্ত্রকচরনা চাউখৎ-থৌরাংদা চংশিল্লক্লিবা অসিদা, অতোপ্পা অমদা লৈবাক্কী সেক্যুরিতীদা অনৌবা মপাঙ্গল অমা হাপ্লি। বোর্দর রোদ ওর্গানাইজেসন্না লদাখকী উম্লিং লা পাসতা লৈবা, অসিগুম্বা লম্বী অমগী খ্বায়দগী ৱাংবা এল্তিচুদ ওইরিবা, ফুত লিশিং ১৯গী মথক্তা ফাওনবা য়াবা লম্বী অমা শেমগৎখ্রে। লদাখতা দেমচোক, উত্তরাখন্দা জোলিং কোং অমসুং অরুনাচল প্রদেশতা হুরিগুম্বা খ্বায়দগী চংশিনবা খুঙ্গংশিং ফাওবদা মতমগা চুনরবা লম্বীশিংনা ফাওনহল্লে।  

৫৫. ঐহাক্কী সরকারনা ইন্দিয়ন রেলৱেজসু য়াম্না থুনা মতমগা চুনবা মওংদা শেমগৎলক্লি। অনৌবা বন্দে ভারত ত্রেনশিং অমসুং অনৌবা বিস্তাদোম কোচেস্না ইন্দিয়ন রেলৱেজদা অনৌবা মশা অমা হাপ্লি। হৌখিবা চহি তরেৎতা, কি.মি. ২৪,০০০ শাংবা রেলৱে রুত ইলেক্ত্রিফাইদ তৌখ্রে। অনৌবা রেলৱে ত্রেক্তশিং থাদবা অমসুং দবল-লেন্নিংগী থবকশিংসু য়াম্না থুনা চংশিল্লি। গুজরাত্তা গান্ধীনগর রেলৱে স্তেসন অমসুং মধ্যা প্রদেশতা রানী কমলাপতি রেলৱেনা হৌজিক মতমগা চুনরবা ভারতকী অনৌবা মিৎয়েং পীরি। কশ্মিরগী চেনাব তুরেলদা শাগৎলিবা রেলৱে আর্ক থোংনা পুক্নিং চিংশিন্নবগী মফম ওইনা ফাওগৎলক্লি।  

৫৬. ঐহাক্কী সরকানা পব্লিক ত্রান্সপোর্ত, লায়রবা অমসুং মিদ্দল ক্লাসশিংগী ইজ ওফ লিবিংগী লমদা শিংথানিঙাই ওইরবা থবক কয়া অমসু পায়খৎলি। রাজ্য ৮দা মীওই লাখ কয়া নুমিৎ খুদিংগী কান্নবা পীদুনা, অনৌবা মেত্রো রুতশিং তরামাথোই হৌদোকখ্রে। ভারতনা হৌজিক মালেমগী ওইনা দ্রাইভর য়াওদনা ত্রেন থৌবা লৈবাক মরিগী মনুংদা অমা ওইরি। ঐখোয়না মেক ইন ইন্দিয়াগী তৌবা ঙম্বা মশক তাক্লিবা ইন্দিজিনস ওতোমেতিক ত্রেন সিস্তেমসু শেমগৎলে। সরকার অসিনা উত্তর প্রদেশকী গৌতম বুদ্ধা নগর দিস্ত্রীক্তা  লৈবাক অসিগী খ্বায়দগী চাউবা এয়রপোর্ত অমগী মনুংদা ওইরক্লিবা অসিদা, লৈবাক অসিদা গ্রীনফীল্দ এয়রপোর্ত ২১ শেমগৎনবা অয়াবসু পীখ্রে। 

৫৭. পোর্তকা লোয়ননা লৈবাক অসিগী মরুওইবা কম্মর্সিএল হবশিং শম্ননবা সাগরমলা প্রোগ্রামগী মখাদা কনেক্তিবিতী প্রোজেক্তশিং ৮০ হেনবগী থবকশিংসু চংশিল্লি। হৌজিক ফাওবদা, রাজ্য ২৪দা হান্ননা লৈরবা নেস্নেল ৱাতরৱেজ ৫ অমসুং অনৌবা ৱাতরৱেজ ১০৬, পুন্না নেস্নেল ৱাতরৱেজ মশিং ১১১বু নেস্নেল ৱাতরৱেজ হায়না লাওথোকখ্রে। মসিগী মনুংদা, কার্গোগী ত্রান্সপোর্তকীদমক ৱাতরৱেজ ২৩ য়াওরি। ইনফ্রাস্ত্রকচরবু মতমগা চুনবা অমা পুরক্নবগী পাম্দমদা, সরকারনা সর্ক্যুইত কিলোমিতর লিশিং ২৭কী মথক্তা ওইবা ত্রান্সমিসন লাইনসু শেমখ্রে।   

ইকাই খুম্নজরিবা মেম্বরশিং,

৫৮. হন্দক্তা, লৈবাক অসিবু মশক থোকপা ওইহন্দুনা ঐখোয়না আত্মানির্ভর ভারতকী অনৌবা ৱারেপ অমা লৌবা উবা ফংলি। মসিগী ৱারেপ অসি হেন্না ফবা অওনবগী ইনর্জীনা মখা তানা মপাঙ্গল কনহনবনি। লেবরদা অনৌবা রিফোর্ম তৌবদগীনা বেঙ্কিং সেক্তরদা রিফোর্ম তৌবা, অমসুং ইনসোল্বেন্সী অমসুং বেঙ্ক্রপসী কোদ ফাওবা, মসিগী রিফোর্মসকী পরিং অসি অয়েৎপা লৈতনা লাক্লি। মমাংগী চহিদা, কেন্দ্র অমসুং রাজ্যশিংগী দিপার্তমেন্ত কয়াদা কমপ্লাইএন্সকী তঙাইফদবশিং লৈরিবা লিশিং ২৬ হেন্না হন্থখ্রে। স্পেস সেক্তরশিং হৌজিক্তি লোইবা নাইদবা ওইথোকপগী হোরাইজন অমা পীদুনা প্রাইবেৎ সেক্তরগীদমক হাংদোক্লে। মমাং চহিদা শেমখিবা ইন-স্পেস অসি ভারতকী স্পেসকী পাংথোকপা ঙম্বা থবকশিং হেনগৎনবগী অদুগুম্লবা মরুওইবা খোঙথাং অমনি।   

৫৯. ঐহাক্কী সরকারনা দ্রোন তেক্নোলোজী অমসুং মরী লৈনবা খুদোংচাবশিং য়াম্না থুনা চাউখৎলক্লিবা অসিগী মরমদসু খঙলি অমসুং ফিভমশিং লাকশিল্লি। মসিগী মায়কৈরোমদা, সরকারনা দ্রোন রুলস ২০২১ নোতিফাইদ অমসুং সিমপ্লিফাইদ তৌখ্রে অমসুং লৈবাক অসিদা দ্রোনশিং অমসুং দ্রোনগী পার্তশিং মেনুফেকচর তৌবগীদমক পি.এল.আই. স্কীম অমসু হৌদোকখ্রে। মসিনা লাক্কদৌরিবা তুংদা লুরবা তেক্নোলোজী অসিগী ফিভম কাইদনা থম্বদা ভারতপু মতেং পীরগনি।

ইকাই খুম্নরবা মেম্বরশিং,

 

৬০. ঐহাক্কী সরকারনা সেফ অমসুং সেক্যুর ওইবা ভারত অমা ওইহন্নবা অঙম্বা থাক্তা হোৎনরি। দিফেন্স সেক্তরদা সরকারগী পোলিসিশিংনা মরম ওইরগা, অখন্ননা দিফেন্স প্রদক্সন্দা, লৈবাক অসিনা অঙকপা ফংনা আত্মনির্ভর ওইবা হেনগৎলক্লি।

 

৬১. ইংকুমজা ২০২০-২১দা আর্মদ ফোর্সেসকী মোদর্নাইজেসনগী অয়াবা পীখ্রবা খুদিংমক্কী চাদা ৮৭দি ‘মেক ইন ইন্দিয়া’ কাংলুপ্তগীনি। মসিগা মান্ননা, কন্ত্রেক্তশিংগা মরী লৈনবা ইক্বিপমেন্তশিংগী চাদা ৯৮দি ‘মেক ইন ইন্দিয়া’ কাংলুপ্তা খুদোংচাবা পীরি। ঐখোয়গী আর্মসদ ফোর্সেসনসু মপানদগী লৈরোইদবা মিলিতরী ইক্বিপমেন্ত ২০৯গী লিস্ত অমা ইসু তৌখ্রে। দোমেস্তিক ওইনা মেন্যুফেকচর তৌগদবা দিফেন্স ইক্বিপমেন্ত ২,৮০০ হেনবগী লিস্ত অমা দিফেন্স অন্দরতেকিংশিংনা ইসু তৌখ্রে। 

 

৬২. এল.সি.এ. তেজাস ফাইতর এয়রক্রাফ ৮৩ শানবা হিন্দুস্তান এরোনোতিক্স লিমিতেদকা কন্ত্রেক্ত অমা সাইন তৌখ্রে। সরকার অসিনা ওর্দনান্স ফেক্তরীবু দিফেন্স পি.এস.য়ু. ৭তা রিওর্গনাইজ তৌনবা মরুওইবা খোঙথাংশিং লৌখৎলে।  মসিগী মথক্তা, সরকার অসিনা দিফেন্স সেক্তরগী প্রাইবেত সেক্তর অমসুং স্তার্ত-অপশিং লেপ্পা লৈতনা প্রমোৎ তৌনবা হোৎনরি। ঐখোয়গী পান্দমদি ঐখোয়গী ফোর্সশিংনা মথৌ তারিবা পোত্থোকশিং অসি ভারত্তা দিভেলপ তৌবা অমসুং ভারত্তা মেন্যুফেকচর তৌনবা হায়বসিনি। 

 

ইকাই খুম্নরবা মেম্বরশিং,

 

৬৩. ভারতনা দিপ্লোমেতিক্কী ওইবা মরীশিং ফগৎহনবগী খুত্থাংদা লেপ্পা লৈতনা অহোংবা পুরক্লিবা গ্লোবল ইনভাইরনমেন্ততা মহাক্কী খোংফম চেৎশিলহল্লি। ভারতনা অগস্ত ২০২১দা য়ুনাইতেদ নেসন্স সিক্যুরিতী কাউন্সিলগী ময়াই তাংবল লৌখি অমসুং অনৌবা মখলগী ৱারেপ কয়ামরুম লৌখি। ভারতকী প্রসিদেন্সীগী মখাদা, অহানবা ওইনা মেরিতাইম সিক্যুরিতীগী ইসুদা অপুনবা খন্ন-নৈনবগী সিক্যুরিতী কাউন্সিল অমা পাংথোকখ্রে। সিক্যুরিতী কাউন্সিলনা, অহানবা ওইনা, য়েৎনবা লৈতনা মসিগী হীরম অসিদা প্রসিদেন্তসিএল ৱারোল অমা এদোপ তৌখি।

৬৪. ঐখোয়না ঐখোয়গী য়ুমলোম্নরিবা লৈবাক অফঘানিস্তান্দা তংদু লৈতাদবা অমসুং ভোলেতিলিতী উবা ফংখি। হৌজিক ওইরিবা ফীভম অসিদসু হ্যুমেনিতীগী তশেংবা ৱাখল্লোনগা লোয়ননা ভারতনা ওপরেসন দেভী শক্তি লোঞ্চ তৌখি। খুদোংথিনীংঙাই ওইবা ফীভম অসি লৈজরবসু, ঐখোয়গী প্রজা মশিং কয়া অমদি অফঘান হিন্দু অমসুং সিখ মাইনোরিতীশিং কবুলদগী মাইপাক্না এয়রলিফ তৌখি। ঐখোয়না হোলি গুরু গ্রান্থ হাহিবকী স্বরুপ অনি তেক্তা কাইদনা অৱাবা ফীভম অদুগী চৈরক্তা অমুক হন্না পুরকপা ঙমখি। হ্যুমেনিতরিয়নগী মীৎয়েংদগী ভারতনা অফঘানিস্তান্দা মেদিকেল সপ্লাইশিং অমদুং চেং-হৱায় দেলিভর তৌবদা মতেং পাংলি।

 

ইকাই খুম্নরবা মেম্বরশিং,

 

৬৫. অইং-অশাগী খল কাইথরকপদা অসি হৌজিক মালেম পুম্বমনা মায়োক্নরিবা অচৌবা শীংনবা অমনি। ভারত অসি হীরম অসিদা থৌদাং লৌরিবা গওবেল ভোইস অমা ওইরক্লি। সি.ও.পি.-২৬ সম্মিত্তা ঐহাক্কী সরকারনা ২০৩০ ফাওবদা ভারতনা কার্বোন ইমিসন অসি বিলিয়ন তন ১ হন্থহনগনি হায়না লাউথোকখি। ভারতনা ২০৭০ ফাওবদা নেৎ জিরো ইমিসন ইকনোমী ওইনবা পান্দম অমা ফংবা চংশিল্লি। ভারতনা গ্লোবেল কম্ম্যুনিতীগা লোয়ননা “গ্রীন গ্রিদ ইনিসিএতিব: ৱান সন, ৱান ৱর্ল্দ, ৱান গ্রিদ”কী থৌরাংসু পাইখৎখি। মসি মালেমগী ওইনা ইন্তরকন্নেক্তেদ সোলর পাৱর গ্রিসশিংগী অহানবা ইন্তরনেস্নেল নেৎৱর্ক অমনি। এনভাইরনমেন্তগীদমক ঐখোয়গী পান্দমশিং অমসুং ফিরেপশিং অসিনা ঐখোয়না মহৌশাগীদমক খল্লি হায়বগী খুদম অমনি।

 

ইকাই খুম্নরবা মেম্বরশিং,

 

৬৬. ঐহাক্কী সরকারনা ভারতকী অরিবা হেরিতেজ অসি ঙাকশেনবা, য়োকখৎপা অমসুং চাউখৎহন্নবা থৌদাং অমা লৌখি। ধোলাবিরাগী হরাপ্পান সাইৎ অমসুং তেলঙ্গনাদা লৈবা ১৩শুবা চহিচাগী কাকাতিয়া রুদ্রেশ্বর রমাপ্পা মন্দির অসি য়ুনেস্কো ৱর্ল্দ হেরিতেজ সাইৎ ওইনা লাউথোকখিবা অসি ঐখোয়গী ওইনা চাউথোকচনীংঙাই ওই। প্রয়াগরাজকী কুম্ভ মেলাগী মতুংদা কোলকতাগী মমিং লৈরবা দুর্গ পুজা অসিসু য়ুনেস্কোগী ইন্তেঞ্জিনল কলচরেল হেরিতেজকী লিস্তা হাপচিনখ্রে।

 

৬৭. ভারতকী মমল য়াম্লবা হেরিতেজ লৈবাক অসিদা অমুক হন্না পুরকপা হায়বা অসিদা সরকার অসিনা মরু ওইবা মীৎয়েং অমা থমখি। ইমা অন্নপুর্না দেবীগী মীতম অসি চহি চামাগী মমাংদা ভারত্তগী হুরানখি, হায়রিবা অসি অমুক হন্না পুরক্তুনা কাশী বিশ্বানাথ মন্দিরদা খিনখি। অসিগুম্বা পুৱারীগী ওইবা আর্তিফেক্তশিং অসি তোঙান-তোঙনবা লৈবাকশিংদগী ভারত্তা অমুক হন্না পুরকখি।

 

৬৮. হেরিতেজ অমসুং তুরিজম অসি অমগা অমগীমরক্তা অনকপা মরী লৈনৈ হায়বা ঐখোয়না খঙই। মরম অসিনা ভারতকী স্পিরিচুএল হেরিতেজ অসি নৌনা শেমগৎপগা লোয়ননা পিলগ্রিম অমসুং তুরিস্তশিংগী মোদর্ন ফেসিলিতীশিং অমসুং ইনফ্রাস্ত্রকচর অসিবু শেমগৎলি। ঐখোয়গী সরকারনা হৌদোকখিবা স্বাদেশ দর্শন অমসুং প্রসাদ স্কিমশিং অসিনা মসিদা অচৌবা থৌদাং অমা লৌরি।

 

৬৯. ফোর্ত অগুৱাদা জেল কমপ্লেক্স অসিবু নৌনা শেমজিনখি অমসুং গোৱাগী ৬০শুবা লিবরেসন দেগী থৌরমদা শঙ্গাখি। মসি গোৱা নীংতম্বা ফংহন্নবা হোৎনখিবা কাউঙম্লরোইদবা ইহৌগী লান্মীশিংগী মেমোরিএল অমনি।

 

ইকাই খুম্নরবা মেম্বরশিং,

 

৭০. ঙসি, নীংতম্বগী অমৃত কাল অসিদা ঐখোয়গী ‘এক ভারত, শ্রেস্থ ভারত’ ফিরেপ অসিনা তঙাই ফদবা দেমোক্রেতিক ভেল্যুশিংদা চাউখৎ-থৌরাংগী অনৌবা পন্দুপ অমা ইবা ঙমহল্লি। ঙসি লৈবাক অসিনা মমাংদা নাথৈদুনা থম্বীরুরবা রাজ্যশিং অমসুং রিজনশিংগী অখন্নবা খোঙথাংশিং লৌখৎলি।

 

৭১. জম্মু অমসুং কাশ্মির অমসুং লদাখ রিজন্দা চাউখৎ-থৌরাংগী অনৌবা ইরা অমা হৌখিবা অসিনা মসিগী অচৌবা খুদম অমনি। লুপা করোর ২৮,০০০গী শেনফমদা জম্মু অমসুং কাশ্মিরগী ইন্দস্ত্রিএলগী চাউখৎ-থৌরাংগীদমক অনৌবা সেন্ত্রেল সেক্তর স্কিম অমা ঐহাক্কী সরকারনা হৌখি। হৌখিবা চহিদা, কাজিগুন্দ-বনিহাল তনেল অসি ত্রাফিক্কীদমক হাংদোকখ্রে। শ্রীনগর অমসুং শার্জাহকী মরক্তা ইন্তর্নেস্নেল ফ্লাইৎশিংসু হৌখ্রে।

 

 

৭২. জম্মু অমসুং কাশ্মিরগী মীয়ামগী এজুকেসন, হেল্থ অমসুং এমপ্লোইমেন্তদা অফবা খুদোংচাবশিং পীনবা মরু ওইবা খোঙথাং কয়ামরুম পাইখৎখি। হৌজিক্কী ওইনা মেদিকেল কোলেজ তরেৎ অমসুং এম্স অনি, জম্মুদা অমা অমসুং কাশ্মিরদা অমগী থবক চত্থরি। আই.আই.তি. জম্মু অমসুং আই.আই.এম. জম্মু শাবগী খোঙজেল য়াংনা চত্থরি।

 

৭৩. সিন্ধু ইনফ্রাস্ত্রকচর দিবেলপমেন্ত কোর্পোরেসন অসি য়ুনিয়ন তেরিতোরী, লদাখধা ইনফ্রাস্ত্রকর অমসুং শেন্মিৎলোনগী চাউখৎ-থৌরাং খোঙজেল য়াংখৎহন্নবা লিংখৎহনখি। লদাখকী চাউখৎ-থৌরাংগী খোঙচৎতা সিন্ধু সেন্ত্রেল য়ুনিভর্সিতীগী মওংদা অনৌবা পন্দুপ হাপচিনখি।

 

ইকাই খুম্নরবা মেম্বরশিং,

 

৭৪. ঐহাক্কী সরকারনা অৱাং-নোংপোক্কী রাজ্য পুম্নমক – অরুনাচল প্রদেশ, অসাম, মনিপুর, মেঘালয়, মিজোরাম, নাগালেন্দ, সিক্কিম অমসুং ত্রিপুরা অসিগীদমক সস্তেনেবল দিবেলপমেন্ত পুরক্নবা ফিরেপ লৌখি। রাজ্যশিং অসিদা থাক খুদিংমক্তা তঙাই ফদবা খুদোংচাবশিং অমসুং শেন্মিৎলোনগী খুদোংচাবশিং চাউখৎহল্লি। রেল অমসুং এয়র কন্নেক্তিবিতী অসি অৱাং-নোংপোক্কী মীয়ামগীদমক মঙলান অমা ওইদ্রে, মখোয়না হৌজিক্তি মসি তশেংনা এক্সপরিয়েন্স তৌবা ফংলে। অৱাং-নোংপোক থংবা রাজ্যশিংগী কেপিতেল পুম্নমক অসি ঐখোয়গী সরকারনা হোৎনরিবশিং অসিগা লোয়ননা হৌজিক রেলৱে মেপতা য়াওহনবা ঙম্বা অসি চাউথোকচনীংঙাই ওই।

 

৭৫. ইতানগরগী হোল্লোঙ্গিদা অনৌবা এয়রপোর্ত। ত্রিপুরাগী মহারাজা বির বিক্রম এয়রপোর্ত্তা হন্দক্তা অনৌবা মতমগা চুনবা অনৌবা তর্মিনেল অমা হাংদোকখি। অৱাং-নোংপোক্তা চাউখৎপা পুরক্লিবা অসিনা ভারতকী গ্রোথ স্তোরীদা গোল্দন চেপ্তর অমা ওইরগনি। শুপ্নগী নুমিৎ খরনিগী মমাংদা জনুৱারী ২১ অসি মেঘালয়, মনিপুর অমসুং ত্রিপুরাগী ৫০শুবা কুমওন পাঙথোকখি।  রাজ্যশিংগী খোঙচৎ অসিগী নীংতম্বগী ৭৫শুবা কুমওনগা পুন্না তামিন্নবা অসিনা মখোয়গী চাউখৎ-থৌরাংগীদমক অনৌবা ফিরেপশিং লৌনবা ইথিল পীরগনি।

 

 

৭৬. ঐহাক্কী সরকারনা অৱাং-নোংপোক্তা শান্তি পুরক্নবা পাইখৎখিবা খোঙথাংশিং অসি ইতিহাসিক ওইনা মাইপাকপা ঙম্লে। শুপ্নগী থা খরগী মনুংদা, কেন্দ্র সরকার, অসাম সরকার অমসুং কার্বি কাংলুপশিংগী মরক্তা কার্বি আংলোংগী দিকেদ কয়া শুরবা চরাংনবা অসি লোইশিনবা ঙমখি। মসিনা লমদম অসিদা শান্তি অমদি চাউখৎপগী অনৌবা পন্দুপ অমা পুরকপা ঙমখি। ঐহাক্কী সরকারনা কন্না হোৎনবনা মরম ওইরগা লৈবাক অসিদা নেক্সলনা শোকহল্লবা জিলাশিংগী মশিং অসি ঙসি ১২৬তগী ৭০দা হন্থহনবা ঙমখ্রে।

 

ইকাই খুম্নরবা মেম্বরশিং,

 

৭৭. ঐহাক্কী সরকারনা প্রজাশিংগীদমক সরকারগী বিভাগশিংগী একাউন্তেবিলিতী হেনগৎহন্নবা হোৎনরি। ভারত সরকারগী মন্ত্রালয় পুম্নমক্না লুনানবা অমসুং পেন্দিং রিফরেন্সশিংগী দিস্পোজেল তৌনবা অখন্নবা দ্রাইব পাইখৎলি। মিসন কর্ময়োগীগী মখদা সরকার অসিনা সিবিল সর্ভেন্তশিংগী কেপাসিতী বিল্দিং কম্মিসন লিংখৎখি। মিসন কর্ময়োগী অসিনা সিবিল সর্ভেন্তশিংগী কেরিয়রদা মতেং ওইরগনি, অমসুং লৈবাক শেম্বগী অনৌবা থৌদাংশিংগীদমক মখোয়বু শেম-শাবসু ঙম্লগনি।

 

৭৮. লৈবাক অসিদা ৱায়েল লায়না ফংহন্নবা অমসুং হেন্না এক্সেসিবল ওইহন্নবা মরু ওইবা খোঙথাং কয়ামরুমসু পাইখৎলি। তেলি-লো প্রোগ্রামগী খুত্থাংদা প্রি-লিতিগেসনগী পাউতাক লৌনবা প্লেৎফোর্ম অমা থমখি। দিস্প্যুৎশিংগী ৱারোইশিন পীবদা খোঙজেল য়াংশিন্নবা ঐহাক্কী সরকারনা মেদিএসন বিল, ২০২১ রাজ্য সভাদা পুথোকখি।

 

ইকাই খুম্নরবা মেম্বরশিং,

 

৭৯.  ঙসি লৈবাক অসিগী মাইপাকশিং অসি লৈবাক অসিগী তৌবা ঙম্বা অমসুং ওইথোকপা ঙম্বশিং অদুগুম্না ঙমখৈ লৈত্রে। মসিগী মাইপাকপশিং অসি ইন্সতিত্যুসন নত্ত্রগা ইস্তাব্লিশমেন্ত অমা খক্তদগী ফংবা নত্তে; মসি ঐখোয়গী লৈবাক অসিগী প্রজা বিলিয়ন অমা হেনবা অসিগী অপুনবগী মাইপাকপশিংনি। মসি বিলিয়ন অমা হেনবা মীওইশিংগী হুমাং মমলগী মহৈশিংনি। মসিগী মাইপাকপশিং অসি ঐখোয়গী অচৌবা পান্দমশিং ফংনবগী শাংলবা খোঙচৎকী মাইলস্তনশিংনি, অমসুং মাংদা চংশিন্নবা ঐখোয়গী ইথিলশিং ওইরি।

 

৮০. ২০৪৭দা লৈবাক অনিনা নীংতম্বগী চহি চামা মপুং ফাবগী থৌরম পালন তৌগনি। ঐখোয়না ভারত অসি মতম অদুদা অফবা, মতমগা চুনবা অমসুং চাউখৎপা ওইহন্নবা হৌজিক্তিগী হৌনা কন্না হোৎনবা তাই। ঐহাক্না কন্না হোৎনরিবা অসিনা অরোইবদা মহৈ য়ানবা ফলশিং ফংনবা হোৎনবা তাই। ঐখোয় খুদিংমক্কী শরুক য়াওই, অমসুং খোঙচৎ অসিদা চপ মান্নবা শরুক অমা য়াওরি।

 

৮‌১. মেম্বর ওফ পার্লিয়ামেন্ত পুম্নমকনা মখোয়গী থৌদাংশিং পাঙথোক্লিবা মওং অসিবু, অমদি হাউস অনিনা কোরোনাগী খুদোংথিরবা মতমগী মনুংদা চেকশিন-থৌরাং পুম্নমক লৌখৎতুনা মথৌ তৌখিবা অদুগীদমক ঐহাক্না থাগৎচরি। ঐখোয়গী মীয়ামগী নখোয়না আশা অমসুং এস্পিরেসনশিং ওইরি। মসিগা চপ মান্নবা ৱাখল্লোনগা লোয়ননা ঐখোয়না তুংলমচৎতুনা থবক তৌখিবা তাই।

 

৮২. ঐখোয় পুম্নমক্না ঐখোয়গী অচৌবা ভারতভর্শা অসি মাইপাকপগী পন্দোম লোমহনবা ঙমগনি হায়না ঐহাক্না চেৎনা থাজৈ। ৱাখল্লোন অসিগা লোয়ননা ঐহাক্না ময়ামদা অমুক হন্না নুংঙাইবা ফোঙদোকচরি। পুম্নমকপু ঐহাক্না থাগৎচরি!

জয় হিন্দ!

*****



(Release ID: 1798385) Visitor Counter : 138