“মসিগী বজেৎ অসিনা য়ুম্ফম অমা শেমদুনা শেন্মীৎলোন অসিবু মথংগী চহি ২৫গী অমৃত কালদা-৭৫দা লৈবা ভারত্তগী ১০০ লৈবা ভারত ফাওবগী মতম, পুনবা ব্লুপ্রিন্ত অমা পীনবা পান্দম থম্লি”৷ মসিগী মংলান অসি ঙসি পার্লিয়ামেন্তদা য়ুনিয়ন বজেৎ ২০২২-২৩ পুথোক্লদুনা শেল-থুম অমদি কোর্পোরেৎ এফিয়র্সকী কেন্দ্র মন্ত্রী শ্রীমতি নির্মলা সিতারামননা ফোংদোকখিবনি৷ অমৃত কালগী মখাদা মথংদা ইজ ওফ লিবিং হৌদোক্কদৌরিবা অসিগীদমক মহাক্না লাওথোকখি৷

মসিগী ইজ ওফ লিবিংগী অনৌবা ফেজ অসি মখাদা লৈরিবশিং অসি য়াওবা এপ্রোচ অমনা লমজিংলগনি হায়না কেন্দ্রগী মন্ত্রী অসিনা শন্দোক্না ফোংদোকখি:

১.  রাজ্যশিং এক্তিব ওইনা শরুক য়াবা,

২.  মেনুএল প্রোসেসশিং অমদি ইন্তরবেন্সনশিং দিজিতাইজেসন তৌবা

৩.  আই.তি. ব্রিজশিংগী খুৎথাংদা কেন্দ্র অমসুং রাজ্যগী থাক্তা লৈরিবা সিস্তেমশিং পুনশিনবা৷

মসিনা প্রজাদা য়ুম্ফম ওইবা সর্ভিস পুম্নমক্কী সিঙ্গল পোইন্ত এসেস অমা শেমগৎপদা মতেং পাংগনি অমদি স্তেন্দর্দাইজেসন পুরকপা ঙমগনি অমসুং ওবরলেপ্পিং কমপ্লাইয়েন্সশিং অসি লৌথোকপদা মতেং পাংগনি৷

চিপ হাপ্পা ই-পাসপোর্তশিং ইসু তৌবা

২০২২-২৩দা এম্বেদেদ চিফ অমসুং ফ্যুচরিস্তিক তেক্নোলোজী শিজিন্নদুনা ই-পাসপোর্তশিং ইসু তৌরগনি হায়না শেল-থুম মন্ত্রীনা লাওথোকখি৷ মসিনা প্রজানা লৈবাক অসি লান্না মীরমদা চৎপা মতমদা হেন্না মখাতানা খুদোং চাহল্লগনি৷

বিল্দিং বাইলোশিং অমদি তাউন/আর্বান প্লানিং মোদরনাইজেসন তৌবা

আর্বান প্লানিংদা অওনবশিং পুরক্নবা বিল্দিং বাইলোশিং মোদরনাইজ তৌবা, তাউন প্লানিং স্কিমশিং(তি.পি.এস.) অমদি ত্রান্সিৎ ওরিয়েন্তেদ দিবেলপমেন্ত(তি.ও.দি.) শেল-থুম মন্ত্রীনা পুথোকখ্রে৷ অতৌবা ত্রান্সিৎ সিস্তেমশিংগা নক্নবা হিংজরিবা অমদি থবক শুজরিবা মীওইশিংগী ওইনদি রিফোর্মশিং অসি মসিনা লাইথোকহল্লগনি৷

হিরম অসিগী মতাংদা, কেন্দ্রগী মন্ত্রীনা অসুম্না ফোংদোকখি, “অচৌবা ত্রান্সিৎ প্রোজেক্তশিং অমদি অমরুত স্কিমগীদমক কেন্দ্র সরকারনা থাদরকক্লিবা শেল-থুমগী ওইবা মতেং অসি রাজ্যশিংনা তি.ও.দি. অমদি তি.পি.এস. লাইনা পাংথোক্নবগী এক্সন প্লানশিং শেম্বদা অমদি চৎনহনবদা শিজিন্নরগনি”৷

আর্বান প্লানিংদা সেন্তর্স ওফ এক্সিলেন্স শেমগৎপা

আর্বান প্লানিং অমদি দিজাইনদা ইন্দিয়া স্পেসিফিক নোলেজ শেমগৎনবা অমদি হায়রিবা এরিয়াশিং অসিদা সর্তিফাই ত্রেনিং পীনবগীদমক, তোঙান তোহানবা লমদমশিংদা হৌজিক হৌজিক লৈরিবা একাদমিক ইন্সতিত্যুসন মঙা য়ৌনা সেন্তর ওফ এক্সিলেন্স ওইনা লৈহন্নবা হৌদোকরকখ্রে৷ হায়রিবা সেন্তরশিং অসিনা অমমমদা লুপা কোতি ২৫০গী এন্দোমেন্ত ফন্দশিং পীরগনি হায়নসু শ্রীমতি নির্মিলা সিতারামননা হাউসতা ফোংদোকখি৷

বেত্তরী স্বাপিং পোলিসী

পাক-শন্না চার্জিং স্তেসনশিং শেমগৎনবগীদমক শহরগী মফমশিংদা লৈরিবা লমগী অয়েৎ-অপন অদু পল্লদুনা, বেত্তরী স্বাপিং পোলিসী অমদি ইন্তর-ওপরেবিলিতী স্তেন্দর্দশিং পুথোক্নবগী প্রপোজেল অদু শেল-থুম মন্ত্রীনা লাওথোকখি৷ “ ‘সর্ভিস অমা ওইনা বেত্তরী নত্রগা ইনর্জী’গীদমক সস্তেনেবল ওইবা অমদি ইন্নোবেতিব বিজিনেস মোদেলশিং শেমগৎনবা প্রাইভেৎ সেক্তরবু পুক্নিং থৌগৎলগনি ”, হায়না মন্ত্রী অসিনা পনখি৷

*******