হেল্থ সেক্তরগীদমক তেক্নোলোজীনা সেন্তর-স্তেজ অমা লৌখ্রে হায়না পার্লিয়ামেন্তদা পুথোকখিবা জেনেরেল বজেৎতা কেন্দ্রগী শেল-থুম মন্ত্রী শ্রীমতি নির্মলা সিতারামননা ফোংদোকখি৷ দিজিতেল্লী সপোর্ত তৌবিবা অনৌবা স্কিম অনি লাওথোকখ্রে, মসিনা লৈবাক অসিদা হেল্থ অমসুং মেদিকেল কেয়র শিনবা থুংনা য়ৌহনবদা দিজিতেল তেক্নোলোজীনা লৌরিবা মরু ওইবা থৌদাং অদু উৎলি৷

কোবিদ-১৯ লাইনা-লাইচৎকী ইমপ্রিন্ত  অসি ঙসি লাওথোক্লিবশিং অসিদা উবা ফংলি৷ থৌরম অসি হৌরকপদা, লাইনা-লাইচৎ অসিনা মরম ওইদুনা কা-হেন্না শাথিরবা হকশেল অমদি শেল-থুমগী ওইবা শাফুশিং মাইয়োক্নরিবা মীওইশিংগীদমক কেন্দ্রগী শেল-থুম মন্ত্রীনা নুংঙাইতবা ফোংদোকখি৷ হৌখিবা চহি অনি অসিদা লৈবাক অসিদা হেল্থ ইনফ্রাস্ত্রকচর খোংজেল য়াংনা ফিভম ফগৎলকপা অসিনা মরম ওইদুনা লৈবাক অসিনা চেলেঞ্জশিং অসি মাইয়োক্নবা ঙম্বগী ফিভম অমদা লৈরি হায়না মহাক্না ফোংদোকখি৷ মহাক্কী বজেৎ স্পীচতা, ঐখোয়গী ভেক্সিনেসন কেম্পেন্দগী খোংজেল অমদি কভরেজ অসিনা লাইনা-লাইচৎ অসি লান্থেংনবদা চাওনা মতেং পাংখিবনি হায়না মহাক্না ফোংদোকখি৷ “সবকা প্রয়াসকা লোইননা, ঐখোয়না অফবা গ্রোথ লৈহন্নবগী ঐখোয়গী খোংচৎ অসি মখা চৎথরগনি হায়না ঐনা থাজৈ” হায়না শেল-থুম মন্ত্রীনা ফোংদোকখি৷

হৌখিবা চহিগী বজেৎকী ইনিসিয়েতিবশিং অদু চাওনা প্রোগ্রেস লাকপা উখ্রে অমদি বজেৎ অসিদসু এলোকেসন মরাং-কাইনা ফংহনখ্রে হায়না শ্রীমতি সিতারামননা পনখি৷ হেল্থ ইনফ্রাস্ত্রকচর মপাঙ্গল লৈহনবা, ভেক্সিনেসন প্রোগ্রাম খোংজেল য়াংনা পাংথোকপা, অমদি লাইনা-লাইচৎকী হৌজিক হৌজিক লৈরিবা ৱেব অসিদা লৈবাক শিনবা থুংবনা রিসাইলেন্ত ওইবা রেস্পোন্স পীরিবা অসিদা পুম্নমক উবা ফংলি হায়না মহাক্না ফোংদোকখি৷

অয়ুশমান ভারত দিজিতেল মিসন

নেস্নেল দিজিতেল হেল্থ ইকোসিস্তেমগীদমক অনৌবা ওপন প্লেতফোর্ম অমা থম্লগনি৷ মসিদা হেলথ প্রোবাইদরশিং অমদি হেল্থ ফেসিলিতীশিংগী দিজিতেল রেজিস্ত্রীশিং, অখন্নবা হেল্থ আইদেন্তিতী, কন্সেন্ত ফ্রেমৱার্ক য়াওরগনি অমদি ময়াম পুম্নমক্তা হকশেলগী খুদোংচাবশিং ফংহল্লগনি৷

নেস্নেল তেলি মেন্তেল হেল্থ প্রোগ্রাম

লায়চৎ অসিনা চহি লেঙ খুদিংগী মীওইশিংদা মেন্তেল হেলথ প্রোব্লেমশিং হেন্না ময়েং শেংহল্লে হায়না কেন্দ্রগী শেল থুম মন্ত্রীনা ফোংদোকখি। মেন্তেল হেলথ কাউন্সেল্লিং অমসুং চেকশিন থৌরাংগী থবকশিং হেন্না ফনবা, ‘নেস্নেল তেলে মেন্তেল হেলথ প্রোগ্রাম’ অমা হৌদোক্লগনি। মসিদা নিমহান্সনা নোদাল সেন্তর অমা ওইনা অমসুং ইন্তর্নেস্নেল ইন্সতিত্যুৎ ওফ ইনফোর্মেসন তেক্নোলোজী – বেঙ্গলোর (আই.আই.আই.তি.বি.)না তেক্নোলোজীগী মতেং ফংহনবগা লোয়ননা তেলে-মেন্তেল হেলথ সেন্তর ওফ এক্সেলেন্স ২৩গী নেতৱার্ক অমা য়াওগনি।

******