“অনৌবা লেজিস্লেসনগা লোইননা স্পিসিয়েল ইকোনোমিক জোনশিং অসি শিল্দোক্লগনি, মসিনা রাজ্যশিংবু দিবেলপমেন্ত ওফ এন্তরপ্রাইজেস অমসুং সর্ভিস হবশিংদা পার্তনরশিং ওইবা য়াহল্লগনি”,হায়না ঙসি পার্লিয়ামেন্তদা য়ুনিয়ন বজেৎ ২০২২-২৩ পুথোক্লদুনা শেল-থুম অমদি কোর্পোরেৎ এফিয়র্সকী কেন্দ্র মন্ত্রী শ্রীমতি নির্মলা সিতারামননা ফোংদোকখি৷ লৈরিবা ইনফ্রাস্ত্রকচর পুম্নমক নিংথিনা শিজিন্ননবা অমদি এক্সপোর্তশিংগী কম্পিতিসন হেনগৎননবা হৌজিক হৌজিক লৈরিবা অচৌবা অমসুং অনৌবা ইন্দস্ত্রীএল এনক্লেব পুম্নমক মসিদা কবর তৌরগনি হায়না মহাক্না মখাতাখি৷

গিফত সিতী অসিবু হেন্না মশক থোকহন্নবগীদমক মহাক্না তোঙান তোঙানবা ইনিসিয়েতিবশিংসু হৌদোরকখি৷

গিফত-আই.এফ.এস.সি.

ফাইনান্সিয়েল সর্ভিসশিং অমদি তেক্নোলোজীগীদমক হাই-এন্দ হ্যুমেন রিসোর্সশিং য়াম্না লাইনা ফংহন্নবা আই.এফ.এস.সি.এ.গী নত্তনা ফাইনান্সিয়েল মেনেজমেন্ত, ফিনতেখ, সাইন্স, তেক্নোলোজী, ইঞ্জিনিয়রিং অমদি দোমেস্তিক রিগুলেসনশিংদগী ফ্রী ওইরবা মেথমেতিক্সকী কোর্সশিং ৱার্ল্দ-ক্লাস ফোরেন্দ য়ুনিভর্সিতীশিং অমদি ইন্সতিত্যুসনশিংনা গিফত সিতীদা ফংহনবা য়ারগনি হায়না শেল-থুম মন্ত্রীনা ৱাহৌদোক থমখি৷

ইন্তরনেস্নেল জুরিসপ্রুদেন্সকী মখাদা চয়েৎনবা লৈরিবশিং অসি মতম চানা ৱারোইশিন পুরক্নবগীদমক ইন্তরনেস্নেল আর্বিত্রেসন সেন্তর অমা গিফত সিতীদা শেমগৎলগনি হায়নসু শ্রীমতি সিতারামননা ৱাহৌদোক থমখি৷ মখাতানা, লৈবাক অসিদা সস্তেনেবল অমদি ক্লাইমেত ফাইনান্সকীদমক লৈরিবা গ্লোবেল কেপিতেলগী সর্ভিসশিং অসি গিফত সিতীদা লাইনা ফংহল্লগনি হায়না মহাক্না ফোংদোকখি৷

******