শেল-থুম মন্ত্রালয়
azadi ka amrit mahotsav

২০২২-২৩দা ইস্তিমেতেদ ফিস্কেল দিফিসিৎ অসি জি.দি.পি.গী ৬.৪% ওইগনি


৪.৫%গী মখাদা ফিস্কেল দিফিসিৎ লেবেল থম্নবা ফিস্কেল কন্সোলিদেসনগী য়াম্লবা পাম্বৈ থম্মী

কেপিতেল এক্সপেন্দিচর অসি ২০২১-২২দা লুপা কোতি লাখ ৫.৫৪ ওইরম্বদগী ২০২২-২৩দা লুপা কোতি লাখ ৭.৫০ ওইরক্তুনা ৩৫.৪% হায়গৎলকখ্রে

২০২২-২৩দা কেপিতেল এক্সপেন্দিচর আউতলে অসি জি.দি.পি.গী ২.৯% ওইগনি

২০২২-২৩গী ওইনা সরকারগী অপুনবা মার্কেৎ বোরোইং অসি লুপা কোতি ১১,৫৮,৭১৯ ওইগনি

Posted On: 01 FEB 2022 12:58PM by PIB Imphal

 “ইং ২০২২-২৩গী ফিস্কেল দিফিসিৎ অসিনা জি.দি.পি.গী ৬.৪% ওইগনি পানরি অমসুং মসিনা ঐহাক্না মমাং চহিদা ইং ২০২৫-২৬ ফাওবগী মনুংদা ফিস্কেল দিফিসিৎকী থাক্না চাদা ৪.৫গী মখাদা লৈহন্নবগীদমক্তা লাউথোকখিবগা ফিস্কেল কন্সোলিদেসনগী য়াম্লবা পাম্বৈশিংগা চান্ননা চৎলি”হায়না ঙসি মফম অসিদা পার্লিয়ামেন্তদা য়ুনিয়ন বজেৎ ২০২২-২৩ পুথোক্লদুনা শেল-থুম অমদি কোর্পোরেৎ এফিয়র্সকী কেন্দ্র মন্ত্রী শ্রীমতি নির্মলা সিতারামননা লাওথোকখি৷ মখাতানা, হৌজিক চৎলিবা চহিগী রিভাইস তৌরবা ফিস্কেল দিফিসিৎ অসি বজেৎ ইস্তিমেত্তা প্রোজেক্ত তৌখিবা চাদা ৬.৮গা চাংদম্নবদা জি.দি.পি.গী চাদা ৬.৯ ওইগনি পানরি। ।

Trends-in-Deficit-English.jpg

ফিস্কেল দিফিসিৎ

ইং ২০২২-২৩গী ফিস্কেল দিফিসিৎ লেভেল শেম্বা মতমদা, মপাঙ্গল লৈবা অমসুং তুং কোইনা চৎহন্নবগীদমক্তা পব্লিক ইনভেস্তমেন্তকী খুত্থাংদা গ্রোথ লৈহন্নবা হোৎনবগী তঙাই ফদবশিং লৈ হায়না শেল-থুম মন্ত্রীনা ফোংদোকখি৷ ২০২২-২৩গী ওইনা সরকারগী ফিস্কেল দিফিসিৎ অসি চাওরাক্না লুপা কোতি ১৬,৬১,১৯৬নি৷ লুপা কোতি ১৫,০৬,৮১২গী বজেৎ ইস্তিমেতশিং অসি চাংদম্নবা মতমদা ২০২১-২২গী রিভাইস ইস্তিমেতশিং অসিনা লুপা কোতি ১৫,৯১,০৮৯গী ফিস্কেল দিফিসিৎ অমা তাক্লি৷

কেপিতেল এক্সপেন্দিচর

য়ুনিয়ন বজেৎতা কাইথরিবা কেপিতেল এক্সপেন্দিচরগী শেনফম অসি চৎলিবা চহি অসিদা লুপা কোতি লাখ ৫.৫৪ ওইরম্বদগী ২০২২-২৩দা লুপা কোতি ৭.৫০ ওইরক্তুনা অমুক্কা হন্না চাদা ৩৫.৪দা হেনগৎলক্লি হায়না শেল-থুম মন্ত্রীনা ফোংদোকখি৷ হেনগৎলক্লিবা শেনফম অসি ২০১৯-২০গী এক্সপেন্দিচর অদুদগী শরুক ২.২ হেন্না চাওবা হেল্লিবনি৷ ২০২২-২৩দা কাইথরিবা শেনফম অসি জি.দি.পি.গী চাদা ২.৯ ওইরগনি৷

রাজ্যশিংদা ফংহল্লিবা গ্রান্ত-ইন-এইদকী খুৎথাংদা কেপিতেল এসেৎশিং শেমগৎনবগীদমক শেম্লিবা প্রোভিজনগা লোইননা কেপিতেল এক্সপেন্দিচর পুন্না থারগা, কেন্দ্র সরকারগী ‘ইফেক্তিব কেপিতেল এক্সপেন্দিচর’ অসি ২০২২-২৩দা লুপা কোতি লাখ ১০.৬৮ ওইগনি পানরি, মসি জি.দি.পি.গী ৪.১% ওইগনি হায়না মন্ত্রীনা ফোংদোকখি৷

ইং ২০২২-২৩গী অপুনবা এক্সপেন্দিচর অসি লুপা কোতি লাখ ৩৯.৪৫ ওইগনি পানরি, অমসুং পুশিনবা নত্তনা অপুনবা ফংবশিংনা লুপা কোতি লাখ ২২.৮৪ ওইগনি হায়না পানরি।  বজেৎ ইস্তিমেত ২০২১-২২দা প্রোজেক্ত তৌখিবা লুপা কোতি লাখ ৩৪.৮৩গী অপুনবা চাদিং অসিদা চাংদম্নবা মতমদা, রিভাইস ইস্তিমেত অসি লুপা কোতি লাখ ৩৭.৭০নি হায়না মহাক্না মখাতাখি৷

মার্কেৎ বোরোইংশিং

২০২২-২৩গী ওইনা সরকারগী অপুনবা মার্কেৎ বোরোইং অসি লুপা কোতি ১১,৫৮,৭১৯ ওইগনি হায়না পানরি৷ ২০২১-২২গী ওইনা হায়রিবা অসিমক্কী রিভাইস ইস্তিমেত অসি বজেৎ ইস্তিমেত লুপা কোতি ৯,৬৭,৭০৮ ওইরিবা অসিগা চাংদম্নবা মতমদা লুপা কোতি ৮,৭৫,৭৭১ ওইরি৷

Deficit-Financing-English.jpg

******



(Release ID: 1795735) Visitor Counter : 117