ঙসি পার্লিয়ামেন্তদা য়ুনিয়ন বজেৎ ২০২২-২৩ পুথোক্লদুনা মরী লৈনবা এসেসমেন্ত ইয়র লোইশিল্লকপদগী হৌদুনা চহি অনিগী মনুংদা অহেনবা তেক্স থিনবগী মতাংদা অপদেতেদ রিতর্ন অমা ফাইল তৌনবগী অয়াবা অদু তেক্সপেয়রশিংদা পীনবা সরকার অসিনা পুথোরক্লি হায়না শেল-থুম অমসুং কোর্পোরেৎ এফিয়র্সকী কেন্দ্র মন্ত্রী শ্রীমতি নির্মলা সিতারামননা লাওথোকখি৷ তেক্সপেয়রশিংনা তেক্স থিনবগীদমক মখোয়গী ইনকম চুম্না হোৎপদা থম্লিবা অরোৎপা নত্রগা অশোইবা অমা হেক্তবু চুমথোক্নবগী খুদোংচাবা অদু মসিনা তেক্স থিরিবা মীওইশিংদা ফংহল্লগনি হায়না মহাক্না ফোংদোকখি৷ হৌজিক্কী ওইনা, এসেসী অদুনা ইনকম খরা পলহৌদ্রে হায়না দিপার্তমেন্তনা খঙলক্লবদি মখোয়না এদজুকেসনগী শাংলবা থৌওং অমা চত্থগনি, অনৌবা পর্পোজেল অদুনা তেক্সপেয়র অমদুদা অমুক্কা হন্না থাজবা থমগদবনি হায়না মহাক্না ফোংদোকখি৷ “মসিদি মশানা তেক্সকী কাঙলোন ইঞ্জবগী মাইকৈদা পায়খৎপা অফবা খোঙথাং অমনি” হায়না মহাক্না ফোংদোকখি৷

নাম্মা শোইরবা মীওইশিংদা তেক্স কোমথোকপা

নাম্মা শোইবা মীওইশিংগী মমা মপা নত্ত্রগা গারজিয়ানশিংনা অসিগুম্বা মীওইশিংগী ইন্স্যুরেন্স স্কিম লৌবা য়াই। সবস্ক্রাইবর, হায়বদি, মমা মপা নত্ত্রগা গার্জিয়ান, অসিনা লৈখিদবা মতমদা নাম্মা শোইবা মীওই অসিদা লম্প সম পেমেন্ত নত্ত্রগা এন্যুইতী পীবা মতমদতা মমা মপা নত্ত্রগা গার্জিয়ান অসিদা দিদক্সন পীনবগীদমক হৌজিক হৌজিক  লৈরিবা আইন্না য়ারি।  হায়রিবা লম্প সম পেমেন্ত নত্ত্রগা এনুইতী অসিবু মমা মপা নত্ত্রগা গার্জিয়ানশিংনা হিংলিঙৈ, হায়বদি, মখোয়না চহি ৬০ শুরকপা মতমদা পীনবগী অয়াবা অদু সরকার অসিনা পুথোক্লি হায়না শ্রীমতি নির্মলা সিতারামননা লাওথোকখি৷

রাজ্য সরকার অমদি কেন্দ্র সরকারগী থৌমীশিংগী মরক্তা মান্নহনবা

রাজ্য সরকারগী থৌমীশিংগী সোসিএল সেক্যুরিতী বেনিফিৎশিং অসি কেন্দ্র সরকারগী থৌমীশিংনা ফংলিবা চাং অসিগী থাক্তা পুরক্নবা, রাজ্য সরকারগী এমপ্লোয়ীশিংগী এন.পি.এস. একাউন্তদা এমপ্লোইয়রনা লৌরিবা থৌদাং অদু য়েংলগা তেক্স দিদক্সন অসি ১০%দগী ১৪%দা হেনগৎনবা ৱাহৌদোক থম্লি হায়না মন্ত্রী অসিনা ফোংদোকখি।

ভর্চুএল দিজিতেল এসেৎ শিং তেক্সেসন তৌবগী স্কিম

ভর্চুএল দিজিতেল এসেৎশিংদা ত্রাঞ্জেক্সন পাংথোকপগী মশিং অমসুং মেগনিচুদ চাওনা হেনগৎলকখ্রে হায়না পল্লদুনা, “ভর্চুএল দিজিতেল এসেৎ অমা হেক্তদগী লাক্লিবা ইনকম অমা হেক্তবু চাদা ৩০গী চাংদা তেক্স থিগদবনি” শ্রীমতি নির্মলা সিতারামননা লাওথোকখি৷ লৈশিনবগী মমলদা নত্তনা অসিগুম্বা ইনকম হোৎপা মতমদা এক্সপেন্দিচর নত্ত্রগা এলাৱেন্স অমা হেক্তদা দিদক্সন তৌবা স্কিম অসিনা য়াহল্লরোই হায়না মহাক্না ফোংদোকখি৷ মখা তাবা ওইনা, ত্রাঞ্জেক্সনগী অকুপ্পা মরোল লৌনবগীদমক্তা, মনিতরী থ্রেসহোল্দগী মথক্তা লৈবা অসিগুম্বা ভর্চুএল দিজিতেল এসেৎ ত্রান্সফর তৌবগা মরী লৈননা পাংথোকপা ত্রাঞ্জেক্সনগী পেমেন্ত খুদিংদা ১%গী তি.দি.এস. থম্নবগী প্রোভিজন অমসু  সরকার অসিনা পুথোক্লগনি হায়না মন্ত্রী অসিনা মখাতাখি৷ ভর্চুএল দিজিতেল এসেৎ খুদোল ওইনা পীবগী মতাংদসু, ফংলিবা মীওই অদুগী নাকলদা তেক্স থিনবা ৱাহৌদোক থম্লি৷

লিতিগেসন মেনেজমেন্ত

“মান্নবা ইসুশিং য়াওবা এপীল কয়া ফাইল তৌবদা মতম অমসুং রিসোর্স কয়া অমা চংলি” হায়না শ্রীমতি নির্মলা সিতারামননা ফোংদোকখি৷ অফবা লিতিগেসন মেনেজমেন্ত অমসুং তেক্সপেয়রশিং অমদি দিপার্তমেন্ত অসিগী মরক্তা হঞ্জিন-হঞ্জিন লিতিগেসন থেক্লিবা অসি হন্থহন্নবা লৈরিবা সরকারগী পোলিসী অসি মাংলোমদা পুরক্নবগীদমক,করিগুম্বা এসেসী অমনা থাংগৎলক্লিবা আইনগী ৱাহং অমনা জুরিসদিকস্নেল হাই কোর্ত নত্ত্রগা সুপ্রীম কোর্তকী মখাদা হান্নদগী পন্দুনা লৈরিবা এপীল অমগী আইনগী ৱাহংগা মান্নবা ওইরবদি, মসিগুম্বা আইনগী ৱাহং অসিগী পাউখুম্বু জুরিসদিকস্নেল হাই কোর্ত নত্ত্রগা সুপ্রীম কোর্তনা পীদ্রিবমখৈ দিপার্তমেন্ত অসিনা এসেসী অসিগী মখা তাবা কেস ফাইল তৌবা য়াহন্দবগী প্রোভিজন অমা সরকার অসিনা শেম্লগনি৷

অসিগুম্বা লুরবা তঙাই ফদ্রবা মতমদা নুংশিরবা প্রজাবু মতেং পাংনবা সরকার অসিনা হোৎনরিবা অসিদা অতৌবা থৌদাং লৌবিখিবা অমদি থৌনা হাপ্পিখিবা লৈবাক অসিগী তেক্স পেয়রশিংবুসু মন্ত্রীনা অসিনা থাগৎপা ফোংদোকখি৷

******