“ঐখোয়না অজাদি কা অমিৃত মহোতসব মার্ক তৌরি, অমদি চহি ২৫ লৈরগা ইন্দিয়া@১০০ য়ৌগদৌরিবা, অমিৃত কালদা চংশিনখ্রে” হায়না ফাইনান্স অমদি কোর্পোরেৎ এফিয়র্সকী কেন্দ্র মন্ত্রী নির্মলা সিতারামননা ঙসি পার্লিয়ামেন্তদা য়ুনিয়ন বজেৎ পুথোকপা মতমদা ফোংদোকখিবনি৷ লাক্কদৌরিবা চহি ২৫গী অমিৃত কাল অসিদা “ভারতনা ৭৫ শুরকপদগী ভারতনা ১০০শুবা ফাওবদা” ইকোনোমী অসি শেমগৎনবা অমদি শেল-থুমগী ফিভম অসি য়েংশিন্নবগী ব্লু প্রিন্ত অমা পীনবা বজেৎ অসিনা হোৎনরি হায়না মন্ত্রী অসিনা ফোংদোকখি৷

অমিৃত কালগী মংলান:

মাইক্রো ইকোনোমিক লেবেলদা মীৎয়েং থমদুনা মেক্রো  ইকোনোমিক লেবেল গ্রোথ মপুং ফাহন্নবা; দিজিতেল ইকোনোমী অমদি ফিনতেক প্রমোত তৌনবা, তেক্নোলোজীনা চাওখৎপা পুরক্নবা, ইনর্জী ত্রাঞ্জিসন অমদি ক্লাইমেত এক্সন পাংথোক্নবা; প্রাইভেৎ ইনভেস্তমেন্ত হেনগৎনবগীদমক পব্লিক কেপিতেল ইনভেস্তমেন্তগা লোইননা প্রাইভেৎ ইনভেস্তমেন্তগী অফবা সাইকলদা মখা পোলহন্দুনা থম্নবা ইনক্লুসিব ৱেলফেয়র পুম্নমক্না মীৎয়েং থম্লি  অমদি হায়রিবা এরিয়াশিং অসি লাক্কদৌরিবা চহি ২৫ অসিদা অখন্নবা পান্দম খরা থমদুনাঐখোয়না ফংবা পাম্লিবা মংলানশিং অদুনি হায়না মন্ত্রী অসিনা ফোংদোকখি৷

প্রাইয়োরিতী মরি:

পি.এম. গতিশক্তি; ইনক্লুসিব দিবেলপমেন্ত; প্রদক্তিবিতী হেনগৎহনবা অমদি ইনবেস্তমেন্ত তৌবা, সনরাইস ওপোর্চুনিতীশিং, ইনর্জী ত্রাঞ্জিসন অমদি ক্লাইমেত এক্সন; অমদি ইনভেস্তমেন্তশিংদা শেল থাদবা হায়বা অসিনা ফ্যুচরিস্তিক অমদি হোলিস্তিক ওইবা বজেৎকী প্রাইয়োরিতী ৪নি হায়না মন্ত্রী অসিনা ফোংদোকখি৷

গ্রোথ লাকহন্নবগী বজেৎ:

চৎলিবা চহি অসিদা চাওরাক্না ৯.২%গী গ্রোথ লাক্লিবা অমদি অচৌবা ইকোনোমী পুম্নমক্কী মনুংদা ভারতনা খ্বাইদগী ৱাংবা ওইরি হায়না পল্লদুনা, মসিগী ফ্যুচরিস্তিক অমদি ইনক্লুসিব বজেৎ অসিনা গ্রোথ লাকহন্নবা শাফু অমা লেপ্প-লৈতনা পীরি, মসিনা ঐখোয়গী নহা, নুপী, লৌমীশিং, সেদ্যুল কাস্তশিং অমদি সেদ্যুল ত্রাইবশিংদা হকথেংননা থবক্কী খুদোংচাবা পীগনি হায়না শেল-থুম মন্ত্রীনা ফোংদোকখি৷ মল্তি-মোদেল এপ্রোচকী সীনর্জীনা কান্নবা পীগদৌরিবা মোদর্ন ইনফ্রাস্ত্রচরগী ‘অচৌবা পব্লিক ইনবেস্তমেন্তশিংবু’ পি.এম. গতিশক্তিনা লমজিংলগনি৷ লৈবাক অসিগী অকনবা রিসাইলেন্স অদু ইকোনোমী হান্নগী ফিভমদা হঞ্জিল্লক্লিবা অমদি রিকোভর তৌরক্লিবা অসিদা মমি তারি হায়না মহাক্না মখাতানা ফোংদোকখি৷

ভেক্সিনেসন কেম্পেন্দগী স্পীদ অমদি কভরেজ:

হৌখিবা চহি অনি অসিদা হেল্থ ইনফ্রাস্ত্রকচরদা খোংজেল য়াংনা চাওখৎপা পুরকখিবা অমদি ভেক্সিনেসন কেম্পেন্দগী স্পীদ অমদি কভরেজ অসিনা মরম ওইদুনা ঐখোয়না চেলেঞ্জশিং অসি থেংনবা ঙমখিবনি হায়না মন্ত্রী অসিনা য়াম্না থৌনা লৈনা ফোংদোকখি৷ ওমিক্রোন ৱেবনা লাইচৎ শন্দোকপগী চাং য়াম্না ৱাংলিবা অদুবু কা-হেন্না লুবা সিম্তোমশিংদি উৎতবা মতম অমদা ঐখোয় লৈরি অমদি ‘সবকা প্রয়াস’ অসিনা অকনবা গ্রোথ লাকহন্নবগী খোংচৎ অসি মখা চৎথহনবদা ভারতপু মতেং পাংলগনি হায়নসু মহাক্না ফোংদোকখি৷ খুদোংচাবা পুম্নমকপু লৌশিনবা ঙম্নবা লাইরববু পুক্নিং থৌগৎনবা অমদি তোঙান তোঙানবা ইনকম ব্রেকেৎশিংগী মখাদা লৈরিবা মীয়ামগী অচৌবা সেক্সন অমা ওইরিবা মিদল ক্লাসতা তঙাই ফদবা ইকোসিস্তেম ফংহন্নবগী অচেৎপা থৌদাং অদু মন্ত্রী অসিনসু ফোংদোকখি৷

******