২০২১-২২ বিত্তীয় বৰ্ষত ৰাজ্যসমূহক মূলধন বিনিয়োগৰ বাবে আর্থিক সহায়ৰ বাবদ ১০,০০০ কোটি টকা দিৰ পৰিকল্পনা কৰা হৈছিল। কিন্তু ২০২১-২২ বিত্তীয় বৰ্ষত অৱশিষ্ট সময়ত এই পৰিমাণ বৃদ্ধি কৰি ১৫,০০০ কোটি টকা আৱণ্টন কৰা হৈছে৷ কেন্দ্রীয় বিত্ত আৰু কর্প’ৰেট পৰিক্ৰমা মন্ত্রী শ্রীমতী নির্মলা সীতাৰমনে আজি সংসদত ২০২২-২৩ বিত্তীয় বৰ্ষৰ সাধাৰণ বাজেট উত্থাপন কৰাৰ সময়ত এই তথ্য সদৰি কৰে৷

মন্ত্রীগৰাকীয়ে ২০২২-২৩ বিত্তীয় বৰ্ষত অর্থনীতিত সামগ্ৰিক বিনিয়োগৰ বাবে ১লাখ কোটি টকা ধাৰ্য কৰাৰ প্রস্তাৱ দিয়ে৷ ৰাজ্যসমূহে সাধাৰণতে যি ঋণ ল’ব পাৰে এয়া তাৰ অতিৰিক্ত মুলধন৷ ইয়াৰ অধীনত ৰাজ্যসমূহক ৫০ বছৰলৈ সুদমুক্ত এই ঋণ প্ৰদান কৰা হ’ব৷ ধাৰ্য কৰা ধন পিএম গতিশক্তি প্রকল্পত ব্যয় কৰা হ’ব৷তদুপৰি, ৰাজ্যসমূহে প্ৰধানমন্ত্ৰী গ্রাম চড়ক যোজনা, অর্থনীতিৰ ডিজিটেইজেচন, নগৰ উন্নয়ন পৰিকল্পনা আৰু পৰিৱর্তনযোগ্য উন্নয়ন সংক্রান্তীয় অধিকাৰৰ ক্ষেত্রত সেয়া ব্যয় কৰিব পাৰিব৷ বিত্তমন্ত্রীয়ে জনায় যে পঞ্চদশ বিত্ত আয়োগৰ পৰামৰ্শক্রমে ৰাজ্যসমূহে ইয়াৰ মুঠ আভ্যন্তৰীণ উৎপাদনৰ ৪ শতাংশ ধন বিত্তীয় ঘাটি পুৰণত ঋণ ল’ব পাৰে৷ ইয়াৰ ভিতৰত ০.৫ শতাংশ ধন বিদ্যুৎ খণ্ডত সংস্কাৰৰ বাবে ঋণ হিচাপে পোৱা যাব৷ এই সংক্রান্তীয় চর্তাৱলী ২০২১-২২ চনত প্রকাশ কৰা হৈছে৷ মন্ত্রীগৰাকীয়ে জনায় যে ৰাজ্যসমূহে যাতে তেওঁৰ মূলধন উৎপাদনশীল সম্পদ আৰু কর্মসংস্থাপন সৃষ্টিত ব্যয় কৰিব পাৰে তাৰ বাবে তেওঁলোকক সহায় কৰিবলৈ কেন্দ্র চৰকাৰ প্ৰতিশ্ৰুতিবদ্ধ।

***

RM/BB/BY/MK/DB