કેન્દ્રીય નાણા અને કોર્પોરેટ બાબતોના મંત્રી શ્રીમતી નિર્મલા સીતારમણે આજે સંસદમાં કેન્દ્રીય બજેટ 2022-23 રજૂ કરતી વખતે જણાવ્યું હતું કે 'મૂડી રોકાણ માટે રાજ્યોને નાણાકીય સહાયની યોજના માટે 2021-22ના BE માં રૂ. 10,000 કરોડનો ખર્ચ નિર્ધારિત કરવામાં આવ્યો છે. 2021-22માં સુધારેલા અંદાજને વધારીને 15,000 કરોડ રૂપિયા કરવામાં આવ્યો છે.

નાણામંત્રીએ કહ્યું કે વર્ષ 2022-23માં રાજ્યોને તમામ રોકાણોને પ્રોત્સાહિત કરવા મદદ કરવા માટે એક લાખ કરોડ રૂપિયાની દરખાસ્ત કરવામાં આવી છે. આ પચાસ વર્ષની વ્યાજમુક્ત લોન રાજ્યોને અપાતી સામાન્ય લોન ઉપરાંત છે. આવી ફાળવણીનો ઉપયોગ પીએમ ગતિ શક્તિ સંબંધિત રોકાણો અને રાજ્યોના અન્ય ઉત્પાદન મૂડી રોકાણો માટે કરવામાં આવશે. તેમાં સંબંધિત ઘટકોનો પણ સમાવેશ થશે:

• પ્રધાન મંત્રી ગ્રામ સડક યોજનાના અગ્રતા ભાગો માટે પૂરક ભંડોળ, જેમાં રાજ્યોના હિસ્સા માટે સહાય,
• અર્થતંત્રનું ડિજિટાઇઝેશન, જેમાં ડિજિટલ પેમેન્ટ્સ અને OFC નેટવર્કની પૂર્ણતા, અને
• બિલ્ડિંગ પેટા-નિયમો, ટાઉન પ્લાનિંગ પ્લાન્સ, ટ્રાન્ઝિટ-ઓરિએન્ટેડ ડેવલપમેન્ટ અને ટ્રાન્સફરેબલ ડેવલપમેન્ટ હકો સંબંધિત સુધારા.

નાણામંત્રીએ એવી પણ જાહેરાત કરી હતી કે 15મા નાણાપંચની ભલામણો અનુસાર વર્ષ 2022-23માં રાજ્યોને GSDPના 4 ટકા સુધીની રાજકોષીય ખાધની મંજૂરી આપવામાં આવશે, જેમાંથી 0.5 ટકા પાવર સેક્ટરના સુધારા સાથે સંબંધિત હશે. આ માટેની શરતો 2021-22માં પહેલેથી જ જણાવવામાં આવી છે.

તેમણે કહ્યું કે કેન્દ્ર સરકાર ઉત્પાદક અસ્કયામતોનું સર્જન કરવા અને લાભદાયક રોજગાર પેદા કરવા માટે રાજ્યોના મૂડી રોકાણમાં વધારો કરવા તેમના હાથને મજબૂત કરવા પ્રતિબદ્ધ છે.

SD/GP/MR

સોશિયલ મીડિયા પર અમને ફોલો કરો :  @PIBAhmedabad    /pibahmedabad1964    /pibahmedabad  pibahmedabad1964[at]gmail[dot]com