শেল-থুম মন্ত্রালয়
azadi ka amrit mahotsav

কেন্দ্র বজেত ২০২২-২৩গী শম্লপ্পা ৱারোল

Posted On: 01 FEB 2022 1:19PM by PIB Imphal

হন্দক্কী চহি অসিদা লৈখিবা ভারতকী ইকোনোমিক গ্রোথ অসি চদা ৯.২ ওইগনি হায়না পারি, মসিনা  অচৌবা ইকোনোমীশিংগী মরক্তা খ্বাইদগী ৱাংঙি। লাইচৎ অসিনা মরম ওইরগা ইকোনোমীদা শোকহনখিবা অদুদগী অপুনবগী ওইনা হঙ্গৎলকপা অমসুং রিকোভরী তৌরকপা অসি লৈবাক অসিগী অখাংকনবগী খুদম্নি। কেন্দ্রগী ফাইনান্স অমসুং কোর্পোরেত এফিয়র্সকী মন্ত্রী, শ্রীমতি নির্মলা সিতারামন্না  পার্লিয়ামেন্ততা ঙসি কেন্দ্রগী বজেত থম্বা মতমদা হায়খি।

Budget-at-a-Glance-English.jpg

ফাইনান্স মন্ত্রীনা হায়খি, ভারতনা আজাদি কা অমৃত মাহোতসবকী নুংঙাইবা ফোংদোক্লি অমসুং ভারতনা অমৃত কালদা চংশিল্লে, ইন্দিয়া@১০০কীদমক্তা চহি ২৫ শাংবা লীদঅপ, সরকার অসিনা প্রধান মন্ত্রীনা ইন্দিপেন্দেন্স দেদা থমখিবা ৱারোল অদুদা মহাক্না হায়খিবা ভিজন অদুবু ফংবা ঙম্নবা পান্দম থম্লি অমসুং মখোয়শিং অদুদি:

  • মাক্রো-ইকোনোমিক লেভেল গ্রোথতা ফোকসগা লোইননা মাইক্রো-ইকোনোমিক লেভেল ওল-ইনক্লুসিব ৱেলফিয়র ফোকসকা পুন্না থবক থৌরমশিং পাংথোকপা,
  • দিজিতেল ইকোনোমী অমসুং ফিনতেক, তেক্নোলোজী য়াওবা দেবেলপমেন্ত, ইনর্জী ত্রাঞ্জিশন, অমসুং ক্লাইমেত এক্সনবু প্রোমোত তৌবা, অমসুং
  • প্রাইভেত ইভেস্তমেন্ত পুরক্নবা পব্লিক কেপিতল ইনভেস্তমেন্তগা লোইননা প্রাইভেত ইনভেস্তমেন্ততগী হৌদুনা অফবা সাইকল অমদা থাজবা থম্বা।

২০১৪দগী, সরকার অসিগী মীৎয়েং অসি প্রজাশিংগী, মরু ওইনা লাইরবশিং অমসুং ময়ামদগী তোঙান তারবশিংদা এমপাৱরমেন্ত তৌবনি, অমসুং লৈননবা য়ুম , ইলেক্ত্রিসিতী, চাক থোংনবা গ্যাস অমসুং ঈশিং মরাং কাইনা ফংহন্নবা পাম্বৈ কয়া অমা পাইখৎখি। সরকার অসিগী ফাইনান্সিয়েল ইনক্লুজন অমসুং দাইরেক্ত বেনিফিত ত্রান্সফরশিং লৈহন্নবগীদমক্তা প্রোগ্রাম কয়া অমসু লৈ অমসুং  খুদোংচাবশিং অদুবু লৌননবা লাইরবশিংগী এবলিতীশিং অদু কনখৎহন্নবা কমিতমেন্তসু লৈ।

ফাইনান্স মন্ত্রীনা খঙহল্লকখি মদুদি আত্মানির্ভর ভারতকী ভিজন অসিবু ফংবা ঙম্নবগীদমক্তা সেক্তর ১৪দা প্রোদক্তিবিতী লিঙ্কদ ইন্সেন্তিব অসিনা য়াম্না ফবা রেসপোন্স ফংলকখি, মসিদা অনৌবা থবক লাখ ৬০ পীনবগী পোতেন্সিয়েল লৈ, অমসুং মথংগী চহি ৫ অসিদা লুপা লাখ করোর ৩০গী অহেনবা প্রোদক্সন লৈগনি। অনৌবা পব্লিক সেক্তর এন্তর্প্রাইজ পোলিসী পাইখৎখিবগী মতাংদা পল্লদুনা মহাক্না হায়খি, এয়র ইন্দিয়াগী ওনরশিপকী স্ত্রেতেজিক ত্রানস্ফর লোইখ্রে, এন.আই.এন.এল. (নীলাঞ্চল ইসপাত নিগম ইমিতেদ)গীদমক্তা স্ত্রেতেজিক পার্তনর খনখ্রে, এল.আই.সি.গী মতাংদা লৈরিবা পব্লিক ইসু অদু য়াম্না থুনা লোইরগনি অমসুং অতোপ্পা অনি অমনা ২০২২-২৩গীদমক্তা থৌরাং তৌরি।

Quote Covers_M1.jpg

স্রীমতি নির্মলা সিতারামন্না হায়খি মদুদি মসিগী বজেত অসিনা চাউখৎনবগী ইনোৎ হাপ্লি। মসিনা (১)অমৃত কালগী ফ্যুচরিস্তি অমসুং ইনক্লুসিব ওইবা ব্লুপ্রিন্তকী পেরলেল ত্রেক অমা পীরি, মসিনা ঐখোয়গী নহারোলশিং, নুপীশিং, লৌমীশিং, সেদ্যুল কাস্তশিং অমসুং সেদ্যুল ত্রাইবশিংদা কান্নবা পীরগনি। অমসুং (২) ইন্দিয়া@১০০কীদমক্তা শেম-শারদুনা, মোদর্ন ইনফ্রাস্ত্রকচরকীদমক্তা অচৌবা ইনভেস্তমেন্ত, মসি পি.এম.গতিশক্তিনা লমজিংগনি অমসুং মল্তি-মোদল এপ্রোচতা কান্নগনি। মসিগী পেরলেল ওইবা ত্রেক অসিদা চত্তুনা মহাক্না মখাগী মরু ওইবা ৱাফম মরি অসি পনখি:

  • পি.এম গতিশক্তি
  • ইনক্লুসিব দেবেলপমেন্ত
  • প্রোদক্তিবিতী ফগৎহনবা অমসুং ইনভেস্তমেন্ত, সনরাইস ওপোচুনিতীশিং, ইনর্জী তআঞ্জিশন, ক্লাইমেত এক্সন 
  • ইনভেস্তমেন্তশিং ফাইনানান্স তৌবা

পি.এম. গতিশক্তিগী মতাংদা পল্লদুনা, ফাইনান্স মন্ত্রীনা হায়খি মদুদি মসি ইকোনোমিক গ্রোথ অমসুং সস্তেনেবল দেবেলপমেন্তকীদমক্তা অওনবা পুরক্কদবা খোংথাংনি। মসিগী এপ্রোচ অসি ইঞ্জিন তরেত্না চলাই, মীং ওইনা রোদ, রেলৱেজ, এয়রপোর্তশিং, পোর্তশিং, মাস ত্রান্সপোর্ত, ৱাতরৱেজ অমসুং লোজিস্তিক্স ইনফ্রাস্ত্রকচর। ইঞ্জিন তরেত অসিনা ইকোনোমীবু পুন্না চিংকৎকদৌরিবনি। ইনর্জী ত্রান্সমিসন, আই.তি. কম্যুনিকেশন, বল্ক ৱাতর অশমুং সিৱরেজ, অমসুং সোসিয়েল ইনফ্রাস্ত্রকচরনা মতেং পাংঙি। অরোইবদা মসিগী এপ্রোচ অসি ক্লীন ইনর্জী অসমুং সবকা প্রয়াসনা মথৌ পাংথোকহল্লি- কেন্দ্র সরকার, রাজ্য সরকারশিং, অসমুং প্রাইভেত সেক্তরনা পুন্না হোৎনদুনা – মীপুম খুদিংমক্কী ওইনা, মরু ওইনা নহাশিংগীদমক্তা থবকশিং অমসুং এন্ত্রপ্রেনরগী ওইবা খুদোংচাবশিং পীরি।

2 . PM Gatishakti.jpg

মীশিংনা চৎথোক-চৎশিন তৌবদা অমসুং পোৎচৈশিং পুথোক-পুশিন তৌবদা য়াংনবা  এক্সপ্রেসৱেগী পি.এম. গতিশক্তি মাস্তর প্লান অসি ২০২২-২৩দা ফোরম্যুলেত তৌরগনি। নেস্নেল হাইৱেশিংগী নেতৱার্ক অসি ২০২২-২৩দা কি.মি. ২৫,০০০দা হেনগৎলগনি অমসুং লুপা করোর ২০,০০০ থাধরগনি।

২০২২-২৩দা পি.পি.পি.মোদতা মফম মরিদা মল্তি মোদল লোজিস্তিক্স পার্কশিং পাইখৎনবগী কন্ত্রেক্তশিং অদু পীরগনি হায়না মহাক্না হায়খি।

রেলৱেজদা লোকেল বিজনেসশিং অমসুং সপ্লাই চেনশিং মতেং পাংনবা ‘ৱান-স্তেশন-ৱান প্রোদক্ত’কী কন্সেপ অসি পোপুলরাইজ তৌরগনি হায়না ফাইনান্স মন্ত্রীনা হায়খি। আত্মানির্ভর ভারতকী শরুকা অমা ওইনা কি.মি.২০০০গী নেতৱার্ক অমা ২০২২-২৩দা সেফতী অমসুং কেপাসিতী ফগৎহন্নবগীদমক্তা লমদম অসিগী ওইবা মালেমগী থাক্তা লৈবা তেক্নোলোজী, কৱচকী মখাদা থম্লগনি। ইনর্জী এফিসিয়েন্ত ওইবা অমসুং তোংবা নুংঙাইবা অনৌবা জেনরেশনগী ৱন্দে ভারত ত্রেন চামরি পুথোক্লগনি অমসুং শারগনি অমসুং মথংগী চহি অহুমদা মল্তি মোদল লোজিস্তিক্স ফেসিলিতীশিংগীদমক্তা  পি.এম. গতিশক্তি কার্গো তর্মিনেল চামা  লিংখৎলগনি হায়না ফাইনান্স মন্ত্রীনা হায়খি।

লৌউ-শিংউগী লমদা কেমিকেল ফ্রী ওইবা নেচরেল ফার্মিংবু লৈবাক শিনবা থুংনা প্রোমোত তৌরগনি, অহানবা স্তেজতা গঙ্গা তুরেল মপালদা কি.মি. ৫ পাকপা লৌমীগী লমশিং মরু ওইবা মীৎয়েং থমগনি। ক্রোপ এসেমেন্তকী, লেন্দ রেকোর্দশিংগী দিজিতাইজেশন, তিলহাত হিদাকশিং অমসুং ন্যুত্রিয়েন্তশিং চাইবদা ‘কিসান দ্রোনশিং’ শিজিন্নবা প্রোমোত তৌরগনি। মপান লমদগী থাও শুংনবা মরুশিং অদুগী মীপাল তাংবা হন্থনবা লমদম অসিদা থাও শুংনবা মরুশিং পুথোকপা হেনগৎহন্নবা মপুং ফাবা স্কীম অমা হৌদোক্লগনি হায়না ফাইনান্স মন্ত্রীনা হায়খি।

Agriculture and food processing.jpg

২০২৩বু ইন্তর্নেস্নেল য়িয়র ওফ মিল্লেতস হায়না লাোথোকখ্রবনিনা, সরকারনা পোস্ত-হার্ভেস্ত ভেল্যু এদিশনগী, দোমেস্তিক কঞ্জমশনগী অমসুং নস্নেলগী ওইনা ইন্তর্নেস্নেলগী ওইনা মিল্লেতকী পোত্থোকশিং ব্রান্দ তৌনবগীদমক্তা মতেং পাংলগনি হায়না লাউথোকখ্রে।

লৌমিশিংগী লম হেক্তর লাখ ৯.০৮ লৌ উনবা ঈশিং অমসুং মী লাখ ৬২ থক্নবা ঈশিং পীনবা, হাইদ্রোগী ১০৩ মেগাৱাত অমসুং সোলার পাৱরগী ২৭ মেগাৱাত পুথোক্নবা লুপা করোর ৪৪,৬০৫ চংনা কেন-বেত্বা লিঙ্ক প্রোজেক্ত পাইখৎলগনি। প্রোজেক্ত অসিগী আর.ই. ২০১২-২২দা লুপা করোর ৪,৩০০ অমসুং ২০২২-২৩দা করোর ১,৪০০ খাইদোকখ্রে হায়না শ্রীমতি নির্মলা সিতারামন্না হায়খি।

ইমর্জেন্সী ক্রেদিৎ লাইন গেরেন্তী স্কীম (ই.সি.এল.জি.এস.)না লাইচৎ অসিনা শোকহনখিবশিং অদুবু ফহন্নবা লুপা এম.এস.এম.ই.শিংদা লুপা লাখ ১৩০গী অহেনবা ক্রেদিৎ পীখ্রে। হোসপিতেলিত অমসুং সার্বিসশিংগা মরী লৈনবা এম.এস.এম.ই.শিংদা বিজনেস অদু লাইচৎ মমাংগী থাক্তা য়ৌদবা ওইবনা ই.সি.এল.জি.এস. অসি ২০২৩গী মার্চ ফাওবা শাংদোক্লগনি।গেরেন্তী কোভর অদু করোর ৫০,০০০দগীনা করোর লাখ ৫ ফাওবা চাউথোক্লগনি, মসিগা লোইননা হোসপিতেলিতী অমসুং মরী লৈনবা এন্তর্প্রাইজশিং খক্তগী ওইনা অহেনবা শেনফমম খাক্তুনা থম্লগনি হায়না ফাইনান্স মন্ত্রীনা পনখি।

7. Accelerating Growth of MSME.jpg

ক্রেদিৎ গেরেন্তী ত্রস্ত ফোর মাইক্রো অমসুং স্মোল এন্তর্প্রাইজেস (সি.জি.তি.এম.এস.ই.) স্কীম অসি ফন্দ থথদুনা ফগৎহল্লগনি। মসিনা এম.এস.এম.ই.শিংগীদমক্তা লুপা করোর লাখ ২গী অহেনবা ক্রেদিৎ পীরগনি অমসুং থবক্কী খুদোংচাবা হেনগৎহল্লগনি। এম.এস.এম.ই  সেক্তর হেন্না ফগৎহন্নবা রেজিং এন্দ এসেলরেতিং এম.এস.এম.ই. পর্ফোর্মেন্স (আর.এ.এম.পি.) প্রোগ্রাম চহি ৫গী ওইনা লুপা করোর ৬,০০০ কাথদুনা হৌরগনি হায়না মহাক্না হায়খি।

উধ্যম, ই-শহরম, এন.সি.এস. অমসুং এ.এস.ই.ই.এম. পোর্তলশিং অসি ইন্তরলিঙ্ক তৌরগনি অমসুং মখৌয়গী স্কোপ অদু চাউথোকহল্লগনি।

লাইচৎ অসিনা মরম ওইরগা স্কুলশিং লোনবনা খুঙ্গংগী লমশিংগী অমসুং সেদ্যুক কাস্তশিং অমসুং সেদ্যুল ত্রাইবশিং অমসুং অতোপ্পা অসোনবা কাংলুপশিংগী অঙাংশিংনা লাইরিক তমদনা চহি ২ মাংখ্রে। মরম অদুনা পি.এম. ই.বিদ্যাগী প্রোগ্রাম ‘ৱান ক্লাস-ৱান তি.ভি. চেনেল’ অসি তি.ভি. চেনেল ১২দগী ২০০ ফাওবদা হেনগৎলগনি অমসুং মসিনা রাজ্য কুদিংমক্কী ক্লাস ১-১২ ফাওবগী অঙাংশিগীদমক্তা রিজনেল লেঙ্গ্বেজশিংদা সপ্লিমেন্তরী এজুকেশন ফংহল্লগনি।

লৈবাক অসিগী মঐরোইশিংগীদমক্তা দিজিতেল য়ুনিভর্সিতী আংদোক্লগনি। মসি তোঙান-তোঙান ভারতকী লোনশিংদা অমসুং আই.সি.তি ফোর্মেত্তা ফংহল্লগনি। য়ুনিভর্সিতী হব-স্পোক মোদেলদা লৈবাক অসিগী য়ুনিভর্সিতীশিং অমসুং ইন্সতিত্যুশনশিংনা হব-স্পোকশিংগী নেতৱার্ক ওইনা খুৎশম্নদুনা থবক তৌগনি।

4. Education.jpg

অয়ুশ্মান ভারত দিজিতেল মিসনগী মখাদা নেস্নেল দিজিতেল হেল্থ ইকোসীস্তেমগীদমক্তা ওপন প্লেতফোর্ম অমা হাংদোক্লগনি অমসুং মসিদা হেল্থ প্রোভাইদরশিং অমসুং হেল্থ ফেসিলিতীশিংগী দিজিতেল রেজিস্ত্রীশিং, য়ুনিক হেল্থ ইদেন্তিতী, কন্সেন্ত ফ্রেমৱার্ক অমসুং হেল্থ ফেসিলিতীশিংদা য়ুনিভর্সেল এক্সেস য়াওগনি।  

অফবা মেন্তেল হেল্থ কাউন্সেলিং অমসুং কিয়র সার্বিসশিংবু হেন্না লাইনা ফংবা ঙম্নবা ‘নেস্নেল তেলি মেন্তেল হেল্থ প্রোগ্রাম’ হৌদোক্লগনি। মসিদা তেলি-মেন্তেল হেল্থ সেন্তর ওফ এক্সেলেন্স ২৩গী নেতৱার্ক য়াওগনি, লোইননা এন.আই.এম.ঐচ.এ.এন.এস.না নোদল সেন্তর ওইগনি অমসিং ইন্তর্নেস্নেল ইনস্তিত্যুত ওফ ইনফোর্মেশন তেক্নোলোজী- বেঙ্গলোর (আই.আই.আই.তি.বি.)না তেক্নোলোজী সপোর্ত পীরগনি।

HEALTH_M1.jpg

শ্রীমতি নির্মলা সিতারামন্না হর ঘর, নল সে জলগীদমক্তা ২০২২-২৩দা য়ুমথোং করোর ৩.৮দা লুপা করোর ৬০,০০০গী শেন্থং কাইথরগনি হায়ন লাওথোকখ্রে। হৌজিক্কী কোভরেজ অসি করোর ৮.৭নি অমসুং য়ুমথোং করোর ৫.৫দা চহি ২দা তেপ ৱাতর ফংহনখ্রে।

২০২২-২৩দা, য়ুম লাখ ৮০দা, রুরল অমসুং অর্বান অনিমক্কী পি.এম. আৱাস য়োওজনাগী বেনিফিসরী মশক খঙদোক্লগনি অমসুং মসিগীদমক্তা করোর ৪৮,০০০ কাইথরগনি।

প্রাইম মিনিস্তরস দেবেলপমেন্ত ইনিসিয়েতিব ফোর নোর্থইস্ত, পি.এম.-দিভাইন হায়না কৌবা অনৌবা স্খীম অমা পি.এম. গতিশক্তিগী ৱাখল্লোনদা নোর্থ-ইস্তর্ন কাউন্সিলগী কুত্থাংদা ইফ্রাস্ত্রকচরদা শেল থাদনবা অমসুং নোর্থইস্তকী ওইনা তঙাইফদবা অদুগী মতুং ইন্না সোসিয়েল দেবেলপমেন্ত প্রোজেক্তশিং পাইখৎলগনি। সেক্তর কয়া অমদা লৈরিবা অহাংবশিং অদু মেনশিন্নবা নহাশিং অমসুং নুপীশিংগী হিংননবগী লম্বি পীনবা অহানবদা লুপা করোর ১৫০০ কাইথোক্লগনি। 

17. PM's Development Initiative for North East Region (PM-DevINE).jpg

২০২২দা পোস্ত ওফিস লাখ ১.৫গী চাদা ১০০ কোর বেঙ্কিং সীস্তেমগী মনুং চল্লগনি অমসুং নেত বেঙ্কিং ১১, মোবাইল বেঙ্কিং, এ.তি.এম.শিংগী খুত্থাংদা একাউন্তশিং এক্সেস তৌবা য়াগনি অমসুং পোস্ত ওফিস একাউন্তশিং অমসুং বেঙ্ক একাউন্তশিংগী মরক্তা ফন্দশিং ওনলাইন ত্রান্সফর তৌবা য়াহনগনি।

নিংতম্বগী চহি ৭৫ শুরকপগীদমক্তা, সরকার অসিনা সেদ্যুলদ কমর্সিয়েল বেঙ্কশিংনা জিলা ৭৫দা দিজিতেল বেঙ্কিং য়ুনিৎ (দি.বি.য়ু.শিং) ৭৫ হাংদোক্নবগী ৱাফম থম্লকখি।

Productivity enhancement and investment (Ease of Doing Business 2.0)_M2.jpg

অর্বান প্লানিং অমসুং দিজাইনগী মতাংদা ভারতকী ওইবা অখন্নবা নোলেজ অমসুং হিরমশিং অসিদা মতিক চানা ত্রেনিং তৌবা, হৌজিক লৈরিবা একদেমিক ইন্সতিত্যুশন ৫ সেন্তর ওফ এক্সেলেন্স ওইহল্লগনি। মসিগী সেন্তর খুদিংমক্তা লুপা করোর ২৫০ ফন্দ ওইনা কাইথরগনি হায়না ফাইনান্স মন্ত্রীনা হায়খি।

এনিমেশন, ভিজুৱল ইফেক্তশিং, গেমিং অমসুং কোমিক (এ.ভি.জি.সি.) সেক্তরদা নহাশিং থবক তৌহন্নবগী পোতেন্সিয়েল য়াম্না লৈবা মরম্না ঐখোয়গী মার্কেতশিং অমসুং গ্লোবলগী ওইবা দিমান্দশিং পীবা ঙম্নবা এ.ভি.জি.সি. প্রোমোশন তাস্ক ফোর্সকা লোইননা স্তেকহোলদরশিং লিংখৎলগনি।

Productivity enhancement and investment (Ease of Doing Business 2.0)_M1.jpg

তেলিকম্যুনিকেশন অমসুং মরু ওইনা ৫জি. তেক্নোলোজী অসিনা গ্রোথ লৈহনগনি অমসুং থবক ফংহনগনি। লনাইগী তেলিকোম সার্বিসশিংনা ২০২২-২৩ ফাওবগী মনুংদা ৫জি. মোবাইল শার্বিসশিং হৌনবা ২০২২দা স্পেক্ত্রম ওক্সনশিং পাংথোক্লগনি হায়না নির্মলা সিতারামন্না হায়খি।

দিফেন্সকী মতাংদা, সরকার অসিনা আর্মদ ফোর্সশিংগীদমক্তা ইমপোর্ত হন্থহন্নবা অমসুং ইক্যুইপমেন্তশিংদা আত্মানির্ভর্তা প্রোমোত তৌবদা হোৎনরি হায়না হায়খি। ২০২১-২২দা কেপিতল প্রোক্যোরমেন্তকী চাদা ৫৮ ওইরম্বদগী, হেনগৎলক্তুনা ২০২২-২৩দা চাদা ৬৮দি লমদম অসিগী ইন্দস্ত্রীশীংগীদমক্তা তোঙান্না খাইদোক্তুনা থমখ্রে। দিফেন্স আর. & দি. গী বজেতকী চাদা ২৫দি ইন্দস্ত্রী, স্তার্তঅপশিং অমসুং একাদেমিয়াগীদমক্তা খাইদোক্লগনি।

২০৩০ ফাওবদা ২৮০ গিগাৱাতকী ইন্সতোল তৌরবা সোলার কেপাসিতীগী পান্দমগীদমক্তা লমদম অসিদা মেন্যুফেকচর তৌবা হেনগৎনবা মরু ওইনা পোলিসিলিকোনদগী সোলার পি.ভি. মোদ্যুলশিং শাবা য়ুনিৎশিংদা ইফিসিয়েন্সী ৱাংবা মোদ্যুলশিং শানবগীদমক্তা প্রোদক্সন লিঙ্কদ ইন্সেন্তিবকীদমক্তা লুপা করোর ১৯,৫০০ কাইথরগনি।

Transition to Carbon Neutral.jpg

২০২২-২৩দা লনাইগী ইনভেস্তমেন্ত  অমসুং দিমান্দ হেনগৎহন্নবা  পব্লিক ইনভেস্তমেন্তনা মখাতানা লুচিংগদবনি অমসুং মরম অদুনা কেন্দ্রগী বজেত্তা কেপিতল এক্সপেন্দিচরগীদমক্তা খাইদোকখিবা শেনফম অদু হন্দক্কী চহিদা লুপা করোর লাখ ৫.৫৪ ওইরম্বদগী চাদা ৩৫.৪ হেনগৎলক্তুনা  ২০২২-২৩দা লুপা করোর লাখ ৭.৫০ ওইখি। মসি ২০১৯-২০দা তৌখিবা এক্সপেন্দিচর অদুগী শরুক ২.২ হেন্না হেনগৎলকখি অমসুং মসিগী আউৎলে অসি ২০২২-২৩দদি জি.দি.পি.গী শরুক ২.৯ ওইরগনি। মসিগী ইভেস্তমেন্ত অসিগা লোইননা রাজ্যশিংদা পীবা গ্রান্তস-ইন-এদকী খুত্থাংদা কেপিতল এসেতশিং লৈহন্নবগীদমক্তা শেমখিবা প্রোভিজন অদুগা পুল্লপ পাবা মতমদা, কেন্দ্র সরকারগী ‘ইফেক্তিব কেপিতল এক্সপেন্দিচর’ অসি ২০২২-২৩ চা্রাক্না লুপা করোর লাখ  ১০.৬৮রোম ওইগনি, মসি চাউরাক্না জি.দি.পি.গী চাদা ৪.১ ওইগনি হায়না ফাইনান্স মন্ত্রীনা মরু ওইনা পনখি। 

২০২২-২৩দা সরকারগী অপুনবা মার্কেত বোরোৱিংশিং অদুগী শরুক অমা ওইনা, গ্রীন ইনফ্রস্ত্রকচরগীদমক্তা রিসোর্স মোবিলাইজ তৌনবগীদমক্তা সোভরেন গ্রীন বোন্দশিং ইসু তৌরগনি। মসিদগী ফংলকপশিং অদু ইকোনোমীগী কার্বোন ইন্তেন্সিতী হন্থহনবদা মতেং পাংবা পব্লিক সেক্তর প্রোজেকশিংদা থাধরগনি।

সরকারনা ব্লোক চেন অমসুং অতোপ্পা তেক্নোলোজী শিজিন্নদুনা দিজিতেল রুপী হৌদোক্নবা হায়খ্রে, মসি ২০২২-২৩গী হৌগৎলকপদা রিজর্ভ বেঙ্কক ওফ ইন্দিয়ানা ইশু তৌগনি।

Central Bank Digital Currency.jpg

কোওপরেতিব ফেদরেলিজমগী অশেংবা ৱাখলবু ফংদোক্তুনা কেন্দ্র সরকারনা বজেত অসিগী এস্তিমেত্তা চৎলিবা চহি অসিগী রিভাইস্দ এস্তিমেত্তা “ স্কীম ফোর ফাইনান্সিয়েল এসিস্তেন্স তু স্তেতস ফোর কেপীতেলিজম ইনভেস্তমেন্ত” কী শেন্থং অদুবু লুপা করোর ১০,০০০দগী হেনগৎহন্দুনা লুপা করোর ১৫,০০০ ওইহনখি। মসিদসু নত্তনা ২০২২-২৩গীদমক্তা শেন্মিৎলোনদা ইনভেস্তেমেন্ত পুম্নমকপু শৌগৎনবগীদমক্তা রাজ্য পুম্নমক্কী মতেং ওইনা লুপা করোর লাখ ১ খায়দোকখ্রে। চহি ৫০গী ইন্তরেস্ত য়াওদবা লোন অসি রাজ্যশিংদা পুবা য়াহল্লিবা চাং অদুদগী য়াম্না হেনখ্রে মসিগী এলোকেশনশিং অসি পী.এম. গতিশক্তিগা মরী লৈনবা অমসুং রাজ্যশিংগী অতোপ্পা প্রোদক্তিব কেপীতল ইনভেস্তমেন্তকীদমক্তা শিজিন্নগনি।

শ্রীমতি নির্মলা সিতারমননা ১৫শুবা ফাইনান্স কমিসনগী রেকমন্দেশনগী মতুং ইন্না রাজ্যশিংনা জি.এস.দি.পী.গী শরুক অসি চাদা ৪ ফাওবগী ফিস্কেল দিফিসিত ফংগনি মসিদা চাদা ০.৫না পাৱর সেক্তরবু চাউখৎহনবগা মরী লৈনবা ওইগনি। মসিগী ফিভমশিং অসিগী মরমদা ২০২১-২২দনা খংহনখ্রবনি।

13. Providing Greater Fiscal Space to States.jpg

মহাক্কী বজেত স্পিচকী পার্ত এ. লোইশিল্লদুনা ফাইনান্স মন্ত্রীনা চৎলিবা চহি অসিগী রিভাইস্দ ফিস্কেল দেফিসিত অসি বজেত এস্তিমেত্তা প্রিজেক্ত তৌখিবা চাদা ৬.৮কী মায়োক্তা  জি.দি.পী.গী চাদা ৬.৯ এস্তিমেত ওইখি। ২০২২-২৩দা ওইখিবা  ফিস্কেল দিফিসিত অসি চাউরাক্না জি.দি.পী.গী চাদা ৬.৪ ওইখি, মসি হৌখিবা চহিদা ২০২৫-২৬ ফাওবদা ফিস্কেল দিফিসিত অসিবু চাদা ৪.৫গী মখাদা  হন্থহল্লগনি হায়না মহাক্না লাউথোকখিবদুগী মতুং ইন্না চৎথরি। অদুবু ২০২২-২৩দা ফিস্কেল দিফিসিতকী লেভেল শেম্বা মতমদা, মহাক্না পব্লিক ইনভেস্তমেন্তকী খুথাংদা চাউখৎনবগীদমক্তসু হায়খি।

Trends-in-Deficit-English.jpg

কেন্দ্রগী বজেত ২০২২-২৩ অসিনা, অচেৎপা অমসুং ময়াম্না খংনবা তেক্স লৌবগী সীস্তেম অসিবু মখা চৎথবগা লোইননা অনৌবা অহোংবা কয়া পুরক্তুনা ময়াম্না থাজবা সীস্তেম অমা পুরকপা পাম্লি। শ্রীমতি নির্মলা সিতারমন্না হায়খি তেক্স অমসুং দ্যুতিগীদমক পীখৎলিবা অনৌবা প্রোপোজলশিং অসিনা তেক্স সীস্তেম অসিবু অমুক্কসু হেন্না লাইহনগনি, তেক্সপেয়র মশামক্না সীস্তেম অসিগী মতুং ইন্না চৎনিংগনি অমসুং লিতিগেসনবুসু হন্থহনগনি।

দাইরেক্ত তেক্সকী মতাংদা, বজেতনা তেক্স পেয়রশিংদা অশোইবশিং শেমদোক্নবগীদমক্তা চহি ২গী মনুংদা অপদেত তৌরবা ইনকম তেক্স রিতর্নশিং ফাইল তৌবগী অয়াবা পীরি। স্তার্তঅপশিংগী ইন্সেন্তিব ওইনা মতি চারবা স্তার্তঅপশিংগীদমক্তা ইনকোর্পোরেশনগী পেরদ অদু চহি অমগা অমুক  শাংদোকখ্রে। বজেত অসিনা কেন্দ্র সরকারগী এমপ্লোয়ীশিংগা মান্ননবারাজ্য সরকারগী এন.পী.এস. একাউন্তদা এমপ্লোয়রশিংগী কন্ত্রিব্যুশনদা দিদক্সন তৌবগী লিমিৎ অদু হনেগৎনবগী ৱাফম থমখি। ভর্চুৱল এসেতশিং ত্রান্সফর তৌবদা লাকপা ইনকমদা ৩০% তেক্স কক্লগনি। 

               Tax Proposals 2.jpgTax Proposals.jpg

ইন্দাইরেক্ত তেক্সকী মতাংদা, কেন্দ্র বজেতনা হায়রি মদুদি অখন্নবা ইকোনোমিক জোনশিংদা লৈরিবা কস্তমশিংগী এদমিনিস্ত্রেশন অদু মপুং ফানা আই.তি. শিজিন্নহল্লগনি।  মসিনা কেপীতল গুদশিংদা অমসুং প্রোজেক্ত ইমপোর্তশিংদা তপ্না তপ্না কন্সেস্নেল রেতশিং অদু লৌথোক্লগনি অমসুং ৭.৫%গী তারিফ ওইনা হাপ্লগনি। বজেত অসিনা কস্তমস একজেমশন অমসুং তারিফ সিমপ্লিফিকেশনগী রিভ্যুগী মতাংদা পল্লি, মসিদা একজেমশন ৩৫০ হেন্না লৌথৌক্লগনি হায়না প্রোপোস তৌখি।দোমেস্তিক ইলেক্ত্রোনিক মেন্যফেকচরিং হেনগৎহন্নবা কস্তমশিংগী দ্যতী রেতশিং অদু শেমদোক্নবা প্রোপোস তৌরি।ভারত্তা শাবা লৌউ-শিংউগী খুৎলাইশিংগী মতাংদা একজেমশনশিং অদু রেস্নেলাইজেশন তৌরগনি। স্তীলগী কোঞ্চাকশিংদা কস্তমস দ্যুতী একজেমশন শাংদোক্লগনি। 

Indirect Tax Proposals.jpg

Indirect Tax Proposals 2.jpg

বজেত অসিনা এদিশনেল তেক্সকী মতাংদা তেক্সপেয়রশিংদা পেমেন্ত তৌবদা অপদেতেদ রিতর্ন ফাইল তৌনবগীদমক অনৌবা প্রোভিজন অমা পীখ্রে। মসিগী অপদেতেদ রিতর্ন অসি রেলেভেন্ত এসেসমেন্ত চহিগী অরোইবদগী চহি ২গী মনুংদা ফাইল তৌবা য়াগনি। শ্রীমতি নির্মলা সিতারমন্না হায়খি প্রোপোজল অসিনা  তেক্সপেয়রশিংগী মরক্তা থাজবা অমা ফাওরক্কনি অমসুং মসিনা রিতর্ন ফাইল তৌবা মতমদা চিৎথ নান্থহৌবা ইঙ্কম অদু মশানা খংনা খংহল্লকপা ঙমগনি। অসি মশানা খংনা তেক্স পীখৎপগী মায়কৈদা মরু ওইবা খোংথাং অমনি।

কো-ওপরেতিব সোসাইতীশিং অমসুং কম্পনিশিংগী মরক্তা মান্নবা পুরক্নবগীদমক কো-ওপরেতিভ সোসাইতীশিংগীদমক অলতর্নেত মিনিমম তেক্স হন্থহনদুনা চাদা ১৫ ওইহন্নবা হায়খ্রে। ফাইনান্স মন্ত্রীনা লুপা করোর অমা হেনবা অমসুং লুপা করোর ১০ ফাওবগী মনুংদা ইঙ্কম লৈবা কো-ওপরেতিভ সোসাইতীশিংদা লৈরিবা সরচার্জ অদু চাদা ১২দগী ৯দা  ওইহন্নবা হায়খ্রে।

ফাইনান্স মন্ত্রীনা সোইনাইরবা মীশিংগীদমক্তসু মমা-মপা অমসুং অহল-লমননা ইন্সুরেন্স স্কীম লৌবা য়াগনি হায়খ্রে। হৌজিক লৈরিবা আইন অসিগী মতুং ইন্না করিগুম্বা সোইনাইরবা মী অদুগীদমক মমা-মপা নত্রগা অহল-লমননা লৈখিদ্রবা মতুংদা চৌরাকপা শেনফম অমা নত্রগা চহিদা অরেপ্পা শেনফম অমা পীবগী খুদোংচাবা লৈরবদি মমা-মপা অমসুং অহল-লমনগীদমক দিদক্সন তৌবগী অয়াবা লৈ । হৌজিক পীরিবা বজেত অসিনা মমা-মপা অমসুং অহল-লমনশিংনা হিংলিবা মতমদসু মখোয়না চহি ৬০বু শুরবদি চাউরাকপা শেনফম অমা নত্রগা চহিদা অরেপ্পা শেনফম পীনবগীদমক অয়াবা পীরি।

কেন্দ্র সরকারনা নেস্নেল পেন্সন সীস্তেম (এন.পী.এস.) তায়র- Iদা মখোয়গী কর্মচারিশিংগী তোলোপকী চাদা ১৪ মতেং পাংলি। মসি কর্মচারিগী ইঙ্কম থিবদা ককপা শেল ওইনা অয়াবা পীবনি। অদুবু রাজ্য সরকারগী কর্মচারিশিংগীদমক্তদি অসিগুম্বা তোলোপতগী ককপা অসি চাদা ১০ খক্তা ওইনা অয়াবা লৈরি। মসিদা মান্নবা পোরক্নবগীদমক্তা, এন.পী.এস. ইকাউন্ততা রাজ্য সরকারগী কর্মচারিশিংগীদমক্তসু তেক্স দিদক্সন লিমিত অসি চাদা ১০ ওইরম্বদগী চাদা ১৪ ওইহন্নবা বজেত  অসিদা হায়খ্রে।

৩১.০৩.২০২২গী মমাংদা হৌদোকখিবা স্তার্ত-অপশিংদা ইনকোর্পোরেত তৌখিবা নুমিৎতুদগী থংনা থংননা চহি ১০গী মনুংদা চহি ৩গীদমক তেক্স ইনসেন্তিভ অমা পীরগনি। কোবিদ লাইচৎ অসিদা মীৎয়েং থমদুনা বজেত অসিনা অদুগুম্বা তেক্স ইনসেন্তিভ অদু পীনবগীদমক ইনকোরপোরেসনগী মতম অদু এলিজিবল ওইবা স্তার্ত-অপশিংগীদমক চহি ১ মুক চোন্থহনখ্রে, মদুদি  ৩১.০৩.২০২৩ ফাও ওইহনখ্রে। 

দোমেস্তিক কম্পনীশিংগীদমক গ্লোবেলি কম্পিতিতিব বিজনেস এনভাইরনমেন্ত অমা শেমগৎনবগীদমক, নৌনা হাপ্পা দোমেস্তিক মেন্যুফেক্চরিং কম্পনীশিংগীদমক চাদা ১৫গী ওয়বা কন্সেসনেল তেক্স রিজাইম অমা শেমখি। য়ুনিয়ন বজেত অসিনা সেক্সন ১১৫ বি.এ.বি.গী মখাদা মেন্যুফেক্চর নত্রগা প্রোদক্সন হৌবগী অরোইবা তাং অসি চহি অমা ফাওবা,  মদুদি ২০২৪গী মার্চকী ৩১ ফাওবদা চোন্থহনখ্রে।

ভর্চুৱল দিজিতেল এসেতকী তেক্সেসনগী মতাংদা, করিগুম্বা মওংগী ভর্চুৱল দিজিতেল এসেত ত্রান্সফর তৌবা মতমদা ফংবা ইঙ্কমগী চাদা ৩০ তেক্স ওইনা পীগনি হায়না হায়রি মদুগুম্বা ইঙ্কম অদু থিবা মতমদা করিগুম্বা মওংগী দিদক্সন লৈরোয়। মখাতানা, অসিগুম্বা ভর্চুৱল দিজিতেল এসেত ত্রান্সফর তৌবা মতমদা করিগুম্বা মওংগী থোকপা অমাা অতাবু অতোপ্পা ইঙ্কমনা শিঞ্জিনবা য়ারোই। ভর্চুৱল দিজিতেল এসেত ওইনা পীরকপা গিফ্তশিংদসু রেসিপীয়েন্তনা তেক্স থিগনি।

নোন-রেসিদেন্ত অমগী ওফশোর দেরাইভেতিভ ইন্সত্রুমেন্তশিং, নত্রগা ওফশোর বেঙ্কিং য়ুনিতনা ইশু তৌবা কাউন্তর দেরাইভেতিভশিংদগী ফংলকপা ইঙ্কম, জাহাজকী লীজ তৌবা মতমদা ফংবা রোয়লতি অমসুং ইন্তরেস্ততগী ফংবা ইঙ্কম অমসুং আই.এফ.এস.সি.দা পোর্তফোলিয়ো মেনেজমেন্ত সর্বিসশিংদগী ফংলকপা ইঙ্কমবু, পীরিবা মরমশিং অদুগী মতুং ইন্না তেক্সতগী একজেমশন ফংগনি।

ইঙ্কম অমসুং প্রোফিতশিংদা করিগুম্বা মখলগী সর্চার্জ নত্রগা সেসপু বিজনেস এক্সপেন্দিচর ওইনা লৌবা য়ারোই হায়নসু বজেত অসিদা শেংনা হায়খ্রে।

তেক্স থিদবশিংদা অকিবা অমা পুরক্নবগীদমক্তা, সর্চ অমসুং সর্ভে ওপেরেসন পাংথোকপা মতমদা ফাগৎপা তাকথোক্তবা ইনকম করিগুম্বা মখল অমগী অমাং-অতাশিং অমগী সেত ওফ অমত্তা লৈহল্লোই হায়না ফাইনান্স মন্ত্রীনা হায়খ্রে।

বজেত অসিগী মতুং ইন্না স্পেসিয়েল ইকোনোমিক জোনশিংগী কস্তম এদমিনিস্ত্রেসনদা অহোংবা কয়া পোরক্লগনি অমসুং মসিবু মপুং ফানা তেক্নিকেল ওইহল্লগনি ।  মসিগী অহোংবা অসি ২০২২গী সেপ্তম্বরগী ৩০দগী হৌরগনি।

কেপিতল গুদশিং অমসুং প্রোজেক্ত ইমপোর্তশিংদগী কন্সেস্নেল রেতশিংবু তপনা তপনা লৌথোকখিনবা অমসুং চাদা ৭.৫ কী চাংগী মোদরেত তারিফ অমা চৎনহন্নবা বজেত অসিদা প্রোপোস তৌখ‌্রে। লৈবাক অসিদা শাদবা এদভান্স মেসিনরী খরদদি মসিগী একজেমশন অসি মখাতানা লৈখিগনি। কেপিতল গুদশিং লৈবাক অসিদা মেনুফেকচর তৌনবগীদমক শৌগৎপা ওইনা ইনপুত খরদদি একজেমশনশিং অসি লৈখিনি।

এক্সেমপসন এনত্রী ৩৫০ হেন্না তপ্না-তপনা লৌথোকখিনবা হায়রি। মসিদা লৈবাক অসিদা পুথোকপা ঙমবগী কেপাসিতী লৈবা পোৎচৈশিং য়াওরি খুদম ওইনা অখন্নবা লৌউ-শিংউগী পোত্থোক, কেমিকেলশিং, ফেব্রিকশিং, মেদিকেল দিভাইসশিং অমশুং দ্রগ অমসুং হিদাকশিং য়াওরি।

য়াম্না মরু ওইবা কেমিকেলশিং মীং ওইনা পল্লবদা মিথানোল, এসেতিক অসিদ অমসুং পেত্রোলিয়ম রিফাইনিংগীদমক হেবি ফিদ স্তোকশিং কস্তম দ্যুতি হন্থহনখ্রে অদুবু লৈবাক অসিদা হেনদোক্না পুথোকপা ঙম্বগী মতিক লৈরিবা সোদিয়ম সাইনাইদতা কস্তম দ্যুতি হেনগৎহনখ্রে।

বজেত অসিদা সাতিনশিংদা দ্যুতি হেনগৎতুনা চাদা ২০ ওইহনখ্রে। সাতিনগী পার্তশিংদগী একজেমশন লৌথোকখ্রে। ভারত্তা শাবা এগ্রিকলচরগী তুলশিংদা লৈরিবা একজেমশনশিংবুসু রেস্নেলাইস তৌখ্রে। হৌখিবা চহিদা স্তীল স্ক্রেপতা পীখিবা কস্তম দ্যুতি একজেমশন অদু চহি অমগী অমুক শাংদোকখ্রে।

এক্সপোর্তপু শৌগৎনবা কেনবগী পোৎ চৈশিং, ত্রিমিং, ফাস্তনরশিং, বতনশিং, জিপর, লাইনিং মেতেরিয়েল, ফর্নিচর ফিতিং, পেকেজিং বোক্স কুম্বা অতোপ্পা  পোৎচৈশিংদা একজেমশন পীরি।

সরকার অসিগী ওইনা থাউগী ব্লেন্দিং অসি য়াম্না মরু ওই। থাউগী ব্লেন্দিং তৌববু শৌগৎনবা, ২০২২গী ওক্তোবরগী তাং ১দগী ব্লেন্দ তৌদবা থাউশিংদা লিতর অমদা লুপা ২গী অহেনবা দিফরেন্সিয়েল এক্সাইজ দ্যুতি থিগনি।

*****



(Release ID: 1794607) Visitor Counter : 132