“লাইচৎ অসিনা পুরকপা শেন্মিৎলোনগী চৈথেংবু কম্মর্সিএল বেঙ্কিং সীস্তেম্না হৌজিক ফাওবদা নীংথিনা মাইয়োক্নরি, অদুবু চৈথেং খরদি অদুমক লৈরি”, হায়না ঙসি পার্লিয়ামেন্ততা ফাইনান্স অমসুং কোর্পোরেত এফিয়র্সকী কেন্দ্র মন্ত্রী, শ্রীমতি নির্মলা সিতারামন্না পুথোকখিবা ইকোনোমিক সর্ভে ২০২১-২২না পল্লি। সর্ভে অসিনা বেঙ্ক ক্রেদিৎ গ্রোথনা দিসেম্বর ৩১, ২০২১ ফাওবদা ৯.২%গী চাংদা লৈরি হায়নসু পনখি।

পর্স্নেল লোনগী শাহৌনা দিজিৎ অনিদা ফগৎখিঃ

সর্ভে অসিনা পর্স্নেল লোনগী লমদা মমাংগী চহিগী ৯.২%গা চাংদম্নবদা হন্দক্কী শেনবা চহিদা ১১.৬%কী শাহৌ লৌখি হায়না পনখি। পর্স্নেল লোনগী খ্বাইদগী শরুক য়াম্না চল্লিবা হাউজিং লোন্না নবেম্বর ২০২১দা ৮%গী শাহৌ লৌখি। অনিশুবা খ্বাইদগী শরুক পীবা ভেহিকল লোনশিংনা নবেম্বর ২০২০দা ওইরম্বা ৬.৯%তগী নবেম্বর ২০২১দা ৭.৭%কী চাং য়ৌদুনা ফগৎপগী ফিভম উবা ফংখি।

ক্রেদিৎ গ্রোথঃ

সর্ভে অসিনা লৌউ-শিংউবগী ক্রেদিৎনা শাহৌ চাউনা লৌবগী থৌওং মখা চত্থখি অমসুং ইং ২০২০দা লৈরম্বা ৭%কা চাংদম্নবদা ইং ২০২১দা ১০.৪% (ৱাই-ও- ৱাই)গী চাংদা লৈখি হায়না পনখি। মাইক্রো অমসুং স্মোল ইন্দস্ত্রীগী ক্রেদিৎ গ্রোথনা চহি অমগী মমাংদা লৈরম্বা ০.৬%তগী হেনগৎলক্তুনা ইং ২০২১দা ১২.৭%কী চাংদা লৈখিদুনা মাইক্রো, স্মোল অমসুং মীদিয়ম ইন্তর্প্রাইস (এম.এস.এম.ই.) সেক্তরগী ক্রেদিৎ ফ্লো ফগৎহন্নবা ভারত সরকারনা পায়খৎখিবা খোঙথাং কয়ানা কান্নবা পুরকখি হায়বা তাকখি।

মনিতরী ত্রান্সমিসনঃ

সর্ভে অসিগী মতুং ইন্না, লার্জ সর্প্লস সীস্তেমিক লিক্বিদিতী, চুননবা হোৎনবগী থৌওংগা লোয়ননা মখা চত্থনবা শৌগৎপা অমসুং অখন্নবা সেক্তরশিংগী লোনশিংগী মমল লেপ্নবা লৈরিবা এক্সতর্নেল বেঞ্চমার্ক সীস্তেম্না মনিতরী ত্রান্সমিসন্দা তেংবাংখি।

ভারতকী ফেক্তরিং পাংথোকপা:

সর্ভে অসিনা হায়বগী মতুং ইন্না, ফেক্তরিং অসি মালেমগী লিক্বিদিতীগী মরু ওইবা সোর্স অমনি, মরু ওইনা এম.এস.এম.ই.শিংগীদমক্তা হায়না পল্লি। মরম অদুনা, ফেক্তরিং রিগ্যুলেসন (এমেন্দমেন্ত) এক্ত, ২০২১বু য়ু.কে. সিনহা কম্মিতীনা হায়খিবা ৱাফমশিংগী মখা পোন্না অনৌবা ৱারোল হাপচিন্দুনা শেমখি। এমেন্দমেন্ত এক্ত অসিগী মশক থোকপা কাঙলোনশিংবু আর.বি.আই.না জনুৱারী ২০২২দা খঙহনখি। এমেন্দমেন্ত অসিনা এক্ত অসিদা লৈরম্বা অথিংবা থম্বগী কাংলোনশিং অসিবু মীয়াম্না নুংঙাইনবা শেমদোকখি অমসুং মান্নবা মতমদা, আর.বি.আই.গী মখাদা কাঙলোন শেম্বা/য়েংশিনবগী মপাঙ্গল লৈবা পথাপ অমবুসু লৈহনখি। মপুং ওইবা ওইনা, মসিগী অহোংবা অসিনা লৈবাক অসিগী ফেক্তরিং ইকোসীস্তেম্বু হেন্না পাকথোক চাউথোকহল্লগনি অমসুং এম.এস.এম.ই.শিংদা ক্রেদিৎ ফেসিলিতী ফংনবা অহেনবা খুদোংচাবা ফংহন্দুনা মশক থোক্না তেংবাংগনি।

ভারতকী দিপোজিৎ ইন্স্যুরেন্সঃ

ইং ২০২১দা পার্লিয়ামেন্তনা অয়াবা পীখিবা দিপোজিৎ ইন্স্যুরেন্স অমসুং ক্রেদিৎ গেরেন্তী কোর্পোরেসন (এমেন্দমেন্ত) এক্ত অসিনা ভারতকী দিপোজিৎ ইন্স্যুরেন্সকী হীরমদা মশক থোকপা অহোংবা অমা পুরকখি হায়না সর্ভে অসিনা ফোংদোকখি। সর্ভে অসিনা বেঙ্ককী কাঙলুপশিংগী ওইনা অপুনবা দিপোজিৎকা মরী লৈননা ইন্স্যুর তৌরবা দিপোজিৎনা আর.আর.বি.শিংগী ৮৪%, কোওপরেতিব বেঙ্কশিংগী ৭০%, এস.বি.আই.গী ৫৯%, পি.এস.বি.শিংগী ৫৫%, প্রাইভেত সেক্তর বেঙ্কশিংগী ৪০% অমসুং মীরমগী বেঙ্কশিংগীনা ৯% ওইখি হায়নসু পনখি। দিপোজিৎ ইন্স্যুরেন্স হেক লৈরকখিবদগী মার্চ ৩১, ২০২১ ফাওবদা লুপা করোর ৫৭৬৩গী অপুনবা শেনফম্বু ক্লেমশিংগী মাইয়োক্তা পীথোকখি (কম্মর্সিএল বেঙ্ক ২৭কী লুপা করোর ২৯৬ অমসুং কো-ওপরেতিব বেঙ্কশিংগীনা লুপা করোর ৫৪৬৭)।

দিজিতেল পেমেন্তঃ

সর্ভে অসিগী মখা পোন্না, য়ুনিফাইদ পেমেন্ত ইন্তর্ফেস (য়ু.পি.আই.) অসিনা ত্রাঞ্জেক্সন মশিংগী মতুং ইন্না হৌজিক্কী ওইনা লৈবাক্কী খ্বাইদগী চাউবা রিতেল পেমেন্ত সীস্তেম ওইরি অমসুং মীয়াম্না মসিবু পাক শন্না পাম্নবগী থৌওংসু তাক্লি। দিসেম্বর ২০২১দা য়ু.পি.আই.না লুপা লাখ করোর ৮.২৬কী শেনফমগী ত্রাঞ্জেক্সন বিলিয়ন ৪.৬ পাংথোকখি। আর.বি.আই. অমসুং সিঙ্গাপোরগী মনিতরী ওথোরিতীনা জুলাই ২০২২ ফাওবগী মনুংদা থবক হৌনবা পান্দম থম্লিবা য়ু.পি.আই. অমসুং পেনাওগা মরী লৈনবগী প্রোজেক্ত অমা লাউথোকখি। ক্যু.আর. কোদকীদমক্তা য়ু.পি.আই. স্তেন্দর্দ শিজিন্নবা অহানবা লৈবাকসু ভুতান্না ওইখি। সিঙ্গাপোরগী হেক মথংদা মখোয়গী মর্চেন্ত লোকেসনশিংদা ভিম-য়ু.পি.আই. শিজিন্নবা য়াবা অনিশুবা লৈবাক অমসু লৈবাক অসিনা ওইরিবনি।

এন.বি.এফ.সি.শিং:

সর্ভে অসিনা হায়বগী মতুং ইন্না, এন.বি.এফ.সি. সেক্তরশিংগী অপুনবা ক্রেদিৎনা মার্চ ২০২১দা লুপা করোর লাখ ২৭.৫৩ ওইরম্বদগী সেপ্তেম্বর ২০২১দা লুপা করোর লাখ ২৮.০৩ ওইদুনা হেনগৎখি। এন.বি.এফ.সি. ক্রেদিৎনা জি.দি.পি}গী রেসিও ওইনা শরুক ওনবা এন.বি.এফ.সি.গী ক্রেদিৎ ইন্তেন্সিতীনা লেপ্তনা হেনগৎলক্লি অমসুং মার্চ ২০২১গী অরোইবদা ১৩.৭%তা লৈখি। ইন্দস্ত্রীশিংনা এন.বি.এফ.সি. সেক্তরনা পীবা ক্রেদিৎ খ্বাইদগী চাউনা ফংবা ওইরি অমসুং রিতেল লোন অমসুং সর্ভিসশিংনা তুং ইল্লি।

ইক্বিতীঃ

এপ্রিল-নবেম্বর ২০২০গী মনুংদা কম্পেনী ২৯না আই.পি.ও. লিস্ত তৌখিদুনা লুপা করোর ১৪৭৩৩গী শেনফম শাগৎখিবদুগা চাংদম্নবদা, এপ্রিল-নবেম্বর ২০২১দা কম্পেনী ৭৫গী আই.পি.ও. লিস্ত তৌখি অমসুং লুপা করোর ৮৯০৬৬ শাগৎখি অমসুং থৌওং অসিনা মখোয়গী ফন্দ মোবিলাইজেসনগী মতাংদা ৫০৪.৫% হেনগৎখিবগী ফিভম তাক্লি হায়না সর্ভে অসিনা পাউদমখি। আই.পি.ও.শিংনা হন্দক শাগৎখিবা শেনফম অসিনা মমাংগী দিকেদশিংগী চহি অমা হেক্তদা শাগৎখিবা শেনফমদগী য়াম্না খেৎনবগা লোয়ননা হেনখি। প্রিফরেন্সিএল এলোৎমেন্তকী খুত্থাংদা শেনফম শাগৎপগী থৌওংনা মমাং চহিগী মশিংগা চাংদম্নবদা এপ্রিল-নবেম্বর ২০২১গী মনুংদা ৬৭.৩%কী চাংদা হেনগৎখি। মপুং ওইবা ওইনা, এপ্রিল-নবেম্বর ২০২১গী মনুংদা, পব্লিক ওফরিং, রাইৎস, ক্যু.আই.পি. অমসুং প্রিফরেন্সিএল ইস্যুশিংগুম্বা তোঙানবা পাম্বৈশিং শিজিন্নদুনা ইক্বিতী ইস্যুগী খুত্থাংদা লুপা করোর লাখ ১.৮১ শাগৎখি।

ম্যুচুএল ফন্দগী থবক থৌরমশিং:

সর্ভে অসিনা ম্যুচুএল ফন্দ ইন্দস্ত্রীগী এসেত অন্দর মেনেজমেন্ত (এ.য়ু.এম.) অপুনবনা নবেম্বর ২০২০গী অরোইবদা ওইরম্বা লুপা করোর লাখ ৩০গা চাংদম্নবদা নবেম্বর ২০২১গী অরোইবদা ২৪.৪%কী চাং হেন্দুনা লুপা করোর লাখ ৩৭.৩দা হেনগৎখি হায়না পনখি। ম্যুচুএল ফন্দগী অপুনবা রিসোর্স মোবিলাইজেসন্না এপ্রিল-নবেম্বর ২০২০দা ওইরম্বা লুপা করোর লাখ ২.৭৩গা চাংদম্নবদা এপ্রিল-নবেম্বর ২০২১দা লুপা করোর লাখ ২.৫৪ ওইখি।

পেন্সন সেক্তরঃ

ন্যু পেন্সন স্কিম (এন.পি.এস.) অমসুং অতল পেন্সন য়োজনা (এ.পি.ৱাই.)গী মখাদা লৈবা অপুনবা সবস্ক্রাইবর মশিংনা সেপ্তেম্বর ২০২০দা লাখ ৩৭৪.৩২ ওইরম্বদগী হেনগৎলক্তুনা সেপ্তেম্বর ২০২১দা লাখ ৪৬৩ য়ৌদুনা চহিসিগী মনুংদা ২৩.৭%কী শাহৌ লৌখিববু সর্ভে অসিনা থাগৎখি। এন.পি.এস.কী মখাদা লৈবা অপুনবা তেংবাংনা সেপ্তেম্বর ২০২০- সেপ্তেম্বর ২০২১গী মনুংদা ২৯%কী চাংদগী হেনখি। তেংবাংবগী খ্বাইদগী চাউনা শাহৌ লৌবসিনা ওল সিতিজন মোদেল (৫১.২৯%)গী মখাদা ওইখি অমসুং কোর্পোরেত সেক্তর (৪২.১৩%), এ.পি.ৱাই. (৩৮.৭৮%), স্তেত গবর্নমেন্ত সেক্তর (২৮.৯%) অমসুং সেন্ত্রেল গবর্নমেন্ত সেক্তর (২২.০৪%)না তুং ইনখি। এন.পি.এস. অমসুং এ.পি.ৱাই. এসেত অন্দর মেনেজমেন্ত (এ.য়ু.এম.)না সেপ্তেম্বর ২০২১গী অরোইবদা লুপা করোর লাখ ৬.৬৭ লৈখি অমসুং ৩৪.৮%কী মপুং ওইবা অপুনবা শাহৌ (ৱাই-ও- ৱাই) লৌখি। এ.পি.ৱাই. মখাদা এনরোল তৌবগী জেন্দর গেপ্না নুপী সবস্ক্রাইবরশিংনা শরুক য়াবা হেনগৎলকপদগী খুজিল্লকখি অমসুং মখোয়না শরুক য়ারকপগী মশিংনা মার্চ ২০১৬ ফাওবগী মনুংদা ওইরম্বা ৩৭%তগী সেপ্তেম্বর ২০২১দা ৪৪%কী চাং য়ৌদুনা হেনগৎলকখিবনি।

সেদ্যুল কম্মর্সিএল বেঙ্কঃ

এস.সি.বি.শিংগী গ্রোস নন-পরফোর্মিং এদভান্স (জি.এন.পি.এ.)শিংনা ইং ২০২১দা ৬.৯%গী চাংদা হন্থখি, নেত নন-পরফোর্মিং এদভান্স (এন.এন.পি.এ.)না @২.২%দা লৈরি অমসুং এস.সি.বি.শিংগী রিস্ত্রকচর্দ স্তেন্দর্দ এদভান্স (আর.এস.এ.) রেসিওনা ০.৪%তগী ১.৫%তা হেনগৎখি হায়না সর্ভে অসিনা ফোংদোক্লি। মপুং ওইবা ওইনা, এস.সি.বি.শিংগী স্ত্রেস্‌দ এদভান্স্‌দ রেসিওনা সেপ্তেম্বর ২০২১গী অরোইবদা ৮.৫%কী চাংদা হেনগৎখি। এসেত ক্বালিতীগী মখা পোন্না কোবিদ-১৯গা মরী লৈননা পীখিবা দিস্পেন্সেসন/মোরাতোরিয়ম্না রিস্ত্রকচর্দ এসেৎশিং হেনগৎপদা তেংবাংখি অমসুং মসিনা মরম ওইদুনা, স্ত্রেস এদভান্স রেসিওসু হেনগৎখি হায়না সর্ভে অসিনা পল্লি।

পব্লিক সেক্তর বেঙ্কঃ

জি.এন.পি.এ.না সেপ্তেম্বর ২০২১গী অরোইবদা ৮.৬%কী চাংদা হন্থখি হায়না সর্ভে অসিনা মিৎয়েং চঙখি। পি.এস.বি.শিংগী স্ত্রেস এদভান্স রেসিওনা রিস্ত্রকচর্দ এদভান্সশিংনা হেনগৎলকপদগী চপ মান্নবা মতমসিগী মনুংদা ১০.১%কী চাংদা হেনগৎখি। সেপ্তেম্বর ৩০, ২০২১ ফাওবগী কেপিতেল পোজিসন্দা য়ুম্ফম ওইদুনা, পব্লিক সেক্তর অমসুং প্রাইভেত সেক্তর বেঙ্ক খুদিংমক্না কেপিতেল কঞ্জর্বেসন বফফর (সি.সি.বি.)বু ২.৫%কী মথক্তা ঙাক্তুনা থম্নখি।

****