ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀ   ଆଜି (୨୮.୦୧.୨୨) କ୍ୟାରିଅପ୍ପା ଗ୍ରାଉଣ୍ଡରେ ଜାତୀୟ ସମର ଶିକ୍ଷାର୍ଥୀ ବାହିନୀ ର‌୍ୟାଲିକୁ ସମ୍ବୋଧନ କରିଛନ୍ତି । ପ୍ରଧାନମନ୍ତ୍ରୀ ଗାର୍ଡ ଅଫ ଅନର ନିରୀକ୍ଷଣ କରିବା ସହ ସମର ଶିକ୍ଷାର୍ଥୀ ବାହିନୀ ଦ୍ୱାରା ଆୟୋଜିତ ମାର୍ଚ୍ଚଫାଷ୍ଟର ମଧ୍ୟ ସମୀକ୍ଷା କରିଥିଲେ । ଏହାଛଡା ଶ୍ରୀ ମୋଦୀ ସମର ଶିକ୍ଷାର୍ଥୀମାନେ ସେମାନଙ୍କ ଦ୍ୱାରା ପ୍ରଦର୍ଶିତ ସେବା କୌଶଳ, ମାଇକ୍ରୋଲାଇଟ୍ ଫ୍ଲାଇଂ,ଖସଡିବା, ପାରାସେଲିଂ ଓ ସାଂସ୍କୃତିକ କାର୍ଯ୍ୟକ୍ରମର ମଧ୍ୟ ଅବଲୋକନ କରିଥିଲେ । ଶ୍ରେଷ୍ଠ ସମର ଶିକ୍ଷାର୍ଥୀ ମଧ୍ୟ ପ୍ରଧାନମନ୍ତ୍ରୀଙ୍କ ଠାରୁ ପଦକ ଓ ବ୍ୟାଟନ ଗ୍ରହଣ କରିଥିଲେ ।

ସମବେତ ବ୍ୟକ୍ତି ଓ ଶିକ୍ଷାର୍ଥୀଗଣକୁ ଉଦ୍‌ବୋଧନ ଦେଇ ପ୍ରଧାନମନ୍ତ୍ରୀ ଦେଶ ଆଜାଦୀ କା ଅମ୍ରିତ ମହୋତ୍ସବ ପାଳନ କରୁଥିବା ପରିପ୍ରେକ୍ଷୀରେ ଏକ ଭିନ୍ନ ସ୍ୱାଦର ଉତ୍ସାହ ଦେଖିପାରୁଥିବା ପ୍ରକାଶ କରିଥିଲେ । ପ୍ରଧାନମନ୍ତ୍ରୀ ନିଜର ସମରଶିକ୍ଷାର୍ଥୀ ରହିଥିବା ବେଳର ସ୍ମୃତିଚାରଣ କରି ତାଙ୍କର ସମର ଶିକ୍ଷାର୍ଥୀ ବେଳର ତାଲିମ ତାଙ୍କୁ ଦେଶର ଦାୟିତ୍ୱ ତୁଲାଇବା ବେଳେ ଶକ୍ତି ପ୍ରଦାନ କରିଛି ବୋଲି କହିଥିଲେ ।

ପ୍ରଧାନମନ୍ତ୍ରୀ ଦେଶ ଗଠନରେ ଅବଦାନ ନିମନ୍ତେ ଲାଲା ଲାଜପତ ରାଏ ଏବଂ ଫିଲ୍ଡ ମାର୍ଶାଲ କ୍ୟାରିଅପ୍ପାଙ୍କ ପ୍ରତି ଶ୍ରଦ୍ଧାଞ୍ଜଳି ଜ୍ଞାପନ କରିଥିଲେ । ଦେଶର ଏହି ଦୁଇ ମହାନ ସାହସୀ ସୁପୁୁତ୍ରଙ୍କ ଜୟନ୍ତୀ ମଧ୍ୟ ଆଜି ପଡୁଛି ।

ଦେଶ ଆଜି ଯେତେବେଳେ ନୂତନ ସଂକଳ୍ପ ନେଇ ଆଗଉଛି ସମର ଶିକ୍ଷାର୍ଥୀ ବାହିନୀକୁ ମଜଭୂତ କରିବା ପାଇଁ ଅନେକ ପଦକ୍ଷେପ ନିଆଯାଉଛି । ସେଥିପାଇଁ ଦେଶରେ ଉଚ୍ଚସ୍ତରୀୟ ସମୀକ୍ଷା କମିଟି ଗଠନ କରାଯାଇଛି । ଗତ ଦୁଇବର୍ଷ ମଧ୍ୟରେ ସୀମାନ୍ତ ଅଞ୍ଚଳରେ ଏକ ଲକ୍ଷ ନୂତନ ସମରଶିକ୍ଷାର୍ଥୀ ସୃଷ୍ଟି ହୋଇଛନ୍ତି ବୋଲି ସେ କହିଥିଲେ ।

ପ୍ରତିରକ୍ଷା କ୍ଷେତ୍ରରେ କିପରି ଝିଅ ଓ ମହିଳାମାନଙ୍କ ନିମନ୍ତେ ବୃତ୍ତିଗତ ଜୀବନ ପାଇଁ ଦ୍ୱାର ଉନ୍ମୁକ୍ତ କରାଯାଇଛି ପ୍ରଧାନମନ୍ତ୍ରୀ ସେ  ସମ୍ପର୍କରେ  ବିସ୍ତୃତ ଭାବେ କହିଥିଲେ । ଅଧିକରୁ ଅଧିକ ଝିଅ ସମର ଶିକ୍ଷାର୍ଥୀରେ ଯୋଗଦାନ ଦେଶରେ ମନୋଭାବ ପରିବର୍ତ୍ତନର ପ୍ରତୀକଭାବେ ବିବେଚନା କରାଯାଇପାରେ । “ଦେଶ ଆପଣମାନଙ୍କ ଅବଦାନ ଆବଶ୍ୟକ କରୁଛି ଓ ସେଥିପାଇଁ ପର୍ଯ୍ୟାନ୍ତ ସୁଯୋଗ ରହିଛି” ବୋଲି ସେ ବାଳିକା ଶିକ୍ଷାର୍ଥୀମାନଙ୍କୁ କହିଥିଲେ । ସେ କହିଥିଲେ ଯେ,  “ଆଜିକାଲି ଅଧିକରୁ ଅଧିକ ଝିଅ ସୈନିକ ବିଦ୍ୟାଳୟରେ ନାମ ଲେଖାଉଛନ୍ତି ଓ ମହିଳାମାନେ ସେନାରେ ପ୍ରମୁଖ ଦାୟିତ୍ୱ ତୁଲାଉଛନ୍ତି । ଆମ ଦେଶର ଝିଅମାନେ ବାୟୁସେନାର ଲଢୁଆ ବିମାନ ଉଡାଉଛନ୍ତି  । ଏଭଳି  ପରିସ୍ଥିତିରେ ଅଧିକରୁ ଅଧିକ ବାଳିକା ସମର ଶିକ୍ଷାର୍ଥୀରେ ଯୋଗଦେବା ନେଇ ଆମେ ଉଦ୍ୟମ କରିବା ଦରକାର ବୋଲି ସେ କହିଥିଲେ ।

ଯୁବ ସୁଲଭ ଶିକ୍ଷାର୍ଥୀମାନଙ୍କ ସମ୍ପର୍କରେ ଉଲ୍ଲେଖ କରି ସେ କହିଥିଲେ ଯେ ସେମାନଙ୍କ ମଧ୍ୟରୁ ଅଧିକାଂଶ ଏହି ଶତାବ୍ଦୀରେ ଜନ୍ମ ନେଇଥିବାରୁ ୨୦୪୭ ପର୍ଯ୍ୟନ୍ତ ଦେଶକୁ ଆଗେଇ ନେବା ପାଇଁ ସେମାନଙ୍କ ଗୁରୁଦାୟିତ୍ୱ ରହିଛି । “ଆପଣମାନଙ୍କ  ଉଦ୍ୟମ ଓ ସଂକଳ୍ପ ଭାରତର ସଫଳତା ଲକ୍ଷ୍ୟ ହାସଲ ଦିଗରେ ସହାୟକ ହେବ” ବୋଲି ସେ କହିଥିଲେ । ଦେଶକୁ ଆଗରେ ରଖି ଯେଉଁ ଦେଶର ଯୁବସମାଜ ଆଗେଇ ଚାଲେ ବିଶ୍ୱର କୌଣସି ଶକ୍ତି  ସେମାନଙ୍କୁ ଅଟକାଇ ପାରିବ ନାହିଁ  । ଏହାକୁ ଦେଶର ଷ୍ଟାର୍ଟଅପ ଓ ଖେଳପଡିଆର ସଫଳତା ବାସ୍ତବରେ ପ୍ରମାଣ କରି ଦେଖାଇ ଦେଇଛି ବୋଲି ପ୍ରଧାନମନ୍ତ୍ରୀ କହିଥିଲେ ।

ଆଜିଠାରୁ ଆରମ୍ଭ କରି ଆଗାମୀ ୨୫ବର୍ଷ ପର୍ଯ୍ୟନ୍ତ ଯେଉଁ ଅମୃତକାଳ ଆସୁଛି ସେଥିରେ ନିଜର ଆକାଂକ୍ଷା ଓ କାର୍ଯ୍ୟ ସହ ଦେଶର ବିକାଶ ଓ ଆଶାକୁ ଯୋଡି ଅଗ୍ରସର ହେବା ପାଇଁ ପ୍ରଧାନମନ୍ତ୍ରୀ ଶିକ୍ଷାର୍ଥୀମାନଙ୍କୁ ନିବେଦନ କରିଥିଲେ । ଆଜିର ଯୁବ ପିଢି ‘ଲୋକାଲ ଫର ଭୋକାଲ’ ଅଭିଯାନରେ ମଧ୍ୟ ଏକ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିପାରିବେ । “ଯଦି ଆଜିର ଯୁବଗୋଷ୍ଠୀ ଭାରତୀୟଙ୍କ ପରିଶ୍ରମ ଓ ସ୍ୱେଦବିନ୍ଦୁରେ ପ୍ରସ୍ତୁତ ଜିନିଷର ବ୍ୟବହାର ନିମନ୍ତେ ସଂକଳ୍ପ ନିଅନ୍ତି, ଭାରତର ଭାଗ୍ୟ ପରିବର୍ତ୍ତନ ହୋଇଯିବ ବୋଲି ସେ କହିଥିଲେ ।

ପ୍ରଧାନମନ୍ତ୍ରୀ କହିଥିଲେ ଯେ ଆଜି ଗୋଟିଏ ପକ୍ଷରେ ଡିଜିଟାଲ ପ୍ରଯୁକ୍ତି ଜ୍ଞାନ ଓ ସୂଚନା ନେଇ ଅପାର ସମ୍ଭାବନା ରହିଛି । ଅପରପକ୍ଷରେ ତଥ୍ୟର ଅପପ୍ରଚାରରେ ମଧ୍ୟ ବିପଦ ରହିଛି । ଦେଶଣ ସାଧାରଣ ଜନତା ଯେପରି ଗୁଜବର  ଶିକାର ନ ହୁଅନ୍ତି ତାହା ଖୁବ୍ ଗୁରୁତ୍ୱପୂର୍ଣ୍ଣ । ଏଥିପାଇଁ ସମର ଶିକ୍ଷାର୍ଥୀ ମାନେ ଏକ ଜନସଚେତନତା ଅଭିଯାନ ଚଳାଇବାକୁ  ଶ୍ରୀ ମୋଦୀ ପ୍ରସ୍ତାବ ଦେଇଥିଲେ ।

ଯେଉଁଠି ଏସସିସି / ଏନ୍‌ଏସ୍‌ଏସ୍ ରହିଛି ମାଦକ ଦ୍ରବ୍ୟ ସେସବୁ ବିଦ୍ୟାଳୟ ଓ ମହାବିଦ୍ୟାଳୟରେ ନ ପହଂଚିବା ଉପରେ ପ୍ରଧାନମନ୍ତ୍ରୀ ଗୁରୁତ୍ୱ ଆରୋପ କରିଥିଲେ । ସମର ଶିକ୍ଷାର୍ଥୀମାନେ ନିଜେ ମାଦକ ପଦାର୍ଥ ଠାରୁ ନିଜକୁ ଦୂରେଇ ରଖିବା ସହ ସେମାନଙ୍କ ଶିକ୍ଷା ପରିସରତ୍କୁ ମଧ୍ୟ ଏଥିରୁ ଦୂରେଇ ରଖିବାକୁ ଉପଦେଶ ଦେଇଥିଲେ । ଏନସିସି/ଏନ୍‌ଏସଏସ୍‌ରେ ଯେଉଁ ବନ୍ଧୁମାନେ ନାହାଁନ୍ତି ସେମାନଙ୍କୁ ନିଶା ଅଭ୍ୟାସ ପରିହାର କରିବା ଉପରେ ସେ ଗୁରୁତ୍ୱା ଆରୋପ କରିଥିଲେ ।

ଦେଶରେ ସାମୁହିକ ବିକାଶ ପାଇଁ ନୂତନ ଶକ୍ତି ପ୍ରଦାନ କରୁଥିବା ସେଲଫ ଫୋର୍ ସୋସାଇଟି ପୋର୍ଟ୍‌ାଲରେ ନିଜକୁ ଯୋଡିବାକୁ ପ୍ରଧାନମନ୍ତ୍ରୀ ଶିକ୍ଷାର୍ଥୀମାନଙ୍କୁ କହିଥିଲେ । ଏହି ପୋର୍ଟାଲରେ ସାତହଜାରରୁ ଅଧିକ ସଂଗଠନ ଓ ୨ଲକ୍ଷ୨୫ହଜାର ଜନସାଧାରଣ ଯୋଡି ହୋଇଛନ୍ତି ।

****

SM / SLP