অথোইবা নিংতম লান্মী নেতাজী সুভাস চন্দ্র বোসকী ১২৫শুবা মপোক কুমওন পাংথোক্নবগীদমক  অমদি চহি অমা চুপনা পাংথোক্কদবা থৌরমগী শরুক ওইনা সরকারনা ইন্দিয়া গেৎতা নেতাজী সুভাস চন্দ্র বোসকী অচৌবা মীতম অমা খিন্নবা ৱারেপ লৌরে। গ্রেনাইতনা শাবা মীতম অসি ঐখোয়গী নিংতম ইহৌদা নেতাজীগী অচৌবা থৌদাং অদুদা মতিক চাবা শ্রদ্ধানজলি অমা ওইগনি, অমদি মফমদা লৈবাক অসিনা তোনলিবা লমন অদুগী খুদম অমা ওইরগনি। মীতমগী থবক মপুং ফানা লোইদ্রিবা ফাওবা নেতাজীগী হোলোগ্রাম মীতম অমা মফম অদুমক্তদা খিনগনি। প্রধান মন্ত্রী শ্রী নরেন্দ্র মোদীনা ২০২২গী জনুৱারী ২৩দা চাউরাক্না নুমিদাংৱাইরম পুং ৬ তাবা মতমদা ইন্দিয়া গেৎতা নেতাজীগী হোলোগ্রাম মীতম মায়খুম হাংদোক্কনি।

হোলোগ্রাম মীতম অসি ৩০,০০০ লুমেন্স ৪কে প্রোজেক্তর অমনা পাৱর পীগনি। ইনভিজিবল অমা, হায় গেন, ৯০% ত্রান্সপরেন্ত হোলোগ্রাফিক স্ক্রীন অসি মতৌ অসুম্না খিনগৎকনি মদুদি মদু ভিজিতরশিংদা উবা ফংলোই। নেতাজীগী ৩দি মমি অদু হোলোগ্রাম অমগী ইফেক্ত ক্রিয়েৎ তৌনবগীদমক মসিদা প্রোজেক্ত তৌগনি। হোলোগ্রাম মীতম অসিগী সাইজ অসি অৱাংবদা ফীৎ ২৮ অমসুং পাকপদা ফীৎ ৬ ওইগনি।

থৌরম মনুংদা, প্রধান মন্ত্রীনা ইনভেস্তিচর সেরেমোনীদা চহি ২০১৯, ২০২০, ২০২১ অমসুং ২০২২গী ওইনা সুভাস চন্দ্র বোস আপদা প্রবনধন পুরস্কার্সসু লান্থোক্কনি। থৌরম মনুংদা এৱার্দ পুন্না তরেৎ লান্থোক্কনি।

কেন্দ্র সরকারনা দিজাস্তর মেনেজমেন্তকী লমদা ভারত্তা তোঙান তোঙানবা মীওইশিং অমসুং ওর্গনাইজেসনশিংনা পায়খৎপা মমল লৈত্রবা কন্ত্রীব্যুসন অমসুং সেল্ফলেস সর্বিসপু মশক খংনবা অমসুং ইকায় খুম্ননবা চহিগী ওইবা সুভাস চন্দ্র বোস আপদা প্রবনধন পুরস্কার হৌদোকখি। এৱার্দ অসি চহি খুদিংগী জনুৱারী ২৩দা লাউথোকই। এৱার্দ অসিদা ইন্সতিত্যুসন অমগী ওইরগদি শেল ওইনা লুপা লাখ ৫১ অমসুং সর্তিফিকেৎ অমা অমদি ইন্দিবিজুএলগী ওইনা লুপা লাখ ৫ অমসুং সর্তিফিকেৎ অমা য়াওরি।

প্রধান মন্ত্রীনা নিংতম লান্মীশিংবু মতিকচাবা মওং মতৌদা ইকায় খুম্নবা উৎনবা লেপ্পা লৈতনা হোৎনরি। হোৎনরিবশিং অসিগী অখন্নবা মীৎয়েং অমা লেজেন্দরী ফ্রীদম ফাইতর অমসুং ভিজিনরী লীদর নেতাজী সুভাস চন্দ্র বোসতা থম্লি। মসিগী মনুং চন্না খোংথাং কয়া অমা লৌখৎখ্রে, মদুদা লাউথোকপা অসিসু য়াওরি মদুদি চহি খুদিংগী মহাক্কী মপোক কুমওনবু পরাক্রম দিবস হায়না পাংথোক্লগনি। মসিগী স্পিরিৎ অসিদা রিপব্লিক দে সেলেব্রেসন অসি নোংমা ঙনখৎনা জনুৱারী ২৩দগী হৌরগনি।

*****