'ఆజాదీ కా అమృత్ మహోత్సవ్'‌ వేడుక‌ల‌లో భాగంగా 14 జనవరి 2022న 'ప్రపంచ సూర్య నమస్కార్ ప్రదర్శన' కార్యక్రమం  నిర్వ‌హించ‌నున్నారు. ఈ కార్య‌క్ర‌మ నిర్వ‌హ‌ణకు ఆయుష్ మంత్రిత్వ శాఖ స‌ర్వ‌స‌న్న‌ద్ధ‌మైంది.  ఈ కార్య‌క్ర‌మంలో 75 లక్షల మంది పాల్గొనేలా చూడాల‌ని ల‌క్ష్యంగా పెట్టుకోగా కోటి మంది  పాల్గొనే అవ‌కాశం ఉంది.  ఈ రోజు ఇక్క‌డ నిర్వ‌హించిన వర్చువల్ ప్రెస్ మీట్‌లో ఆయుష్ మంత్రి శ్రీ సర్బానంద సోనోవాల్ మాట్లాడుతూ కోవిడ్ -19 యొక్క ప్రస్తుత పునరుజ్జీవంలో మకర సంక్రాంతి నాడు సూర్య నమస్కార‌ ప్రదర్శన మరింత సందర్భోచితంగా ఉంటుంద‌ని అన్నారు. “సూర్య నమస్కారం శక్తిని మరియు రోగ నిరోధక శక్తిని పెంపొందిస్తుంది.. ఇది నిరూపితమైన వాస్తవం. సూర్య‌న‌మ‌స్కారం కరోనాను దూరంగా ఉంచగలుగుతుంది.ఈ కార్యక్రమంలో 75 లక్షల మంది పాల్గొనాలని మేము లక్ష్యంగా పెట్టుకున్నాము, అయితే రిజిస్ట్రేషన్ మరియు మా సంసిద్ధతను చూస్తుంటే, ఈ సంఖ్య‌ కోటి దాటగలద‌ని ఆశాభావంగా ఉంది."  అని మంత్రి వివ‌రించారు. "ఆయుష్ మంత్రిత్వ శాఖ ఈ కార్యక్రమాన్ని ప్రధాన మంత్రి శ్రీ నరేందర్ మోడీ గారి మార్గదర్శకత్వంలో ప్రారంభించింది." అని మంత్రి వివ‌రించారు.  ఈ వర్చువల్ సమావేశంలో సూర్య నమస్కారం మనస్సు మరియు శరీరాన్ని పునరుజ్జీవింపజేస్తుందని ఆయుష్ స‌హాయ మంత్రి డాక్టర్ ముంజపర మహేంద్రభాయ్ అన్నారు. "మాలిక్యులర్ జెనెటిక్స్‌పై యోగా ప్రభావాలు అధ్యయనం చేయబడుతున్నాయి" అని ఆయన చెప్పారు. ఈ శాఖ కార్య‌ద‌ర్శి ఆయుష్ వైద్య రాజేష్ కోటేచ మాట్లాడుతూ ఆజాదీ కా అమృత్ మహోత్సవ్‌లో భాగంగా ఈ కార్యక్రమం నిర్వహిస్తున్నట్లు తెలిపారు. " జీవశక్తికి సూర్య నమస్కారం.. జీవన శక్తి కే లియే సూర్య నమస్కారం" అని అతను చెప్పాడు. భారతదేశం విదేశాల నుండి అన్ని ప్రముఖ యోగా ఇన్‌స్టిట్యూట్‌లు, ఇండియన్ యోగా అసోసియేషన్, నేషనల్ యోగా స్పోర్ట్స్ ఫెడరేషన్, యోగా సర్టిఫికేషన్ బోర్డ్, ఫిట్‌ ఇండియా, వివిధ‌ ప్రభుత్వ & ప్రభుత్వేతర సంస్థలు ఈ ప్రపంచవ్యాప్త కార్యక్రమంలో పాల్గొంటున్నాయి. సెలబ్రిటీలు, క్రీడా ప్రముఖులు వీడియో సందేశాల ద్వారా సూర్య నమస్కారాన్ని ప్రచారం చేయాలని భావిస్తున్నారు. శాయి యొక్క క్రీడాకారులు, సిబ్బంది కూడా ఈ కార్యక్రమంలో పాల్గొంటారు.
కార్య‌క్ర‌మంలో పాల్గొన్న‌వారు, యోగా ఔత్సాహికులు తమను తాము సంబంధిత పోర్టల్‌లలో నమోదు చేసుకోవచ్చు మరియు జనవరి 14వ తేదీన సూర్య నమస్కార్ చేసే వీడియోలను అప్‌లోడ్ చేయాలి. ఈ కార్య‌క్ర‌మానికి సంబంధించి రిజిస్ట్రేషన్ లింక్‌లు సంబంధిత వెబ్‌సైట్‌లలో అందుబాటులో ఉన్నాయి. వీటికి సంబంధించి ఆయుష్ మంత్రిత్వ శాఖ ద్వారా విస్తృతంగా పంపిణీ చేయబడతాయి.
ఈ కార్య‌క్ర‌మంలో పాల్గొన‌ద‌ల‌చిన‌వారు, ఔత్సాహికులు తమ పేర్ల‌ను ఈ క్రింది  పోర్టల్‌లలో నమోదు చేసుకోవచ్చు:

https://yoga.ayush.gov.in/suryanamaskar

https://yogacertificationboard.nic.in/suryanamaskar/

https://www.75suryanamaskar.com

***