প্রধান মন্ত্রী, শ্রী নরেন্দ্র মোদীনা ২০২২গী জনুৱারী ১২দা নুমিদাংৱাইরমগী পুং ৪ তাবা মতমদা ভীদিও কনফরেন্সিংগী খুত্থাংদা তামিল নাদু শিনবা থুংনা অনৌবা গোবর্নমেন্ত মেদিকেল কোলেজ ১১ অমসুং চেন্নাইদা সেন্ত্রেল ইন্সতিত্যুত ওফ ক্লাসিকেল তামিলগী অনৌবা কেমপস অদু শঙ্গারগনি।

অনৌবা মেদিকেল কোলেজশিং অসি চাউরাক্না লুপা করোর ৪০০০ চংনা শাখিবনি, মসিগী মনুংদা চাউরাক্না লুপা করোর ২১৪৫তি কেন্দ্র সরকার পুথোকখি অমসুং লেমহৌরিবা শরুক অদুনা তামিল নাদু সরকারনা পুথোকখি। মেদিকেল কোলেজশিং অসি লিংখৎখিবা দিস্ত্রিক্তশিং অদুদি ভিরুথুনাগর, নামক্কল, দ নিলগিরিজ, তিরুপ্পুর, থিরুভল্লুর, নাগাপাত্তিনম, দিন্দিগুল, কাল্লকুরিচি, অরিয়ালুর, রামানাথাপুরম অমসুং কৃষ্ণাগিরিনি। মেদিকেল কোলেজশিং লিংখৎলিবা অসি প্রধান মন্ত্রীগী লৈবাক শিনবা থুংনা এফোর্দেবল ওইবা মেদিকেল এজুকেশন প্রোমোত তৌনবা অমসুং হেল্থ ইনফ্রস্ত্রকচর ফগৎহন্নবা লেপ্তনা হোৎনরিবা অসিগী মনুং চন্না পাংথোকখিবনি। অপুনবা কেপাসিতী ১৪৫০ সীত লৈবা মেদিকেল কোলেজশিং অসি কেন্দ্রনা স্পোন্সর তৌবা ‘হান্নদগী লৈরিবা দিস্ত্রিক্ত/রেফরেল হোসপিতালদা এতেচ তৌবা অনৌবা মেদিকেল কোলেজ লিংখৎপা’ স্কীম অদুগী মখাদা লিংখৎখিবনি। মসিগী স্কীম অসিগী মখাদা সরকার নত্রগা লনাইগী মেদিকেল কোলেজশিং অমত্তা লৈতবা দিস্ত্রিক্তশিংদা লিংখৎখি।

চেন্নাইদা সেন্ত্রেল ইন্সতিত্যুত ওফ ক্লাসিকেল তামিল (সি.সি.আই.তি.)গী অনৌবা কেমপস লিংখৎলিবা অসি ইন্দিয়ন হেরিতেজ ঙাক-শেন্দুনা থম্নবা অমসুং প্রিজার্ব তৌনবা অমসুং ক্লাসিকেল লেঙ্গ্বেজশিংবু প্রোমোত তৌনবগী ওইবা প্রধান মন্ত্রীগি ভিজন অদুগী মনুং চন্না পাংথোকখিবনি। অনৌবা কেমপস অসি মপুং ফানা কেন্দ্র সরকারনা ফন্দ থাধবা অমসুং লুপা করোর ২৪ চংনা শাখিবনি, হায়রিবা অসি হৌজিক ফাওবদি শেল থিদুনা ৱাইবা বিল্দিং অমদা মথৌ তৌরম্মি অদুবু হৌজিক্তি মথোল ৩গী কেমপস অমদা ওপরেত তৌরগনি। অনৌবা কেমপস অসিদা য়াম্না চাউবা লাইব্ররী অমা , ই-লাইব্রারী অমা, সেমিনার হোলশিং অমসুং মল্তিমীদিয়া হোল অমা য়াওই।

কেন্দ্রগী এজুকেশন মন্ত্রালয়গী মখাদা লৈবা ওতোনোমস ওর্গনাইজেশন, সি.সি.আই.তি. অসিনা তামিল লোনগী অরিবা অমসুং তোপ-তোপ্পা অদু খঙননবা রিসর্চ এক্তিবিতীশিং পাংথোক্তুনা ক্লাসিকেল তামিলগী প্রোমোশন তৌবদা য়াম্না চাউনা মতেং পাংলি। ইন্সতিত্যুত লাইব্ররী অসিদা অরিবা তামিল লোনগী লাইরিক ৪৫,০০০গী মথক্তা লৈ। ক্লাসিকেল তামিলবু প্রোমোত তৌনবা অমসুং লোন অসিগী মহৈরোইশিংবু সপোর্ত তৌনবা, ইন্সতিত্যুত অসিনা একাদেমিক ওইবা এক্তিবিতীশিং খুদম ওইনা সেমিনারশিং অমসুং ত্রেনিং প্রোগ্রামশিং, ফেলোশিপ পীবনচিংবা কয়া অমা পাংথোক্লি। মসিনা ‘থিরুক্কল’বু ভারতকী অমসুং ফোরেন লেঙ্গ্বেজ কবা অমদা হন্দোক্নবা অমসুং ফোংনবা পান্দম থম্লি। অনৌবা কেমপস অসিনা মালেম শিনবা থুংনা ক্লাসিকেল তামিল লোনবু প্রোমোত তৌনবা হোৎনবদা ইন্সতিত্যুত অসিগীদমক্তা য়াম্না এফিসিয়েন্ত ওইবা ৱার্কিং এনভাইরনমেন্ত অমা পীরগনি।

******