য়ুনিয়ন হেল্থ সেক্রেতরী, শ্রী রাজেশ ভুশননা সভাপতি ওইদুনা ঙসি রাজ্যশিং অমসুং য়ু.তি.শিংদা মতম চানা অমসুং খ্বাইদগী এন্না ফবা মওংদা কোবিদ-১৯ লাইচৎ অসি লাক্সিন্নবগীদমক্তা ভেন্তিলেতরশিং, পি.এস.এ./ওক্সিজেন প্লান্তশিং, ওক্সিজেন কনসেন্ত্রেতরশিং অমসুং ওক্সিজেন সীলিন্দরশিং য়াওনা ওক্সিজেন ইক্যুইপমেন্তগী স্পেক্ত্রম পুম্নমক্কী প্রিপেয়র্দনেস স্তেতস রিভ্যু তৌনবা ভীদিও কনফরেন্সকী খুত্থাংদা অৱাংবা থাক্কী মীফম অমা পাংথোকখ্রে।

লৈবাক শিনবা থুংনা কোবিদকী কেসশিংগী মশিং হেনগৎলক্লিবা অসিনা শিংনরক্লিবা অসি য়েংলগা, ওমিক্রোন মীৎয়েং থমদুনা, য়ুনিয়ন হেল্থ সেক্রেতরীনা খঙহল্লকখি মদুদি রাজ্য অমসুং য়ু.তি.শিংগী খ্বাইদগী মরু ওইবা থৌদাং অসি হেল্থ ফেসিলিতী খুদিংমক্তা লৈরিবা অদুদগীনা ফীলদা লৈরিবা ওক্সিজেন ইক্যুইপমেন্তশিং অদু তেস্ত তৌথোকপা অমসুং  লৈহন য়াম্না থুবা অরুবা ফিভম অমদা নিংথিনা মথৌ তৌবা ঙম্নবা মওংনা শেম-শাদুনা থম্বা হায়বসিনি।

রাজ্যশিং/য়ু.তি.শিংদা নুমিৎ খুদিংগী রিভ্যু তৌদুনা ই.সি.আর.পি.-II ফন্দশিং অসি নিংথিনা মপুং ফানা শিজিন্নহন্নবা হায়রকখ্রে, অমসুং সব-দিস্ত্রিক্ত লেভেল ফাওবা হেল্থ কেয়র ফেসিলিতীশিং ফগৎহন্নবা মখাতানা ফন্দশিং থাদোকপা য়াহন্নবগীদমক্তা এন.ঐচ.এম পোর্তেলদা এক্সপেন্দিচর অদু অপলোদ তৌনবা খঙহল্লখ্রে। ই.সি.আর.পি.-IIগী মখাদা লিক্বিদ মেতাল ওক্সিজেন (এল.এম.ও.) তেঙ্কশিং অমসুং মেদিকেল গ্যাস পাইপলাইন সীস্তেমশিং (এম.জি.পি.এস.) ইনস্তোল তৌবগীদমক্তসু ফন্দশিং ফংহল্লি। রাজ্যশিংনা মদুবু ওপরেসনেল ওইহনবা মথৌ তাই অমসুং এল.এম.ও.তেঙ্কশিংগী মতাংদা পেত্রোলিয়ম অমসুং এক্সপ্লোসিবস সেফতী ওর্গনাইজেশন (পি.ই.এস.ও.)দগী অয়াবা লৌবগী মথৌ তাই।

নুমিৎ খুদিংগী রিভ্যু তৌদুনা রাজ্য মশামক্কী ফন্দশিং অমসুং সি.এস.আর. ফন্দশিংগী মখাদা লিংখৎখিবা পি.এস.এ. প্লান্তশিং অদু কমিশন তৌনবা বুনিয়ন সেক্রেতরীনা মরী লৈনবা রাজ্যশিংদা তকশিল্লকখ্রে। পেসেন্তকী বেদসাইততা চেল্লিবা ওক্সিজেন অদু মতিক চাবা শেংবগী চাং অদু ঙাক্না চৎপা, লীকেজ লৈতনা রিকমেন্দ তৌবা আউতলেত প্রেসরদা লৈনবা পি.এস.এ. প্লান্তশিংগী মোক দ্রিলশিং পাংথোক্নবসু রাজ্যশিংদা খঙহল্লকখ্রে। মসিগী মথক্তা ফ্লোমিতরশিং অদু  তেস্ত তৌথোক্কদবনি অমসুং নিংথিনা মথৌ তৌবা ঙম্বা মওংদা থমগদবনি। রাজ্যশিংদা লনাইগী হোসপিতাল ফেসিলিতীশিং অমসুং মেদিকেল কোলেজ হোসপিতালশিংদা পি.এস.এ. প্লান্তশিং ইন্সতোল তৌবদা য়েংশিন্নবা খঙহল্লকখ্রে।

রাজ্যশিংনা দেলিভর তৌরবা ভেন্তিলেতরশিং অদু মখোয়গী দেসিগ্নেতেদ ফীল্দ হেল্থ ফেসিলিতীশিংদা য়াম্না য়াংনা ইন্সতোল তৌনবা অমসুং কমিসন তৌনবা হায়না য়ুনিয়ন হেল্থ সেক্রেতরীনা য়াম্না মরু ওইনা পল্লকখি। মখোয়দা ভেন্তিলেতরশিং দেলিভর তৌরে হায়বগা অমসুং ইন্সতোল তৌরে হায়বগী মরক্তা লৈরিবা চাউরবা গেপ অসিবু য়াম্না থুনমক মেনশিন্নবা হায়খ্রে, অহেনবা ভেন্তিলেতরশিংগী মথৌ তাবশিংগীদমক্তা হোসপিতালশিংগী কোনসাইনী দিতেলশিং পীনবা অমসুং ইনস্তোল তৌরবা ভেন্তিলেতরশিংগীদমক্তা ফাইনেল এক্সেপতেন্স সার্তিফিকেৎ পীবদা খরা থুজিন্নবা খঙহনখ্রে। রাজ্যশিং/য়ুতি.শিংদা মেন্যুফেকচররশিংগা মেন্তেনেন্স কন্ত্রেক্তশিং ফাইনেলাইজ তৌবদা খরা হেন্না য়াংশিন্নবা মখাতানা খঙ্নখ্রে। রাজ্যশিং/য়ু.তি.শিংদা ২০২১গী ওগস্ততা লোঞ্চ তৌখিবা ওনলাইন মেনজমেন্ত সীস্তেমদা ভেন্তিলেতরশিংগা মরী লৈনবা কমপ্লেন অমহেক্তা থাংগৎনবসু তাক্লকখ্রে।

য়ুনিয়ন হেল্থ মিনিস্ত্রীনা ২০২১গী দিসেম্বর ২২দগী নেস্নেল স্তেৱার্দশিপ প্রোগ্রাম হৌদোকখ্রে হায়বা খঙহল্লখি। রাজ্যশিংনা ওপরেতরশিংগী তেক্নিকেল ত্রেনিং প্রোগ্রাম অদু লৈবাক শিনবা থুংনা লোইশিন্নবা খঙহল্লকখ্রে। কেন্দিদেত ১৬০০ হেন্না দিস্ত্রিক্ত ৭৩৮দা হায়রিবা ত্রেনিং প্রোগ্রাম অসি শরুক য়াখি। গাইরেক্তোরেত জেনরেল ত্রেনিং (দি.জি.তি.)না লৈবাক শিনবা থুংনা রিজনেল সেন্তর ২৪গি খুত্থাংদা ওনলাইন পি.এস.এ. ত্রেনিং প্রোগ্রাম অমশু শিনখ্রে। পুং ১৮০গী ত্রেনিং প্রোগ্রাম অসিগী মখাদা হৌজিক ফাওবগী ওইনা কেন্দিদেত ৪৬৯০ ত্রেন তৌখ্রে, অদুগা কেন্দিদেত ৬,৮২৫না পুং ১০গী ত্রেনিং প্রোগ্রাম অদুগী মখাদা মখোয়গী ত্রেনিং ফংখি।

রাজ্যশিংদা দহিদাক-লাংথকশিংগী অহেনবা স্তোকশিং মতিক চানা থম্নবা মিৎহুম-নাহুম চেৎনা লৈনবসু খঙহল্লকখ্রে। মখোয়দা মেদিকেল কোলেজশিংগা লোইন-লোইইননা সরকারগী হোসপিতালশিংদা লৈরিবা অহেনবা স্তোকশিং অদুগী অকুপ্পা মরোলশিং অদু দ্রগস এন্দ ভেক্সিন মেনেজমেন্ত সীস্তেম [দি.ভি.দি.এম.এস.] পোর্তেলদা অপদেৎ টৌরক্নবা খঙহনখ্রে। দি.ভি.দি.এম.এস.দা দ্রগশিংগী অহেনবা রিক্বায়রমেন্তকী মতাংদা অপদেৎ তৌদবা রাজ্যশিং/য়ু.ধি.শিংনা লৈরিবা স্তোকশিং অমসুং লৈনবগী ওর্দর পীখিবাশিং অদুগী মতাংদা অকুপ্পা মরোলশিং অদু মতম চানা অপদেৎ তৌননবা খঙহল্লখ্রে।

দা. মনোহর অগনানি, এ.এস., হেল্থ সেক্রেতরী, শ্রী কামলেশ পন্ত, চেয়রমেন, এন.পি.পি.এ., দা. মন্দীপ কে. ভন্দারি, জে.এস., হেল্থ মিনিস্ত্রী, শ্রীমতি ভি. হেকালি ঝিমোমি, জে.এস., হেল্থ মিনিস্ত্রী অমসুং মিনিস্ত্রীদগী অতোপ্পা ওফিসিয়েলশিংনা মীফম অদুদা শরুক য়াখি। রাজ্যশিং/য়ু.তি.শিংদগী প্রিন্সিপাল সেক্রেতরী (হেল্থ), মিসন দাইরেক্তর (এন.ঐচ.এম.)না রিভ্যু মীতিং অদুদা শরুক য়াখি। কোল, পাৱর, রেলৱেজ অমসুং পেত্রোলিয়ম অমসুং নেচরেল গ্যাসতগী মীহুৎশিংসু শরুক য়াখি।

*****