కీలక ముఖ్యాంశాలు:

1.4 నుంచి 2 మిలియన్ల మంది యువతకు అవసరమైన జీవన నైపుణ్యాలు , వ్యక్తిత్వ అభివృద్ధిలో విస్తృతంగా శిక్షణ ఇవ్వడం ఈ చొరవ లక్ష్యం

దేశ నిర్మాణం, పౌర నిమగ్నత, కమ్యూనిటీ సమీకరణ, కమ్యూనిటీ సర్వీస్ , సాధికారత సాధనాలు

పైలట్ శిక్షణలో భాగంగా ఏర్పాటు చేసిన 100 మంది వాలంటీర్లు త్వరలో ఒక మిలియన్ యువతకు శిక్షణ ఇవ్వడానికి పునాది వేస్తారు: శ్రీ అనురాగ్ ఠాకూర్

కేంద్ర యువజన వ్యవహారాలు , క్రీడల శాఖ మంత్రి శ్రీ అనురాగ్ ఠాకూర్ ఈ రోజు ఎన్ వైకెఎస్ యూత్ వాలంటీర్ల ఆన్ లైన్ శిక్షణ పైలట్ ను ప్రారంభించారు. యువజన వ్యవహారాల శాఖ కార్యదర్శి శ్రీ ఉషా శర్మ, సామర్థ్య నిర్మాణ కమిషన్ మెంబర్ అడ్మిన్ శ్రీ ప్రవీణ్ పర్దేశి, యువజన వ్యవహారాల శాఖ సంయుక్త కార్యదర్శి శ్రీ నితేష్ కుమార్ మిశ్రా, మంత్రిత్వ శాఖ ఇతర అధికారులు ఈ కార్యక్రమంలో పాల్గొన్నారు. ఐక్యరాజ్యసమితి ఇనిస్టిట్యూట్ ఫర్ ట్రైనింగ్ అండ్ రీసెర్చ్ (యునిటార్), ఐక్యరాజ్యసమితి బాలల నిధి (యుని సెఫ్), నెహ్రూ యువ కేంద్ర సంఘటన్ (ఎన్ వైకెఎస్) , భారత ప్రభుత్వ సామర్థ్య నిర్మాణ కమిషన్ యొక్క మొత్తం సమన్వయం తో భాగస్వామ్యంతో యువజన వ్యవహారాలు,  క్రీడల మంత్రిత్వ శాఖ (ఎంఒవైఎఎస్) ఈ శిక్షణను నిర్వహిస్తోంది.

ఈ సందర్భంగా శ్రీ అనురాగ్ ఠాకూర్ మాట్లాడుతూ, "మోదీ ప్రభుత్వం భారత దేశ యువత కు నైపుణ్యం కల్పించి వారిని

ప్రపంచ మార్కెట్ అవసరాల కనుగుణంగా ఉద్యోగాలకు  సిద్ధం చేస్తోందని చెప్పారు. ప్రపంచ సరఫరా గొలుసు, సేవల రంగం , మొత్తంగా ఆర్థిక వ్యవస్థ యువ,  విద్యావంతులు, నైపుణ్యం కలిగిన మానవ శక్తిని నియమించుకునే అపారమైన సామర్థ్యాన్ని కలిగి ఉన్నాయని, ఈ డిమాండ్ ను తీర్చడానికి భారతదేశం నైపుణ్యం కలిగిన భారీ మానవనరుల ను అభివృద్ధి చేస్తోందని ఆయన తెలిపారు. అంతే గాక స్టార్టప్ లను పెంచే , యువతలో వ్యవస్థాపక స్ఫూర్తిని ప్రోత్సహించే బలమైన పర్యావరణ వ్యవస్థను కూడా భారత్ నిర్మించిందని  తెలిపారు.

శ్రీ ఠాకూర్ మాట్లాడుతూ, "భారతదేశ ప్రస్తుత యువ జనాభా సుమారు 230 మిలియన్లు. ఈ పరిమాణం యొక్క డెమోగ్రాఫిక్ డివిడెండ్ దేశాన్ని ఉద్ధరించడానికి  ఇంకా అందరికీ జీవన ప్రమాణాలను పెంచే సామర్థ్యాన్ని కలిగి ఉంది.యువత దేశ సామాజిక ,ఆర్థిక పురోగతిని ముందుకు నడిపించడానికి అపరిమితమైన సామర్థ్యాన్ని కలిగి ఉన్నారు. 21వ శతాబ్దంలో భారతదేశం చాలా ముఖ్యమైన పాత్ర ను పోషించాల్సి ఉంది, తద్వారా ప్రపంచం మొత్తం మన వైపే చూస్తోంది , యువత దీనిలో కీలక పాత్ర పోషించగలదు" అని అన్నారు.

యువ వాలంటీర్లు విలువైన సేవలను అందించారని, కోవిడ్ మహమ్మారి సమయంలో వీరోచిత చర్యలను ప్రదర్శించారని కేంద్ర మంత్రి అన్నారు. ఈ

శిక్షణ కార్యక్రమం వాలంటీర్లుగా వారి నైపుణ్యాల అభివృద్ధికి తోడ్పడుతుందని వారు దేశానికి అత్యంత నిబద్ధత తో సేవ చేయ డానికి వీలు కల్పిస్తుందని ఆయన అన్నారు.

ఇది మాత్రమే కాకుండా, వ్యక్తులుగా అభివృద్ధి చెందడానికి , రేపటి హీరోలుగా మారడానికి ఒక ప్రయాణాన్ని ప్రారంభించడానికి ఇది వారికి సహాయపడుతుందని మంత్రి తెలిపారు.

ప్రధాన మంత్రి అనేక సందర్భాల్లో

పునరుద్ఘాటించినట్టు యువత తమ బాధ్యతల పట్ల స్పృహతో ఉండాలని, భారత స్వాతంత్ర్యం 75 సంవత్సరాలను పురస్కరించుకుని ఆజాదీ కా అమృత్ మహోత్సవ్ కు నివాళిగా దేశ నిర్మాణానికి తోడ్ప డాలని శ్రీ అనురాగ్ ఠాకూర్ అన్నారు.

యునిటార్ , మంత్రిత్వ శాఖ భాగస్వామ్యం శిక్షణ లో పాల్గొనే యువత వ్యక్తిత్వ అభివృద్ధి , జీవనోపాధిపై శాశ్వత ప్రభావాన్ని

చూపుతుందని, అదే సమయంలో దేశ నిర్మాణం ,శ్రేయస్సును పెంపొందిస్తుందని శ్రీ ఠాకూర్ అన్నారు. భార త దేశ యువ త కు సాధికారత కల్పించడం, ఒకే విధమైన, ప్రేరేపిత వ్యక్తుల నెట్ వర్క్ ను రూపొందించ డం ఒక కీలక మైన అడుగు అని పేర్కొన్నారు.

భారత దేశ భవిష్య త్తు దాని యువతే అని, వారిపై మనం పెట్టుబడులు పెట్టాలని కేంద్ర మంత్రి అన్నారు. పైలట్ శిక్షణలోని కంటెంట్ ను జాగ్రత్తగా ఎంపిక చేసినట్లు, వర్చువల్ రియాలిటీ వంటి అత్యాధునిక సాంకేతిక పరిజ్ఞానాన్ని మోహరించనున్నట్లు శ్రీ అనురాగ్ ఠాకూర్ తెలిపారు. పైలట్ లో భాగంగా ఉన్న 100 మంది వాలంటీర్లు త్వరలో ఒక మిలియన్ యువతకు శిక్షణ ఇవ్వడానికి పునాది వేయనున్నారని చెప్పారు.

శ్రీ ఠాకూర్ ఇంకా మాట్లాడుతూ, బలమైన విమర్శనాత్మక ఆలోచనా సామర్థ్యాలు, వ్యక్తిగత నైపుణ్యాలు ,నాయకత్వ సామర్థ్యాలు సమూహ పరిస్థితులలో వ్యక్తిగత పురోగతి ,విజయంలో ముందంజలో ఉంటాయని, ఈ నైపుణ్యాలను పెంపొందించడంపై శిక్షణ దృష్టి సారిస్తుందని చెప్పారు.

యువజన వ్యవహారాల శాఖ కార్యదర్శి ఎం.ఎం.టి. ఉషా శర్మ మాట్లాడుతూ, 12-15 రోజుల ముఖాముఖి , ఆన్ లైన్ ద్వారా శిక్షణ ఇస్తారని తెలియజేశారు; ఇంటరాక్టివ్, సృజనాత్మక టూల్స్ , కంటెంట్ తో భారతదేశంలోని యువత విస్తృత శ్రేణి నేపథ్యాలు , నైపుణ్యాలకు అనుగుణంగా శిక్షణ ఉంటుందని చెప్పారు. శిక్షణ ప్రారంభం లో ఇంగ్లిష్ , హిందీలో అందుబాటులో

ఉంటుంది. తరువాత ప్రాంతీయ భాషల్లో శిక్షణ కొనసాగుతుంది.

***