প্রধানমন্ত্রীগী লোইশঙ
পি.এম.না আগর্তলাদা মহরাজা বির বিক্রম এয়রপোর্ত্তা এঅনৌবা ইন্তিগ্রেতেদ তর্মিনেল বিল্দিং শঙ্গাখ্রে
পি.এম.না ত্রিপুরাগী আগর্তলাদা চাউখৎ-থৌরাংগী মরু ওইবা ইনিসিয়েতিব অনি হৌদোকখ্রে
“ত্রিপুরানা ঐচ.আই.আর.এ.গী মোদেলদা য়ুম্ফম ওইদুনা কনেক্তিবিতী ফগৎহল্লগনি অমসুং চাউথোকহল্লগনি”
“রোদ, রেল, এয়র অমসুং ৱাতর কনেক্তিবিতী ইনফ্রাস্ত্রকচরদা অমুক্তা থোকখিদ্রিবা মওংদা ইনভেস্তমেন্ত তৌরকপা অসিনা ত্রিপুরাবু বিজনেস অমসুং ইন্দস্ত্রীগী অনৌবা হব অমা ওইহনবগা লোইন-লোইননা ত্রেদ কোরিদোর অমসু ওইহল্লে”
“দবল-ইঞ্জিন গোবর্নমেন্ত হায়বদি রিসোর্সশিং নিংথিজনা শিজিন্নবা, সেন্সিতিবিতী লৈবা অমসুং মীয়ামগী মপাঙ্গল কনখৎহনবা, সার্বিস তৌবা অমসুং রিজোল্যুশনশিংবু মপুং ফানা পাংথোকপা অমসুং চাউখৎপগী মাইকৈদা ময়াম পুন্না হোৎনমিন্নবা হায়বনি”
Posted On:
04 JAN 2022 5:42PM by PIB Imphal
প্রধান মন্ত্রী, শ্রী নরেন্দ্র মোদিনা মহারাজা বির বিক্রম (এম.বি.বি.) এয়রপোর্তকী অনৌবা ইন্তিগ্রেতেদ তর্মিনেল বিল্দিং শঙ্গাখ্রে অমসুং মরু ওইবা থবক-থৌরমশিং খুদম ওইনা মুখ্যমন্ত্রী ত্রিপুরা গ্রাম সম্রিধি য়োজনা অমসুং বিদ্যাজোতি স্কুলশিংগী প্রোজেক্ত মিসন ১০০ হৌদোকখ্রে। ত্রিপুরাগী গোবর্নর, সত্যদিও নারেন আর্য়া, ত্রিপুরাগী মুখ্যমন্ত্রী, শ্রী বিপ্লাব কুমার দেব, কেন্দ্রগী মন্ত্রী, শ্রী জ্যোতিরাদিত্যা সিন্দ্যা অমসুং শ্রীমতি প্রতিমা ভৌমিকনা থৌরম অদুদা শরুক য়াখিবশিংগী অদুগী মরক্তা অমা ওইখি।
মীয়াম তিনবা অদুদা ৱা ঙাংলদুনা, প্রধান মন্ত্রীনা হায়খি ২১ সেঞ্চুরীগী ইন্দিয়ানা সবকা সাথ, সবকা বিকাস অমসুং সবকা প্রয়াসকী ৱাখল্লোন অসিগা লোইননা মীপুম খুদিংমকপু পুদুনা খুমাং চাউশিনমিন্নগনি। রাজ্য খরা অমনা শোত্থদুনা লৈহৌরগা খল মান্নদনা চাউখৎপা অমসুং মীশিংদা মখোয়গী তঙাইফদবা ফেসিলিতীশিং ফাওবা ফংহন্দনা লৈবা হায়বসি অফবা নত্তে। মসিনি ত্রিপুরাগী মীয়াম্না চহি কয়া উদুনা লাক্লিবসে হায়না মহাক্না হায়খি। শ্রী মোদিনা করপসন্না থল্লবা মতম অমসুং রাজ্য অদুগী চাউখৎ-থৌরাংগী ভিজন ন্ত্রগা থবক তৌনিংবগী মতৌ অমত্তা লৈতবা সরকারশিংগী মতম অদুবু নিংশিংখি। অসিগুম্বা ফিভম অসিগী মতুংদগী হৌজিক পাল্লিবা সরকার অসিনা ত্রিপুরাদা কনেক্তিবিতী ফগৎহন্নবা ঐচ.আই.আর.এ. - ঐচ.না হাইৱে, আই.না ইন্তর্নেত, আর.না রেলৱেজ আমসুং এ.না ঐয়রৱেজ হায়রিবা মন্ত্রা অসি পুথোরকখি হায়না প্রধান মন্ত্রীনা হায়খি। ঙসি ত্রিপুরানা ঐচ.আই.আর.এ. মোদেলদা য়ুম্ফম ওইদুনা কনেক্তিবিতী ফগৎহল্লে অমসুং চাউথোকহল্লে হায়না মহাক্না মখা তাখি।
অনৌবা এয়রপোর্ত অসিগী মতাংদা ৱা ঙাংলদুনা, প্রধান মন্ত্রীনা হায়খি মদুদি এয়রপোর্ত অসি ত্রিপুরাগী কলচর, মহৌশাগী ফজবা অমসুং মতম অসিগী অনৌবা ফেসিলিতীশিংগী অপুনবনি। এয়রপোর্ত অসিনা নোর্থ ইস্ততা এয়র কনেক্তিবিতী ফগৎহনবদা য়াম্না চাউবা থৌদাং লৌগদৌরিবনি। ত্রিপুরাবু গেতৱে তু নোর্থ ইএস্ত ওইহন্নবা থবক কয়া য়াম্না কন্না পাইখৎলি হায়না প্রধান মন্ত্রীনা হায়রকখি। রোদ, রেল, এয়র, অমসুং ৱাতর কনেক্তিবিতীদা অমুক্তা থোকখিদ্রিবা মওংদা ইনভেস্তমেন্ত ফংলি। মসিনা ত্রিপুরাবু বিজনেস অমসুং ইন্দস্ত্রীগী অনৌবা হব অমা ওইহনবদা নত্তনা ত্রেদ কোরিদোরসু ওইহল্লি।
প্রধান মন্ত্রীনা হায়খি মদুদি “শরুক অনি হেন্না য়াংনা থবক শুবগী মতাংদদি দবল ইঞ্জিন গোবর্নমেন্তকী লম্বা লৈতে। দবল ইঞ্জিন গোবর্নমরন্ত হায়বদি রিসোর্সশিং নিংথিজনা শিজিন্নবা, সেন্সিতিবিতী লৈবা অমসুং মীয়ামগী মপাঙ্গল কনখৎহনবা, সার্বিস তৌবা অমসুং রিজোল্যুশনশিংবু মপুং ফানা পাংথোকপা অমসুং চাউখৎপগী মাইকৈদা ময়াম পুন্না হোৎনমিন্নবা হায়বনি”।
ৱেলফেয়র স্কীমশিংবু মীচমদা য়ৌহনবগী মতাংদা ত্রিপুরাগী রেকোর্দপু থাগৎলদুনা, প্রধান মন্ত্রীনা, রাজ্য অসিবু মুখ্যমন্ত্রী ত্রিপুরা গ্রাম সম্রিদ্ধি য়োজনা হায়রিবা প্রধান মন্ত্রীনা রেদ ফোর্ততগী স্কীমশিং অসিবু মীয়ামদা য়ৌহন্নবা অমসুং মপুং ফানা কোভরেজ পীদুনা খম থেংনা য়ৌহন্নবগী ওইবা প্রধান মন্ত্রী ৱাখল্লোন অদুবু মপুং ফাহন্নবগী পান্দমদা স্কীম অসিবু হৌদোকপগীদমক্তা থাগৎপা ফোংদোকখি। স্কীম অসিনা য়ুমথোং খুদিংগী ঈশিংগী তেপ কনেক্সন, হাওসিং, আয়ুস্মান কভরেজ, ইন্সুরেন্স কভরেজ, কে.সি.সি. অমসুং খুঙ্গংগী মীওইশিংবু থৌনা পীনবা লম্বি শাবনাচিংববু প্রোমোত তৌগনি। প্রধান মন্ত্রীনা মুখ্যমন্ত্রীবু পি.এম.এ.ৱায়.বু মীচমদা য়ৌহন্নবগীদমক্তা পাংথোক্লিবা থবকশিং অদুগীদমক্তা থাগৎখ্রে। মসিনা মরম ওইদুনা রাজ্য অসিদা ইমুং লাখ ১.৮ চেক্কী য়ুম ফংবা ঙমখ্রে, মসিগী মনুংদা য়ুম লিশিং ৫০দি হান্নদগী য়ুম্বুদা খুৎশিন্নখ্রে।
প্রধান মন্ত্রীনা হায়খি ভারতনা অনৌবা এজুকেসন পোলিসী পুরক্লিবা অসি ২১শুবা সেঞ্চুরী অসিদা ভারতপু মোদর্ন ওইহল্লক্লিবা নহাশিংবু মখুৎ-মশা হৈহন্নবগীদমক্তনি। মসিনা লোকেলগী ওইবা লোনদা লাইরিক তম্বসু চপ মান্ননা মরু ওইহল্লি। ত্রিপুরাগী মহৈরোইশিংনা হৌজিক মিসন-১০০ অমসুং ‘বিদ্যা জ্যোতি’ কেম্পেনদগীসু কান্নবা ফংলনি হায়না মহাক্না হায়খি।
প্রধান মন্ত্রীনা হায়খি মদুদি চহি ১৫-১৮গী কাংলুপ অসিবু ভেক্সিন কাপথোক্নবগী কেম্পেন অসিনা নহা ওইরিবা মহৈরোইশিংগী লাইরিক-লাইসুদা অপনবা পীহল্লোই। মসিনা মহৈরোইশিং অমদি মমা-মপাশিংদা অৱাবা হন্থহন্নগনি। প্রধান মন্ত্রীনা খংহল্লখি মদুদি, হৌজিক ফাওবদা ত্রিপুরাগী অপুনবা মীশিংগী চাদা ৮০ ভেক্সিনগী অহানবা দোজ কাপখ্রে অমসুং চাদা ৬৫না ভেক্সিন অসিগী দোজ অনিমক কাপখ্রে। ত্রিপুরানা অথুবা মতমদা চহি ১৫-১৮ ফাওবগী কাংলুপ্পু মপুং ফানা ভেক্সিন কাপথোক্নবগী থম্লিবা পান্দম অদুবু ফংলগনি হায়বগী থাজবা থম্লি হায়নসু মহাক্না ফোংদোরকখি।
প্রধান মন্ত্রীনা হায়খি মদুদি ত্রিপুরানা লৈবাক অসিদা সিঙ্গল-য়ুস প্লাস্তিক্কী মহুত্তা অতোপ্পা পাম্বৈ অমা পীবদা য়াম্না মরু ওইবা থৌদাং অমা লৌগনি। ফম অসিদা শাবা ৱাগী শুমজিৎ, ৱানা শাবা বোতলশিংগী পোৎলমশিংগীদমক্তা য়াম্না চাউরবা মার্কেত অমা লৈবাক অসিদা শেমখ্রে। মসিনা মীওই লিশিং কয়া থবক ফংলি নত্রগা ৱাগী পোৎলমশিং শাবদা মশানা মশাবু থবক পীজরি। মহাক্না রাজ্য অসিদা ওর্গানিক ফার্মিংগী মতাংদা পাইখৎলিবা থবকশিং অদুগীদমক্তসু থাগৎখি।
মহারাজা বির বিক্রম (এম.বি.বি.) এয়রপোর্তকী অনৌবা ইন্তিগ্রেতেদ তর্মিনেল বিল্দিং অসি, লুপা করোর ৪৫০ মুক চংনা শাবনি, ৩০,০০০ স্ক্ব্যার মিতরদা শন্দোক্তুনা শাবা অনৌবা বিল্দিং অসিদা খ্বাইদগী মোদর্ন ফেসিলিতী কয়া অমসুং খ্বাইদগী অনৌবা মখলগী আই.তি. নেতৱার্ক ইন্তিগ্রেতেদ সীস্তেমসু য়াওরি। বিদ্যাজ্যোতি স্কুলশিংগী প্রোজেক্ত মিসন ১০০ অসি হৌজিক হৌজিক লৈরিবা হাই / হায়র সেকেন্দরী স্কুলশিংবু খ্বাইদগী অনৌবা ফেসিলিতীশিং অমসুং ক্বালিতী এজুকেসন লৈবা বিদ্যাজ্যোতি স্কুলশিংদা ওন্থোক্তুনা রাজ্য অসিগী এজুকেসনগী ক্বালিতী ফগৎহনবগী মাইকৈদা খোংথাং অমনি। প্রোজেক্ত অসিদা নরসরীদগী ক্লাস ১২ ফাওবগী মহৈরোই চাউরাক্না লাখ ১.২ রোম মনুং চনগনি অমসুং লাক্লিবা চহি অহুম অসিদা চাউরাক্না লুপা করোর ৫০০ রোম চংগনি।
মুখ্যমন্ত্রী ত্রিপুরা গ্রাম সম্রিদ্ধি য়োজনানা খুঙ্গংগী থাক্তা কোর দিবেলপমেন্ত সেক্তরশিংদা সার্বিস দেলিবরীগীদমক বেঞ্চমার্ক স্তেন্দার্দ অদু ফংনবগী পান্দম থম্লি। য়োজনা অসিগী মরু ওইবা হিরমশিংদি য়ুম-য়ুমদা ঈশিংগী তেপ কনেক্সন পীবা, য়ুমদা এলেক্ত্রিক কনেক্সন পীবা, নোংজু-নুংশা পুম্নমক্তা খাংবা ঙম্বা লম্বি শেম্বা, য়ুমথোং খুদিংগী তোইলেত শাবা, অঙাং খুদিংমক্কী মথৌ তাবা ইম্যুনাইজেশন পীবা, নুপীশিংনা সেল্ফ হেল্প গ্রুপতা শরুক য়াবনচিংবা অতোপ্পা থবক-থৌরম কয়া য়াওরি।
*****
(Release ID: 1787504)
Visitor Counter : 224
Read this release in:
English
,
Urdu
,
Marathi
,
Hindi
,
Bengali
,
Assamese
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam