কেন্দ্রগী হকশেল অমসুং য়াইফ য়ুম্বাল মন্ত্রালয়গী মন্ত্রী, দা. মন্সুখ মান্দৱিয়ানা কোবিদ-১৯গী মতাংদা লৈরিবা পব্লিক হেল্থ প্রিপেয়র্দনেস অমসুং নেস্নেল কোবিদ ভেক্সিনেশন কেমপেনগী প্রোগ্রেসকী মতাংদা য়েংশিন্নবা রাজ্যশিং/য়ু.তি.শিংগী স্তেত হেল্থ মিনিস্তরশিং অমসুং প্রিন্সিপাল সেক্রেতরীশিং/এদিস্নেল চীফ সেক্রেতরীশিংগা ঙসি ভর্চুৱল ওইনা ৱারি-ৱাতাই শানখ্রে। মীফম অদু হেনগৎলক্লিবা ওমিক্রোন ভেরিয়েন্তকী কেসশিং অমসুং হন্দক্তা চহি ১৫-১৮ কাংলুপশিংগী ভেক্সনেশন তৌনবা অমসুং মশক খঙদোক্লবা খ্বাইদগী খুদোংথিনিংঙাই ওইবা কাংলুপশিংগী প্রেকোশনরী দোজ কাপথোক্নবা লেপখিবা ৱারেপ অদগী মতাংদা ওইখি। মীফম অদু কেন্দ্রগী হেল্থ সেক্রেতরী, শ্রী রাজেশ ভুশননা ওফিসিয়েত তৌখি।

মীফম অদুদা শরুক য়াখিবা রাজ্যগী হকশেল মন্ত্রীশিং অদুদা শ্রী এস. পাংন্যু ফোম (নাগালেন্দ), শ্রী এন.কে. দাস (ওরিশা), দা. প্রভুরাম চৌধরী (এম.পি.), শ্রী এম.এ. সুব্রামানিয়ম (তামিল.নাদু), শ্রী কেশব মহন্তা (অসাম),শ্রী অনিল ভিজ (হরিয়ানা), সত্যেন্দ্র জেন (দিল্লী), শ্রী আলো লিবাং (অরুনাচল প্রদেশ), বন্না গুপ্তা (ঝারখন্দ), শ্রী মঙ্গল পান্দে (বিহার), শ্রী তি.এস. সিং দ্যো (ছত্তিসগর), চন্দ্রিমা বেনরজী, এম.ও.এস. হেল্থ (ৱেস্ত বেঙ্গাল) অমসুং অতোপ্পা কয়া অমনা শরুক য়াখি।

কেন্দ্রগী হকশেল মন্ত্রীনা খঙহল্লকখি মদুদি মালেমগী ওইনা, লৈবাকশিংনা কোবিদ-১৯গী কেসশিংগী মতাংদা হান্নগী খ্বাইদগী ৱাংবা মতম অদুদগী শরুক ৩-৪ হেন্না হেনগৎলকপা থেংনরি। ওমিক্রোন ভেরিয়েন্ত অসি য়াম্না লৌনগনবা ওইবনা, কেস য়াম্না হেনগৎলকপনা মরম ওইরগা মেদিকেল সীস্তেম য়াম্না ৱাহনগনি। মরম অদুনা ভারতনা হন্দক্কী মতাং অসিদা কোবিদ-১৯দগী অশোই-অঙাম য়াওদনা নান্থোকপা ঙম্না মহাক্না রাজ্যশিংদা কেস হেনগৎলক্লিবা অসিবু মেনেজ তৌনবা ইনফ্রস্তরকচর শেমগৎপদা অঙম্বা মখৈ হোৎনগদবনি হায়না হায়খি।

দা.মান্দৱিয়ানা মসিগী মতাংদা হায়খি মদুদি কোবিদ ভেরিয়েন্তশিংগী মতাংদা খনদনা শেম-শাবা অমসুং ঙাকথোকপগী মতাংদা লৌখৎফম থোকপা থৌরাংশিংদী চপ মান্নৈ। মহাক্না রাজ্যশিংদা মখোয়গী তীমশিং অদু গ্রাউন্দ লেভেলদা থবক তৌনবা অমুক্কসু হেন্না কনখৎহনবা অমসুং মোনিতর তৌবগী চাং অমসুং কন্তেন্মেন্ত মেকানিজমশিং হেনগৎহন্নবা তকশিনখ্রে। মসিগী মতুং তারকপা ওইনা হোসপিতালগী ইনফ্রস্তরকচর ফগৎহনবা; তেস্তিং তৌবা হনেগৎহনবা, ত্রান্সমিশনগী চেন থুগাইনবগীদমক্তা অহকপা অথিংবা থমবগী পাম্বৈশিং শিজিন্নবা; অমসুং মীয়ামদা কোবিদকা চুনবা চৎনা কাংলোনশিং ঙাক্না চৎহনবা, হায়রিবশিং অসিসু য়াওনা কোবিদ মেনেজমেন্তকী তোঙান-তোঙানবা ইরম কয়া অমগী মতাংদা খন্নখি। মেদিকেল ইনফ্রস্ত্রকচরদা লৈরিবা ক্রিতিকেল বোতলনেকশিংগী মতাংদসু খন্নখি।

লাইচৎ অসিগী মায়োক্তা লান্থেংনবদা অমসুং মীয়ামগী য়াইফনবসু হোৎনবদা স্তেত এদমিনিস্ত্রেশনশিংনা উৎখিবা দেদিকেশন অমসুং পেসেন্সকীদমক্তা থাগৎলদুনা, দা. মন্সুখ মান্দৱিয়ানা হায়খি, “মমাংদা ঐখোয়না কোবিদকী মায়োক্তা  কন্না লান্থেংনখি অমসুং মসিদগী ঐখোয়না খঙলকপশিং অদু ওমিক্রোন ভেরিয়েন্তকী মায়োক্তা অমুক শিজিন্নবদা মীৎয়েং থমদুনা কন্না হোৎনগদবনি।” মহাক্না হৌজিক হেনগৎলক্লিবা কেসশিং অসি লাকশিন্নবা কন্তেনমেন্ত মিজরশিংদা অনৌবা অমসুং অহকপা মীৎয়েং থমবগা লোইননা কোবিদকা চুনবা চৎনা কাংলোনশিং অদু মখাতানা ঙাক্না চৎপগী মথৌ তাই হায়না হায়খি।

ভেক্সিনেশন দ্রাইব অসিগী য়াম্না মরু ওইবা অদু পল্লদুনা, মন্ত্রতীনা খঙহল্লকখি, “ঐখোয়না চহি কাংলুপ ১৫-১৮গী ভেক্সিনেশন অমসুং প্রেকোশনরী দোজ কাপ্পা য়ারবা বেনিফিসরীশিংগী মতাংদা প্লানিং তৌনবা খনগদবনি”। দা. মনসুখ মানদৱিয়ানা হেল্থকেয়র ৱার্করশিং অমসুং ফ্রন্তলাইন ৱার্করশিংবু মপুংফানা ভেক্সন কাপথোক্নবা খঙহনখ্রে মরমদি মখোয়শিং অসি খ্বাইদগী খুদোং থিনিংঙাই ওইবা কাংলুপ্তা চল্লি।

রাজ্য অমসুং য়ুনিয়ন তেরিতোরীশিংবু মতিক চারবা অহলশিংগী অহানবা দোজ কাপ্পগী চাং অদু লৈবাক অসিগী চাংচৎ ৯০% য়ৌহনবগীদমক্তা থাগৎপগা লোইন-লোইননা, ভেক্সিনেশন তৌবগী চাংচৎ অদু লৈবাক অসিগী চাংচত্তগী তাবা রাজ্যশিংদা, ভেক্সিন কাপ্পগী চাং হেনগৎহন্নবসু হায়খ্রে। রাজ্যশিংদা চয়োলগী ওইবা  প্লান অমা শেমদুনা  লৈবাক অসিগী ওইবা ভেক্সিনেশনগী চাং অসি য়ৌনবা অমসুং মদুদগী হেলহন্নবা হায়খ্রে অমসুং সেক্রেতরী / হেল্থকী এ.সি.এস.কী লেভেলদা প্লান অদু নুমিৎ খুদিংগী য়েংশিন্নবসু হায়খ্রে [মরু ওইনা মীখল লৈরিবা রাজ্য মঙা, পঞ্জাব, গোৱা, উত্তরাখন্দ, য়ু.পি. অমসুং মনিপুর]

অনৌবা ভেক্সিনেশন গাইদলাইনবু অপনবা লৈতনা চৎথনবগীদমক পীরিবা গাইদলাইনশিংবু অপনবা লৈতনা চৎথনবগীদমক  রাজ্য অমসুং য়ু.তি.শিংদা চহি ১৫-১৮ ফাওবগী কাংলুপ অসিবু ভেক্সিন কাপকদৌরিবা মীওইশিং অমসুং ভেক্সিনেশনগী তীম মেম্বরশিংবু নিংথিনা ওরিয়েন্তেশন পীনবা অমসুং চহি ১৫-১৮ ফাওবগী কাংলুপকী ভেক্সিনেশন তৌনবগীদমক্তা ওইবা ভেক্সিন কাপ্নবা মফমশিং অদু খঙদোক্নবা পাউতাক পীরকখ্রে। ভেক্সিন কাপ্পা মতমদা ভেক্সিন য়ানশিন্নদনবা, তোঙানবা সি.ভি.সি.শিং, ভেক্সিন কাপ্নবা তোঙান-তোঙানবা মফমশিং, তোঙানবা ক্যুশিং (করিগুম্বা মফম অমত্তদা অহলশিংগা ভেক্সিন অসি কাপ্পা তারবদি) অমসুং তোঙান-তোঙানবা ভেক্সিনেশন তীম (করিগুম্বা মফম অমত্তদা অহলশিংগা ভেক্সিন অসি কাপ্পা তারবদি) শেমগদবনি। রাজ্য অমসুং য়ু.তি.শিংদা জিলা জিলাগী মতুং ইন্না কো-ৱিন এপ শিজিন্নদুনা বেনিফিসরীশিংগী মশিংগী মতুং ইন্না চংগদৌরিবা ভেক্সিন দোজকী মশিংসু খংহল্লক্নবা হায়খ্রে। কোভেক্সিন কাপ্পগী মফমশিংদা মাংজৌননা য়েনথোকপগী প্লান শিন্নবা অমসুং য়ামদ্রবদা নুমিৎ ১৫নি মমাংদা মীচমদা ভেক্সিন কাপ্পগী মফম অমসুং মতম খংহন্নবসু হায়খ্রে।

দা. মনসুখ মান্দৱিয়ানা য়ুনিয়ন গোভর্নমেন্তনা লৈবাক অসিদা ইন্ফ্রাস্ত্রকচর অমসুং ভেক্সিন প্রোদক্সন  ফগৎহন্নবা মখল মখলগী খোংথাং কয়া লৌখৎলি হায়নসু খংহলকখি। রাজ্য / য়ু.তি.শিংদা লৈবাক শিনথুংনা মসিগী কান্নবা ফংনবগীদমক খ্বায়দগী ফবা প্রেকতিস লৌখৎনবগী হায়খ্রে।

য়ুনিয়ন হেল্থ মিনিস্তর অসিনা রাজ্য অমসুং য়.তি.শিংদা, ইমরজেন্সী কোবিদ রেসপোন্স পেকেজ (ই.সি.আর.পি.- II) গী মনুং চন্না লৈরিবা ফন্দকী শরুক ১৭%দগী খরা খক্তমক হেন্না শিজন্নরি হায়নসু খংহনখ্রে। রাজ্য অমসুং য়.তি.শিংবু ই.সি.আর.পি.-IIগী মনুং চন্না আই.সি.য়ু. ফমুংশিং, পেদিয়াত্রিক আই.সি.য়ু./ ঐচ.দি.য়ু. ফমুংশিংনাচিংবা অতৈ-অতোপ্পা পোচৈশিংগী ফিভম মাংজৌননা য়েংশিন্নবগীদমক খংহনখ্রে। রাজ্য অমসুং য়ু.তি.শিংদা তেলি-মেদিসিন, তেলি-কনসলতেসন, হ্যুমেন রিসোর্সশিংগী ত্রেনিং অমসুং কেপাসিতী বিল্দিং য়াওনা, এম্বুলেন্স মতম চানা ফংহন্নবা, ইন্সতিত্যুস্নেল ক্বারেন্তিন তৌনবগীদমক কোবিদকী ফেসিলিতীশিংগা শেম-শাদুনা লৈনবা অমসুং হোম আইসোলেসনদা লৈরিবশিংবু খ্বাইদগী হেন্না ফবা মওংদা অমসুং কুপ্না য়েংশিন্নবগীদমক আই.তি.তুল শিজিন্ননবগীদমক হায়খ্রে।  রাজ্য অমসুং য়.তি.শিংদা ই.সি.আর.পি.-IIগী মনুং চন্না এপ্রুব তৌরক্লিবা ফন্দশিং অসি মফম চানা শিজিন্ননবসু হায়খ্রে অমসুং মসিগী মতাংদা করিগুম্বা সজেশন লৈরদি পিরক্নবসু হায়খ্রে।

এন.ঐচ.এম.গী এদিস্নেল সেক্রেতরী অমসুং এম.দি., শ্রী বিকাস শিলনা দিতেল প্রেজেন্তেসন পীদুনা রাজ্যশিংনা ই.সি.আর.পি.-IIগী ফন্দশিংবু ইনফ্রাস্ত্রকচর দিবেলপমেন্ত অমসুং য়ুতিলাইজেশনগী লৈরিবা ফিভম অদুগী মতাংদা হায়খি। হেল্থকী এদিস্নেল সেক্রেতরী, দা. মনোহর অগনানিনা লৈবাক অসিদা চৎথরিবা ভেক্সিনেশনগী অপদেত পীখি। হেল্থ মিনিস্ত্রীগী জোইন্ত সেক্রেতরী, শ্রী লৱ অগরৱালনা রাজ্যশিংদা কোবিদ হেনগৎলক্লিবা অসিগী মতাংদা কুপথনা নৈনদুনা খংহল্লকখি অমসুং হৌজিক হৌজিক হেনগৎলক্লিবা কোবিদকী কেসশিং অসিবু লাকশিন্নবা তেস্ত তৌবা, সর্ভিলেন্স অমসুং কন্তেনমেন্ত তৌনবা থৌরাংশিংবু অমুক্কসু হেন্না হেনগৎহন্নবা হায়খ্রে। মরি লৈনবা রাজ্যশিং/য়ু.তি.শিংগী প্রিন্সিপাল সেক্রেতরী (হেল্থ), এদিস্নেল চীফ সেক্রেতরী (হেল্থ), অমসুং স্তেত সর্ভিলেন্স ওফিসরনা মখোয়গী খন্ননিংঙাই ওইরবা ৱাফমশিং অদু খন্নরদুনা মখোয়গী ফিদবেক অমসুং সজেশনসু পীরকখি।

*****