প্রধানমন্ত্রীগী লোইশঙ
প্রধান মন্ত্রীনা বিহারদা ফেক্তরীগী বোইলর পোকখায়বনা মরম ওইদুনা লৈখিদবশিংগী মফমদা অৱাবা ফোংদোকখ্রে
ভিক্তিমশিংগীদমক পি.এম.এন.আর.এফ.তগী এক্স গ্রেসিয়া অয়াবা পীখ্রে
Posted On:
26 DEC 2021 9:52PM by PIB Imphal
প্রধান মন্ত্রী শ্রী নরেন্দ্র মোদীনা বিহারগী মুজফ্ফরপুরদা ফেক্তরীগী বোইলর পোকখায়বনা মরম ওইদুনা লৈখিদবশিংগী মফমদা থমোয় শোক্না অৱাবা ফোংদোকখ্রে।
ত্বীৎ অমদা প্রধান মন্ত্রীনা হায়খি;
“বিহারগী মুজফ্ফরপুরগী ফেক্তরী অমদা থোকখিবা খুদোংথিবা থৌদোক অদু অদুক্কী মতিক নুংঙাইতবা অমনি। ঐহাক্না লৈখিদ্রবশিংগী ইমুং মনুংগী অৱাবদী শরুক য়াজরি। লোয়ননা শোক্লবশিং অথুবা মতমদা ফগৎলকপা ওইরসনু হায়না থৌনিজরি।”
প্রধান মন্ত্রীনা বিহারগী মুজফ্ফরপুরদা ফেক্তরী অমদা বোইলর পোকখায়বগী ভিক্তিমশিংগীদমক প্রাইম মিনিস্তর্স নেস্নেল রিলিফ ফন্দ (পি.এম.এন.আর.এফ.)দগী এক্স-গ্রেসিয়া অমসু অয়াবা পীখ্রে।
প্রধান মন্ত্রীগী ওফিসতগী ত্বীৎ তৌরকখি;
“প্রধান মন্ত্রীনা মুজফ্ফরপুরগী ফেক্তরী অমদা থোকখিবা খুদোংথিবা থৌদোক অদুনা মরম ওইরগা লৈখিদ্রবশিং অদুগী নক্নবা মীওইশিংগীদমক (পি.এম.এন.আর.এফ.)দগী লুপা লাখ ২ অনিগী এক্স-গ্রেসিয়া অমা অয়াবা পীখ্রে। শোক্লবা অমমমদা লুপা ৫০,০০০ পীরগনি।”
***
(Release ID: 1785698)
Visitor Counter : 114
Read this release in:
Assamese
,
English
,
Urdu
,
Hindi
,
Marathi
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam