ప్రధాన మంత్రి కార్యాలయం
బీహార్‌లోని కర్మాగారంలో బాయిలర్ పేలి ప్రాణనష్టం వాటిల్లడంపై ప్రధాని తీవ్ర సంతాపం
‘పీఎంఎన్‌ఆర్‌ఎఫ్‌’ నుంచి నష్టపరిహారం చెల్లింపునకు ఆమోదం
Posted On:
26 DEC 2021 9:52PM by PIB Hyderabad
బీహార్‌లోని ముజఫర్‌పూర్‌లోగల ఓ కర్మాగారంలో బాయిలర్ పేలుడు దుర్ఘటనలో ప్రాణనష్టం వాటిల్లడంపై ప్రధానమంత్రి శ్రీ నరేంద్ర మోదీ తీవ్ర సంతాపం వ్యక్తం చేశారు.
ఈ మేరకు ఒక ట్వీట్‌ ద్వారా ఇచ్చిన సందేశంలో-
“"బీహార్‌లోని ముజఫర్‌పూర్‌గల కర్మాగారంలో దుర్ఘటన సంభవించడం చాలా బాధాకరం. ఈ ఉదంతంలో మరణించిన వారి కుటుంబాలకు నా ప్రగాఢ సానుభూతి ప్రకటిస్తున్నాను. అలాగే ఈ సంఘటనలో గాయపడినవారు త్వరగా కోలుకోవాలని దైవాన్ని ప్రార్థిస్తున్నాను” అని ప్రధాని పేర్కొన్నారు.
కాగా, బీహార్‌లోని ముజఫర్‌పూర్‌లోగల ఓ కర్మాగారంలో బాయిలర్ పేలుడువల్ల మరణించినవారి కుటుంబాలకు ‘ప్రధానమంత్రి జాతీయ సహాయ నిధి’ (పీఎంఎన్‌ఆర్‌ఎఫ్‌) నుంచి నష్టపరిహారం మంజూరుకు ప్రధాని ఆమోదముద్ర వేశారు. ప్రధానమంత్రి కార్యాలయం ఈ విషయాన్ని ఒక ట్వీట్‌ద్వారా తెలిపింది. ఈ మేరకు...
“ముజఫర్‌పూర్‌లోని కర్మాగారంలో సంభవించిన దుర్ఘటనలో ప్రాణాలు కోల్పోయిన వారి కుటుంబాలకు ‘పీఎంఎన్‌ఆర్‌ఎఫ్‌’ నుంచి తలా రూ.2 లక్షల వంతున నష్టపరిహారం అందించేందుకు ప్రధానమంత్రి ఆమోదించారు. అలాగే గాయపడిన వారికి తలా రూ.50,000 వంతున అందజేయబడుతుంది” అని పేర్కొంది.
(Release ID: 1785419)
Visitor Counter : 139
Read this release in:
Assamese
,
English
,
Urdu
,
Hindi
,
Marathi
,
Manipuri
,
Punjabi
,
Gujarati
,
Odia
,
Tamil
,
Kannada
,
Malayalam