وزیراعظم کا دفتر

وزیراعظم، گورودوارہ لکھپت صاحب میں گرونانک دیو جی کی گرو پورب تقریبات سے خطاب کریں گے

Posted On: 24 DEC 2021 11:17AM by PIB Delhi

وزیراعظم  جناب نریندر مودی  25  دسمبر 2021  کو  دوپہر  تقریباً 12:30  بجے  ویڈیو کانفرنسنگ کے ذریعہ  کَچھ  گجرات میں گورودوارہ لکھپت صاحب میں گرونانک دیو جی کی گرو پورب تقریبات سے خطاب کریں گے۔

ہر سال 23  دسمبر  25  دسمبر  تک  گجرات کی سکھ سنگت  گورودوارہ لکھپت   صاحب میں  گرونانک دیو جی  کے گرو پورب   مناتی ہے۔ گرونانک دیو جی  نے اپنے سفر کے دوران  لکھپت  میں قیام کیا تھا۔ گورودارہ لکھپت  صاحب میں  اُن کی  متبرک نشانیاں  رکھی ہیں، جن میں  لکڑی کی  کھڑاؤں  اور پالکی کے ساتھ گرمکھی  کی مارکنگ اسکرپٹس اور  قلمی دستاویزات  شامل  ہیں۔

گورودارہ کو  2001  کے زلزلے  میں   نقصان پہنچا تھا، اس وقت کے  گجرات کے وزیراعلیٰ جناب نریندر مودی نے  نقصانات کی مرمت کو یقینی بنانے کے لئے  فوری کوششیں کی تھیں۔ اس اقدام سے  اس عقیدے کے لئے وزیراعظم  کے قلبی  احترام کا پتہ  چلتا ہے، جو کہ  گرونانک دیو جی  کے   550 ویں  پرکاش پورب ،  گروگوبند سنگھ  جی کے  350  ویں پرکاش پورب، گرو تیغ بہادر جی کے  400 ویں پرکاش  پورب  کی تقریبات  سمیت  حال ہی کے  متعدد  اقدامات سے  بھی  ظاہر ہوتا ہے۔

 

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

۰۰۰۰۰۰۰۰

(ش ح-  اگ- ق ر)

U-14756



(Release ID: 1784751) Visitor Counter : 166


Read this release in: English , Marathi , Hindi , Bengali , Assamese , Manipuri , Punjabi , Gujarati , Odia , Tamil , Telugu , Kannada , Malayalam