প্রধানমন্ত্রীগী লোইশঙ
পি.এম.বু ভুতানগী খ্বাইদগী থাক ৱাংবা সিভিলিয়ন মনা পীদুনা ইকায় খুম্নখ্রে
মসিগী নুংশিরবা থৌওং অসিনা ঐহাকপু তসেংনা নুংঙাইহল্লি অমসুং ঐহাক্না ভুতানগী নিংথৌ, হিস মেজেস্তীগী মফমদা থৌবীমল খঙবা উৎচরিঃ পি.এম.
Posted On:
17 DEC 2021 8:05PM by PIB Imphal
ভুতানগী নিংথৌ, হিস মেজেস্তী জিগমে খেসর নামগ্যেল ৱাংচুক্না মখোয়গী সিভিলিয়ন্দা পীবা খ্বাইদগী থাক ৱাংবা মনা, ওর্দর ওফ দি দ্রক গ্যালপোবু প্রধান মন্ত্রী, শ্রী নরেন্দ্র মোদীগী মফমদা লৈবাক্কী নেস্নেল দে নুমিত্তা পীখ্রে। শ্রী মোদীনা মসিগীদমক্তা নুংঙাইবা ফোংদোক্লদুনা অসিগুম্বা ইকায় খুম্নবগী থৌওং অসিগীদমক্তা ভুতানগী নিংথৌ, হিস মেজেস্তীগী মফমদা তৌবীমল খঙবা উৎখ্রে।
ভুতানগী পি.এম.গী ত্বীতকী পাউখুম ওইনা, প্রধান মন্ত্রীনা মহাক্কী ত্বীত পরিং অমদা অসুম্না ফোংদোকখিঃ
“ল্যোনচেন @PMBhutanবু থাগৎচরি! মসিগী নুংশিরবা থৌওং অসিনা ঐহাকপু তসেংনা নুংঙাইহল্লি অমসুং ঐহাক্না ভুতানগী নিংথৌ, হিস মেজেস্তীগী মফমদা থৌবীমল খঙবা উৎচরি।
ঐহাক্কী ভুতানগী ইচিল-ইনাওশিংগী মাইকৈদগী অসুক য়াম্না নুংশিবগী মতৌ ফংজবা অসি ঐহাক্কী লাইবক ফবনি, অমসুং ঐহাক্না তাঞ্জ অসি লৌদুনা ঐহাক্না মখোয়গী মফমদা ভুতানগী নেস্নেল দেগী নুমিৎ অসিদা য়াইফ পাউজেল পীজরি।
ঐহাক্না ভুতানগী সস্তেনেবল দিভেলপমেন্তকী তোপ-তোপ্পা মোদেল অমসুং মরু ফংনা লুবা স্পিরিচুএল ওইবা পুন্সি মহিংবু খোইদাজৈ। থংন-থংনবা দ্রক গ্যাল্পোশিং- নিংথৌ, মেজেস্তীশিংনা নিংথৌ লৈবাক অসিদা তোপ-তোপ্পা শক্তা অমা পীরি অমসুং ঐখোয়গী লৈবাক্কা লৈনরিবা মরুপ-মপাংগী অখন্নবা মরীবু ঙাক-শেন্দুনা থমদুনা লাক্লি।
ভারতনা ভুতানবু মহাক্কী খ্বাইদগী নকপা মরুপ অমসুং য়ুম্লোন্নবা লৈবাক্কী হায়না মতম পুম্বদা খনগনি অমসুং ঐখোয়না ভুতানগী চাউখৎ-থৌরাংগী খোঙচত্তা পাংবা য়াবা হীরম খুদিংগী মতেং পাংগনি”।
***
(Release ID: 1782951)
Visitor Counter : 199
Read this release in:
English
,
Urdu
,
Marathi
,
Hindi
,
Bengali
,
Assamese
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam