এক্সিল্লেন্সী,

ঐহাক্কী নুংশিজরবা মরুপ,  রাস্ত্রপতি ব্লাদিমির পুতিন, ঐহাক্না অদোমবু ২১শুবা ভারত-রসিয়া এন্যুএল সম্মিত্তা তরাম্না ওকচরি, অমসুং ঐহাক্না অদোমগী দেলিগেসনবু তরাম্না ওকচরি। কোরোনাগী মতমগী হৌখিবা চহি অনি অসিগী মনুংদা মসি অদোম্না মপালদা চৎপা অনিশুবা খোঙচৎনি হায়বা ঐহাক্না খঙজৈ। অদোমগা ভারতকী লৈনরিবা মরী অমসুং অদোমগী লনাই ওইনা কত্থোক্লিবা অসিনা ভারত-রসিয়াগী অফবা মরীশিং অসি মশক তাক্লি অমসুং মসিগীদমক ঐহাক্না অদোম্না তৌবীমল খঙবা উৎচরি।

কোবিদনা পীনবা শীংনবশিং অসি লৈজরবসু, ভারত অমদি রসিয়াগী মরক্ত লৈনরিবা মরীশিংগী খোঙজেলদা অহোংবা লৈখিদে। ঐখোয়গী স্পেসিএল এন্দ প্রিভিলেদজ স্ত্রেতেজিক পার্তনরশিপ অসি মখা তানা মপাঙ্গল কনখৎলক্লি। ভেক্সিনগী ত্রাইএলশিং অমসুং পুথোকপা ওইরবসু, মীয়ামগী মতেং পাংবদা ওইরবসু, নত্ত্রগা অমনা অমগী প্রজাশিংবু মরমদমদা হলহনবা ওইরবসু – লৈবাক অনিগী মরক্তা নীংথিনা মতেং পাংনখিবা অসি কোবিদকী লান্থেংনবদা উবা ফংখি।

এক্সিল্লেন্সী,

২০২১গী চহি অসি হীরম কয়াদা ঐখোয়গী বাইলেতরেলগী ওইবা মরীশিংদা চাউনা মরু ওইখি। চহি অসিদা ১৯৭১গী ত্রীতি ওফ পীচ, ফ্রেন্দশিপ এন্দ কোর্পোরেসন অসি দিকেদ মঙা মপুং ফারি অমসুং ঐখোয়গী স্ত্রেতেজিক পার্তনরশিপনা দিকেদ অনি শুরি। হৌখিবা চহি ২০ হেনবা অসিদা স্ত্রেতেজিক পার্তনরশিপ অসিদা শীংথানীংঙাই ওইনা খুমাং চাউশিনহনবদা অদোম্না মরু ওইবা দ্রাইবর ওইখিবনা মরম ওইরগা অখন্নবা চহি অসিদা অদোমগা অমুক হন্না উনবা ফংজবা অসিদা ঐহাক্না নুংঙাইবা পোকচৈ।

হৌখিবা দিকেদ কয়া অসিদা মালেমগী থাক্তা অচৌবা অহোংবা কয়া পুরকখ্রে। জিও-পোলিতিকেল ইক্বেসন কয়া অমা থোরকখি। অদুবু ভারত-রসিয়াগী মরুপ ওইবগী মরী অসিদি ভেরিএবল কয়া অসিগী মরক্তা হোংবা লৈখিদে। লৈবাক অনিমক্না খন্থরুবা তৌদনা অমনা অমগী মতেং পাংবতা নত্তনা অমনা অমগী অপাম পামদা অদুদা অখন্নবা মীৎয়েংসু থমখি। মসি তশেংনমকতোপ-তোপ্পা অমসুং থাজবা য়াবা লৈবাক অনিগী মরক্তা লৈনরিবা মরুপ ওইবগী মরীগী মোদেলনি।

এক্সিল্লেন্সী,

ঐখোয়গী স্ত্রেতেজিক পার্তনরশিপ অসিগী ওইনসু ২০২১ অসি অখন্নবা ওই। ঙসি মপাল থৌরম অমসুং ঙাকশেলগী মন্ত্রীশিংগী মরক্তা ২ + ২ দাইলোগকী হৌদোকপগী মীফম পাঙথোকখি। মসিনা ঐখোয়গী প্রেক্তিকেল কোওপরেসন হেনগৎহন্নবা অনৌবা মেকানিজম অমা হৌখি।

ঐখোয়না অফঘানিস্তানগী মতাংদা অমসুং অতোপ্পা রিজনেলগী ওইবা সমস্যাশিংগী মতাআংদসু তৎতনা পাও ফাওনখি। ইস্তর্ন ইকনোমিক ফোরম অমসুং ব্লাদিভোস্তোক সম্মিত অসিগা লোয়ননা ঙসি হৌখিবা রিজনেল পার্তনরশিপ অসিনা রসিয়ন ফার-ইস্ত অমসুং ভারতকী রাজ্যশিংগী মরক্তা তশেংবা কোওপরেসন অমা ওন্থোক্লি।

ইকনোমিক সেক্তরদা ঐখোয়গী মরী অসি চেৎশিনহন্নবা ঐখোয়না লোং-তর্ম ওইবা ভিজন অমসু পাইখৎলি। ঐখোয়না ২০২৬ ফাওবদা ত্রেদতা বিলিয়ন দোলর ৩০ অমসুং ইনভেস্তমেন্তদা বিলিয়ন দোলর ৫০ য়ৌনবা পান্দম থমখি। ঐখোয়গী বিজিনেস কম্ম্যুনিতীশিংবু মসিগী পান্দমশিং য়ৌনবা ঐখোয়না লমজিংবা তাই।

তোঙান-তোঙানবা সেক্তরশিংদা ঙসি পীনখিবা ঐখোয়গী য়ান্ন-ৱারোল অসিনা মখা তানা খুমাং চাউশিলহল্লগনি। ঐখোয়গী দিফেন্স কোওপরেসন অসি ‘মেক ইন ইন্দিয়া’ প্রোগ্রামগী মখাদা কো-দিবেলপমেন্ত অমসুং কো-প্রদক্সন তৌবগী খুত্থাংদা মপাঙ্গল কনখৎহনখি। স্পেস অমসুং সিবিল ন্যুক্লিয়রগী লমশিংদসু ঐখোয়গী কোওপরেসন অসি খুমাং চাউশিল্লি।

রসিয়ানা এন.এ.এম.গী ওবজর্বর অমসুং আই.ও.আর.এ.দা দাইলোগ পার্তনর অমা ওইবগীদমক হন্না-হন্না থাগৎচরি। ফোরম অনিমক্তা রসিয়ানা শরুক য়াবা অসিদা ঐখোয়না শৌগৎচগনি। ভারত অমসুং রসিয়া অনিমক্না রিজনেল অমসুং গ্লোবেলগী ওইবা সমস্যা পুম্নমক্তা মান্নবা ৱাখলশিং লৈ। ঙসিগী মীফম অসিদা ঐখোয়না সমস্যাশিং অসি খন্ননবা খুদোংচাবা অমা ফংজগনি।

এক্সিল্লেন্সী,

অমুক হন্না ঐহাক্না অদোমবু ভারত্তা তরাম্না ওকচরি অমসুং অদোমগী দেলিগেসনবুসধ তরাম্না ওকচরি। চিনখ্রবা থবকশিংগী মরক্তা অদোম্না মতম কাইথোকপীদুনা ভারত্তা লাকপীবা অসি ঐখোয়গী ওইনা য়াম্না মরু ওই। ঙসিগী খন্ন-নৈনবা অসি ঐখোয়গী মরী অসিগী ওইনা য়াম্না মরু ওইগনি হায়না খঞ্জৈ।

অমুক্কা হন্না ঐহাক্না থাগৎচরি।

***