হকশেল অমসুং য়াইফ-য়ুম্বাল মন্ত্রালয়
কেন্দ্রগী হকশেল মন্ত্রালয়না “হর ঘর দস্তক” কেম্পেন্দগী মখাদা লৈরিবা স্তেতস অমসুং প্রোগ্রেস অদু রাজ্যশিং/য়ু.তি.শিংগা লোইননা য়েংশিনখ্রে
কেম্পেন্দ মনুংদা(নবেম্বর ৩০ ফাওবা) অনিশুবা দোজকী কোবিদ ভেক্সিন কাপ্পদা ১১.৭% হায়গৎলকখ্রে
সরকার অমসুং প্রাইভেৎ ফেসিলিতী অনিমক্তা ভেক্সিন অমতা শিজিন্নবগী মতম লোইহল্লোইদবনি; ফংলিবা ভেক্সিনশিং অসি মতম চানা শিজিন্নগদবনি
ভেক্সিনশিং অমতা মাংহন্দবদা পান্দম থম্নবা রাজ্যশিংদা পাউতাক পীখ্রে
Posted On:
02 DEC 2021 1:52PM by PIB Imphal
লৈবাক শিনবা থুংনা কোবিদ-১৯ ভেক্সিন কাপ্নবা চৎথরিবা ‘হর ঘর দস্তক’ কেম্পেন্দ অসিনা অহানবা দোজ কভরেজতা ৫.৯%গী চাং হেনগৎলকপা ঙমখ্রে অমদি কেম্পেন্দ অসিগী মনুংদা অনিশুবা দোজকী কোবিদ-১৯ ভেক্সিন কাপ্পদা ১১.৭% হায়গৎলকখ্রে৷ ৱাফম অসি কেন্দ্রগী হকশেল সেক্রেতরী শ্রী রাজেশ ভুশননা ঙসি ভিদিও কনফরেন্সিংগী খুৎথাংদা রাজ্যশিং অমসুং য়ু.তি.শিংগী হকশেল সেক্রেতরীশিং অমসুং এন.ঐচ.এম. এম.দি.শিংগা লোইননা “হর ঘর দস্তক” কেম্পেন্দগী মখাদা লৈরিবা স্তেতস অমসুং প্রোগ্রেস অদু য়েংশিনখিবদা ফোংদোকখিবনি৷
২০২১গী নবেম্বর ৩দা হৌদোকখিবা কোবিদ-১৯ ভেক্সিনেসন কেম্পেন্দ ‘হর ঘর দস্তক’ অসিনা রাজ্যশিং/য়ু.তি. পুম্নমক্তা লৈরিবা য়ুমথোং-য়ুমথোং চংদুনা এৱার্নেস পাংথোকপা, মোবিলাইজেসন তৌবা অমদি ইলিজিবল ওইরবা বেনিফিসরী পুম্নমক অহানবা দোজ কাপথোকপা অমদি অনিশুবা দোজ কাপ্তনা লৈরিবা মীওইশিং অসিবুনা অনিশুবা দোজ কাপথোকহনবদা মীৎয়েং থম্লি৷
কেম্পেন্দ অসিদা রাজ্যশিং অমসুং য়ু.তি.শিংগী পর্ফোমেন্স অমসুং এচিবমেন্ত অদুদা কেন্দ্রগী হকশেল সেক্রেতরীনা অপেনবা ফোংদোকখি৷ ভেক্সিনেসন কেম্পেন্দ অসিনা ভেক্সিন কাপ্পগী খোঙজেল য়াংখৎহল্লবসু, হৌজিক ফাওবদা লৈবাক অসিদা বেনিফিসরী কোতি ১২রোম্না অনিশুবা দোজ কাপ্তনা লৈরি হায়না ফোংদোকখি৷
কোবিদ-১৯ ভেক্সিনগী অহানবা অমসুং অনিশুবা দোজ কাপ্পদা ‘হর ঘর দস্তক’না ফংলিবা প্রোগ্রেস অদু মখাদা লৈরিবা গ্রাফ অসিনা উৎলি৷
![](https://static.pib.gov.in/WriteReadData/userfiles/image/image002C8JD.jpg)
![](https://static.pib.gov.in/WriteReadData/userfiles/image/image003LSLP.jpg)
লৈবাক অসিদা কাপখিবা কোবিদ-১৯ ভেক্সিনগী অপুনবা মশিং অসি ঙসি কোতি ১২৫ লানখ্রে৷ মসিগী মনুংদা, ফংলিবা প্রোভিজনেল রিপোর্তকী মতুং ইন্না বেনিফিসরী কোতি ৭৯.১৩(৮৪%)না অহানবা দোজ কাপখ্রে অমদি কোতি ৪৫.৮২(৪৯%)না অনিশুবা দোজ কাপখ্রে৷
মখাগীশিং অসি পাংথোক্নবা রাজ্যশিংদা হায়খি:
১. ইলিজিবল ওইরবা বেনিফিসরী পুম্নমক অহানবা দোজ কাপথোকহনবা৷
২. ভেক্সিন কাপ্পগী খোঙজেল অসি শরুক অনি হেনগৎতুনা অনিশুবা দোজ কাপ্তনা লৈরিবা বেনিফিসরী পুম্নমক মনুং চলহন্নবা ২০২১গী ওগস্ত অমসুং সেপ্তেম্বর থাদা পীখিবা দোজশিং অদু য়েংলগা তার্গেৎতেদ প্লানশিং শেমগদবনি৷
৩. রাজ্য অদুদা ফংলিবা ভেক্সিন অদু মতম চানা শিজিন্নগদবনি অমসুং সরকার অমদি প্রাইভেৎ ফেসিলিতী অনিমক্তা দোজ অমতা এক্সপাইয়র ওইহনবা য়ারোই৷
৪. জাইকোব-দি ভেক্সিন কাপ্পদৌরিবা রাজ্য তরেৎ (বিহার, ঝর্খন্দ, মহারাস্ত্র, পঞ্জাব, তামিল নাদু, উত্তর প্রদেশ অমসুং ৱেস্ত বেঙ্গল)না অহানবা দোজ চাং ৱাংনা কাপ্তনা লৈরিবা জিলাশিং অদু ভেক্সিন কাপথোক্নবা খন্দোকপা য়াই৷
৫. জাইকোবকী নেস্নেল ত্রেনিং মপুং-ফানা লোইশিনখ্রে৷ ফার্মজীত ইঞ্জেক্তরদা বেজ তৌদুনা খনগৎলবা রাজ্যশিংনা সেসনশিং প্লান তৌগদবনি অমদি ভেক্সিন কাপ্পদা শিজিন্ননবগীদমক ত্রেন তৌরবা ভেক্সিনেতরশিং খন্দোক্কদবনি৷
অথাপ্পা অমসুং মনুং-হঞ্জিনবা মফমশিংদা ভেক্সিনগী কভরেজ অসি য়ৌহন্নবা হোৎনবদা থেংনরিবা এক্সপরিয়েন্স অদু রাজ্যশিংনা সেয়র তৌরকখি৷ ভেক্সিন দোজশিং মরু ওইনা অনিশুবা দোজশিং অসি কাপ্তনা লৈহৌরিবশিং অসি কাপথোক্নবা কম্ম্যুনিতীশিংগী মরক্তা এৱার্নেস হেন্না পীনবা হোৎনবদা লোকেল ইনফ্লুয়েন্সরশিং অমসুং কম্ম্যুনিতী লিদরশিংবু শিজিন্ননবা কেন্দ্রগী হকশেল সেক্রেতরীনা রাজ্যশিংদা তকশিনখি৷
******
(Release ID: 1777318)
Visitor Counter : 257