তোঙান তোঙানবা লৈবাকশিংদগী কোবিদ১৯গী ওমিক্রোন ভেরিয়েন্তগী রিপোর্তশিং লাক্লিবা অসিদা কোবিদ-১৯ পব্লিক হেল্থ রেস্পোন্স মিজরশিং অমসুং প্রিপেয়র্দনেস য়েংশিন্নবা ঙসি মফম অসিদা নিতি আয়োগকী মেম্বর(হেল্থ) দা. ভি.কে. পোল শরুক য়াদুনা কেন্দ্রগী হকশেল সেক্রেতরী শ্রী রাজেশ ভুসননা অৱাংবা থাক্কী মীফম অমা থৌবুরেল ওইদুনা ফমখ্রে৷

মীফম অসিদা এম.ও.সি.এ. সেক্রেতরী শ্রী রজিব বনসাল, আই.সি.এম.আর.গী দি.জি. অমসুং সেক্রেতরী(হেল্থ রিসর্স) দা. বলরাম ভর্গবা, এন.সি.দি.সি.গী দাইরেক্তর দা. সুজীত কে. সিংহ, স্তেত হেল্থ সেক্রেতরীশিং, এম.দি.শিং(এন.ঐচ.এম.), এক্সতর্নেল এফিয়র্স মন্ত্রালয়, ব্যুরো ওফ ইনবেস্তিগেসন(বি.ও.আই.), স্তেত এয়রপোর্ত পব্লিক হেল্থ ওফিসিয়েলশিং(এ.পি.ঐচ.ও.শিং)গী মীহুৎশিং অমসুং রাজ্যশিং/য়ু.তি.শিংগী অতোপ্পা ওফিসিয়েলশিংনা শরুক য়াখি৷

কোবিদ১৯গী অনৌবা ভেরিয়েন্ত অসি য়েংলগা কেন্দ্রগী হকশেল মন্ত্রালয়গী শেমদোক্লবা গাইদলাইনশিং অমসুং এদভাইজরীশিং অসি রাজ্যশিংদা সেয়র তৌখ্রে হায়না হঞ্জিন-হঞ্জিন পল্লদুনা, রাজ্যশিংনা মখোয়গী গার্দশিং হন্থহন্দনবা অমদি এয়রপোর্তশিং, হিথাংফমশিং অমসুং লেন্দ বোর্দর ক্রোসিংশিংগী খুৎথাংদা লৈবাক অসিদা চংলক্লিবা ইন্তরনেস্নেল পেসেঞ্জরশিংদা চেকশিন্না মীকুপ-নাহুম শিংনা য়েংশিন্নবা কেন্দ্রগী হকশেল সেক্রেতরীনা রাজ্যশিংদা পাউতাক পীখ্রে৷

রাজ্যশিংদা অখন্ননা পাউতাক পীখিবশিং-

• ইন্তরনেস্নেল পেসেঞ্জরশিংগী ইফেক্তিব সর্ভিলেন্স তৌবা: “রিক্স  ৱাংবা” লৈবাকশিংদগী লাক্লিবা ইন্তরনেস্নেল ত্রাবেল্লরশিংগী সেম্পলশিং অহানবা নুমিৎতা তেস্ত তৌবা অমদি ৮শুবা নুমিৎতা অমুক হন্না তেস্ত তৌবা দরকার ওই৷ “রিক্স  ৱাংবা” লৈবাকশিংদগী লাক্লিবা ইন্তরনেস্নেল ত্রাবেল্লরশিংনা আর.তি.-পি.সি.আর. তেস্তকী রিপোর্ত অদু লাক্ত্রিবা ফাওবা এয়রপোর্তশিংদা ঙাইদুনা লৈনবা অমদি মদুগী মাংওইননা কন্নেক্তিং ফ্লাইতশিং বুক তৌদনবা ইন্তরনেস্নেল পেসেঞ্জরশিংদা খঙহনখ্রে৷
• জিনোম সিক্বেন্সিংগীদমক পোজিতিব সেম্পল পুম্নমক ইন্সাকোগ লেবশিং(রাজ্যশিংদা মেপ তৌখ্রবা)দা শুংশোই শোইদনা থাগদবনি৷ পোজিতিব ওইরবা মীওইশিংগী কন্তেক্ত ত্রেসিং তৌনবা অমদি নুমিৎ ১৪ ফাওবগী ওইনা পাংথোক্নবা রাজ্যশিংনা হোৎনগদবনি৷
• তেস্তিং হেনগৎহনবা: তেস্তিং ইনফ্রাস্ত্রকচর ফগৎহনবা অমদি তেস্তিং গাইদলাইনশিং চেকশিন্না চৎনহনগদবনি৷ আর.তি.-পি.সি.আর. রেসিও ঙাক্না থমদুনা জিলা খুদিংমক্তা তেস্তিং মরাং কাইনা তৌগদবনি৷
• হোতস্পোতশিং ইফেক্তিব ওইনা য়েংশিনবা: ইকুই কুইদ্রিঙাদা পোজিতিব কেসশিং পাক-শন্না লৈখিবা এরিয়াশিং লেপ্পা-লৈতনা য়েংশিনবা হৌখ্রে৷ জিনোম সিক্বেন্সিংগীদমক পোজিতিব সেম্পল পুম্নমক  থিন্থবা তৌদনা দিজাইনেতেদ ইন্সাকোগ লেবতা থারি৷
• “রিক্স  ৱাংবা” লৈবাকশিংদগী লাক্লিবা পেসেঞ্জরশিংগী য়ুমশিংদা হকথেংননা চৎতুনা হোম আইসোলেসনগী কেসশিং ইফেক্তিব ওইনা অমসুং চাং নাইনা য়েংশিনবা৷ ৮নি শুবা নুমিৎতা তেস্ত তৌবা মতমদা নেগেতিব ওইরে হায়না চোংথোরক্লিবা মীওই অদুগী স্তেতস অদু স্তেত এদমিনিস্ত্রেসননা ফিজিকেল্লী ওইনা য়েংশিনগদবনি৷
• হেল্থ ইনফ্রাস্ত্রকচর ফগৎহনবা: হেল্থ ইনফ্রাস্ত্রকচর (আই.সি.য়ু., ওক্সিজেন ফমুং, ভেন্তিলেতরশিং ফংহনবা)প্রিপেয়র্দনেস থম্বা৷ খুঙ্গংগী মফমশিংদা মীৎয়েং থমদুনা অমসুং পেদিয়েত্রিক কেসশিংগীদমক ই.সি.আর.পি-II চৎনহনবা৷ লোজিস্তিকশিং, দ্রগশিং অমসুং ওক্সিজেন সিলিন্দরশিং মরাং-কাইনা সপ্লাই তৌবগা লোইননা সেঙ্কসন তৌখিবা পি.এস.এ. প্লান্তশিং ঙন্না ইমপ্লিমেন্ত তৌহনবা অসিনি৷
• ইন্তরনেস্নেল ত্রাবেল্লর পুম্নমক্কী অকুপ্পা মরোলশিং য়াওনা পোজিতিব ত্রাবেল্লরশিংগী লিস্তকীদমক এ.পি.ঐচ.ও.শিংগা কো-ওর্দিনেত তৌবা অমদি ইফেক্তিব সর্ভিলেন্সকীদমক মখোয়দা সপোর্ত হেন্না পীবা৷
• রাজ্যগী সাসন, বি.ও.আই. ওফিসিয়েলশিং অমসুং এ.পি.ঐচ.ও.শিং, পোর্ত হেল্থ ওফিসরশিং(পি.ঐচ.ও.শিং) অমসুং লেন্দ বোর্দর ক্রোসিং ওফিসরশিং(এল.বি.সি.ও.শিং)গী মরক্তা ইফেক্তিব ওইবা অমসুং মতম চানা কোওর্দিনেসন তৌনবা হায়খ্রে৷
• ঙসি অহিংদগী হৌদুনা ইন্তরনেস্নেল ত্রাবেল্লরশিংগী অনৌবা গাইদলাইনশিং অসি নিংথিনা চৎননবা বি.ও.আই., এ.পি.ঐচ.ও., পি.ঐচ.ও. অমসুং অতোপ্পা মরী লৈনবা ওফিসিয়েলশিংগা লোইননা ঙসি ফমখিবা মীফমদা রাজ্যশিংদা খঙহনখ্রে৷
• লৈবাক অসিদা লৈরিবা ভি.ও.সি.শিং অমা হেক্তদগী মরু ওইনা ইকুই কুইদ্রিঙৈদা পোজিতিব কেস য়াম্না লৈখিবা মফমশিংদা লাইচৎ শন্দোকপা অসি ত্রেক তৌনবা অমসুং লাকশিন্নবা স্তেত সর্ভিলেন্স ওফিসরনা নুংতিগী য়েংশিল্লি৷
• চয়োলগী ওইনা শন্দোকপা মেদিয়া ব্রিফিংশিংগী খুৎথাংদা ওইরক্লিবা ফিভম অসিগী ইবিদেন্স অমসুং সাইন্স বেজ ইনফোর্মেসন অদু চাং-নাইনা শন্দোক্তুনা মীয়ামদা য়ৌহনগদবনি৷

নৌনা থোক্লক্লিবা অনৌবা কোবিদ১৯ ভেরিয়েন্ত অসি “লাইনা-লাইচৎ অমগী মনুংদা লৈবা লাইনা-লাইচৎ” অমনি হায়না পল্লদুনা, লৈবাক অসিনা কোবিদ১৯ থেংনবগী জ্ঞান অমসুং লৌশিং লৈবা হেনগৎলক্লি হায়না দা. ভি.কে. পোলনা ফোংদোকখি৷ কোবিদকা চুনবা শাজৎশিং ঙাক্না চৎপা, মীয়াম পুনবদা য়াওদবা অমসুং ভেক্সিন কাপ্পগী চাং হেনগৎহনবগী মরু ওইবা মখাতানা লৈরি হায়না মহাক্না অমুক্কা হন্না পনখি৷ ভেক্সিন কাপথোকপা অসিনা কোবিদ১৯ থেংনবগী শক্তি লৈবা দিফেন্স অমনি হায়না পল্লদুনা, ভেক্সিনগী অহানবা দোজ ১০০% কাপথোক্নবা অমদি অনিশুবা দোজ কাপ্তনা লৈরিবা অদু মপুং ফানা লোইশিনবদা মীৎয়েং থমদুনা "হর ঘর দস্তক" ভেক্সিনেসন কেম্পেন্দ দিসেম্বর ৩১ ফাওবা শাংদোকখ্রে৷ কোবিদ১৯ ভেক্সিন কাপ্পগী খোঙজেল য়াংখৎহন্নবা অমদি কভরেজ হেনগৎহন্নবা রাজ্যশিংদা পাউতাক পীখ্রে৷

ওমিক্রোন ভেরিয়েন্ত অসি আর.তি.পি.সি.আর. অমসুং আর.এ.তি.দা তাদবা তৌদে হায়না আই.সি.এম.আর.গী দি.জি.না ফোংদোকখি৷ মরম অদুনা, কেস অমা হেক্তবু থিন্থবা তৌদনা ঙন্না খঙদোক্নবগীদমক তেস্ত হেন্না-হেন্না তৌনবা রাজ্যশিংদা খঙহনখি৷ রাজ্যশিংনা তেস্ত পাক-শন্না তৌরিবা অসিগী শরুক অমা ওইনা “রিক্স লৈবা” লৈবাকশিংদগী লাক্লিবা পেসেঞ্জরশিং তেস্ত তৌবদা তার্গেৎ থম্নবা অমদি প্রাইয়োরিতী পীনবা রাজ্যশিংদা খঙহনখ্রে৷ ভেক্সিন মখাতানা কাপ্নবা, কোবিদকা চুনবা লমচৎ মখাতানা ঙাক্না চৎপা দরকার ওই অমদি মীয়াম তিনবা মফমশিংদগী লাপ্না লৈনবা হোৎনগদবনি হায়না ফোংদোকখ্রে৷

******