প্রধানমন্ত্রীগী লোইশঙ
azadi ka amrit mahotsav

প্রধান মন্ত্রী মোদীনা উত্তর প্রদেশকী নোইদা ইন্তরনেস্নেল এয়রপোর্তকী উরেপ-উয়ুং তমখ্রে

“এয়রপোর্ত অসিনা লমদম পুম্বা অদু নেস্নেল গতিশক্তি মাস্তরপ্লানগী শক্তি লৈরবা সিম্বোল অমা ওইহল্লগনি”

“এয়রপোর্ত অসিনা নোংচুপ থংবা য়ু.পি.গী মীওই লিশিং কয়াদা অনৌবা থবকসু ফংহল্লগনি”

“দবল ইঞ্জিন সরকারনা হোৎনরিবশিং অসিগা লোইননা, ঙসিদি উত্তর প্রদেশনা লৈবাক অসিগী খ্বাইদগী য়াম্না শম্নবা লমদমদা ওন্থোরক্লি”

“খুর্জা আর্তিসনশিং, মীরুত স্পোর্তস ইন্দস্ত্রী, সহারনপুর ফর্নিচর, মোরাদবাদকী ব্রাস ইন্দস্ত্রী, অগ্রা ফুতৱেয়র অমসুং পেথা ইন্দস্ত্রীনা লাক্কদৌরিবা ইনফ্রাস্ত্রকচর অসিদগী চাওনা সপোর্ত ফংলগনি“

“মমাংগী সরকারশিংনা অরানবা মংলানশিং উৎপিরম্বা উত্তর প্রদেশনা নেস্নেল্লী খক্তা নত্তনা ইন্তরনেস্নেল্লী ওইনসু মহাক্কী মার্ক শেম্লক্লি”

“ঐখোয়গী ওইনদি ইনফ্রাস্ত্রকচর অসি ‘রাজনিতী’ (পোলিতিক্স)কী শরুক নত্তে, মসি রাস্ত্র নিতি(নেস্নেল পোলিসী)গী শরুক্নি”

Posted On: 25 NOV 2021 3:45PM by PIB Imphal

ঙসি, প্রধান মন্ত্রী শ্রী নরেন্দ্র মোদীনা উত্তর প্রদেশকী নোইদা ইন্তরনেস্নেল এয়রপোর্তকী উরেপ-উয়ুং তমখ্রে৷ উত্তর প্রদেশকী মুখ্য মন্ত্রী, শ্রী য়োগি অদিত্যনাথ, কেন্দ্রগী মন্ত্রীশিং শ্রী জ্যোতির্অদিত্য সিন্দিয়া, জেনেরেল ভি.কে. সিংহ, শ্রী সঞ্জিব বালিয়ন, শ্রী এস.পি. সিংহ বাগেল অমসুং শ্রী বি.এল. ভর্মনা থৌরম অদুদা শরুক য়াখিবা মীওইশিংগী মনুংদা খরনি৷

থৌরম অদুদা ৱা ঙাংলদুনা, ২১শুবা অনৌবা ভারতনা ঙসিদি খ্বাইদগী ফরবা মোদর্ন ইনফ্রাস্ত্রকচরগী মনুংদা অমা শেমগৎলি হায়না প্রধান মন্ত্রীনা ফোংদোকখি৷হেন্না ফবা লম্বীশিং থম্বা, হেন্না ফবা রেল নেতৱার্ক লৈহনবা, হেন্না ফবা এয়রপোর্তশিং থম্বা অসি ইনফ্রাস্ত্রকচর প্রোজেক্তশিং খক্তা নত্তে, মখোয়না লমদম পুম্বা অদু ওন্থোক্কদৌরিবনি, মীয়ামগী পুন্সি অদু মপুং ফানা অওনবা পুরক্কদৌরিবনি”, হায়না মহাক্না ফোংদোকখি৷

নোইদা ইন্তরনেস্নেল এয়রপোর্ত অসিনা অৱাং থংবা ভারতকী লোজিস্তিক গেতৱে অদু ওইরগনি হায়না প্রধান মন্ত্রীনা ফোংদোকখি৷ এয়রপোর্ত অসিনা লমদম পুম্বা অদু নেস্নেল গতিশক্তি মাস্তরপ্লানগী শক্তি লৈরবা সিম্বোল অমা ওইরগনি হায়না প্রধান মন্ত্রীনা মখাতাখি৷

ইনফ্রাস্ত্রকচর দিবেলপমেন্তগী ইকোনোমিক ফোলআউত অদুদা ৱা ঙাংলদুনা, এয়রপোর্ত শেম-শাবগী মতমদা থবক্কী খুদোংচাবশিং ফংহনখ্রে হায়না প্রধান মন্ত্রীনা ফোংদোকখি৷ এয়রপোর্ত অসি নিংথিনা চলাইবা মতমদা মসিদা মীওই লিশিং কয়াসু দরকার ওইরিবনি৷ মরম অদুনাএয়রপোর্ত অসিনা নোংচুপ থংবা য়ু.পি.গী মীওই লিশিং কয়াদা অনৌবা থবকসু ফংহল্লগনি

মনিং-মখা তম্লবা চহি খুজিং তরাগী মতুংদা, ইহান হানবা ওইনা উত্তর প্রদেশনা মতম চুপ্পদা ফংবা য়াবশিং অদু ফংবা হৌরকখ্রে হায়না প্রধান মন্ত্রীনা ফোংদোকখি৷ দবল ইঞ্জিন সরকারনা হোৎনরিবশিং অসিগা লোইননা, ঙসিদি উত্তর প্রদেশনা লৈবাক অসিগী খ্বাইদগী য়াম্না শম্নবা লমদম অদুদা ওন্থোরক্লি৷ নোইদা ইন্তরনেস্নেল এয়রপোর্তনা ভারতকী চাওখৎলক্লিবা এভিয়েসন সেক্তর অসিদা অচৌবা থৌদাং অমা লৌরগনি অমসুং মফম অসিনা এয়রক্রাফতশিং য়েংশিনবা, শেম্বা অমসুং ওপরেসনশিং তৌবগী মরু ওইবা সেন্তর অমা ওইরগনি হায়না প্রধান মন্ত্রীনা ফোংদোকখি৷ মেন্তিনেন্স, রিপেয়র অমসুং ওভরহোল এম.আর.ও. ফেসিলিতী লম একর ৪০দা শারক্লগনি, মসিনা নহা ওইরিবা মীওই চা কয়াদা থবক ফংহল্লগনি৷ ঙসিদি, হায়রিবা সর্ভিসশিং অসি মপান লমদা ফংনবগীদমক ভারতনা লুপা কোতি লিশিং কয়াগী শেনফম থাদরি৷

লাক্কদৌরিবা ইন্তিগ্রেতেদ মল্তি-মোদেল কার্গো হব অসিদা ৱা ঙাংলদুনা, উত্তর প্রদেশকুম্বা লেন্দ-লোক স্তেত অমদা এয়রপোর্ত অসি অদুক্কী মতিক কান্নগনি হায়না মহাক্না ফোংদোকখি৷ মসিগী হব অসিনা অলিগর, মাথুরা, মীরুত, অগ্রা, বিজনোর, মোরাদবাদ অমসুং বেরৈলীগুম্বা ইন্দস্ত্রিয়েল সেন্তরশিংদা কান্নবা পীরগনি৷ খুর্জা আর্তিসনশিং, মীরুত স্পোর্তস ইন্দস্ত্রী, সহারনপুর ফর্নিচর, মোরাদবাদকী ব্রাস ইন্দস্ত্রী, অগ্রা ফুতৱেয়র অমসুং পেথা ইন্দস্ত্রীনা লাক্কদৌরিবা ইনফ্রাস্ত্রকচর অসিদগী চাওনা সপোর্ত ফংলগনি হায়না মহাক্না ফোংদোকখি৷

মমাংগী সরকারশিংনা উত্তর প্রদেশপু শোৎথহন্দুনা অমসুং অমম্বদা থম্লম্মী, মমাংগী সরকারশিংনা অরানবা মংলানশিং উৎপিরম্বা উত্তর প্রদেশনা নেস্নেল্লী খক্তা নত্তনা ইন্তরনেস্নেল্লী ওইনসু মহাক্কী মার্ক শেম্লক্লি হায়না প্রধান মন্ত্রীনা ফোংদোকখি৷ য়ু.পি. অমসুং সেন্তরদা লৈরম্লিবা মমাংগী সরকারশিংনা নোংচুপ থংবা উত্তর প্রদেশকী চাওখৎ-থৌরাংবু মীরাইরম্বগে হায়বদু প্রধান মন্ত্রীনা জিৱর এয়রপোর্তপু খুদম ওইনা পনখি৷ চহি খুজিং অনিগী মমাংদা, য়ু.পি.গী বি.জে.পি. সরকারনা প্রোজেক্ত অসি কন্সেপ্তচুয়েলাইজ তৌখ্রে হায়না মহাক্না ফোংদোকখি৷ অদুবু মতুং তারকপদা, এয়রপোর্ত অসি দিল্লীদা অমসুং লখনৌদা লৈরম্লিবা মমাংগী সরকারশিংনা চহি কয়া অমা নমশিন্দুনা থমজিনবিখি হায়না মহাক্না ফোংদোকখি৷ য়ু.পি.দা মমাংগী মতমদা পালম্লিবা সরকার অদুনা মতম অদুগী কেন্দ্র সরকারদা চিথী অমা ইখ্রে অমদি এয়রপোর্তকী প্রোজেক্ত অসি পাংথোক্কদবনি হায়না ফোংদোকখিবা লৈখ্রে৷ হৌজিক্তি দবল ইঞ্জিন সরকার অসিনা হোৎনজদুনা, ঙসিদি এয়রপোর্ত অসিমক্কী ভুমি পুজন ঐখোয়না উবা ফংলি৷

ঐখোয়গী ওইনদি ইনফ্রাস্ত্রকচর অসি ‘রাজনিতী’ (পোলিতিক্স)কী শরুক নত্তে, মসি রাস্ত্র নিতি(নেস্নেল পোলিসী)গী শরুক্নি৷ প্রোজেক্ত অসি পন্দুনা লৈতনবা ঐখোয়না হোৎনরি৷ ইনফ্রাস্ত্রকচরগী থবক অসি মতম চানা লোইশিন্নবা ঐখোয়না হোৎনরি

ঐখোয়গী লৈবাক অসিদা লৈরিবা পোলিতিকেল পার্তী খরনা মতম পুম্বদা মখোয়গী সেল্ফ-ইন্তরেস্তনা হেন্না মরু ওইনা খল্লি হা য়না প্রধান মন্ত্রীনা ফোংদোকখি৷ হায়রিবা মীওইশিং অসিগী ৱাখল অসি মশা খক্তগীনি, মশাগী ওইবা অমসুং মখোয়গী ইমুং-মানুং চাওখৎপা খক্তা খল্লি৷ অদুগা ঐখোয়না লৈবাক্কী হান্না হায়বা ৱাখল্লোন অসিদা ইন্দুনা চৎলি৷ সবকা সাথ-সবকা বিকাস, সবকা বিস্বাস-সবকা ইফর্তস অসিনা ঐখোয়গী মন্ত্র ওইরি”, হায়না প্রধান মন্ত্রীনা ফোংদোকখি৷

হন্দক্তা সরকার অসিনা পাইখৎখিবা ইনিসিয়েতিবশিং অদু প্রধান মন্ত্রীনা পনখি৷ ভেক্সিন দোজ কোতি ১০০গী মাইলস্তোন, ২০৭০ ফাওবগী মনুংদা নেত জিরো গোল ফংনবা হোৎনবা, কুশিনগর এয়রপোর্ত, উত্তর প্রদেশতা মেদিকেল কোলেজ ৯, মাহোবাদা অনৌবা দাম অমসুং ইরিগেসন প্রোজেক্তশিং, ঝান্সিদা দিফেন্স কোরিদোর অমসুং মরী লৈনবা প্রোজেক্তশিং শাবা, পুর্বানচল এক্সপ্রেসৱে, জনজাতিয়া গৌরব দিৱস পাংথোকপা, ভোপালগী মোদর্ন রেলৱে স্তেসন, পনধার্পুর মহারাস্ত্রগী নেস্নেল হাইৱে অমসুং ঙসিনা নোইদা ইন্তরনেস্নেল এয়রপোর্তকী মরমদা মহাক্না ৱা ঙাংখি৷ পোলিতিকেল পার্তী খরগী মশা খক্তগী খনবা পোলিসীশিং অদুনা ঐখোয়না ইরৈবাক নিংজবা অমসুং নেস্নেল সর্ভিস অসিগী মমাংদা লেপ্পা ঙম্লোই”, হায়না প্রধান মন্ত্রীনা ৱারোইশিন পীখি৷

******



(Release ID: 1775130) Visitor Counter : 89