প্রধানমন্ত্রীগী লোইশঙ

পি.এম. ফার্মাস্যুতিকেল সেক্তরগী অহানবা ইন্নোভেসন সম্মিত হৌদোকখ্রে


“ভারতকী হেলথকেয়র সেক্তরনা মালেমগী থাজবা থম্বা অসিনা ভারত অসি লাক্কদৌরিবা মতম অসিদা “ফার্মাসী ওফ দ ৱার্লদ” হায়না কৌনবগী মচাক ওইরি”

“ঐখোয়না মীওইবা খুনাই পুম্বা নুঙাই-য়াইফবা অমা থম্বা অসিদা থাজবা থম্লি।

“ভারত অসি সাইন্তিস্তশিং অমসুং তেক্নোলোজিস্তশিংগী ইন্দস্ত্রীদা অৱাংবা থাক অমদা পুখৎনবগী চাউরবা মফম অমনি। হায়রিবা অসি “দিস্কোবর এন্দ মেক ইন ইন্দিয়া” পুরকপদা মথৌ তাই”

“ঐখোয়না ভেক্সিন অমসুং হিদাক-লাকথক্কীদমক মরুওইবা মচাকশিং ইরমদমদা পুথোক্নবা খনগদবনি। হায়রিবা অসি ভারতনা মায় পাক্না পুথোক্কদবনি”

“ঐহাক্না অদোম পুম্নমকপু ভারত্তা ৱাখল তৌবা, ভারত্তা অনৌবা পুথোকপা, ভারত্ত শাবা অমসুং মালেমগীদমক শানবা কৌজরি। অদোমগী অশেংবা থৌনা পুথোক্তুনা মালেম অসিদা সেবা তৌবিয়ু”

Posted On: 18 NOV 2021 4:45PM by PIB Imphal

প্রধান মন্ত্রী, শ্রী নরেন্দ্র মোদীনা ফার্মাস্যুতিকেল সেক্তরগী অহানবা ইন্নোভেসন সম্মিত হৌদোকখ্রে। কেন্দ্রগী মন্ত্রী দাঃ মনসুখ মন্দাবিয়াসু থৌরম অসিদা শরুক য়াখি।

মীতিন অসিদা ৱা ঙাংলদুনা, প্রধান মন্ত্রীনা হায়খি মদুদি লায়চৎ অসিনা ফার্মাস্যুতিকেল সেক্তর অসিদা হেন্না কুপ্না য়েংশিনখ্রে। পুন্সি মহিং ওইগেরা, হিদাক-লাংথক ওইগেরা, মেদিকেল তেক্নোলোজী ওইগেরা, নত্ত্রগা ভেক্সিন ওইগেরা হৌখিবা চহি অনি অসিদা হেলকেয়রগী লম অসিদা মালেমগী ওইবা পুক্নিং চিংশিল্লি।

প্রধান মন্ত্রীনা হায়খি “ঐখোয়গী নুঙাই য়াইফবা হায়বা অসি মফম খরা খক্তদা ওইবা য়াদে। মসি মীওইবা খুনাই পুম্বা অসিদা ওইগদবনি’। অমসুং ঐখোয়না মসি কোবিদ-১৯ লায়চৎ মনুংদা উৎলি”। লায়চৎ মনুংদা, “ঐখোয়না লায়চৎ অসি হৌরকপগী অহানবা তাঙ্কক্তা লৈবাক ১৫০গী মথক্তা পুন্সি কন্নবা হিদাক লাংথক অমসুং মেদিকেলগী মচাকশিং পীরি। ঐখোয়না চহি অসিদা লৈবাক ১০০গী মথক্তা কোবিদ ভেক্সিন দোজ মিল্লিয়ন ৬৫গী মথক্তসু থাদোকখি,” হায়না প্রধান মন্ত্রীনা পাউদমখি।

প্রদান মন্ত্রীনা দ্রগ থীদোকপা অমসুং মেদিকেল দিভাইস অনৌবা পুথোকপদা মকোক চিংনবা অনৌবা ইকোসিস্তেম অমা শেম্নবা মিয়েং থমখি। মহাক্না হায়খি পোলিসীশিং অসি স্তেকহোল্দরশিংগা পুন্না ৱারী শান্ননবা মফম অমা থম্লি। প্রধান মন্ত্রীনা পাউদমখি মদুদি ভারত অসি সাইন্তিস্ত অমসুং তেক্নোলোজীস্ততা ইন্দস্ত্রীবু য়াম্না ৱাংবা থাক্তা পুৎখৎনবগী ওইথোকপা য়াবা লৈ। “হায়রিবা অসি “দিস্কোবর এন্দ মেক ইন ইন্দিয়া” পুরকপদা মথৌ তাই”

প্রধান মন্ত্রীনা ইরমদমগী ওইবা চাউখৎ থৌরাংদা মরুওইবা পীনবা হায়রি। “ঙসিদি, ভারতকী মীওই বিল্লিয়ন ১.৩না মখোয় মশানা আত্মানিরেভর ভারত ওইহন্নবা কন্না হোৎনরিঙৈ মতম অসিদা, ঐখোয়না ভেক্সিন অমসুং হিদাক লাংথক্কী মরুওইবা মচাকশিং পুথোক্নবা খনগদবনি। মসিনি ভারতনা অহানবা ওইনা মায় পাক্নবা তান্নগদবা অসি,” হায়না প্রধান মন্ত্রীনা কন্না হায়খি।

প্রধান মন্ত্রীনা স্তেকহোল্দরশিংবু ভারত্তা ৱাখল তৌবা, ভারত্তা অনৌবা পুথোকপা, ভারত্ত শাবা অমসুং মালেমগীদমক শানবা কৌজরি। অদোমগী অশেংবা থৌনা পুথোক্তুনা মালেম অসিদা সেবা তৌনবা বার্তোন তৌখি।

***



(Release ID: 1773288) Visitor Counter : 155


Read this release in: English , Urdu , Marathi , Hindi , Bengali , Assamese , Punjabi , Gujarati , Odia , Tamil , Telugu , Kannada , Malayalam