প্রধানমন্ত্রীগী লোইশঙ

পি.এম.না ৮২শুবা ওল ইন্দিয়া প্রিসাইদিং ওফিসর্স কনফরেন্সকী হৌদোকপগী সেসন্দা ৱা ঙাংখ্রে

“ভারতকী ওইনা দেমোক্রেসী অসি শুপ্নগী সিস্তেম অমা খক্তা ওইদে। দেমোক্রেসী অসি ঐখোয়গী মওং-মতৌদা য়াওরি অমসুং ভারতকী পুন্সি মহিংগী শরুক অমা ওইরি”

“ভারতকী ফেদরেল সিস্তেম অসিদা রাজ্য পুম্নমক্কী থৌদাং অদুনা ‘সবকা প্রয়াস’কী অচৌবা য়ুম্ফম ওইরি”

“কোরোনা লাইচৎকী মায়োক্তা লান্থেংনরিবা অসি ‘সবকা প্রয়াস’কী অচৌবা খুদম অমনি”

“খুন্নাই অসিগী করিগুম্বা অখন্নবা অমা তৌরিবা মীয়ামগী মীহুৎশিং অসিগীদমক, চৎনরিবা খুন্নাইগী পুন্সি মহিং অসিদা মখোয়গী ওইবা অৱা-নুংঙাইগী মতাংদা লৈবাক অসিদা পাউদম্নবা হাউসতা চহি অমদা নুমিৎ ৩-৪নি থম্বা য়াগদ্রা”

হাউস্তা অফবা মতম, অফবা নুমিৎ ওইহন্নবগীদমক ক্বালিতী দিবেতশিং পাঙথোক্নবা প্রপোজ তৌখ্রে

পার্লিয়ামেন্তরী সিস্তেম অসিদা মথৌ তাবা তেক্নোলোজীগী ওইবা ইনোৎ হাপ্নবা অমসুং লৈবাক অসিগী দেমোক্রেতিক য়ুনিত পুম্নমক শম্নহন্নবা ‘ৱন নেসন ৱন লেজিস্তেতিব প্লেতফোর্ম’ প্রপোজ তৌখ্রে

Posted On: 17 NOV 2021 11:37AM by PIB Imphal

প্রধান মন্ত্রী শ্রী নরেন্দ্র মোদীনা ঙসি ভিদিও কনফরেন্সিংগী থোংদা ঙসি ৮২শুবা ওল ইন্দিয়া প্রিসাইদিং ওফিসর্স কনফরেন্সকী হৌদোকপগী সেসন্দা ৱা ঙাংখ্রে। থৌরম অদুদা লোক সভাগী স্পীকর, হিমাচল প্রদেশকী মুখ্য মন্ত্রী অমসুং রাজ্য সভাগী দিপুতী চিয়রমেন্তসু শরুক য়াখি।

মীতিন অদুদা ৱা ঙাংলদুনা প্রধান মন্ত্রীনা হায়খি ভারতকী ওইনা দেমোক্রেসী অসি শুপ্নগী সিস্তেম অমা খক্তা ওইদে। দেমোক্রেসী অসি ঐখোয়গী মওং-মতৌদা য়াওরি অমসুং ভারতকী পুন্সি মহিংগী শরুক অমা ওইরি। মহাক্না মখা তারদুনা হায়খি মদুদি ঐখোয়না লৈবাক অসিবু অনৌবা পনখৈ তম্না পুৎপা তাই, লাক্কদৌরিবা মতমশিং অসিদা থোইদোক-হেন্দোকপা পান্দমশিং ফংনবা হোৎনবা তাই। মসিগী ফিরেপ অসি ‘সবকা প্রয়াস’ খক্তনা থুংহনবা ঙমগনি। অমসুং দেমোক্রেসীদা ঐখোয়না ভারতকী ফেদরেল সিস্তেমদা ‘সবকা প্রয়াস’কী মতাংদা ৱারী শানবা মতমদা মসিদা রাজ্য পুম্নমক্না লৌরিবা থৌদাং অসি য়াম্না চাউই”। ‘সবকা প্রয়াস’কী মরু ওইবা অদু মখা তারদুনা প্রধান মন্ত্রীনা হায়খি, অৱাং নোংপোক্কী দিকেদ কয়া শুরবা অরিবা সমস্যাশিং অসিগী পুরকপা ৱারোইশিং ওইরবসু, দিকেদ কয়া চাউখৎ-থৌরাংগী অচৌবা প্রোজেক্তশিং অসি লোইশিন্দনা পন্দুনা লৈরকখিবা অসি লোইশিন্নবা ওইরবসু, হৌখিবা চহি খরা অসিদা লৈবাক অসিনা অসিগুম্বা থবক কয়া অমা তৌখ্রে, মসি সবকা প্রয়াসকা লোয়ননা চত্থখি। হৌজিক্কী ওইনা মসিগী খ্বাইদগী চাউবা খুদম অসি ঐখোয়গী মাংদা লৈরিবা কোরোনা অসিসু অমনি।

প্রধান মন্ত্রীনা হায়খি ঐখোয়গী হাউসশিংগী পথাপশিং অমসুং সিস্তেমশিং অসি ভারতকী ওইবা মওং-মতৌদা লৈহনগদবনি। মহাক্না পোলিসী অমসুং আইনশিং অসিনা ভারতকী ওইবা ৱাখল্লোন, ‘এক ভারত, শ্রেস্থ ভারতকী’ ফিরেপ অসি মপাঙ্গল কনখৎহনগদবন হায়না ফোঙদোকখ্রে। “খ্বাইদগী মরু ওইনা ঐখোয়না হাউসতা উৎলিবা মওং মতৌ অসি ভারতকী চৎনবীগী মতুং ইন্না চৎকদবনি। মসি ঐখোয় পুম্নমক্কী থৌদাংনি” হায়না মহাক্না মখা তাখি।

প্রধান মন্ত্রীনা হায়খি ঐখোয়গী লৈবাক অসি দাইভর্সিতীনা থল্লি। “চহি লিশিং কয়াগী ঐখোয়গী চাউখৎ-থৌরাংগী খোঙচৎ অসিদা ঐখোয়না দাইভর্সিতী লৈরবসু অমত্তা ওইবগী ৱাখল্লোন অমসুং ইচেল অদুদি অতৎ-অখম লৈতে হায়বা খঙলকখি। অমত্তা ওইবগী অতৎ-অখম লৈত্রবা ইচেল অসিনা ঐখোয়গী দাইভর্সিতী অসি য়োকখৎলি, শোকহনদনা থম্লি”, হায়না মহাক্না ফোঙদোকখি।

প্রধান মন্ত্রীনা খুন্নাই অসিগী করিগুম্বা অখন্নবা অমা তৌরিবা মীয়ামগী মীহুৎশিং অসিগীদমক, চৎনরিবা খুন্নাইগী পুন্সি মহিং অসিদা মখোয়গী ওইবা অৱা-নুংঙাইগী মতাংদা লৈবাক অসিদা পাউদম্নবা হাউসতা চহি অমদা নুমিৎ ৩-৪নি থম্বা য়াগদ্রা হায়না প্রপোজ তৌখি। মহাক্না হায়খি অতোপ্পা মীয়ামগী মীহুৎশিংগা লোয়ননা খুন্নাই অসিগী অতোপ্পা মীওইশিংনা মসিদগী তমশিনবা য়াবা কয়া থোরক্কনি।

প্রধান মন্ত্রীনা ঐখোয়না ক্বেলিতী দেবেতকীদমক তোখাইবা মতম অমা থম্নবা খন্নবা য়াগদ্রা হায়না প্রপোজ তৌখি। মহাক্না হায়খি ইকাই খুম্নবগী চৎনবী ঙাকপা, নীংথিনা মপুং ফানা চত্থবা, কনাগুম্বা অমনা রাজনিতীগী ওইবা ৱাফম কনাগুম্বা অমত্তদা ফোঙদোক্তবা অদুগুম্বা দিবেত অমা ওইগদবনি। অমরোমদা মদুনা হাউসকী অফবা পুংফম ওইহনসি,  অফবা নুমিৎ ওইহনসি, হায়না মহাক্না ফোঙদোকখি।

প্রধান মন্ত্রীনা ‘ৱন নেশন ৱন লেজিস্লেসন প্লাতফোর্ম’গী ৱাখল্লোন অমা ফোঙদোকখি। “ঐখোয়গী পার্লিয়ামেন্তরী সিস্তেমদা মথৌ তাবা তেক্নোলোজীগী ওইবা ইনোৎ খক্তা পীবা অদুবু লৈবাক অসিগী দেমোক্রেতিক য়ুনিত পুম্নমক শম্নহন্নবা থবকসু তৌবা অদুগুম্বা পোর্তেল অমা” হায়না প্রধান মন্ত্রীনা ফোঙদোকখি।

প্রধান মন্ত্রীনা মথংগী চহি ২৫ অসি ভারতকী ওইনা য়াম্না মরু ওই হায়না ফোঙদোকখি। মসিদা পার্লিয়ামেন্তরিয়নশিং অমত্তা ঙাইরবা মন্ত্র – থৌদাং, থৌদাং, থৌদাং হায়বা অদু চৎনহন্নবা মহাক্না হায়খ্রে।

***



(Release ID: 1772555) Visitor Counter : 74