പ്രധാനമന്ത്രിയുടെ ഓഫീസ്‌
ഉത്തർ പ്രദേശിലെ പൂർവാഞ്ചൽ എക്സ്പ്രസ് വേ പ്രധാനമന്ത്രി നാളെ ഉദ്ഘാടനം ചെയ്യും
സുൽത്താൻപൂർ ജില്ലയിലെ എക്സ്പ്രസ് വേയിൽ 3.2 കിലോമീറ്റർ നീളമുള്ള എയർ സ്ട്രിപ്പിൽ പ്രധാനമന്ത്രി വ്യോമാഭ്യാസ പരിപാടിക്ക് സാക്ഷ്യം വഹിക്കും
Posted On:
15 NOV 2021 11:07AM by PIB Thiruvananthpuram
പ്രധാനമന്ത്രി ശ്രീ നരേന്ദ്ര മോദി നാളെ (2021 നവംബർ 16-ന് ) ഉത്തർപ്രദേശ് സന്ദർശിക്കുകയും ഉച്ചയ്ക്ക് 1:30-ന് സുൽത്താൻപൂർ ജില്ലയിലെ കർവാൾ ഖേരിയിൽ പൂർവാഞ്ചൽ എക്സ്പ്രസ് വേയുടെ ഉദ്ഘാടനം നിർവ്വഹിക്കുകയും ചെയ്യും.
അടിയന്തര സാഹചര്യങ്ങളിൽ ഇന്ത്യൻ വ്യോമസേനയുടെ യുദ്ധവിമാനങ്ങൾ ലാൻഡിംഗ്/ടേക്ക് ഓഫ് ചെയ്യുന്നതിനായി സുൽത്താൻപൂർ ജില്ലയിലെ എക്സ്പ്രസ് വേയിൽ നിർമ്മിച്ച 3.2 കിലോമീറ്റർ നീളമുള്ള എയർസ്ട്രിപ്പിൽ ഇന്ത്യൻ വ്യോമസേനയുടെ വ്യോമാഭ്യാസത്തിനും പ്രധാനമന്ത്രി സാക്ഷ്യം വഹിക്കും.
പൂർവാഞ്ചൽ എക്സ്പ്രസ് വേയുടെ നീളം 341 കിലോമീറ്ററാണ്. ഇത് ലഖ്‌നൗ-സുൽത്താൻപൂർ റോഡിൽ (ദേശീയ പാത -731) സ്ഥിതി ചെയ്യുന്ന ചൗദ്സാരായി ഗ്രാമത്തിൽ നിന്ന് ആരംഭിച്ച് യുപി-ബിഹാർ അതിർത്തിയിൽ നിന്ന് 18 കിലോമീറ്റർ കിഴക്കായി ദേശീയ പാത നമ്പർ 31-ൽ സ്ഥിതി ചെയ്യുന്ന ഹൈദരിയ ഗ്രാമത്തിൽ അവസാനിക്കുന്നു. എക്സ്പ്രസ് വേ 6-വരി വീതിയുള്ളതാണ്, അത് ഭാവിയിൽ 8-വരിയായി വികസിപ്പിക്കാം. ഏകദേശം 22500 കോടി രൂപ ചെലവിൽ നിർമ്മിക്കപ്പെട്ട പുർവാഞ്ചൽ എക്‌സ്‌പ്രസ്‌വേ ഉത്തർപ്രദേശിന്റെ കിഴക്കൻ ഭാഗത്തിന്റെ പ്രത്യേകിച്ച് ലഖ്‌നൗ, ബരാബങ്കി, അമേഠി, അയോധ്യ, സുൽത്താൻപൂർ, അംബേദ്കർ നഗർ, അസംഗഡ്, മൗ ,ഗാസിപൂർ എന്നീ ജില്ലകളുടെ സാമ്പത്തിക വികസനത്തിന് ഉത്തേജനം നൽകും.
*****
(Release ID: 1771846)
Visitor Counter : 244
Read this release in:
English
,
Urdu
,
Marathi
,
Hindi
,
Manipuri
,
Bengali
,
Assamese
,
Punjabi
,
Gujarati
,
Odia
,
Tamil
,
Telugu
,
Kannada