ପ୍ରଧାନମନ୍ତ୍ରୀଙ୍କ କାର୍ଯ୍ୟାଳୟ
ଅଷ୍ଟାଦଶ ଭାରତ-ଏସିଆନ ଶିଖର ବୈଠକରେ ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀଙ୍କ ମନ୍ତବ୍ୟ
प्रविष्टि तिथि:
28 OCT 2021 2:29PM by PIB Bhubaneshwar
ମହାମହିମଗଣଙ୍କୁ ନମସ୍କାର !
ଚଳିତବର୍ଷ ଆମେ ଆମର ପାରମ୍ପରିକ ସାମୂହିକ ଫଟୋ ଭର୍ଚୁଆଲ ପଦ୍ଧତିରେ ନେଇଛୁ । ମାତ୍ର ଆମେ ଆମର ଭାରତ-ଏସିଆନ ଶିଖର ସମ୍ମିଳନୀର ପରମ୍ପରାକୁ ବଜାୟ ରଖିଛୁ । ୨୦୨୧ ଏସିଆନ ଶିଖର ସମ୍ମିଳନୀରେ ଅଧ୍ୟକ୍ଷତା କରିଥିବା ମହାମହିମ ବ୍ରୁନେଇର ସୁଲତାନଙ୍କୁ ମୁଁ ଅଭିନନ୍ଦନ ଜଣାଉଛି ।
ମହାମହିମ,
କୋଭିଡ-୧୯ ମହାମାରୀ ଯୋଗୁଁ ଆମେ ଅନେକ ଆହ୍ୱାନର ସମ୍ମୁଖୀନ ହୋଇଛୁ । ଗୋଟେ ଦୃଷ୍ଟିରୁ କହିବାକୁ ଗଲେ ଏପରି ଆହ୍ୱାନମୂଳକ ସମୟ ଭାରତ-ଏସିଆନ ବନ୍ଧୁତ୍ୱ ପାଇଁ ମଧ୍ୟ ସମାନ । ଆମର ଆପୋଷ ସହଯୋଗ ଓ ସମବେଦନା ଯାହା କୋଭିଡ୍ ସମୟରୁ ରହିଆସିଛି ତାହା ବଳବତ୍ତର ରହି ଭବିଷ୍ୟତରେ ଆମର ସମ୍ପର୍କକୁ ଦୃଢ କରିବା ସହ ଆମର ଜନସାଧାରଣଙ୍କ ନିମନ୍ତେ ମଧ୍ୟ ସଦ୍ଦିଛାର ମାଧ୍ୟମ ହେବ । ଭାରତ ଓ ଏସିଆନ ସମ୍ପର୍କ ହଜାର ହଜାର ବର୍ଷର, ଇତିହାସ ତା’ର ମୁକସାକ୍ଷୀ । ଏହା ଆମର ସଂସ୍କୃତି, ପାରସ୍ପରିକ ମୂଲ୍ୟବୋଧ, ପରମ୍ପରା, ଭାଷା, ପୁସ୍ତକ, ସ୍ଥାପତ୍ୟ, ଖାଦ୍ୟପେୟରେ ପ୍ରତିଫଳିତ । ସେ ଦୃଷ୍ଟିରୁ ଭାରତ ପାଇଁ ଏସିଆନ ଏକତା ଆମର ଏକାନ୍ତ କାମ୍ୟ । ଏସିଆନର ସ୍ୱତନ୍ତ୍ର ଭୂମିକା, ଭାରତର ଆକ୍ଟ ଇଷ୍ଟ ନୀତି ଆମର ସୁରକ୍ଷା ଓ ଅଭିବୃଦ୍ଧି ବା ସାମୁଦ୍ରିକ ନୀତି ସହ ସଂଶ୍ଳିଷ୍ଟ । ଭାରତରେ ଭାରତ-ପ୍ରଶାନ୍ତ ମହାସାଗରୀୟ ପଦକ୍ଷେପ ଓ ଏସିଆନ ଭାରତ-ପ୍ରଶାନ୍ତ ମହାସାଗରୀୟ ନୀତିରେ ଏହି ଅଞ୍ଚଳର ଶାନ୍ତି ସହାବସ୍ଥାନ ନେଇ ଅନେକ ସାମାଞ୍ଜସ୍ୟ ରହିଛି ।
ମହାମହିମ ଗଣ,
୨୦୨୨ ମସିହା ଆମ ଭାଗିଦାରୀତାର ୩୦ବର୍ଷ ପୂରଣ କରିବ । ଭାରତ ମଧ୍ୟ ନିଜର ସ୍ୱାଧୀନତାର ୭୫ବର୍ଷ ପୂରଣ କରିବ । ମୁଁ ଖୁବ୍ ଖୁସି ଯେ ଆମେ ଭାରତ-ଏସିଆନ ବନ୍ଧୁତ୍ୱର ସଫତଳାର ମାଇଲଖୁଣ୍ଟ ବର୍ଷକୁ ପାଳନ କରିବା । କାମ୍ବୋଡିଆର ଆଗାମୀ ଅଧ୍ୟକ୍ଷତା ଓ ସଂଯୋଜକ ସିଙ୍ଗାପୁରର ମିଳିତ ଏସିଆନ ଶକ୍ତିକୁ ଅଧିକ ଶକ୍ତିଶାଳୀ କରିବା ନିମନ୍ତେ ଆମେ ଅଙ୍ଗୀକାରବଦ୍ଧ । ମୁଁ ଆପଣମାନଙ୍କ ମତାମତ ଶୁଣିବା ଅପେକ୍ଷାରେ ରହୁଛି ।
ଅଶେଷ ଧନ୍ୟବାଦ ।
*****
SM / SLP
(रिलीज़ आईडी: 1767250)
आगंतुक पटल : 328
इस विज्ञप्ति को इन भाषाओं में पढ़ें:
Marathi
,
हिन्दी
,
Punjabi
,
Gujarati
,
Tamil
,
Telugu
,
Kannada
,
Malayalam
,
Assamese
,
English
,
Urdu
,
Bengali
,
Manipuri