হকশেল অমসুং য়াইফ-য়ুম্বাল মন্ত্রালয়
azadi ka amrit mahotsav

পি.এম. আয়ুশ্মান ভারত হেল্থ ইনফ্রাস্ত্রকচর মিসন

পি.এম. শ্রী নরেন্দ্র মোদীনা ‘ফ্রোম তোকন তু তোতেল’ এপ্রোচকী মখাদা ঐখোয়দা কম্প্রিহেন্সিব হেল্থকিয়রগী ভিজন ফংহনখ্রে: দা. মনসুখ মন্দাবিয়া

“ঐখোয়না ব্লোক, জিলা, রাজ্য অমসুং নেস্নেলগী থাকশিংদা অহোংবা অমসুং ক্বালিতী লৈবা হেল্থকিয়র ফংহন্নবা অপনবা লৈতনা কনেক্ত তৌবগা লোয়ননা ‘সেচ্যুরেসন এপ্রোচ’ অমগা লোয়ননা ঐখোয়না থবক তৌরি”

“স্বস্থ দেশ সমৃদ্ধ দেশ: মশা-মউ ফবা লৈবাক খক্তনা অফবা মহৈ ফংবা লৈবাক অমা ওইগনি”

“অমব্রেলা পান-ইন্দিয়া আয়ুশ্মান ভারতনা প্রাইমরী, সেকেন্দরী, তর্স্যরী, দিজিতেল অমসুং মপাঙ্গল লৈবা হেল্থকিয়র সিস্তেম ফংহল্লি”

“ভারত অসি কন্তেনর-বেজ হোস্পিতাল অনি লৈবা এসিয়াগী ওইনা অহানবা লৈবাক ওইরি”

Posted On: 26 OCT 2021 3:39PM by PIB Imphal

“প্রধান মন্ত্রী শ্রী নরেন্দ্র মোদীজীনা ‘ফ্রোম তোকন তু তোতেল’ এপ্রোচকী মখাদা ঐখোয়দা কম্প্রিহেন্সিব হেল্থকিয়রগী ভিজিন ফংহনখ্রে। ঐখোয়না ব্লোক, জিলা, রাজ্য অমসুং নেস্নেলগী থাকশিংদা অহোংবা অমসুং ক্বালিতী লৈবা হেল্থকিয়র ফংহন্নবা অপনবা লৈতনা কনেক্ত তৌবগা লোয়ননা ‘সেচ্যুরেসন এপ্রোচ’ অমগা লোয়ননা ঐখোয়না থবক তৌরি”। মসি ঙরাং উত্তর প্রদেশকী বরানাসিদা প্রধান মন্ত্রীনা হৌদোকখিবা পি.এম. আয়ুশ্মান ভারত হেল্থ ইনফ্রাস্ত্রকচর মিসনগী মতাংদা মীদিয়া কনফরেন্স অমদা হকশেল অমসুং য়াইফ-য়ুম্বাল মন্ত্রালয়গী কেন্দ্র মন্ত্রী দা. মনসুখ মন্দাবিয়ানা ৱা ঙাংবদা ফোঙদোকখিবনি। থৌরম অদুদা হকশেল অমসুং য়াইফ-য়ুম্বাল মন্ত্রালয়গী কেন্দ্রগ রাজ্য মন্ত্রী, দা, ভারতি প্রভিন পাৱরসু শরুক য়াখি।

লুপা করোর ৬৪,১৮০গী আউতলে অমগা লোয়ননা ২০২১-২২গী বজেদতা লাউথোকখিবা পি.এম. আয়ুশ্মান ভারত হেল্থ ইনফ্রাস্ত্রকচর মিসন অসি পব্লিক হেল্থকী থোরক্লিবা সমস্যাশিং কোকহন্নবা ভারতকী কেপাসিতীদা মথৌ তাবা মপাঙ্গল অমা হাপ্নবা পান্দম থমখিবা খ্বাইদগী চাউবা পান-ইন্দিয়া হেল্থ ইনফ্রাস্ত্রকচর স্কীম অমনি। মসিনা ভারতকী হেল্থকিয়র ইনফ্রাস্ত্রকচরদা অহোংবা অমা পুরক্লগনি অমসুং হেন্না মপাঙ্গল লৈবা ওইহল্লগনি।

চাউখৎ-থৌরাং অমসুং হকশেল অসি করম্না অমগা অমগী মরক্তা মরী লৈনবগে হায়বগী মতাংদা অকনবা ৱাফম থমলদুনা মহাক্না ফোঙদোকখি মদুদি “লৈবাক অমা হেক্তনা নুংঙাই য়াইফবা ওইনবা অহানবদা মশা-মউ ফবা মথৌ তাই”। পান্দম অসি ফংনবা মাইকৈদা হকচাং ফনা থম্নবা মথৌ তাবা অমদি হোলিস্তিক ওইবা মওংদা সমস্যাশিং কোকহন্নবা স্বচ্ছ ভারত অভিয়ান, ফিত ইন্দিয়া, খেলো ইন্দিয়া অমসুং য়োগা অসিগুম্বা স্কীমশিং হৌদোকখিবা প্রধান মন্ত্রী শ্রী নরেন্দ্র মোদীগী অশানবা মীৎয়েং অসিগী মতাংদা পনখি। কেন্দ্রগী হকশেল মন্ত্রীনা হায়খি “মশা-মউ ফবা লৈবাক খক্তনা অফবা মহৈ ফংবা লৈবাক অমা ওইগনি- স্বস্থ দেশ সমৃদ্ধ দেশ। অমব্রেলা পান-ইন্দিয়া আয়ুশ্মান ভারতনা প্রাইমরী, সেকেন্দরী, তর্সিয়রী, দিজিতেল অমসুং মপাঙ্গল লৈবা হেল্থকিয়র সিস্তেম ফংহল্লি মসিনা লৈবাক অসিনা তুংলমচৎতা লাইচৎশিংগী শীংনবশিং মায়োক্ননবা শেম শাহনগনি। আয়ুশ্মান ভারত-হেল্থ এন্দ ৱেলনেস সেন্তরশিং ইং কুমজা ২০১৮গী এপ্রিলদা হৌদোকখি, মতুংদা ইং কুমজা ২০১৮গী সেপ্তেম্বরদা আয়ুশ্মান ভারত – পি.এম.জে.এ.ৱাই. হৌদোকখি। আয়ুশ্মান ভারত দিজিতেল মিসন অসি চহি অসিগী সেপ্তেম্বরদা হৌদোকখি, অমরোমদা হেল্থ ইনফ্রাস্ত্রকচর মপাঙ্গল হাপ্নবা পান-ইন্দিয়া স্কীম – পি.এম. আয়ুশ্মান ভারত হেল্থ ইনফ্রাস্ত্রকচর মিসন – ঙরাং হৌদোকখি। থৌরাংশিং অসিনা মীয়াম পুম্বদা অহোংবা, ক্বালিতী লৈবা অমসুং হেল্থকিয়র ফংহনগনি হায়না মহাক্না মখা তাখি। মখোয়না প্রজাশিংদা তঙাই ফদবা দাইগ্নোস্তিক অমসুং লায়েং পীনবা সর্ভিসশিং পীনবা য়ুনিভর্সেল এক্সেসসু ফংহনগনি অমদি খুঙ্গা অমদি শহরগী মফমশিংদা লৈরিবা মীয়ামদা খুদোংচাবা ফংহনগনি। “ঙসি খ্বাইদগী লায়রবা মীওইদা আয়ুশ্মান ভারত – পি.এম.জে.এ.ৱাই.গী খুত্থাংদা মমিং লৈবা হোস্পিতালশিংদা অতৈনা ফংবা চপ মান্নবা ক্বালিতী লৈবা হেল্থকিয়র ফংলি”, হায়না মহাক্না ফোঙদোখি।

হীরম অসিদা কেন্দ্রগী হকশেল মন্ত্রালয়না পাইখৎপা অকনবা খোঙথাংশিংগী মতাংদা ফোঙদোক্লদুনা দা. মন্দাবিয়ানা হায়খি অফবা প্রাইমরী হেল্থকিয়র ফেসিলিতীশিং ফংবা ঙম্নবা আয়ুশ্মান ভারত হেল্থ এন্দ ৱেলনেস সেন্তর ১,৫০,০০০ হাংদোক্নবা শেম-শাখি, মসিগী মনুংদা ৭৯,০০০দি হান্নদগী মথৌ তৌবা হৌখ্রে। মসিগী মথক্তা জিলা খুদিংমক্তা য়ামদ্রবদা মেদিকেল কোলেজ অমা থম্নবা থবক হৌখ্রে লোয়ননা মসিগীদমক সরকারনা হান্নদগী মেদিকেল কোলেজ ১৫৭ সেঙ্কসন তৌখ্রে। “মসিনা পব্লিক হেল্থ ইমর্জেন্সী অমা হেক্তা থোরকপা মতমদা থেংনবা ঙম্নবা ফ্রন্তলাইন হেল্থ ৱর্কফোর্স অমা শেমগৎলগনি”, হায়না কেন্দ্রগী হকশেল মন্ত্রীনা মখা তাখি। মীপুম খুদিংদা শাফবা, কম্প্রিহেন্সিব ওইবা, অহোংবা অমদি লায়না হেল্থকিয়র ফংহন্নবা প্রধান মন্ত্রীগী ভিজন অদুনা এম্স নেতৱর্ক্কী হৌজিক লৈরিবা হোস্পিতাল ৭ অসি ২২দা হেনগৎহন্নবা লৌহনখিবা ৱারেপকী মতাংদা মহাক্না ফোঙদোকখি।

খুদোংথিববু খুদোংচাবদা ওন্থোকপগী ভারতকী লালোংগী মতাংদা ৱা ঙাংলদুনা দা. মন্দাবিয়ানা হায়খি, “লেবোরেতোরীশিং, হোস্পিতালশিং অমসুং দাইগ্নোস্তিক ফেসিলিতীশিং য়াওনা হেল্থকিয়রগী থাক পুম্নমক্তা হেল্থকিয়র ফেসিলিতীশিং মপাঙ্গল কনখৎহন্নবা খুদোংচাবা অমা কোবিদ-১৯না ঐখোয়দা পীখি”।

পি.এম. আয়ুশ্মান ভারত হেল্থ ইনফ্রাস্ত্রকচর মিসনগী মরু ওইবা মওং-মতৌ খরা পল্লদুনা কেন্দ্রগী হকশেল মন্ত্রীনা হায়খি জিলাগী থাক্তা লেম্না তেস্ত মখল ১৩৪ তৌবা অসিনা শেল তিংহনদবতা নত্তনা লায়রবা মীয়ামগী খুদোংচাদবশিংসু হন্থহল্লগনি। অনিশুবদা এসিয়াদা অহানবা ওইনা কম্প্রিহেন্সিব মেদিকেল ফেসিলিতীশিং য়াওবা কন্তেনর বেজ হোস্পিতাল অনি শেম-শাদুনা থম্লগনি হায়বরিবা অসি রেল নত্ত্রগা এয়রগী খুত্থাংদা লায়না মোবিলাইজ তৌদুনা লৈবাক অসিদা থোরকপা খুদোংথিবদা শীজিন্নগনি।

https://static.pib.gov.in/WriteReadData/userfiles/image/image001S3EY.jpg

পি.এম. আয়ুশ্মান ভারত হেল্থ ইনফ্রাস্ত্রকচর মিসন্না পব্লিক হেল্থ আউতব্রেকশিংগী মেনেজমেন্ত তৌবদা ভারতপু পব্লিক হেল্থতা মপাঙ্গল কনখৎহন্দুনা লিপফ্রোগিং তৌদুনা মালেমগী ওইনা খ্বাইদগী মাংজিল থারিবা লৈবাকশিংগী মনুংদা অমা ওইহন্নবা পান্দম থমখি। নেস্নেল প্লেতফোর্ম ফোর ৱান হেল্থ লিংখৎপা, দিবিজন ফোর রিসর্চ ওন ইলিমিনেসন সাইন্সেস এন্দ হেল্থ অমা নেস্নেল এদস রিসর্চ ইন্সতিত্যুতকী সেতলাইৎ সেন্তর অমা ওইনা লিংখৎপা, রিজনেল এন.আই.ভি.শিং লিংখৎপা, হৌজিক লৈরিবা নেস্নে রিসর্চ ইন্সতিত্যুসনশিং, এন.সি.দি.সি. অমসুং হৌজিক লৈরিবা লেবোরেতরী ইনফ্রাস্ত্রকচর মপাঙ্গল কনখৎহনবা, লেবশিং অপগ্রেদ তৌবা অমসুং আই.সি.এম.আর. অমসুং এন.সি.দি.সি.গী মখাদা অহেনবা বি.এস.এল.-৩ ফেসিলিতীশিং শেমগৎপা অসিগুম্বা কম্পোনেন্তশিং অসিনা লৈবাক অসিনা অনৌবা লাইনাশিং ঙদোক্নবা অমসুং দাইগ্নোস তৌনবা কেপাসিতী মপাঙ্গল কনখৎহল্লগনি।

থৌরাং তৌদুনা লৌখৎপা খোঙথাংশিং অসিনা নোভেল পেথোজেনশিং অমসুং বাইওলোজিকেলগী ওইবা খুদোংথিবশিং দাইগ্নোসিস অমদি রিসর্চ তৌবা, ফোরেন পার্তনরশিং অমসুং লেবোরেতোরীশিংদা মীপাল তাংবা হন্থহন্নবা ত্রেন তৌরবা মেনপাৱর মরাং কাইনা লৈহনবা ঙমগনি।

স্কীম অসিগী মখাদা প্রপোজ তৌখিবগী মতুং ইন্না জিলা ৬০২দা ক্রিতিকেল কিয়র হোস্পিতাল ব্লোক শেমগৎপনা অতৈ তঙাই ফদবা হেল্থ সর্ভিসেসতা অপনবা অমত্তা থোকহন্দনা লৌনগনবা লাইনশিংগী কম্প্রিহেন্সিব ওইবা লায়েং ফংহনবদা জিলাশিং অদু চাউনা মীপাল তাংদবা ঙমহল্লগনি অমসুং পব্লিক হেল্থ ফেসিলিতীশিংগী ক্রিতিকেল কিয়র কেপাসিতী হেনগৎহল্লগনি।

পোইন্ত ওফ এন্ত্রী মপাঙ্গল কনখৎহন্নবা থৌরাংশিংনা অনৌবা লৌনগনবা লাইনশিং অমসুং পেথোজেনশিং ইম্পোর্ত তৌরকপদা ঐখোয়গী ঙমখৈশিংদা রিং ফেন্স লৈহল্লগনি। হেল্থ ইমর্জেন্সী ওপরেসন সেন্তরশিং অমসুং কন্তেনর বেজ মোবাইল হোস্পিতালশিংনা অসিগুম্বা মতমশিংদা নীংথিনা ইমর্জেন্সী রেস্পোন্স পাইখৎপা ঙম্নবা কেপাসিতীশিং হেনগৎহল্লগনি।

ইন্তিগ্রেতেদ হেল্থ ইনফোর্মেসন প্লেতফোর্ম (আই.ঐচ.আই.পি.)গী খুত্থাংদা অচৌবা আই.তি.দা য়ুম্ফম ওইবা রিপোর্তিং মেকানিজম অম না ঙাকলৌ পীবা নেস্নেল, রিজনেল, রাজ্য, জিলা অমসুং ব্লোক লেবেল লেবোরেতোরীশিং অসি সর্ভিলেসন্স ফঙ্কসনশিংগী নেতৱর্ক অমা ওইনা ইন্তিগ্রেতেদ তৌবা অসিনা লাইনা শন্দোরকপদা খঙদোক্নবা, ঙাকথোক্নবা অমসুং লাকশিন্নবা মরোমদোম লেপচবা ঙমহনগনি।

****



(Release ID: 1766794) Visitor Counter : 99