কেবিনেৎ কম্মিতী ওন ইকোনোমিক এফিয়র্স (সি.সি.ই.এ.)না থবক তৌবা হৌনবা, থবক পায়খৎনবা, য়েংশিন্নবা ইন্সতিত্যুসনেল ফ্রেমৱর্ক অমসুং মলতি-মোদেল কন্নেক্তিবিতী পীনবা সপ্পোর্ত মেকানিজম য়াওনা পি.এম. গতী শক্তি নেস্নেল মাস্তর প্লানগী অয়াবা পীখ্রে।

ইকায়খুম্ননীংঙাই ওইরবা প্রধান মন্ত্রীনা ওক্তোবর ১৩, ২০২১দা মলতি মোদেল কন্নেক্তিবিতীগী পি.এম. হতী শক্তি এন.এম.পি. হৌদোকখি। থবক পায়খৎপগী ফ্রেমৱর্ক্কী মনুংদা তঙাই ফদবা তেক্নিকেলগী মগুনগা লোয়নবা ইম্পাৱর্দ গ্রুপ ওফ সেক্রেতরীজ (ই.জি.ও.এস.), নেতৱর্ক প্লান্নিং গ্রুপ (এন.পি.জি.) অমসুং তেক্নিকেল সপ্পোর্ত য়ুনিৎ (তি.এস.য়ু.) য়াওরি।

ই.জি.ও.এস. অসি কেবিনেৎ সেক্রেতরীনা লুচিংগনি অমসুং মন্ত্রালয় ১৮গী সেক্রেতরীশিংনা মেম্বর ওইনা অমসুং লোজিসতিক্স দিভিজনগী মকোকশিংনা কনভেনর ওইনা য়াওগনি। ই.জি.ও.এস. অসি লোজিস্তিক্স ইফিসিএন্সী লৈহন্দুনা পি.এম. গতীশক্তি এন.এম.পি.বু য়েংশিন্নবা অমসুং থবক পায়খৎপগী থৌওং শেন্ননবা শেম্বনি। এন.এম.পি.দা মখা তাবা এমেন্দমেন্ত হাপ্নবা কাঙলোন অমসুং ফ্রেমৱর্ক শেম্বগী থৌদাংশিং মখোয়দা শিন্নরে। ই.জি.ও.এস.না তোঙান-তোঙানবা থবক-থৌরমশিং পুন্সিন্নবা তং-তাবা ফ্রেমৱর্ক অমসুং থৌওং পাংথোকপগী থবকসু পায়গনি অমসুং ইনফ্রাস্ত্রকচর চাউখৎহন্নবা খোঙথাংশিংবু অমত্তা ওইনা শিজিন্ননবা পুন্সিল্লবা দিজিতেল প্লেৎফোর্মগী মনুং চলহনবগী থবকসু পায়গনি। ই.জি.ও.এস.না দিমান্দ সাইদ থেংনবা ঙম্নবা তঙাই ফদবা থবকশিং য়েংশিনবগা লোয়ননা স্তীল, কোয়লা, ফর্তিলাইজরনচিংবা মন্ত্রালয়গী তঙাই ফদবগী মতুং ইন্না বল্ক গুদশিং পুথোক-পুশিন তৌবদা নীংথিনা পাংথোকপগী থৌওংসু মখোয়না শেন্নগনি।

সি.সি.ই.এ.না মরী লৈনবা ইনফ্রাস্ত্রকচরগী মন্ত্রালয়শিংগী নেতৱর্ক প্লান্নিং ৱিংগী মকোকশিং য়াওবা নেতৱর্ক প্লান্নিং গ্রুপ (এন.পি.জি.) শেম্বা অমসুং তান্নবগী হীরম শেম্বগী অয়াবসু পীখ্রে অমসুং মসিনা ই.জি.ও.এস.তা অমুক তেংবাংগনি।

মখা তারকপদা, নেতৱর্কশিংবু অমত্তা ওইনা পুন্সিনবদা, মাইক্রোফাইনান্স ইন্দস্ত্রী-প্লান দিতেল্লিংগী খুত্থাংদা লোজিস্তিক্সকী শেল চঙবা হন্থহনবগা লোয়ননা মফম অমবু অপুনবা ওইনা চাউখৎহনবগী থবকশিংদা হঞ্জিনবা থোকপগী থৌওং থোক্তনবা হোৎনবদা থেংনবা খুদোংচাদবশিং কয়া য়েংদুনা তেক্নিকেল সপ্পোর্ত য়ুনিৎ (তি.এস.য়ু.)বু মরী লৈনবা থবকশিং পায়খৎপগী অয়াবা পীখ্রে। তি.এস.য়ু.গী মওং-মতৌবুসু অয়াবা পীখ্রে। তি.এস.য়ু.দা এভিএসন, মেরিতাইম, পব্লিক ত্রান্সপোর্ত, রেল, রোদ অমসুং হাইৱে, হিথাংফম্নচিংবা তোঙান-তোঙানবা ইনফ্রাস্ত্রকচর সেক্তরশিংগী দোমেন এক্সপর্তশিং অমসুং  অর্বান অমসুং ত্রান্সপোর্ত প্লান্নিং, স্ত্রকচর (রোদ, ব্রিজ এন্দ বিলদিং), পাৱর, পাইপ্লাইন, জি.আই.এস., আই.সি.তি., ফাইনান্স/মার্কেত পি.পিউ.পি., লোজিস্তিক্স, দেতা এনালাইতিক্সকী সবজেক্ত মেত্তর এক্সপর্ত (এস.এম.ই.) লৈগনি।

পি.এম. গতীশক্তি এন.এম.পি. অসি দিপার্তমেন্তেল সাইলো থুগায়নবা অমসুং মলতি মোদেল কন্নেক্তিবিতী অমসুং লাস্ত মেইল কন্নেক্তিবিতীগী শিংনবশিং য়েংশিন্নবা মিৎয়েংগা লোয়ননা থৌরাং য়াৎপদা হীরম খুদিং য়াওহন্দুনা প্রোজেক্তশিং পাংথোকপা ঙম্নবা পান্দম থম্লি। মসিনা কঞ্জ্যুমর, লৌমী, নহা অমসুং কারবার তৌবা মীওইশিংদা য়াম্না কান্নবা পীগনি।

অয়বা পীখিবা অসিগা লোয়ননা পি.এম. গতীশক্তিবু মখা তানা মাই পাক্না চত্থবা ঙমগনি অমসুং লৈবাক্কী ইনফ্রাস্ত্রকচর চাউখৎহন্নবা অপুনবা হীরমশিং মনুং চনবা প্লান্নিং তৌবগী ফ্রেমৱর্ক অমসু মসিনা লৈহনগনি।

অয়াবা পীখিবা অসিগা লোয়ননা, পি.এম. গতীশক্তিনা তোঙানবা স্তেকহোলদরশিংবু অমত্তা ওইনা পুন্সিনগনি অমসুং ত্রান্সপর্তকী তোঙানবা পাম্বৈশিংবু পুন্সিনবদা তেংবাংগনি। মলতি মোদেল কন্নেক্তিবিতীগী পি.এম. গতীশক্তি এন.এম.পি.না ভারতকী মীয়াম, ইন্দস্ত্রী, মেন্যুফেকচরর অমসুং লৌমীশিংগী ওইবা অপুনবা লৈঙাক্কী মওং অমা কেন্দ্রদা পুরকপা ঙমগনি।

*********