প্রধানমন্ত্রীগী লোইশঙ

পি.এম.না এম্স ন্যু দিল্লীগী ঝজ্জর কেম্পসতা লৈবা নেস্নেল কেন্সর ইন্সতিত্যুত্তা ইনফোসিস ফাউন্দেসন বিশ্রাম সদন শঙ্গাখ্রে

পি.এম.না সর্ভিস অসিগীদমক এম্স মেনেজমেন্ত অমসুং সুধা মুর্তীগী তীমদা তৌবীমল খঙবা উৎখ্রে

“চহি ১০০দা থেংনবা খ্বাইদগী চাউবা লাইচৎ অসি লাকশিন্নবা হৌজিক করোর ১০০গী ভেক্সিন দোজ কাপখিবনা লৈবাক অসিদা মপাঙ্গল কনবা চুঙ্গোই অমা লৈরে। মাইপাকপা অসি ভারত অমসুং মাগী প্রজাশিংগীনি”

“ভারতকী কোর্পোরেত সেক্তর, প্রাইবেৎ সেক্তর, সোসিএল ওর্গনাইজেসনশিংনা লৈবাক অসিগী হেল্থ সর্ভিসেস মপাঙ্গল কনখৎহন্নবা লেপ্তনা মতেং পাংদুনা লাকখি”

Posted On: 21 OCT 2021 11:49AM by PIB Imphal

প্রধান মন্ত্রী, শ্রী নরেন্দ্র মোদীনা ঙসি ভিদিও কনফরেন্সকী থোংদা এম্স ন্যু দিল্লীগী ঝজ্জর কেম্পসতা লৈবা নেস্নেল কেন্সর ইন্সতিত্যুত্তা ইনফোসিস ফাউন্দেসন বিশ্রাম সদন শঙ্গাখ্রে।

থৌরম অসিদা ৱা ঙাংলদুনা প্রধান মন্ত্রীনা হায়খি ঙসিগী অসি পুরারী ওইহৌরগদবা নুমিৎ অমনি মরমদি ভারতনা ভেক্সিন দোজ করোর ১০০গী পন্দুপ হেনবা ঙমখ্রে। চহি ১০০দা থেংনবা খ্বাইদগী চাউবা লাইচৎ অসি লাকশিন্নবা হৌজিক করোর ১০০গী ভেক্সিন দোজ কাপখিবনা লৈবাক অসিদা মপাঙ্গল কনবা চুঙ্গোই অমা লৈরে। মাইপাকপা অসি ভারত অমসুং মাগী প্রজাশিংগীনি হায়না প্রধান মন্ত্রীনা ফোঙদোকখ্রে।

প্রধান মন্ত্রীনা লৈবাক অসিগী ভেক্সিন শারিবা কম্পনী পুম্নমক, ভেক্সিন পুথোক-পুশিন তৌরিবা শিন্মীশিং, ভেক্সিন দিবেলপ তৌবগী থবক তৌরিবা হেল্থ সেক্তরগী প্রোফেস্নেলশিংদা তৌবীমল খঙবা উৎখ্রে।

প্রধান মন্ত্রীনা হায়খি ঙসি এম্স ঝজ্জরদা কেন্সর লায়েংনবা লাকপা অনাবশিংদা চাউনা খুদোংচাবা অমা ফংলে। নেস্নেল কেন্সর ইন্সতিত্যুত্তা শাখিবা বিশ্রাম সদন অসিনা অনাবশিং অমসুং মখোয়গী মরী-মতাশিংগী অৱাবং হন্থহল্লগনি, হায়না মহাক্না ফোঙদোকখি।

প্রধান মন্ত্রীনা ইনফোসিস ফাউন্দেসন্না বিশ্রাম সদনগী বিল্দিং অসি শাখিবা অমসুং এম্স ঝজ্জরনা মসিগীদমক লম অমসুং মৈ-ঈশিং পুথোকখিবগীদমক থাগৎপা ফোঙদোকখ্রে। মহাক্না সর্ভিস অসিগীদমক এম্সকী মেনেজমেন্ত অমসুং সুধা মুর্তিজীগী তীমবু তৌবীমল খঙবা উৎখ্রে।

মন্ত্রীনা হায়খি ভারতকী কোর্পোরেত সেক্তর, প্রাইবেৎ সেক্তর, সোসিএল ওর্গনাইজেসনশিংনা লৈবাক অসিগী হেল্থ সর্ভিসেস মপাঙ্গল কনখৎহন্নবা লেপ্তনা মতেং পাংদুনা লাকখি। আয়ুশ্মান ভারত – পি.এম.জে.এ.ৱাই. অসিসু মসিগী অচৌবা খুদম অমনি হায়না মহাক্না ফোঙদোকখ্রে।

প্রধান মন্ত্রীনা হায়খি, আয়ুশ্মান ভারত স্কীমগী মখাদা অনাবনা লেম্না লায়েং ফংবা মতমদা মহাকপু শেবা তৌবগী থবক অদু মাইপাকই। মসিগী শেবা অসিনা মরম ওইরগা সরকারনা কেন্সরগী হীদাক ৪০০রোমগী মমল হন্থহন্নবা খোঙথাং লৌখৎপা ঙমহনখি, হায়না প্রধান মন্ত্রীনা ফোঙদোকখ্রে।

***



(Release ID: 1765510) Visitor Counter : 73